మెడికో ఆత్మహత్యాయత్నం

రిమ్స్ క్యాంపస్, న్యూస్‌లైన్: ఓ వైద్యవిద్యార్థి ఆత్మహత్యాయత్నానికి పాల్పడిన సంఘటన   కలకలం రేపింది. విశాఖ పట్నం సమీపంలోని సింహాచలానికి చెందిన బండారి లోకేష్ రిమ్స్ వైద్య కళాశాలలో ఆఖరి సంవత్సరం చదువుతున్నాడు. బుధవారం సాయంత్రం వరకు సహా విద్యార్థులతో ఉన్నాడు. సాయంత్రం బయటకు రాకుండా హాస్టల్ గదిలోనే ఉన్నాడు. రాత్రి 8.30 గంటలకు సహవిద్యార్థి ప్రవీణ్‌కుమార్ గదిలోకి వెళ్లగా లోకేష్ అపస్మారక స్థితిలో ఉండడాన్ని గమనించాడు. హాస్టల్‌లోని ఇతర విద్యార్థులకు సమాచారం ఇచ్చాడు. లోకేష్ బ్యాగ్‌లో  ఓలనాన్ జోపిన్ అనే నిద్ర మాత్రలు చింపి ఉండటాన్ని గమనించారు. సుమారు 36 నిద్ర మాత్రలు వేసుకున్నట్టు చింపి ఉన్న మాత్రల కవర్‌ను చూసి విద్యార్ధులు పోల్చారు. వెంటనే రిమ్స్‌లోని క్యాజువాల్టీలో చేర్పించారు. అధిక మోతాదులో నిద్ర మాత్రలు మింగడంతో పరిస్థితి విషమించించడంతో అతనిని పట్టణంలోని కిమ్స్ ఆస్పత్రికి తరలించారు.