ముఖ్యమంత్రి పర్యటనకు ఏర్పాట్లు

ముఖ్యమంత్రి పర్యటనకు ఏర్పాట్లు

యాదగిరిగుట్ట : ముఖ్యమంత్రి రేవంత్‌రెడ్డి ఈనెల 8న యాదాద్రికి రానున్నారు. ఇందుకు సంబంధించి అధికారులు ఏర్పాట్లు చేస్తున్నారు. ఆదివారం ప్రభుత్వ విప్‌ బీర్ల అయిలయ్య, కలెక్టర్‌ హనుమంతరావుతో కలిసి యాదాద్రి కొండకు దిగువన ఉన్న యాగస్థలంలో హెలిపాడ్‌ స్థలాన్ని పరిశీలించారు. కాగా 8వ తేదీ ఉదయం సీఎం రేవంత్‌రెడ్డి శ్రీస్వామి వారిని దర్శించుకుని ప్రత్యేక పూజలు నిర్వహిస్తాంరు. అనంతరం పెండింగ్‌లో ఉన్న ఆలయ అభివృద్ధి పనులను పరిశీలించనున్నట్లు తెలుస్తోంది. అలాగే ప్రధానాలయ విమాన గోపురం స్వర్ణతాపడం పనులపై సమీక్ష నిర్వహిస్తారని సమాచారం. సీఎం రేవంత్‌రెడ్డి రెండవ సారి యాదాద్రి ఆలయ పర్యటనకు రానున్న నేపథ్యంలో దేవస్థానం అధికారులతో పాటు పోలీసు శాఖ అప్రమత్తమైంది. హెలిపాడ్‌ స్థలాన్ని పరిశీలించిన వారిలో అదనపు కలెక్టర్‌ వీరారెడ్డి, ఆర్డీఓ కృష్ణారెడ్డి, యాదగిరిగుట్ట పట్టణ సీఐ రమేష్‌ ఉన్నారు.

8న రేవంత్‌రెడ్డి రాక

ఏర్పాట్లను పరిశీలించిన ప్రభుత్వ విప్‌

అయిలయ్య, కలెక్టర్‌ హనుమంతరావు