తుక్కాపురంలో ఒడిషా బృందం

తుక్కాపురంలో ఒడిషా బృందం

భువనగిరి రూరల్‌ : మండలంలోని తుక్కాపురం గ్రామంలో శనివారం ఒడిషా రాష్ట్రానికి చెందిన ప్రజాప్రతినిధుల బృందం పర్యటించింది. గ్రామంలోని పల్లె ప్రకృతివనం, బృహత్‌ పల్లె ప్రకృతి వనం, వన నర్సరీ, ఎవెన్యూ ప్లాంటేషన్‌ను సందర్శించారు. మొక్కల పెంపకం, నిర్వహణపై అధ్యయనం చేశారు. అలాగే వనరుల లభ్యత, పంచాయతీ సిబ్బంది పనితీరుపై అధికారులను అడిగి తెలుసుకున్నారు. అలాగే మహిళా స్వయం సహాయక సంఘాల ఆవశ్యకత గురించి తెలుసుకున్నారు.ఈ కార్యక్రమంలో టీఎస్‌ఐఆర్డీ జేడీ అనిల్‌కుమార్‌, జెడ్పీ సీఈఓ శోభారాణి, డీఆర్డీఓ నాగిరెడ్డి, అడిషనల్‌ డీఆర్‌డీఓ సురేష్‌, ఎంపీడీఓ శ్రీనివాస్‌, ఎంపీఓ దినకర్‌, సెర్ప్‌ ప్రతినిధులు, ఉపాధిహామీ పథకం సిబ్బంది, పంచాయతీ కార్యదర్శులు తదితరులు పాల్గొన్నారు.