చాలామంది వీకెండ్‌లో థియేట‌ర్‌కు వెళ్లి సినిమా చూసి కాల‌క్షేపం చేస్తుంటారు. అయితే రోజుకో సినిమా చూడాలంటే మాత్రం ఓటీటీని మించిన బెస్ట్ ఆప్ష‌న్ మ‌రొక‌టి లేద‌నే చెప్పాలి. అటు ఒక వారంలో థియేట‌ర్‌లో ఎన్ని సినిమాలు రిలీజ‌వుతున్నాయో అంత‌కు మించిన చిత్రాలు, వెబ్ సిరీస్‌లు ఓటీటీలో అందుబాటులోకి వ‌చ్చేస్తున్నాయి. క్రైమ్‌, స‌స్పెన్స్‌, థ్రిల్ల‌ర్‌, కామెడీ.. ఇలా అన్ని జాన‌ర్ల కంటెంట్ డిజిట‌ల్ ప్లాట్‌ఫామ్‌లో అందుబాటులో ఉంటుంది. మ‌రి ఈ శుక్ర‌వారం (న‌వంబ‌ర్ 3న) ఏయే సినిమాలు ఓటీటీలో రిలీజ‌వుతున్నాయో చూసేద్దాం.. అలాగే స్ట్రీమింగ్ అవుతోంది అని రాసి ఉన్న‌ సినిమాలు ఈ రోజే ఓటీటీలోకి వ‌చ్చాయ‌ని అర్థం. అమెజాన్ ప్రైమ్ వీడియో ► త‌కేశి క్యాటిల్ గేమ్ షో - స్ట్రీమింగ్ అవుతోంది ► ఇన్విజిబుల్ సీజన్ 2 (ఇంగ్లీష్ సిరీస్) - నవంబర్‌ 3 ► ర‌త్తం - న‌వంబ‌ర్ 3 ► PI మీనా (హిందీ సిరీస్) - నవంబర్‌ 3 హాట్‌స్టార్‌ ► స్కంద - నేటి నుంచి స్ట్రీమింగ్ అవుతోంది. ► కాఫీ విత్ క‌ర‌ణ్ షో రెండో ఎపిసోడ్ -స్ట్రీమింగ్ అవుతోంది ► లోకి రెండో సీజ‌న్‌, ఐద‌వ ఎపిసోడ్ - స్ట్రీమింగ్ అవుతోంది ► ఆర్య సీజన్ 3 (తెలుగు డబ్బింగ్ సిరీస్) - నవంబర్‌ 3 నెట్‌ఫ్లిక్స్‌ ► జ‌వాన్ - స్ట్రీమింగ్ అవుతోంది. ► ఆల్ ద లైట్ వి కాంట్ సీ (ఇంగ్లీష్ సిరీస్) - స్ట్రీమింగ్ అవుతోంది. ► సిగరెట్ గర్ల్ (ఇండోనేసియన్ సిరీస్) - స్ట్రీమింగ్ అవుతోంది. ► హిగ్యుటా: ద వే ఆఫ్ ద స్కార్పియన్ (స్పానిష్ సినిమా) - స్ట్రీమింగ్ అవుతోంది. ► ఒనిముషా (జపనీస్ సిరీస్) - స్ట్రీమింగ్ అవుతోంది. ► యునికార్న్ అకాడమీ (ఇంగ్లీష్ సిరీస్) - స్ట్రీమింగ్ అవుతోంది. ► మ్యాడ్ - న‌వంబ‌ర్ 3 ► బ్లూ ఐ సమురాయ్ (ఇంగ్లీష్ సిరీస్) -  న‌వంబ‌ర్ 3 ► డైలీ డోస్ ఆఫ్ సన్‌షైన్ (కొరియన్ సిరీస్) -  న‌వంబ‌ర్ 3 ► ఫెర్రీ: ద సిరీస్ (డచ్ సిరీస్) -  న‌వంబ‌ర్ 3 ► న్యాద్ (ఇంగ్లీష్ సినిమా) -  న‌వంబ‌ర్ 3 ► సెల్లింగ్ సన్‌సెట్ సీజన్ 7 (ఇంగ్లీష్ సిరీస్) -  న‌వంబ‌ర్ 3 ► స్లై (ఇంగ్లీష్ మూవీ) -  న‌వంబ‌ర్ 3 ► ద టైలర్ సీజన్ 3 (టర్కిష్ సిరీస్) -  న‌వంబ‌ర్ 3 సోనీలివ్‌ ► స్కామ్ 2003: ద తెల్గీ స్టోరీ వాల్యూమ్‌ 2 (తెలుగు డబ్బింగ్ సిరీస్) -  న‌వంబ‌ర్ 3 బుక్ మై షో ► హాఫ్ వే హోమ్ (హంగేరియన్ మూవీ) - నవంబర్‌ 3 ► మై బిగ్ ఫ్యాట్ గ్రీక్ వెడ్డింగ్ 3 (ఇంగ్లీష్ సినిమా) - నవంబర్‌ 3 ► ద థీఫ్‌ కలెక్టర్ (ఇంగ్లీష్ చిత్రం) - నవంబర్‌ 3 ఆపిల్ ప్లస్ టీవీ ► ఫింగర్ నెయిల్స్ (ఇంగ్లీష్ సినిమా) -  న‌వంబ‌ర్ 3 జియో సినిమా ► టెంప్టేషన్ ఐలాండ్ ఇండియా (హిందీ సిరీస్) - నవంబరు 3 చ‌ద‌వండి: ప్రతిసారి వెధవ పని చేయడం అలవాటు.. అమర్‌పై రతికా ఫైర్!

అమెరికన్‌ ప్రముఖ నటుడు మాథ్యూ ఫెర్రీ (54) ఇక లేరు. లాస్‌ ఏంజిల్స్‌లోని స్వగృహంలో ఫెర్రీ అనుమానాస్పద రీతిలో మరణించినట్లుగా అక్కడి పోలీస్‌ అధికారులు వెల్లడించారు. జాన్‌ బెన్నెట్‌ ఫెర్రీ, సుజానే మేరీ మోరిసన్‌ దంపతులకు 1969 ఆగస్టు 19న జన్మించారు మాథ్యూ ఫెర్రీ. ఫెర్రీకి ఏడాది వయసు పూర్తి కాక ముందే బెన్నెట్‌ ఫెర్రీ, సుజానే మేరీ విడాకులు తీసుకున్నారు. 15 ఏళ్లు తల్లి వద్దే ఉంటూ చదువుకున్నాడు ఫెర్రీ. ఆ తర్వాత అప్పటికే నటనా రంగంలో ఉన్న తండ్రి బాటలో నడిచారు ఫెర్రీ. అలా సినిమాలు, ముఖ్యంగా సీరియల్స్‌లో నటించి పేరు గడించారు. 1994లో ఆరంభమైన ‘ఫ్రెండ్స్‌’ సిరీస్‌తో ఆయన జీవితం కీలక మలుపు తీసుకుంది.ఇందులో ఫెర్రీ పోషించిన చాండ్లర్‌ బింగ్‌ పాత్ర అద్భుతంగా క్లిక్‌ అయ్యింది. ప్రపంచవ్యాప్తంగా ఫెర్రీకి అభిమానులను సంపాదించిపెట్టింది. ‘ఫ్రెండ్స్‌’ సిరీస్‌ 2014 వరకు ఓ అమెరికన్‌ చానెల్‌లో ప్రసారమైంది. అలాగే 2021లో ‘ఫ్రెండ్స్‌ రీ యూనియన్‌ షో’ కూడా జరిగింది. ఈ షో ఓ ప్రముఖ ఓటీటీ ΄్లాట్‌ఫామ్‌లో ప్రస్తుతం స్ట్రీమింగ్‌ అవుతోంది. ‘ఎమ్టీ నెస్ట్‌’, ‘హైవే టు హెవెన్‌’, ‘ఫ్రెండ్స్‌’, ‘మిస్టర్‌ సన్‌షైన్‌’... ఇలా 40కి పైగా టెలివిజన్‌ సిరీస్‌లలో నటించారు ఫెర్రీ. అలాగే ‘ది కిడ్‌’, ‘బర్డ్స్‌ ఆఫ్‌ అమెరికా’.. ఇలా దాదాపు 15 హాలీవుడ్‌ సినిమాల్లో కూడా నటించారాయన. ఇక ఫెర్రీ మృతి పట్ల ఇండియన్‌ స్టార్స్‌ వెంకటేశ్, మహేశ్‌బాబు, అక్షయ్‌ కుమార్, రణ్‌వీర్‌ సింగ్, సమంత, కరీనా కపూర్‌లతో పాటు పలువరు హాలీవుడ్‌ స్టార్స్‌ సోషల్‌ మీడియా వేదికగా సంతాపం తెలిపారు.

ప్రముఖ హాలీవుడ్‌ నటుడు, ‘ఫ్రెండ్స్’ వెబ్ సిరీస్‌ ఫేమ్‌ మాథ్యూ పెర్రి(54) అనుమానస్పద రీతిలో మృతి చెందారు. అవివాహితుడైన పెర్రీ.. లాస్ ఎంజెల్స్‌లోని తన నివాసంలో శనివారం సాయంత్రం బాత్‌ టబ్‌లో విగతజీవిగా కనిపించారు. దీంతొ ఆయన అసిస్టెంట్ పోలీసులకు సమాచారం ఇచ్చాడు. పెర్రి నివాసానికి వెళ్లిన పోలీసులు.బాత్‌ టబ్‌ నుంచి మృతదేహాన్ని తీసి.. పోస్ట్‌మార్టంకు తరలించారు. అనంతరం అనుమానస్పద మృతిగా కేసు నమోదు చేసి విచారణ చేపట్టారు.  ఫెర్రీ 1969 ఆగస్టు 19న మస్సాచుసెట్స్‌లోని మిలియమ్స్ టౌన్‌లో జన్మించారు. కెనడాలోని ఒట్టావాలోని రాక్‌క్లిఫ్ పార్క్ పబ్లిక్ స్కూల్‌లో చదువుకున్నాడు. పెర్రీ తల్లి సుజాన్నె మారిసన్ వృత్తిరీత్యా జర్నలిస్ట్. అప్పటి కెనడా ప్రధాని పియర్రె ట్రుడో వద్ద ప్రెస్ సెక్రెటరీగా పని చేశారు. చదువు పూర్తయిన తరువాత లాస్ ఏంజిలిస్‌లో స్థిరపడిన ఫెర్రీ హాలీవుడ్‌లో కొన్ని సినిమాల్లో కీలక పాత్రల్లో నటించారు.  ఫ్రెండ్స్ వెబ్ సిరీస్‌లో చాండ్ల‌ర్ బింగ్ అనే పాత్ర‌తో మంచి గుర్తింపును తెచ్చుకున్నాడు. 1994 నుంచి 2004 వరకు  ఫ్రెండ్స్‌ వెబ్‌సిరీస్‌ వరుసగా 10 సీజన్లు రాగా.. అన్నింట్లోనూ ఫెర్రి నటించాడు.  రీసెంట్‌గా 2021లో ఫ్రెండ్స్ రీయూనియన్ షో కూడా జరిగింది. ప్ర‌స్తుతం ఇది ప్ర‌ముఖ ఓటీటీ ప్లాట్‌ఫామ్ నెట్‌ఫ్లిక్స్‌లో స్ట్రీమింగ్ అవుతుంది. స్టార్స్‌ సంతాపం పెర్రి మరణంతో యావత్‌సినీ ప్రపంచం దిగ్భ్రాంతికి లోనైంది. హాలీవుడ్‌తో పాటు టాలీవుడ్‌,బాలీవుడ్‌కు చెందిన పలువురు ప్రముఖులు సోషల్‌ మీడియా వేదికగా ఆయన మృతి పట్ల సంతపం తెలుపుతున్నారు. ఈ జనరేషన్‌ ఓ మంచి ‘ఫ్రెండ్‌’ని కోల్పోయిందని మహేశ్‌బాబు ఇన్‌స్టాగ్రామ్‌లో రాసుకొచ్చాడు. ఇక సమంత అయితే పెర్రి మరణ వార్త విని  గుండె బద్దలైందని, అతను ఎప్పటికీ మనకు ‘ఫ్రెండ్‌’గానే ఉంటాడని రాసుకొచ్చింది. రణ్‌వీర్‌ సింగ్‌, కరీనా కపూర్‌ తో పాటు పలువు బాలీవుడ్‌ స్టార్స్‌  కూడా సోషల్‌ మీడియా వేదికగా పెర్రికి సంతాపం ప్రకటించారు.  View this post on Instagram A post shared by Samantha (@samantharuthprabhuoffl)

కథానాయికగా, ఆ తర్వాత క్యారెక్టర్‌ నటిగా, నిర్మాతగా చిత్రసీమలో రాధిక ఎన్నో విజయాలు చూశారు. ఇటు బుల్లితెరపైనా నటిగా, నిర్మాతగా ఆమె కెరీర్‌ హిట్‌. భారతీరాజా దర్శకత్వం వహించిన తమిళ చిత్రం ‘కిళక్కే పోగుమ్‌ రైల్‌’ (1978) ద్వారా కథానాయికగా పరిచయం అయ్యారు రాధిక. ఆ తర్వాత తమిళ్, తెలుగు, కన్నడ, మలయాళ భాషల్లో నటించారు. ఇప్పుడు క్యారెక్టర్‌ ఆర్టిస్ట్‌గా బిజీగా ఉన్న రాధిక ఫ్రెంచ్‌లో తొలి చిత్రం అంగీకరించారు. ‘‘నా సినిమా కెరీర్‌లో కొత్త ప్రయాణం ఆరంభించాను. ఫ్రెంచ్‌ సినిమాలో నటించడం నాకో కొత్త అనుభూతి. ఈ  కొత్త ప్రయాణానికి ప్రోత్సహించిన శరత్‌కుమార్‌ (రాధిక భర్త), రేయాన్‌ (కుమార్తె)లకు ధన్యవాదాలు’’ అని పేర్కొన్నారు రాధిక. ఈ చిత్రానికి లారెన్స్‌ వాలిన్‌ దర్శకుడు.

సినిమాలు చూసేందుకు థియేటర్‌కు వెళ్తుంటాం.. 3డీలో చూసే సినిమాల కోసం స్పెషల్‌ 3డీ గ్లాసెస్‌ ఇస్తుంటారు. కానీ ఇక్కడ చెప్పుకునే ఓ థియేటర్‌లాంటి వేదికలో మాత్రం ఎటువంటి అద్దాల అవసరం లేకుండానే ఏకంగా 4డీ ఎక్స్‌పీరియన్స్‌ వస్తుంది. లోపలే కాదు బయట కూడా ఈ వేదిక రంగులు వెదజిమ్ముతూ ఆకట్టుకుంటోంది.  ప్రపంచంలోనే అతి పెద్ద గోళాకారంలో నిర్మించిన ఈ భవంతి పేరు ద స్పియర్‌. దీని పై, లోపలి భాగాల్లో విశాలమైన ఎల్‌ఈడీ స్క్రీన్లను ఫిక్స్‌ చేశారు. ఎల్‌ఈడీ స్క్రీన్ల వెలుగులతో భవంతి ఆకర్షణీయంగా కనిపిస్తోంది. లోపల ఏర్పాటు చేసిన తెరమీద ఏదైనా వీడియో ప్లే చేస్తుంటే మనం కూడా ఆ వీడియోలో ఉన్న ప్రదేశంలో ఉన్నామేమో అన్న అనుభూతి కలిగేలా స్క్రీన్ల అమరిక ఉంది. ఈ మధ్యే ఈ స్పియర్‌ను ప్రారంభించగా అందుకు సంబంధించిన ఫోటోలు సోషల్‌ మీడియాలో వైరల్‌గా మారాయి. ఈ వేదిక అసలు పేరు ఎమ్‌ఎస్‌జీ స్పియర్‌. ఇది అమెరికాలో లాస్‌ వెగాస్‌కు సమీపంలోని ప్యారడైజ్‌లో ఉంది. ఏదైనా షోలు, కచేరీలు, ఈవెంట్లు జరుపుకోవడానికి ఇది ఎంతో అనువుగా ఉంటుంది. ఒక్కమాటలో చెప్పాలంటే ఇది ఎంటర్‌టైన్‌మెంట్‌కు పర్ఫెక్ట్‌ చాయిస్ అని చెప్పుకోవచ్చు. స్పియర్‌కు సంబంధించి మరిన్ని ఆసక్తికర విషయాలు ► పాపులస్‌ అనే సంస్థ దీని రూపకల్పనకు నడుం బిగించింది. ► దీని ఎత్తు 366 అడుగులు, వెడల్పు 516 అడుగులు. ► 18,600 సీట్ల సామర్థ్యం కలదు. ► వేదిక వెలుపలి భాగంలో 5,80,000 చదరపు అడుగుల ఎల్‌ఈడీ స్క్రీన్లు ఉన్నాయి. ► వేవ్‌ఫీల్డ్‌, సింథసిస్‌ టెక్నాలజీతో ఉన్న స్పీకర్స్‌.. 16కె రిజల్యూషన్‌ స్క్రీన్‌ క్వాలిటీ, 4డీ ఎఫెక్స్ట్‌ దీని ప్రత్యేక స్పెషాలిటీ. ► ఈ వేదికను నిర్మించడానికి అయిన ఖర్చు 2.3 బిలియన్‌ డాలర్స్‌ (భారతదేశ కరెన్సీ ప్రకారం రూ.19 వేల కోట్ల పైమాటే) The inside of the Sphere is equally as impressive as the outside! 👏🏼😮🐟 pic.twitter.com/pmmzRXgvzX — H0W_THlNGS_W0RK (@HowThingsWork_) October 17, 2023 View this post on Instagram A post shared by U2 (@u2) View this post on Instagram A post shared by Sphere (@spherevegas) View this post on Instagram A post shared by Sphere (@spherevegas) చదవండి: శుభశ్రీ అవుట్‌.. రతిక రోజ్‌కు గోల్డెన్‌ ఛాన్స్‌.. ఎలా వాడుకుంటుందో..

సినిమా అంటే ఎంటర్‌టైన్‌మెంట్. మన నిజ జీవితంలో జరగని వాటిని ఎక్కువగా సినిమాల్లో చూస్తూంటాం. ఎంజాయ్ చేస్తుంటాం. కమర్షియల్ చిత్రాలు కాకుండా మనం ఆశ్చర్యపోయేలా కొన్ని మూవీస్ వస్తుంటాయి. టెక్నాలజీ స్టోరీతో తీసే చిత్రాలన్నీ ఈ కేటగిరీలో ఉంటాయని చెప్పొచ్చు. అలా అప్పుడెప్పుడో 18 ఏళ్ల క్రితం ఓ హాలీవుడ్ మూవీ వచ్చింది. ఇందులోని స్టోరీని పోలినట్లు.. రియల్ లైఫ్ లో ఓ సంఘటన జరిగింది. ఇక్కడవరకు బాగానే ఉంది కానీ ఓ విషయం మాత్రం కాస్త భయపెడుతోంది. మన జీవితంలో టెక్నాలజీ అనేది ఇప్పుడు భాగమైపోయింది. ఫోన్, ఇంటర్నెట్ లేనిదే ఏ పని జరగట్లేదు. ఇక ఈ మధ్య ఏఐ (కృత్రిమ మేధ) అని కొత్తగా వచ్చింది. మనిషి అవసరం లేకుండా ఇది అన్ని పనులు చక్కబెట్టేస్తుంది. అయితే దీనివల్ల ప్రస్తుతానికైతే అంతా బాగానే నడుస్తోంది. కానీ భవిష్యత్తులో ఇలానే ఉంటుందా లేదా అనేది చూడాలి. సరే ఇదంతా పక్కనబెడితే అసలు విషయానికొచ్చేద్దాం. (ఇదీ చదవండి: హీరోయిన్ శ్రీలీలకు పెళ్లి? ఈ రూమర్స్‌లో నిజమెంత?) 2005లో హాలీవుడ్‌లో 'స్టెల్త్' అనే సినిమా తీశారు. ఈ స్టోరీలో భాగంగా విమానాన్ని నడిపేందుకు ఆర్టిఫిషియల్ ఇంటెలిజెన్స్‌ సిస్టమ్‌ని తయారు చేస్తారు. దాన్ని యుద్ధ రంగాలోకి పంపిస్తారు. కానీ సిస్టమ్‌లో అనుకోని పొరపాట్ల వల్ల టార్గెట్‌తో పాటు సొంత మనుషులపైనా ఇది దాడి చేసి చంపేస్తుంది. చివరకు దీన్ని ఎలా ఆపారనేది సినిమా స్టోరీ. అయితే తాజాగా అమెరికాలోని మసాచుసెట్స్ యూనివర్సిటీ వాళ్లు.. ఏఐతో నడిచే కో-పైలెట్‌ని సృష్టించారు. సాధారణంగా ఓ విమానంలో ఇద్దరూ పైలెట్స్ ఉంటారు. ఒకవేళ ఏఐ పైలెట్ అందుబాటులోకి వస్తే.. ఓ మనిషి అవసరం తగ్గిపోతుంది. ప్రస్తుతం ప్రయోగ దశలో ఉన్న ఈ టెక్నాలజీని త్వరలో అందుబాటులోకి తీసుకురానున్నారు. అయితే అంతా బాగానే ఉంది కానీ 'స్టెల్త్' సినిమాలో జరిగినట్లు ఏఐ పైలెట్ ఏమైనా రివర్స్ అయితే మాత్రం ఘోర ప్రమాదం తప్పదని పలువురు అభిప్రాయపడుతున్నారు.  (ఇదీ చదవండి: ఓటీటీలోకి రాబోతున్న 'స్కంద'.. స్ట్రీమింగ్ అప్పుడేనా?)

మరో హాలీవుడ్‌ యాక్షన్‌ ఎంటర్‌టైనర్‌ కథా చిత్రం తమిళ ప్రేక్షకులను అలరించడానికి సిద్ధమైంది. ఫైర్‌ ట్విస్టర్‌ పేరుతో రూపొందిన హాలీవుడ్‌ చిత్రాన్ని అగ్ని అరక్కన్‌ పేరుతో రూపొందించిన చిత్రాన్ని మరుదమలై ఫిలిమ్స్‌ సంస్థ అధినేత రేస్‌కోర్స్‌ రఘునాథ్‌ తమిళంలోకి అనువదించి విడుదల చేయడానికి సన్నాహాలు చేస్తున్నారు. ఈ చిత్రానికి తమిళంలో ఈయనే సంభాషణ రాయడం విశేషం. ఈయన ఇంతకుముందు పలు తమిళ చిత్రాలను విడుదల చేశారన్నది గమనార్హం.  (ఇది చదవండి: రకుల్ భామకు బాయ్‌ఫ్రెండ్‌ స్పెషల్ విషెస్.. ఇన్‌స్టా పోస్ట్ వైరల్!) ఈ అగ్నిఅరక్కన్‌ చిత్రం గురించి నిర్మాత రేస్‌కోర్స్‌ రఘునాథ్‌ తెలుపుతూ పంచభూతాల్లో ఒకటైన అగ్ని ఎంత ప్రమాదకరమైందో చెప్పే చిత్రంగా ఇది ఉంటుందన్నారు. ఈ హాలీవుడ్‌ చిత్రాన్ని అనుమతులతో పలు చేర్పులు మార్పులు చేసి తమిళ కోసం సరికొత్తగా రూపొందించినట్లు చెప్పారు. చిత్రం ఆబాల గోపాలాన్ని అలరిస్తుందని అభిప్రాయాన్ని వ్యక్తం చేశారు. అగ్నిఅరక్కన్‌ చిత్రానికి సంబంధించిన అన్ని కార్యక్రమాలు పూర్తి అయ్యాయని, త్వరలోనే చిత్రాన్ని తెరపైకి తీసుకురావడానికి సన్నాహాలు చేస్తున్నట్లు తెలిపారు. ఈ చిత్రం తర్వాత తమ సంస్థ నుంచి వరుసగా చిత్రాలు వస్తాయని నిర్మాత తెలిపారు. (ఇది చదవండి: నిద్రలోనూ అవే కలలు వస్తున్నాయి.. అయినా తప్పకుండా చేస్తా: రాఘవ లారెన్స్)

ఇండస్ట్రీలో హీరోయిన్లకు కావాల్సింది గ్లామర్. యాక్టింగ్ వచ్చినా రాకపోయినా పర్లేదు అందంతో సులువుగా కెరీర్ లాగించేయొచ్చు. ఇప్పటికే పలువురు బ్యూటీస్ ఇలా చేస్తూ వచ్చారు. అయితే కొన్నిసార్లు ఇంకాస్త అందంగా మారిపోవాలనే ఆరాటం ప్రాణాలు మీదకు తెస్తూ ఉంటుంది. హీరోయిన్ ఆర్తి అగర్వాల్, కన్నడ నటి చేతన రాజ్.. ఇలా సర్జరీల వికటించి చనిపోయారు. ఇప్పుడు ప్రముఖ నటి కూడా అలానే కన్నుమూసింది. (ఇదీ చదవండి: 'మంత్ ఆఫ్ మధు' సినిమా రివ్యూ) అర్జెంటీనాకు చెందిన మాజీ అందాల సుందరి, నటి జాక్వెలిన్ కరీరీ.. మరింత అందంగా మారేందుకు కాస్మోటిక్ సర్జరీ చేసుకుంది. సర్జరీ జరుగుతున్న టైంలో రక్తం గడ్డకట్టడం వల్ల ఆమె చనిపోయినట్లు తెలుస్తోంది. పలు ఇంగ్లీష్ చిత్రాల్లో నటించిన ఈమెకు బాగానే గుర్తింపు ఉంది. అయితే ఈమె.. అక్టోబరు 1న చనిపోయింది. తాజాగా ఈ విషయాన్ని ఆమె కుటుంబ సభ్యులు సోషల్ మీడియా ద్వారా వెల్లడించారు. ఈ క్రమంలో జాక్వెలిన్ మరణ వార్త అందరినీ షాక్‌కి గురిచేసింది. (ఇదీ చదవండి: 'మామ మశ్చీంద్ర' సినిమా రివ్యూ)

చేతిలో ఉన్నది తక్కువ చిత్రాలే అయినా ఆమె చేతిలో ఉన్నవన్నీ గన్‌ లాంటి చిత్రాలే.. అందుకే పాన్‌ ఇండియా కాదు పాన్‌ వరల్డ్‌ నటి అయ్యారు శ్రుతిహాసన్‌. ఈ బ్యూటీకి సంబంధించిన వార్తలెప్పుడూ కొత్తగా, ఆసక్తికరంగా ఉంటాయి. కాగా ప్రస్తుతం శ్రుతిహాసన్‌ ప్రభాస్‌కు జంటగా నటించిన సలార్‌ చిత్రం విడుదల తేదీ వెల్లడైంది. డిసెంబర్‌ 22న ప్రపంచవ్యాప్తంగా ఈ చిత్రం తెరపైకి రావడానికి ముస్తాబవుతోంది. కేజీఎఫ్‌ చిత్రం ఫేమ్‌ ప్రశాంత్‌ నీల్‌ తెరకెక్కిస్తున్న చిత్రం కావడంతో సలార్‌పై భారీ అంచనాలే నెలకొన్నాయి. ఇక నాని కథానాయకుడిగా నటిస్తున్న హాయ్‌ నాన్న చిత్రంలో శ్రుతి హాసన్‌ ముఖ్య భూమికను పోషిస్తున్నట్లు సమాచారం. ఆమె నటిస్తున్న మరో హాలీవుడ్‌ చిత్రం ది ఐ. ఈ చిత్రమే టాక్‌ ఆఫ్‌ ది ఇండస్ట్రీగా మారింది. ఈ హాలీవుడ్‌ చిత్రం ఇప్పుడు అంతర్జాతీయ చిత్రోత్సవాలలో అవార్డుల కేటగిరీల్లో నామినేట్‌ కావడం విశేషం. ది లాస్ట్‌ కింగ్‌డమ్‌ చిత్రం ఫేమ్‌ మార్క్‌ రౌళి కథానాయకుడిగా నటించిన ఇందులో ఆయనకు జంటగా శ్రుతిహాసన్‌ నటించారు. పర్యాటక పరిరక్షణ ఇతివృత్తంతో రూపొందిన ది ఐ చిత్రం లండన్‌ అంతర్జాతీయ చిత్రోత్సవాల్లో ప్రదర్శితమైందని శ్రుతి ట్విటర్‌లో పేర్కొన్నారు. అదేవిధంగా గ్రీక్‌ అంతర్జాతీయ చిత్ర ఉత్సవాల్లో ప్రదర్శింపబడడంతో పాటు అవార్డుల కేటగిరీలో నామినేట్‌ అయిందని తెలిపారు. అలాంటి చిత్రంలో తాను నటించడం చాలా సంతోషంగా ఉందని పేర్కొన్నారు. ఈ చిత్రం తన కెరీర్లో ప్రత్యేకమన్నారు. ఈచిత్రాన్ని ప్రేక్షకులకు చూపించడానికి చాలా ఆసక్తిగా ఎదురుచూస్తున్నట్లు శ్రుతిహాసన్‌ పేర్కొన్నారు. So honoured to have been a part of this beautiful story THE EYE which has been nominated for best director and best cinematographer at the Greek international film festival and the best film at the London independent film festival ! This film was made with love and care not only… pic.twitter.com/3T5dkxi8oM — shruti haasan (@shrutihaasan) October 4, 2023 చదవండి: బిగ్‌బాస్‌కు వార్నింగ్‌ ఇస్తున్న శివాజీ.. ఇష్టం లేకపోయినా త్యాగం చేసిన శుభశ్రీ, అతడివల్లే!

మొబైల్‌ ఫోన్‌ వచ్చాక చాలావాటి అవసరం తగ్గిపోయింది. ఉత్తరాలు, ల్యాండ్‌ లైన్లు, రేడియో.. ఇలా చాలావాటి అవసరమే లేకుండా పోయింది. టీవీకి అతుక్కుపోయేవారిని సైతం తనవైపు తిప్పుకుంది. ఓటీటీల పుణ్యమా అని థియేటర్‌కు క్యూ కట్టేవాళ్లను సైతం తాపీగా ఇంట్లోనే కూర్చోబెట్టి పెద్దగా కష్టపడే పని లేకుండా బోలెడంత ఎంటర్‌టైన్‌మెంట్‌ అందిస్తోంది. థియేటర్‌లో ఎక్కువరోజులు ఆడిన సినిమాతో పాటు, ఆడలేకపోయిన సినిమాలనూ అందుబాటులోకి తీసుకువస్తోంది. అంతేనా... కొత్త తరహా చిత్రాలు, వెబ్‌ సిరీస్‌లు, డాక్యు సిరీస్‌లు, రియాలిటీ షోలు.. ఇలా బోలెడంత కంటెంట్‌ ఇస్తున్నాయి డిజిటల్‌ ప్లాట్‌ఫామ్స్‌. దీంతో అటు బాక్సాఫీస్‌లో ఏయే సినిమాలు రిలీజవుతున్నాయని కన్నేసేవారంతా కూడా ఓటీటీలోనూ ఏయే చిత్రాలు, సిరీస్‌లు విడుదలవుతున్నాయని మరో కన్నేసి ఉంచుతున్నారు. మరి ఈ రెండు రోజుల్లో(అక్టోబర్‌ 5,6) ఏయే సినిమాలు ఓటీటీలోకి వచ్చేస్తున్నాయో చూసేద్దాం.. నెట్‌ఫ్లిక్స్‌ ► మిస్‌ శెట్టి మిస్టర్‌ పొలిశెట్టి- అక్టోబర్‌ 5 ► ఖుఫియా - అక్టోబర్‌ 5 ► లుపిన్‌, పార్ట్‌ 3(వెబ్‌ సిరీస్‌) - అక్టోబర్‌ 5 ► ఎవ్రీథింగ్‌ నౌ(వెబ్‌ సిరీస్‌) - అక్టోబర్‌ 5 ► బాలెరినా - అక్టోబర్‌ 6 ► ఫెయిర్‌ ప్లే - అక్టోబర్‌ 6 ► ఇన్‌సీడియస్‌: ద రెడ్‌ డోర్‌ - అక్టోబర్‌ 6 ► ఎ డెడ్లీ ఇన్విటేషన్‌ - అక్టోబర్‌ 6 హాట్‌స్టార్‌ ► లోకి సీజన్‌ 2 (వెబ్‌ సిరీస్‌) - అక్టోబర్‌ 6 నుంచి ప్రారంభం (ప్రతివారం కొత్త ఎపిసోడ్‌ రిలీజ్‌) ► ఇంఫీరియర్‌ డెకొరేటర్‌ - అక్టోబర్‌ 6 ► క్యాంపింగ్‌ ఔట్‌ - అక్టోబర్‌ 6 ► చిప్స్‌ అహోయ్‌- అక్టోబర్‌ 6 ► ఓల్డ్‌ మెక్‌డొనాల్డ్‌ డక్‌ - అక్టోబర్‌ 6 ► వింకెన్‌, బ్లింకెన్‌ అండ్‌ నాడ్‌ - అక్టోబర్‌ 6 ► వెన్‌ ద క్యాట్స్‌ అవే - అక్టోబర్‌ 6 ► ఫిడ్‌లింగ్‌ అరౌండ్‌ - అక్టోబర్‌ 6 అమెజాన్‌ ప్రైమ్‌ వీడియో ► మిస్టర్‌ ప్రెగ్నెంట్‌ - అక్టోబర్‌ 6 ► ముంబై డైరీస్‌ (రెండో సీజన్‌) - అక్టోబర్‌ 6 ► టోటల్లీ కిల్లర్‌ - అక్టోబర్‌ 6 ► డిస్పరేట్లీ సీకింగ్‌ సోల్‌మేట్‌: ఎస్కేపింగ్‌ ట్విన్‌ ఫ్లేమ్స్‌ యూనివర్స్‌ - అక్టోబర్‌ 6 లయన్స్‌ గేట్‌ ప్లే ► జాయ్‌ రైడ్‌ - అక్టోబర్‌ 6 ► మింక్స్‌ ( రెండో సీజన్‌) - అక్టోబర్‌ 6 జీ5 ►  గదర్ 2 - అక్టోబర్‌ 6 సినీ బజార్  ►  నీ వెంటే నేను - అక్టోబర్‌ 6 బుక్ మై షో  ► గ్రాన్ టరిష్మో - అక్టోబర్‌ 5 ► ఆస్టరాయిడ్ సిటీ - అక్టోబర్‌ 6 జియో సినిమా ► గుస్పైత్: బిట్వీన్ బోర్డర్స్ (హిందీ షార్ట్ ఫిల్మ్) - అక్టోబర్‌ 6 చదవండి: త్వరలో మంగ్లీ పెళ్లి అంటూ వార్తలు.. క్లారిటీ ఇచ్చిన సింగర్‌..

కరోనా చేసిన మేలు ఏదైనా ఉందా? అంటే అది ఓటీటీనే! కోవిడ్‌ సమయంలోనే లెక్కలేనన్ని ఓటీటీలు పుట్టుకొచ్చాయి. బోలెడంత కంటెంట్‌ను తీసుకొచ్చాయి. ఒకరకంగా చెప్పాలంటే సినీ ఇండస్ట్రీని రాజ్యమేలాయి. థియేటర్లలో సినిమాలు రిలీజ్‌ చేసే పరిస్థితి లేకపోవడంతో ఓటీటీలే దిక్కయ్యాయి. కరోనా తగ్గిపోయిన తర్వాత కూడా ఓటీటీల హవా మాత్రం తగ్గలేదు. కొత్త సినిమాలు, కొత్త సిరీస్‌లు, షోలు.. ఇలా సగటు ప్రేక్షకుడు ఏదైతే కోరుకుంటాడో దాన్ని అరచేతిలోకి తీసుకొచ్చింది. ఇంకేముంది, జనాలు అలవాటు పడ్డారు, అడిక్ట్‌ అయ్యారు. థియేటర్‌లో రిలీజైన సినిమాలు ఓటీటీలోకి వస్తుంటే ఎగబడి చూస్తున్నారు. కొత్తగా ఓటీటీలో తీసుకొస్తున్న వెబ్‌ సిరీస్‌లకు బ్రహ్మరథం పడుతున్నారు. అందుకే, జనాలను ఇంట్రస్ట్‌ను క్యాష్‌ చేసుకుంటూనే వారికి ఎప్పటికప్పుడు సరికొత్త వినోదాన్ని పంచుతున్నాయి. మరి అక్టోబర్‌ నెలలో ఓటీటీలలో సందడి చేసే సినిమాలు, సిరీస్‌లేంటో చూసేద్దాం.. నెట్‌ఫ్లిక్స్‌ ► ఖుషి - అక్టోబర్‌ 1 ► బెచ్‌కమ్‌ - అక్టోబర్‌ 4 ► రేస్‌ టు సమ్మిట్‌ - అక్టోబర్‌ 4 ► మిస్‌ శెట్టి మిస్టర్‌ పొలిశెట్టి- అక్టోబర్‌ 5 ► ఖుఫియా - అక్టోబర్‌ 5 ► లుపిన్‌, పార్ట్‌ 3 - అక్టోబర్‌ 5 ► బాలెరినా - అక్టోబర్‌ 6 ► సాండర్డ్‌ విత్‌ మై మదర్‌ ఇన్‌ లా (వెబ్‌ సిరీస్‌)- అక్టోబర్‌ 9 ► వన్స్‌ అపాన్‌ ఎ స్టార్‌  - అక్టోబర్‌ 11 ► బిగ్‌ వేప్‌: ద రైస్‌ అండ్‌ ఫాల్‌ ఆఫ్‌ జూల్‌ (డాక్యుమెంటరీ) - అక్టోబర్‌ 11 ► ద ఫాల్‌ ఆఫ్‌ ద హౌస్‌ ఆఫ్‌ ఉషర్‌ (వెబ్‌ సిరీస్‌) - అక్టోబర్‌ 12 ► గుడ్‌ నైట్‌ వరల్డ్‌ (యానిమేషన్‌) - అక్టోబర్‌ 12 ► ఫెయిర్‌ ప్లే - అక్టోబర్‌ 13 ► పాస్ట్‌ లైవ్స్‌ - అక్టోబర్‌ 13 ► ద కాన్‌ఫరెన్స్‌ - అక్టోబర్‌ 13 ► ఓగీ ఓగీ (3వ సీజన్‌) - అక్టోబర్‌ 16 ► ద డెవిల్‌ ఆన్‌ ట్రయల్‌ (వెబ్‌ సిరీస్‌) - అక్టోబర్‌ 17 ► కాలా పాని (వెబ్‌ సిరీస్‌) - అక్టోబర్‌ 18 ► బాడీస్‌ (వెబ్‌ సిరీస్‌) - అక్టోబర్‌ 19 ► క్రిప్టో బాయ్‌ - అక్టోబర్‌ 19 ► ఓల్డ్‌ డాడ్స్‌ - అక్టోబర్‌ 20 ► లైఫ్‌ ఆన్‌ అవర్‌ ప్లానెట్‌ (డాక్యు సిరీస్‌) - అక్టోబర్‌ 25 ► బర్నింగ్‌ బీట్రేయల్‌ - అక్టోబర్‌ 25 ► ప్లూటో (యానిమేషన్‌) - అక్టోబర్‌ 26 ► ఎల్లో డోర్‌: 90's లో-ఫి ఫిలిం క్లబ్‌ (డాక్యుమెంటరీ) - అక్టోబర్‌ 27 ► పెయిన్‌ హస్లర్స్‌ - అక్టోబర్‌ 27 ► సిస్టర్‌ డెత్‌ - అక్టోబర్‌ 27 ► టోర్‌ (వెబ్‌ సిరీస్‌) - అక్టోబర్‌ 27 ► కాస్తవే దివా - అక్టోబర్‌ 28 ► రాల్ఫ్‌ బార్బోసా: కోవాబుంగ - అక్టోబర్‌ 31 హాట్‌స్టార్‌ ► హాంటెడ్‌ మిషన్‌ - అక్టోబర్‌ 4 ► లోకి సీజన్‌ 2 (వెబ్‌ సిరీస్‌) - అక్టోబర్‌ 6 నుంచి ప్రారంభం (ప్రతివారం కొత్త ఎపిసోడ్‌ రిలీజ్‌) ► ఇంఫీరియర్‌ డెకొరేటర్‌ - అక్టోబర్‌ 6 ► సుల్తాన్‌ ఆఫ్‌ ఢిల్లీ (వెబ్‌ సిరీస్‌) - అక్టోబర్‌ 13 ► వన్స్‌ అపాన్‌ ఎ స్టూడియో (షార్ట్‌ ఫిలిం) - అక్టోబర్‌ 16 ► మాస్టర్‌పీస్‌ - అక్టోబర్‌ 25 జియో సినిమా ► బెబాక్‌ (హిందీ మూవీ) - అక్టోబర్‌ 1 అమెజాన్‌ ప్రైమ్‌ వీడియో ► మిస్టర్‌ ప్రెగ్నెంట్‌ - అక్టోబర్‌ 6 ► ముంబై డైరీస్‌ (రెండో సీజన్‌) - అక్టోబర్‌ 6 ► టోటల్లీ కిల్లర్‌ - అక్టోబర్‌ 6 ► మిషన్‌ ఇంపాజిబుల్‌- డెడ్‌ రెకనింగ్‌ పార్ట్‌ 1 - అక్టోబర్‌ 11 ► అప్‌లోడ్‌ (మూడో సీజన్‌) - అక్టోబర్‌ 20 లయన్స్‌ గేట్‌ ప్లే ► జాయ్‌ రైడ్‌ - అక్టోబర్‌ 6 ► మింక్స్‌ ( రెండో సీజన్‌) - అక్టోబర్‌ 6 ► మ్యాగీ మూర్స్‌ - అక్టోబర్‌ 20 ► కబ్‌వెబ్‌ - అక్టోబర్‌ 27 చదవండి: హౌస్‌లో ఎంట్రీ ఇవ్వనున్న ఐదుగురు కంటెస్టెంట్లు.. ఎవరెవరంటే?

డేవిడ్‌ గోర్డాన్‌ గ్రీన్‌ దర్శకత్వం వహించిన అమెరికన్‌ చిత్రం 'ది ఎక్సార్సిస్ట్‌: బిలీవర్‌' అక్టోబర్‌ 6న విడుదల కానుందని సినిమా మేకర్స్‌ ప్రకటించారు. ది ఎక్సార్సిస్ట్ ఫ్రాంచైజీలో హాలీవుడ్‌లో ఇప్పటికే ఐదు చిత్రాలు వచ్చాయి. విలియం పీటర్‌ రాసిన ది సమె నేమ్‌-నవల ఆధారంగా బ్లాటీ, ది ఎక్సార్సిస్ట్‌ (1973) చిత్రం వచ్చిందని పేర్కొన్నారు. తాజాగా ది ఎక్సార్సిస్ట్‌ : బిలీవర్‌ - అక్టోబర్‌ 6న ఇంగ్లీష్‌, తమిళం, తెలుగు, హిందీ భాషల్లో విడుదల కాబోతుందని వివరించారు.  ప్రసిద్ధ హాలోవీన్‌ చిత్రాల ఫ్రాంచైజీకి చెందిన డేవిడ్‌ గోర్డాన్‌ గ్రీన్‌ (హాలోవీన్‌,2018), (హాలోవీన్‌ కిల్స్‌, 2021)  చిత్రాలు వరుసగా విజయం సాధించాయని వివరించారు. 10 అకాడమీ నామినేషన్లు అత్యుత్తమంగా నామినేట్‌ చేయబడిన మొదటి భయానక (హార్రర్‌ చిత్రంగా నిలిచిందని పేర్కొన్నారు. 1973లో ది ఎక్సార్సిస్ట్‌కు 50 సంవత్సరాల తర్వాత సీక్వెల్‌గా ది ఎక్సార్సిస్ట్‌: బిలీవర్‌ విడుదల కానుందని వివరించారు. ఈ సినిమాకు దర్శకత్వం డేవిడ్‌ గోర్డాన్‌ గ్రీన్‌, సినిమాటోగ్రఫీ-మైఖేల్‌ సిమండ్స్‌, సంగీతం డేవిడ్‌ వింగో వ్యవహరించారని చెప్పారు.ఈ సినిమాకు దర్శకత్వం- డేవిడ్ గోర్డాన్ గ్రీన్, సినిమాటోగ్రఫీ-మైఖేల్ సిమండ్స్ సంగీతం- డేవిడ్ వింగో

ఇప్పటి జనరేషన్‌కి పెద్దగా తెలియకపోవచ్చు కానీ 90ల్లో 'హ్యారీపోటర్' సినిమాలు ఓ ఊపు ఊపాయి. వందల కోట్ల కలెక్షన్స్ సొంతం చేసుకోవడంతో పాటు ప్రపంచవ్యాప్తంగా విశేషాదరణ దక్కించుకున్నాయి. ఇందులో ప్రధాన పాత్రల్లో నటించిన యాక్టర్స్‌తోపాటు మిగతా వాళ్లు కూడా బోలెడంత క్రేజ్ తెచ్చుకున్నారు. అలా 'హ్యారీపోటర్'లో డంబెల్ డోర్ పాత్రతో గుర్తింపు తెచ్చుకున్న యాక్టర్ ఇప్పుడు తుదిశ్వాస విడిచారు. (ఇదీ చదవండి: 'బిగ్‌బాస్ 7' కోసం నాగార్జునకి అన్ని కోట్ల రెమ్యునరేషన్!?) 'హ్యారీపోటర్' డంబెల్‌డోర్‌గా ప్రసిద్ధి చెందిన నటుడి అసలు పేరు సర్ మైకేలే గాంబన్. ఐర్లాండ్ పుట్టిన ఈయన చిన్నతనంలోనే తల్లిదండ్రులతో కలిసి లండన్ వచ్చేశారు. కాస్త వయసొచ్చిన తర్వాత థియేటర్, టీవీ, సినిమాల్లో పలు పాత్రలు చేస్తూ గుర్తింపు తెచ్చుకున్నారు. ఇకపోతే 'హ్యారీపోటర్' తొలి రెండు భాగాల్లో డంబెల్‌డోర్ పాత్రధారి రిచర్డ్ హ్యారీస్ చనిపోవడంతో ఆ రోల్ చేసే ఛాన్స్ ఈయనకు వచ్చింది. అలా దాదాపు 'హ్యారీపోటర్' ఫ్రాంచైజీలోని 6 సినిమాల్లో నటించారు. ప్రస్తుతం ఈయన వయసు 82 ఏళ్లు. గత కొన్నాళ్లుగా న‍్యూమోనియోతో బాధపడుతున్న ఈయన.. ఆస్పత్రిలో కుటుంబసభ్యులు ముందే కన్నుమూశారు. ఇప్పుడు ఈ విషయం.. 'హ్యారీపోటర్' అభిమానుల్ని కంటతడి పెట్టిస్తోంది.  (ఇదీ చదవండి: ఈ శుక్రవారం ఓటీటీల్లోకి 37 సినిమాలు) RIP #MichaelGambon - you will be missed! “Happiness can be found, even in the darkest of times, if one only remembers to turn on the light” - Prof. Albus Percival Wulfric Brian #Dumbledore pic.twitter.com/lIQqQKkklp — Jason Frazer (@ITSJASONFRAZER) September 28, 2023

మనలో చాలామందికి సినిమా చూడటం వ్యసనం. మందు తాగేవాడికి మత్తు ఎక్కితే కిక్ వస్తుంది. సినిమా చూసేవాడికి స్క్రీన్ ఎంత పెద్దగా ఉంటే.. అంత కిక్ వస్తుంది. ఎందుకంటే ఓ యాక్షన్ సీన్ పెద్ద తెరపై చూస్తుంటే అప్పుడు వచ్చే మజా.. బయట ఎక్కడా దొరకదు కదా! అయితే ఐమాక్స్, సూళ్లురుపేటలోని వి-ఎపిక్ స్క్రీన్స్ ఇప్పటివరకు పెద్దవని అనుకున్నాం. కానీ వాటికి బాబు లాంటి స్క్రీన్ త్వరలో అందుబాటులోకి రానుంది. దీని స్పెషాలిటీ ఏంటో తెలిస్తే మీకు ఫ్యూజులు ఎగిరిపోవడం గ్యారంటీ. ఈ స్క్రీన్ సంగతేంటి? సాధారణంగా సినిమా స్క్రీన్  ఓ గోడ ఆకారంలో అంటే స్క్వేర్ షేపులో ఉంటుంది. దాదాపు ఎక్కడ చూసినా సరే ఇలాంటివే ఉంటాయి. కానీ అమెరికాలోని లాస్ వెగాస్‍‌లో మాత్రం రౌండ్(గోళాకారం) షేపులో బంతిలా ఉండే స్క్రీన్‌ని సిద్ధం చేశారు. ప్రస్తుతం అందరూ దీన్ని రాకాసి స్క్రీన్ అని పిలుస్తున్నారు. ఎందుకంటే దీని పొడవు, వెడల్పు అలాంటిది మరి. (ఇదీ చదవండి: బెండు తీసిన 'బిగ్‌బాస్'.. హౌసులో దొంగతనానికి స్కెచ్!) ఈ స్క్రీన్ ప్రత్యేకతలు మిగతా వాటి సంగతేమో గానీ ఈ స్క్రీన్ 366 అడుగుల పొడుగు, 516 అడుగుల వెడల్పుతో ఉంది. ఈ థియేటర్ లో ఏకంగా 18,600 మంది ఒకేసారి కూర్చుని సినిమా చూడొచ్చు. ఈ స్క్రీన్ కి తోడుగా 1,60,000 స్పీకర్లు(చిన్నా పెద్దా కలిపి) ఉన్నాయి. మన దగ్గర ప్రస్తుతం 4K రెజుల్యూషన్ ఉంది. ఈ స్క్రీన్‌లో 18K రెజుల్యూషన్‌తో ప్లే అవుతుంది. ఇందులో మూవీ వేయాలంటే.. ఆ ఫైల్ సైజు 5 లక్షల జీబీ(GB) ఉండాల్సిందే. ఫస్ట్ సినిమా అదే ఇకపోతే అక్టోబరు 6న 'పోస్ట్ కార్డ్ ఫ్రమ్ ఎర్త్' సినిమాని.. ఈ రాకాసి స్క్రీన్‌పై ప్లే చేయనున్నారు. ఈ క్రమంలోనే తాజాగా కొన్ని వీడియోలు సోషల్ మీడియాలో వైరల్ అయ్యాయి. దీన్ని చూసిన నెటిజన్స్.. వామ్మో అనకుండా ఉండలేకపోతున్నారు. ఎందుకంటే జీవితంలో ఒక్కసారైనా ఇలాంటి చోట సినిమా చూస్తే చాలు. అయితే తెలుగు రాష్ట్రాల్లో ఇలాంటి స్క్రీన్ రావాలంటే ఇప్పట్లో అస్సలు సాధ్యం కాదు! (ఇదీ చదవండి: గ్లామర్ డోస్ పెంచిన నిహారిక... తమన్నా ముద్దులే ముద్దులు) View this post on Instagram A post shared by Darren Aronofsky (@darrenaronofsky)

హాలీవుడ్ యాక్షన్ స్టార్ సిల్వెస్టర్ స్టాలోన్ హీరోగా నటించిన 'ఎక్స్‌పెండబుల్స్-4' రిలీజ్‌కి సిద్ధమైంది. ఎక్స్‌పెండబుల్ సిరీస్ డేవిడ్ కల్లాహం సృష్టించిన పాత్రల ఆధారంగా తీస్తున్న సిరీస్. స్కాట్ వా దర్శకత్వం వహించిన రాబోయే అమెరికన్ యాక్షన్ చిత్రం ఇది. ఇంగ్లీష్, తమిళం, తెలుగు, హిందీ భాషల్లో ఈ సెప్టెంబర్ 22న విడుదల కానుంది.  (ఇదీ చదవండి: బిగ్‌బాస్‌ హౌస్‌లో గలీజ్‌ పురాణం.. బయటపడ్డ శివాజీ క్యారెక్టర్‌!) 'ది ఎక్స్‌పెండబుల్స్' సిరీస్‌లో మొదటి సినిమా 2010లో రిలీజైంది. ఎక్స్‌పెండబుల్స్ 2 చిత్రం 2012లో విడుదలైంది. మూడో పార్ట్ 2014లో థియేటర్లలోకి వచ్చింది. నాలుగో పార్ట్ మాత్రం ఎనిమిదేళ్ల తర్వాత అంటే ఇప్పుడు 2023 సెప్టెంబరు 22న ప్రేక్షకుల ముందుకు రానుంది. సిల్వెస్టర్ స్టాలోన్, జేసన్ స్టాథమ్, డాల్ఫ్ లండ్‌గ్రెన్, మేగాన్ ఫాక్స్ తదితరులు ఇందులో కీరోల్స్ ప్లే చేశారు. (ఇదీ చదవండి: ఒకే ఏడాదిలో రెండు విషాదాలు.. బాధలో ఆ స్టార్ హీరో)

సెప్టెంబర్‌ నెల ఖుషీగా మొదలైంది. చాలాకాలంగా విజయం కోసం ఎదురుచూస్తున్న విజయ్‌ దేవరకొండ, సమంత, శివ నిర్వాణ.. ఖుషి సినిమాతో బోణీ కొట్టారు. సెప్టెంబర్‌ 1న విడుదలైన ఖుషీ థియేటర్లలో విజయవంతంగా రన్‌ అవుతోంది. ఈ వారం రెండు చెప్పుకోదగ్గ సినిమాలు బాక్సాఫీస్‌ బరిలో దిగుతున్నాయి. షారుక్‌ ఖాన్‌ నటించిన 'జవాన్‌'.. నవీన్‌ పొలిశెట్టి, అనుష్కల 'మిస్‌ శెట్టి మిస్టర్‌ పొలిశెట్టి' ఒకేరోజు విడుదలవుతున్నాయి. అటు ఓటీటీలోనూ బోలెడన్ని చిత్రాలు సందడి చేసేందుకు సిద్ధమయ్యాయి. ఇంతకీ సెప్టెంబర్‌ 2వ వారంలో అటు థియేటర్‌లో, ఇటు ఓటీటీలో విడుదలవుతున్న సినిమాలు, వెబ్‌ సిరీస్‌లేంటో చూసేద్దాం. థియేటర్‌లో విడుదలయ్యే చిత్రాలు ► జవాన్‌ - సెప్టెంబర్‌ 7 ► మిస్‌ శెట్టి- మిస్టర్‌ పొలిశెట్టి - సెప్టెంబర్‌ 7 ఓటీటీలో రిలీజవుతున్న సినిమాలు, వెబ్‌ సిరీస్‌లు.. అమెజాన్‌ ప్రైమ్‌ వీడియో ► వన్‌ షాట్‌ (వెబ్‌ సిరీస్‌) - సెప్టెంబర్‌ 5 ► లక్కీ గౌ (హిందీ చిత్రం) - సెప్టెంబర్‌ 6 ► జైలర్‌ - సెప్టెంబర్‌ 7 ► సిట్టింగ్‌ ఇన్‌ బార్స్‌ విత్‌ కేక్‌ (హాలీవుడ్‌ మూవీ) - సెప్టెంబర్‌ 8 హాట్‌స్టార్‌ ► ఐయామ్‌ గ్రూట్‌ (వెబ్‌ సిరీస్‌, రెండో సీజన్‌) - సెప్టెంబర్‌ 6 ► ద లిటిల్‌ మెర్మాయిడ్‌ (హాలీవుడ్‌ మూవీ) - సెప్టెంబర్‌ 6 జీ5 ► హడ్డీ - సెప్టెంబర్‌ 7 నెట్‌ఫ్లిక్స్‌ ► స్కాట్స్‌ హానర్‌ (హాలీవుడ్‌ సినిమా) - సెప్టెంబర్‌ 5 ► షేన్‌ గిల్లీస్‌ (హాలీవుడ్‌ మూవీ) - సెప్టెంబర్‌ 5 ► టాప్‌ బాయ్‌ (వెబ్‌ సిరీస్‌, మూడో సీజన్‌) - సెప్టెంబర్‌ 7 ► కుంగ్‌ఫూ పాండా (వెబ్‌ సిరీస్‌, మూడో సీజన్‌) - సెప్టెంబర్‌ 7 ► వర్జిన్‌ రివర్‌ (వెబ్‌ సిరీస్‌, ఐదో సీజన్‌) - సెప్టెంబర్‌ 7 ► సెల్లింగ్‌ ది ఓసీ (వెబ్‌ సిరీస్‌, రెండో సీజన్‌) - సెప్టెంబర్‌ 8 బుక్‌ మై షో ► లవ్‌ ఆన్‌ ది రోడ్‌ (హాలీవుడ్‌ మూవీ) - సెప్టెంబర్‌ 8 లయన్స్‌ గేట్‌ ప్లే ► ది బ్లాక్‌ డెమన్‌ (హాలీవుడ్‌ మూవీ) - సెప్టెంబర్‌ 8 ఆపిల్‌ టీవీ ప్లస్‌ ► ది ఛేంజ్‌లింగ్‌ (హాలీవుడ్‌) - సెప్టెంబర్‌ 8 హైరిచ్‌ ► ఉరు(మలయాళం) - సెప్టెంబర్‌ 4 చదవండి: ఆ పాత్ర జూనియర్ ఎన్టీఆర్‌ మాత్రమే చేయగలడు: గదర్-2 డైరెక్టర్‌ కామెంట్స్ వైరల్!

ప్రముఖ అమెరికన్ సింగర్, గేయరచయిత జిమ్మీ బఫ్ఫెట్ (76) కన్నుమూశారు. ఆయన 'మార్గరీటవిల్లే', 'ఫిన్స్' వంటి హిట్ పాటలకు ప్రసిద్ధి చెందారు. సెప్టెంబర్ 1 రాత్రి ఆయన మరణించినట్లు స్థానిక మీడియా వెల్లడించింది. అయితే జిమ్మీ మరణానికి గల కారణాలు వెల్లడికాలేదు. ఈ విషయం తెలుసుకున్న పలువురు సినీ ప్రముఖులు సంతాపం ప్రకటిస్తున్నారు.  (ఇది చదవండి: తెలుగు హీరోతో సినిమా వదులుకున్న స్టార్‌ హీరోయిన్.. తగిన శాస్తే జరిగింది!) జిమ్మీ బఫెట్ 25 డిసెంబర్ 1946న అమెరికాలోని మిస్సిస్సిప్పిలో జన్మించారు. అతను 50 సంవత్సరాల తన కెరీర్‌లో దాదాపు 27 స్టూడియో ఆల్బమ్‌లను విడుదల చేశాడు. 1977లో విడుదలైన 'మార్గరెట్ విల్లే' ఆయన కెరీర్‌లో బిగ్గెస్ట్ హిట్‌గా నిలిచింది. బఫెట్ సింగర్‌ మాత్రమే కాదు.. మంచి రచయిత కూడా. చాలా పుస్తకాలు రచించడమే కాకుండా పలు సినిమాలు, టీవీ షోలలో అతిథి పాత్రల్లో కనిపించాడు. 1981లో మాజీ ఫ్లోరిడా గవర్నర్ రాన్ గ్రాహంతో కలిసి సేవ్ ది మనాటీ క్లబ్ స్వచ్ఛంద సంస్థను కూడా స్థాపించాడు. మిస్టర్ బఫెట్ 2016లో ఫోర్బ్స్ అమెరికా సంపన్నుల జాబితాలో 550 మిలియన్ డాలర్ల నికర విలువతో 13వ స్థానంలో నిలిచారు. కాగా.. ఆయనకు భార్య, ఇద్దరు కుమార్తెలు, ఓ కుమారుడు సంతానం ఉన్నారు. (ఇది చదవండి: స్టార్ హీరోయిన్ పెళ్లి వాయిదా.. ఇప్పట్లో లేనట్లే! ) The pirate has passed. RIP Jimmy Buffett. Tremendous influence on so many of us -T pic.twitter.com/HpyDWYWPfE — Toby Keith (@tobykeith) September 2, 2023

సినిమా ఇండస్ట్రీలో విషాదం నెలకొంది. అర్జెంటీనాకు చెందిన ప్రముఖ నటి, మాజీ మోడల్ సిల్వినా లూనా కన్నుమూసింది. కిడ్నీ వ్యాధితో బాధపడుతున్న ఆమె.. 79 రోజుల పాటు పోరాడి తుదిశ్వాస విడిచింది. ప్రస్తుతం ఆమె వయస్సు 43 ఏళ్లు కాగా.. గతంలో ఆమె కాస్మోటిక్ సర్జరీ చేయించుకున్నట్లు తెలుస్తోంది. అయితే అది వికటించి తీవ్ర అనారోగ్యానికి దారి తీసినట్లు తెలుస్తోంది. (ఇది చదవండి: ఇండస్ట్రీలో విషాదం.. ప్రముఖ నటుడు కన్నుమూత!) సర్జరీ వల్ల మూత్రపిండాల సమస్యతో బాధపడుతున్న ఆమె జూన్‌లో ఆస్పత్రిలో చేరింది. వెంటిలేటర్‌పై చికిత్స అందించినా ప్రయోజనం లేకపోయింది.  ఆగస్టు 31నే ఆమె చనిపోగా ఈ విషయం ఆలస్యంగా బయటకొచ్చింది. కాగా.. సిల్వినా లూనా అర్జెంటీనా టీవీ పరిశ్రమలో నటిగా, యాంకర్‌గా పేరు తెచ్చుకుంది. ఈ విషయం తెలుసుకున్న ఆమె అభిమానలు షాక్‌కు గురయ్యారు. సిల్వినా మృతి పట్ల పలువురు అర్జంటీనా నటీనటులు సంతాపం తెలిపారు.  (ఇది చదవండి: దేవత లాంటి యువతి దెయ్యంగా ఎలా మారింది?.. రిలీజ్ ఎప్పుడంటే? )

హాలీవుడ్‌ హర్రర్‌ చిత్రాలకు ఒక ప్రత్యేకత ఉంటుంది. ప్రేక్షకులను భయపెట్టాలన్నా.. థ్రిల్లింగ్‌కు గురిచేయాలన్నా హాలీవుడ్ చిత్రాలకే సాధ్యం. ప్రపంచవ్యాప్తంగా భారీగా వసూళ్లను కొల్లగొట్టేవి ఇలాంటి చిత్రాలే.  ది కంజూరింగ్‌ అనే చిత్రాన్నే తీసుకుంటే ప్రపంచంలోనే అత్యధికంగా వసూళ్లు సాధించిన చిత్రంగా నిలిచింది. అదే విధంగా హాలీవుడ్‌లో ది నన్‌ చిత్రం సంచలన విజయాన్ని సాధించిన సంగతి తెలిసిందే. (ఇది చదవండి: పవన్ కల్యాణ్‌ ఓజీపై ఆర్జీవీ ఆసక్తికర ట్వీట్..! ) తాజాగా దానికి సీక్వెల్‌గా వస్తోన్న చిత్రం నన్‌ -2. ఇది ది కంజూరింగ్‌ ఫ్రాంచైజీలో రూపొందిన 9వ చిత్రం కావడం మరో విశేషం. మైఖేల్‌ ఛావ్స్‌ దర్శకత్వం వహించిన ఈ అమెరికన్‌ చిత్రంలో బోలి ఆరోన్‌న్స్‌, తెలుసా ఫార్మికా, స్టీమ్‌ రెయిడ్‌, ప్రధాన పాత్రలు పోషించారు. న్యూలైన్‌ సినిమా ఆటోమిక్‌ మాన్‌స్టర్‌, ది సఫ్రాన్‌ కంపెనీ సంయుక్తంగా నిర్మించిన ఈ చిత్రం హర్రర్‌ థ్రిల్లర్‌ నేపథ్యంలో రూపొందించారు.   ఒక దేవత లాంటి యువతి దెయ్యంగా ఎలా మారింది? అన్న ఇతివృత్తంతో నన్‌–2  తెరకెక్కించారు. ఈ చిత్రం కథ, కథనం, స్పెషల్‌ ఎఫెక్ట్స్‌ ప్రేక్షకులను ఉత్కంఠకు గురి చేస్తాయని వార్నర్‌ బ్రదర్స్‌ సంస్థ నిర్వాహకులు వెల్లడించారు. ఈ చిత్రం భారతదేశంలో తమిళం, తెలుగు, హిందీ, ఇంగ్లిష్‌ భాషల్లో పాన్‌ ఇండియా చిత్రంగా ఈనెల 7న విడుదల చేయడానికి సన్నాహాలు చేస్తున్నట్లు తెలిపారు.  (ఇది చదవండి: గోపీచంద్‌ని తిట్టడం తప్పే.. ఫ్యాన్స్‌ దెబ్బకు దిగొచ్చిన డైరెక్టర్‌) On September 8th, the greatest evil in the conjuring universe returns #TheNun2. pic.twitter.com/zYdo2dzwVR — Warner Bros. Pictures (@wbpictures) July 6, 2023

ఈ ఉరుకుల పరుగుల జీవితంలో అంతా కలిసి ఉండటం పెద్ద టాస్కే అయిపోయింది. ఏదైనా పండగ వచ్చినప్పుడో, లేదంటే ఫంక్షన్‌ చేసినప్పుడు మాత్రమే కలిసి ఉండే భాగ్యం దొరుకుతోంది. ఈరోజు(ఆగస్టు 31) రాఖీ పండగ. ఎంతో దూరాన ఉన్న అక్కాచెల్లెళ్లు అన్నతమ్ముళ్లకు రాఖీ కట్టేందుకు ఈపాటికే సొంతూరికి చేరుకుంటారు. కుటుంబమంతా కలిసి కాలక్షేపం చేయడానికి ఇంతకంటే మంచి సమయం దొరకదు.  అలాగే రేపు శుక్రవారం కావడంతో కొన్ని కొత్త సినిమాలు, సిరీస్‌లు ఓటీటీలో సందడి చేసేందుకు సిద్ధమయ్యాయి. మీకు వీలు చిక్కిందంటే.. ఆలస్యం చేయకుండా ఫ్యామిలీతో కలిసి ఓటీటీని ఓ పట్టు పట్టేయండి.. మరి ఈరోజు, రేపు ఓటీటీలో విడుదలయ్యే సినిమాలు, వెబ్‌ సిరీస్‌లేంటో చూసేద్దాం.. అమెజాన్‌ ప్రైమ్‌ ► ద వీల్‌ ఆఫ్‌ టైం సీజన్‌ 2 (ఇంగ్లీష్‌ వెబ్‌ సిరీస్‌) - సెప్టెంబర్‌ 1 హాట్‌స్టార్‌ ► ద ఫ్రీలాన్సర్ (హిందీ వెబ్‌ సిరీస్) - సెప్టెంబర్‌ 1 సోనీలివ్‌ ► స్కామ్ 2003: ద తెల్గి స్టోరీ (తెలుగు డబ్బింగ్ సిరీస్) - సెప్టెంబర్‌ 1 జీ5 ► డీడీ రిటర్న్స్‌: భూతాల బంగ్లా (తెలుగు డబ్బింగ్‌ మూవీ) - సెప్టెంబర్‌ 1 ► బియే బిబ్రాత్‌ (బెంగాలీ చిత్రం) - సెప్టెంబర్‌ 1 నెట్‌ఫ్లిక్స్‌ ► వన్‌ పీస్‌ (ఇంగ్లీష్‌ వెబ్‌ సిరీస్‌) - నేటి నుంచే స్ట్రీమింగ్‌ ► చూజ్‌ లవ్‌ (హాలీవుడ్‌ సినిమా) - నేటి నుంచే స్ట్రీమింగ్‌ ► డిసెన్‌చాంట్‌మెంట్‌: పార్ట్‌ 5 (ఇంగ్లీష్‌ సిరీస్‌) - సెప్టెంబర్‌ 1 ► ఫ్రైడే నైట్‌ ప్లాన్‌ (హిందీ చిత్రం) - సెప్టెంబర్‌ 1 ► హ్యాపీ ఎండింగ్‌ (హాలీవుడ్‌ సినిమా) - సెప్టెంబర్‌ 1 ► లవ్‌ ఈజ్‌ బ్లైండ్‌: ఆఫ్టర్‌ ద అల్టర్‌ సీజన్‌ 4 (ఇంగ్లీష్‌ వెబ్‌ సిరీస్‌) - సెప్టెంబర్‌ 1 ► ఎ డే అండ్‌ హాఫ్‌ (హాలీవుడ్‌ సినిమా) - సెప్టెంబర్‌ 1 బుక్‌ మై షో ► ద అల్లేస్‌ (అరబిక్‌ చిత్రం) - సెప్టెంబర్‌ 1 చదవండి: టైగర్‌ నాగేశ్వరరావు చిత్రయూనిట్‌ను వాయించిన ధర్మాసనం.. బాధ్యతగా ఉండే అవసరం లేదా? అని మండిపాటు

ఫ్రైడే వచ్చిందంటే కొత్త సినిమా చూడాల్సిందే! కంటెంట్‌ బాగుంటే భాషతో సంబంధం లేకుండా ఏ సినిమా అయినా చూసి తీరాల్సిందే! ఇది మూవీ లవర్స్‌ మనసులోని మాట.. శుక్రవారం వచ్చిందంటే కచ్చితంగా ఏదో ఒక సినిమా రిలీజ్‌ అవడం ఖాయం. ఈ ఆచారం బాక్సాఫీస్‌కే పరిమితమైపోలేదు. ఓటీటీలోనూ ఇదే ట్రెండ్‌ నడుస్తోంది. మిగతా రోజుల్లో రిలీజ్‌ల మాట ఎలా ఉన్నా శుక్రవారం ఓ కొత్త సినిమా లేదా సిరీస్‌ను విడుదల చేస్తూ ఉంటారు. మరి రేపు(ఆగస్టు 18) ఓటీటీలో విడుదలయ్యే సినిమాలు, సిరీస్‌లు ఏంటో చూసేద్దాం.. అమెజాన్‌ ప్రైమ్‌ ► హర్లాన్‌ కోబెన్స్‌ షెల్టర్‌ (వెబ్‌ సిరీస్‌) ► ఏపీ ధిల్లాన్‌: ఫస్ట్‌ ఆఫ్‌ ఎ కైండ్‌ (డాక్యుమెంట్‌ సిరీస్‌) నెట్‌ఫ్లిక్స్‌ ► గన్స్‌ అండ్‌ గులాబ్స్‌  ► మాస్క్‌ గర్ల్‌ (కొరియన్‌ సిరీస్‌) ► ద మంకీ కింగ్‌ ► ద అప్‌షాస్‌ పార్ట్‌ 4 - ఈరోజు నుంచే స్ట్రీమింగ్‌ అవుతోంది. హాట్‌స్టార్‌ ► మతగం సోనిలివ్‌ ► ఆయిరతొన్ను నూనకల్‌ (మలయాళ చిత్రం) ఈసారి ఓటీటీలో రిలీజయ్యే సినిమాల జాబితాతో థియేటర్‌లో విడుదలయ్యే చిత్రాలు పోటీపడుతున్నట్లుగా కనిపిస్తున్నాయి. థియేటర్‌లో మిస్టర్‌ ప్రెగ్నెంట్‌, ప్రేమ్‌ కుమార్‌, జిలేబి, డీడీ రిటర్న్స్‌, పిజ్జా 3: ద మమ్మీ (తెలుగు), బ్లూ బీటిల్‌, గూమర్‌ సినిమాలు శుక్రవారం సందడి చేసేందుకు సిద్ధమయ్యాయి. ఈ సినిమాల్లో మీకు నచ్చినవాటిని సెలక్ట్‌ చేసుకుని వీకెండ్‌ ఓ పట్టు పట్టేయండి మరి! చదవండి: దుల్కర్‌తో వన్స్‌మోర్‌ అంటున్న హీరోయిన్‌ ఆ కోరిక ఉన్నవారు సినిమాల్లో ఉండలేరు: హీరోయిన్‌

ప్రముఖ హాలీవుడ్ నటుడు డారెన్ కెంట్ (39) కన్నుమూశారు. దీర్ఘకాలిక అనారోగ్య సమస్యలతో బాధపడుతున్న ఆయన శుక్రవారం (ఆగస్టు 11న) ఉదయం తుదిశ్వాస విడిచారు. ఈ విషాద వార్తను ఆయన సన్నిహితులు ఆలస్యంగా మీడియాకు వెల్లడించారు. కాగా డారెన్‌ కెంట్‌ ఇంగ్లాండ్‌లోని ఎస్సెక్స్‌లో జన్మించారు. 2007లో ఇటాలియా కాంటిలో గ్రాడ్యుయేషన్‌ పూర్తి చేసిన ఆయన ఆ మరుసటి ఏడాది మిర్రర్స్‌ చిత్రంతో వెండితెరపై ఎంట్రీ ఇచ్చారు. ద లిటిల్‌ స్ట్రేంజర్‌ సినిమాతో గుర్తింపు తెచ్చుకున్నారు. తర్వాత ఎన్నో హిట్‌ చిత్రాల్లో నటించారు. 'Game of Thrones' సిరీస్ ద్వారా ప్రపంచవ్యాప్తంగా పేరు తెచ్చుకున్నారు. ఈ సిరీస్‌ ఇతడికి విశేషమైన క్రేజ్‌ తెచ్చిపెట్టింది.  దీనితోపాటు అనేక HBO డ్రామా సిరీస్‌లలోనూ నటించారు. సన్నీబాయ్ సినిమాకు గాను కెంట్ బెస్ట్ యాక్టర్ అవార్డు అందుకున్నారు. What a privilege it was to be your friend and to work together on so many projects over the years. Life won’t be the same without you 💔I will miss you so much. RIP darling Darren Kent xxxx pic.twitter.com/Fz81LszZkF — Jane Gull (@GullJane) August 14, 2023 Love and thoughts to the friends and family of our talented, caring soul of a friend, Darren Kent, who sadly passed away on Friday. Darren, an Essex writer, actor and director, directed our award winning short You Know Me. A true character who was Always creating and forever… pic.twitter.com/y3IWbJxi6I — Ben Trebilcook (@BenTrebilcook) August 13, 2023

హాలీవుడ్ స్టార్స్ తెలుగులో మాట్లాడారు. అవును మీరు కరెక్ట్‌గానే విన్నారు. 'ఆర్ఆర్ఆర్' హీరోయిన్ ఆలియా భట్ వాళ్లకు తెలుగు నేర్పించింది. ప్రస్తుతం ఈ వీడియో తెగ వైరల్ అవుతుంది. అసలు ఆలియా వాళ్లకు ఎందుకు, ఏం నేర్పిందనేగా మీ డౌట్. అక్కడికే వచ్చేస్తున్నా. అలా సరదాగా ఏం మాట్లాడుకున్నారో కూడా చెప్పుకుందాం. (ఇదీ చదవండి: నటుడిగా పనికిరాడన‍్నారు.. ఇప్పుడు ఇండస్ట్రీని ఏలుతున్నాడు!) బాలీవుడ్ హీరోయిన్‌గా కెరీర్ ప్రారంభించిన ఆలియా.. పాన్ ఇండియా రేంజులో గుర్తింపు తెచ్చుకుంది. రాజమౌళి తీసిన 'ఆర్ఆర్ఆర్' చిత్రంలో సీతగా నటించి ఆకట్టుకుంది. ఇక ఆలియా నటించిన హాలీవుడ్ మూవీ 'హార్ట్ ఆఫ్ స్టోన్' రిలీజ్‌కి రెడీగా ఉంది. నెట్‌ఫ్లిక్స్‌లో ఆగస్టు 11 నుంచి స్ట్రీమింగ్ కానుంది. ఈ సినిమా ప్రమోషన్స్‌లో భాగంగానే ఫన్నీ ఇంటర్వ్యూ జరిగింది. ఈ వీడియోలా ఆలియా భట్ కి తోడుగా గల్ గడాట్, జెమీ డోర్నర్ పలు విషయాలు మాట్లాడారు. అదే టైంలో ఆలియా భట్ తనకు తెలిసిన రెండు తెలుగు మాటల్ని సదరు హాలీవుడ్ స్టార్స్ తోనూ చెప్పించింది. 'అందరికీ నమస్కారం', 'మీకు నా ముద్దులు' అని ఇంగ్లీష్ యాక్టర్స్ చెబుతున్న వీడియో ఇప్పుడు వైరల్ అయింది. దీనిపై నెటిజన్స్ అంతే ఫన్నీగా కామెంట్స్ చేస్తున్నారు. ఆలియాకి వచ్చిందే రెండు ముక్కలు.. వాటినే మళ్లీ నేర్పిస్తోంది అని అంటున్నారు. 🥺Never even thought of this would happen #galgadot #aliabhatt pic.twitter.com/q8tdPyReDm — Bahubali3 (@DinuRoyalC) August 8, 2023 (ఇదీ చదవండి: తన ప్రెగ్నెన్సీ గురించి ఉపాసన ఇంట్రెస్టింగ్ కామెంట్స్!)

ప్రముఖ హాలీవుడ్ నటుడు అల్‌ పాసినో ఇటీవల తరచుగా వార్తల్లో నిలుస్తున్నారు. ఇటీవలే దాదాపు 83 ఏళ్ల వయసులో నాలుగోసారి తండ్రయ్యారు. అది కూడా తనకంటే వయసులో చిన్నదైన 29 ఏళ్ల నూర్ అల్పాల్లాతో ఓ బిడ్డకు స్వాగతం పలికారు. జూన్‌లో నూర్‌ అల్ఫాల్లా బిడ్డకు జన్మనివ్వగా.. రోమన్ పాసినో అని నామకరణం చేశారు. తాజాగా ఈ జంట మరోసారి వార్తల్లో నిలిచింది. అల్‌ పాసినో అమెరికా కాలిఫోర్నియాలోని శాంటా మోనికాలో తన గర్ల్‌ ఫ్రెండ్‌ నూర్ అల్ఫాల్లాతో కనిపించారు. ఈ జంట కారులో వెళ్తున్న ఫోటోలు సోషల్ మీడియాలో తెగ వైరలవుతున్నాయి.  (ఇది చదవండి: అందమైన అనన్య.. 'తంత్ర' అంటూ భయపెట్టేస్తోంది!) ప్రెగ్నెన్సీ సమయంలో అనుమానాలు? అయితే గతంలో నూర్‌ ప్రెగ్నెన్సీ ఉన్నట్లు ప్రకటించగా.. నటుడు అల్ పాసినో అభ్యంతరం వ్యక్తం చేశారు. నూర్ ప్రెగ్నెన్సీ వార్తలపై ఆశ్చర్యం వ్యక్తం చేస్తూ డీఎన్‌ఏ టెస్ట్ చేయాల్సిందిగా కోరాడని తెలిసింది. అంతేకాకుండా తనకు 83 ఏళ్ల వయసులో పిల్లలను కనడం ఇష్టం లేదని తెలిపాడు. అయితే నూర్ గర్భం ధరించిన విషయాన్ని చాలా రోజుల పాటు అల్ పాసినోకు తెలియకుండా దాచింది. మే 31న గర్భం ధరించినట్లు ప్రకటించి అందరినీ ఆశ్చర్యానికి గురిచేసింది.  పెళ్లి చేసుకోకుండానే ముగ్గురితో సహజీవనం? అల్ పాసినోకు ఇప్పటివరకు పెళ్లి కాలేదు. అతనికి మొదట తన యాక్టింగ్ కోచ్ జాన్ టారెంట్‌ అనే మహిళతో సహజీవనం చేశారు. ఆ సమయంలో వీరికి ఓ కుమార్తె జన్మించింది. ఆ తర్వాత మరో నటి బెవర్లీ డి ఏంజెలోతో డేటింగ్ చేశారు. వీరికీ కవల పిల్లలు జన్మించారు. ఆ తర్వాత అల్, బెవర్లీ 2004లో విడిపోయారు.  అప్పటి నుంచి వీరిద్దరు స్నేహితులుగానే ఉంటున్నారు. ఆ తర్వాత అల్ పాసినో, నూర్ అల్ఫాల్లా ఏప్రిల్ 2022లో లాస్ ఏంజిల్స్‌లో కలిసి డిన్నర్ చేస్తుండగా.. మొదటిసారి ఈ జంటపై డేటింగ్ రూమర్స్ వినిపించాయి. కొవిడ్ లాక్‌ డౌన్‌లో వీరిద్దరు డేటింగ్ ప్రారంభించారు. అల్ పాసినో తన తండ్రి కంటే పెద్ద వయసులో ఉన్నా.. అల్ఫాల్లా అతని వయస్సు అంతరాన్ని పెద్దగా పట్టించుకోదు.  (ఇది చదవండి: ఓటీటీకి వచ్చేసిన 'భాగ్ సాలే'.. స్ట్రీమింగ్ ఎక్కడో తెలుసా?) + Al and his girlfriend, Noor Alfallah, after dinner in Santa Monica. pic.twitter.com/6kCrePMDuf — Pacino's World 👑 (@worldpacino) August 2, 2023

బ్యూటీ క్వీన్‌, వెనిజులా మోడల్‌ అరియానా వీర రోడ్డుప్రమాదంలో మరణించింది. జూలై 13న ఫ్లోరిడాలో జరిగిన కారు యాక్సిడెంట్‌లో తీవ్ర గాయాలపాలైన ఆమెను హుటాహుటిన ఆస్పత్రికి తీసుకెళ్లారు. చికిత్స అందిస్తున్న క్రమంలో ఆమెకు గుండెపోటు రావడంతో ప్రాణాలు విడిచింది. కారు నడిపే క్రమంలో అలసటకు లోనైన అరియానా డ్రైవింగ్‌లో రెప్పవాల్చడంతోనే ఈ రోడ్డు ప్రమాదం జరిగిందని అరియానా తల్లి వివియన్‌ ఓచోవా మీడియాకు వెల్లడించింది. తను ఎంతోమందికి సాయం చేసిందని, అలాంటి నా కూతుర్ని భగవంతుడు త్వరగా తీసుకెళ్లిపోయాడంటూ కన్నీరుమున్నీరుగా విలపించింది. కాగా ఈ బ్యూటీ మే నెలలో అంత్యక్రియల వీడియో పోస్ట్‌ చేసింది. 'నా వీడియోలను నేనే తీసుకుంటాను. నేను చనిపోయాక నా అంత్యక్రియలను ఎవరైనా రికార్డు చేస్తారో లేదో? అందుకే ఎప్పుడో జరగాల్సిన నా అంత్యక్రియలను ఓసారి నేనే రికార్డు చేసి పెట్టుకుంటున్నాను' అంటూ సదరు వీడియోను తన ఇన్‌స్టాగ్రామ్‌లో పోస్ట్‌ చేసింది.  కాగా అరియానా మోడల్‌ మాత్రమే కాదు, రియల్‌ ఎస్టేట్‌ రంగంలోనూ ఆమెకు ప్రావీణ్యం ఉంది. తను ఫుల్‌ హౌస్‌ క్లీనింగ్‌ సర్వీస్‌ అనే కంపెనీ కూడా నిర్వహిస్తోంది. ఇకపోతే అక్టోబర్‌లో జరగబోయే 'మిస్‌ లాటిన్‌ అమెరికా ఆఫ్‌ ద వరల్డ్‌ 2023' పోటీల్లో అరియానా.. వెనిజులా తరుపున ప్రాతినిధ్యం వహించాల్సి ఉంది. అంతలోనే ఈ దారుణం జరగడంతో అభిమానులు భావోద్వేగానికి లోనవుతున్నారు. View this post on Instagram A post shared by Ariana Valentina (@arianaviera__) View this post on Instagram A post shared by Ariana Valentina (@arianaviera__) చదవండి: ఓటీటీలోకి వచ్చేసిన కొత్త సినిమాలు.. ఎక్కడ స్ట్రీమింగ్‌ అంటే?