రాష్ట్ర స్థాయి ఖోఖో పోటీలకు జిల్లా విద్యార్థులు

రాష్ట్ర స్థాయి ఖోఖో పోటీలకు జిల్లా విద్యార్థులు

గజపతినగరం: మండలంలోని మరుపల్లి జిల్లా పరిషత్‌ ఉన్నత పాఠశాలలో జరిగిన అండర్‌ 14, 17 ఖోఖో క్రీడా పోటీల్లో రాష్ట్ర స్థాయి పోటీలకు విద్యార్థులను ఎంపిక చేశారు. ఈ పోటీల్లో ఉమ్మడి జిల్లాల నుంచి సుమారు 500 మంది విద్యార్థులు పోటీ పడ్డారు. వీరిలో అండర్‌ 14 బాలికల విభాగం నుంచి 24 మంది, అండర్‌ 17 బాలుర విభాగం నుంచి 24 మంది విద్యార్థులు రాష్ట్ర స్థాయి పోటీలకు ఎంపికై నట్టు పాఠశాల హెచ్‌ఎం వి.నాగమణి బుధవారం తెలిపారు. అండర్‌ 17లో ఎంపికై న వారంతా అనకాపల్లి జిల్లా తుంపాలలో నవంబరు 2, 3 తేదీల్లో జరగనున్న రాష్ట్ర స్థాయి పోటీల్లో జిల్లా తరఫున పాల్గొంటారని తెలిపారు. అండర్‌ 14 విభాగంలో ఎంపికై న వారంతా పల్నాడులో నవంబరు 7, 8, 9 తేదీల్లో జరిగే రాష్ట్ర స్థాయి పోటీల్లో పాల్గొంటారని తెలిపారు. వీరిని సర్పంచ్‌ లెంక రామలక్ష్మి, పాఠశాల సిబ్బంది, వ్యాయామ ఉపాధ్యాయులు అభినందించారు.