15 నుంచి ఇంటింటికీ సీపీఎం

భువనగిరిటౌన్‌ : సీపీఎం జిల్లా మూడో మహాసభ సందర్భంగా ఈ నెల 15 నుంచి డిసెంబర్‌ 5వ తేదీ వరకు ఇంటింటికీ సీపీఎం కార్యక్రమాన్ని నిర్వహిస్తున్నట్లు ిసీపీఎం జిల్లా కార్యదర్శి ఎండీ.జహంగీర్‌ తెలిపారు. మంగళవారం స్థానిక సుందరయ్య భవనంలో నిర్వహించిన జిల్లా విస్తృతస్థాయి సమావేశంలో ఆయన పాల్గొని మాట్లాడారు. జిల్లా మూడో మహాసభలు చౌటుప్పల్‌ పట్టణ కేంద్రంలో డిసెంబర్‌ 15, 16,17 తేదీల్లో నిర్వహిస్తున్నట్లు పేర్కొన్నారు. మహాసభల సందర్భంగా సీపీఎం నాయకులు జిల్లావ్యాప్తంగా ఇంటింటికీ వెళ్లి ప్రజా సమస్యలను అధ్యయనం చేస్తారని తెలిపారు. ఈ సమావేశంలో జిల్లా కమిటీ సభ్యులు సిర్పంగి స్వామి, మద్దెల రాజయ్య, గంగాదేవి సైదులు, బండారు నరసింహ, బొల్లు యాదగిరి, బబ్బురు పోశెట్టి, కృష్ణ, ఎంఎ ఇక్బాల్‌, యాదిరెడ్డి, బూరుగు కృష్ణారెడ్డి, ఎండీ పాషా, వెంకటనర్సు, శ్రీనివాసాచారి, గూడూరు అంజిరెడ్డి తదితరులు పాల్గొన్నారు.