TV
పిడుగురాళ్ల(గుంటూరు): ద్విచక్ర వాహనాన్ని లారీ ఢీకొట్టడంతో ముగ్గురు మృతి చెందారు. ఈ ప్రమాదం మంగళవారం గుంటూరు జిల్లా పిడుగురాళ్లలో జరిగింది. వివరాలు.....పట్టణంలోని గాంధీనగర్‌కు చెందిన పణితి రాజేష్(20) అలియాస్ రూపి తన బంధువుల పిల్లలతో కలిసి బైక్‌పై వెళుతుండగా మున్సిపాలిటీ కార్యాలయం ఎదుట లారీ ఢీకొట్టింది.
ఈ ప్రమాదంలో రాజేష్ అక్కడికక్కడే మృతి చెందాడు. తీవ్రంగా గాయపడిన వసంత(17), ఆనంద్‌పాల్(4)లను గుంటూరు ప్రభుత్వ ఆస్పత్రికి తరలించగా చికిత్స పొందుతూ మృతి చెందారు. లారీ డ్రైవర్ పరారీలో ఉన్నాడు.
