27న జిల్లా స్థాయి సంప్రదాయ జానపద పోటీలు

నెల్లిమర్ల: స్థానిక వేణుగోపాలపురం డైట్‌లో ఈ నెల 27న జిల్లా స్థాయి బాలరంగ్‌ సంప్రదాయ జానపద నృత్య పోటీలు నిర్వహించనున్నట్టు డైట్‌ ప్రిన్సిపాల్‌ జి.పగడాలమ్మ గురువారం ఒక ప్రకటనలో తెలిపారు. ప్రభుత్వ పాఠశాలల్లో 8, 9, 10 తరగతులు, ప్రభుత్వ జూనియర్‌ కళాశాలలో ఇంటర్మీడియట్‌ చదువుతున్న విద్యార్థులు పోటీల్లో పాల్గొనేందుకు అర్హులన్నారు. తప్పెటగుళ్లు, కర్రసాము, చెంచులవేట, థింసా, జాలరి, బంజారా వంటి జానపద నృత్య పోటీల్లో తలపడాలన్నారు. 10 మందికి మించి గ్రూప్‌గా ఉండరాదన్నారు. నిడివి పది నిమిషాలు మాత్రమే ఉండాలని, అలాగే, ప్రత్యక్ష సంగీతం మాత్రమే అనుమతిస్తామన్నారు. పోటీల్లో పాల్గొనే వారు వివరాల కోసం పి.రవికుమార్‌ (సెల్‌:79893 50244), కె.సూర్యారావు (సెల్‌: 89199 85388)ను సంప్రదించాలని కోరారు.