నిధి, భువన ముందంజ

ఐటీఎఫ్ మహిళల టెన్నిస్ టోర్నీ
 మొయినాబాద్ రూరల్, న్యూస్‌లైన్ : అంతర్జాతీయ టెన్నిస్ సమాఖ్య (ఐటీఎఫ్) మహిళల టెన్నిస్ టోర్నమెంట్‌లో నిధి చిలుముల, కాల్వ భువన ముందంజ వేశారు. ఇక్కడి సానియా మీర్జా టెన్నిస్ అకాడమీ (ఎస్‌ఎమ్‌టీఏ)లో మంగళవారం జరిగిన సింగిల్స్ తొలిరౌండ్ మ్యాచ్‌ల్లో కాల్వ భువన 7-5, 6-4తో అర్షి బాసిన్‌పై, నిధి 6-0, 6-0తో సంస్కృతి రంజన్‌పై విజయం సాధించారు.
 
 ఇతర పోటీల్లో తింబరే 6-1, 6-1తో సృష్టి స్లారియాపై, శర్మదా బాలు 6-3, 4-6, 6-1తో జెనీ పటేల్‌పై, నటాషా పల్హా 6-1, 6-0తో సాహన్ శెట్టిపై, సంచన షరాన్ పాల్ 3-6, 6-1, 6-4తో వన్షిక సాహ్నేపై, రిషిక రవీంద్రన్ 6-2, 6-1తో తాన్వీ బోస్‌పై, ఇతీ మహిత 5-7, 6-1, 6-2తో స్నేహ పడమటపై, దామిని 3-6, 7-6 (7/0), 6-0తో ఉజ్జిని ప్రీతిపై, అమృత 6-2, 6-0తో ప్రీతి శ్రీనివాసన్‌పై, రిషిక సుంకర 6-2, 6-4తో చామంతిపై, శ్వేత రాణా 6-7 (3/7), 6-2, 6-3తో వైదేహి చౌదరిపై గెలుపొందారు.