TV
ఇద్దరమ్మాయిల ప్రేమకథ!
ఇద్దరమ్మాయిల మధ్య ఏర్పడిన అనుబంధం నేపథ్యంలో తెరకెక్కిన చిత్రం ‘ఎఫైర్’. శ్రీరాజన్ నటించి, దర్శకత్వం వహించిన ఈ చిత్రాన్ని తుమ్మలపల్లి రామసత్యనారాయణ నిర్మించారు. ప్రశాంతి, గీతాంజలి ముఖ్యతారలు. ‘‘శ్రీరాజన్ చెప్పిన కథ రామ్‌గోపాల్‌వర్మగారికి కూడా బాగా నచ్చింది. డిఫరెంట్ పాయింట్‌తో ఈ చిత్రాన్ని తెరకెక్కించాం. ఈ నెల 13న విడుదల చేయనున్నాం’’ అని నిర్మాత చెప్పారు. ‘‘నా 16 ఏళ్ల కష్టం ఈ సినిమా. హీరో స్థానంలో అమ్మాయిని పెడితే ఎలా ఉంటుంది? అనే ఐడియాతో ఈ కథ తయారు చేసుకున్నా’’ అని దర్శకుడు తెలిపారు.
