చండీగఢ్: పంజాబ్ ముఖ్యమంత్రి భగవంత్ సింగ్ మాన్ భార్య.. డాక్టర్ ''గురుప్రీత్ కౌర్'' గురువారం మొహాలీలోని ప్రైవేట్ ఆసుపత్రిలో పండండి ఆడబిడ్డకు జన్మనిచ్చింది. ఈ విషయాన్ని భగవంత్ స్వయంగా తన ఎక్స్ (ట్విటర్) ఖాతా ద్వారా వెల్లడించారు. దేవుడు ఒక కుమార్తెను బహుమతిగా ఇచ్చాడు. తల్లి, బిడ్డ ఇద్దరూ ఆరోగ్యంగా ఉన్నారు అంటూ.. బిడ్డ ఫోటో కూడా షేర్ చేశారు. లూథియానాలోని ఫోర్టిస్ ఆసుపత్రిలో గురుప్రీత్‌కు ప్రసవం జరిగినట్లు తెలిసింది. ఈ వార్త తెలుసుకున్న నెటిజన్లు, అభిమానులు భగవంత్‌ మాన్‌ దంపతులకు శుభాకాంక్షలు చెబుతున్నారు. పంజాబ్ రాష్ట్ర రాజకీయ చరిత్రలో పదవిలో ఉన్నప్పుడు తండ్రి అయిన మొదటి వ్యక్తి భగవంత్ సింగ్ మాన్. ఈయన 2022 జులైలో గురుప్రీత్‌ను రెండో వివాహం చేసుకున్నారు. అంతకు ముందు ఇంద్రప్రీత్‌ కౌర్‌ అనే మహిళను పెళ్లి చేసుకున్నారు. కొన్ని అనివార్య కారణాల వల్ల 2015లో విడిపోయారు. భగవంత్ సింగ్ మాన్, ఇంద్రప్రీత్‌ కౌర్‌ జంటకు ఇద్దరు పిల్లలు ఉన్నారు. కాగా ఇప్పుడు రెండో భార్య పాపకు జన్మనివ్వడంతో మూడోసారి తండ్రయ్యారు. జనవరి 26న రిపబ్లిక్‌ డే వేడుకల్లో భగవంత్‌ మాన్‌ తన భార్య ప్రెగ్నెంట్‌ అన్న విషయాన్ని ప్రకటించారు. ఇప్పుడు తన కుమార్తె ఫోటో సోషల్ మీడియాలో షేర్ చేశారు. Blessed with baby Girl.. pic.twitter.com/adzmlIxEbb — Bhagwant Mann (@BhagwantMann) March 28, 2024

సింగర్, బిగ్‌బాస్‌-14 కంటెస్టెంట్‌ రాహుల్ వైద్య, బుల్లితెర నటి దిశా పర్మార్ తల్లిదండ్రులయ్యారు. ఈ జంట గతంలో చాలా సార్లు ప్రెగ్నెన్సీకి సంబంధించిన ఫోటోలు షేర్ చేసిన సంగతి తెలిసిందే. బుధవారం దిశా పర్మార్‌ పండంటి బిడ్డకు జన్మినిచ్చింది. ఈ విషయాన్ని తమ ఇన్‌స్టాగ్రామ్ ద్వారా వెల్లడించారు.  ఈ విషయం తెలుసుకున్న పలువురు బాలీవుడ్ సినీ తారలు ఈ జంటకు శుభాకాంక్షలు తెలిపారు. ప్రస్తుతం బేబీ, తల్లి ఆరోగ్యంగానే ఉన్నారని వెల్లడించారు. వినాయక చవితి సందర్భంగా మా ఇంటికి బిడ్డ రావడం సంతోషంగా ఉందని అన్నారు.  (ఇది చదవండి: ముగిసిన మీరా అంత్యక్రియలు.. బోరున విలపించిన విజయ్ దంపతులు!) ఇన్‌స్టాలో రాస్తూ..'మా ఇంటికి లక్ష్మీ తల్లి వచ్చింది. మమ్మల్ని ఆ దేవుడు ఆడబిడ్డతో ఆశీర్వదించాడు. మమ్మీ, బిడ్డ ఇద్దరూ సంపూర్ణ ఆరోగ్యంగా ఉన్నారు. గర్భం దాల్చినప్పటి నుంచి బిడ్డకు అండగా నిలిచిన వైద్యులకు మా కృతజ్ఞతలు. మాకు  ఉత్తమమైన సేవలు అందించినందుకు  మా కుటుంబం తరఫున ప్రత్యేక ధన్యవాదాలు. ఈ సంతోషకరమైన సమయంలో మా పాపను ఆశీర్వదించాలని కోరుకుంటున్నాం.' అంటూ పోస్ట్ చేశారు. అంతే కాకుండా ఏనుగు బొమ్మతో ఉన్న కార్టూన్‌ ఫోటోను షేర్ చేశారు. గణేశ్ చతుర్థి సందర్భంగా పాప పుట్టడంతో అలా ఆనందాన్ని పంచుకున్నారు. మీ ఇంటికి గణేష్‌తో పాటు మీరు లక్ష్మీ దేవిని కూడా స్వాగతించారు అంటూ కొందరు పోస్టులు పెడుతున్నారు.  కాగా.. టీవీ రియాలిటీ షో బిగ్ బాస్- 14లో 2020లో ఆమె పుట్టినరోజు సందర్భంగా దిశాకు రాహుల్ ప్రపోజ్ చేశాడు.రాహుల్ వైద్య, దిశా పర్మార్ జూలై 16, 2021న ముంబైలో వివాహం చేసుకున్నారు. సింగింగ్ రియాలిటీ షో అయిన ఇండియన్ ఐడల్ మొదటి సీజన్‌లో రాహుల్ కనిపించారు. అతను కేహ్ దో నా, తేరా ఇంతేజార్, యాద్ తేరీ వంటి పాటలు పాడారు. అంతే కాకుండా ఖత్రోన్ కే ఖిలాడీ  సీజన్‌- 11లో కూడా పాల్గొన్నాడు. దిశా పర్మార్ మోడల్‌గా తన కెరీర్‌ను ప్రారంభించి.. ఆ తర్వాత టీవీ షో ప్యార్ కా దర్ద్ హై మీఠా మీఠా ప్యారా ప్యారాలో నకుల్ మెహతా సరసన నటించింది. దిశా వో అప్నా సా షోలో కూడా కనిపించింది. ఆమె నటించిన బడే అచ్చే లాగ్తే హై- 2తో ఫేమ్ తెచ్చుకుంది.  (ఇది చదవండి: నోరుజారిన డాక్టర్‌బాబు.. రెచ్చిపోయి ఛాలెంజ్ చేసిన శోభా) View this post on Instagram A post shared by RAHUL VAIDYA (@rahulvaidyarkv)

తన తల్లి కారణంగా మలయాళ నటి ఆర్య పార్వతి ఈ మధ్య ఎక్కువగా వార్తల్లో నిలుస్తోంది. 47 ఏళ్ల వయసులో ఆమె తల్లి ఓ ఆడబిడ్డకు జన్మనిచ్చిన సంగతి తెలిసిందే. ఈ విషయాన్ని ఆమె స్వయంగా ప్రకటించింది. అంతేకాదు తాను అక్కను అయ్యానంటూ తన బుల్లి చెల్లి ఫొటో షేర్‌ చేస్తూ మురిసిపోయింది. అయితే లేటు వయసులో తన తల్లి బిడ్డకు జన్మనివ్వడంపై తాజాగా ఓ ఇంటర్య్వూలో ఆర్య పార్వతి స్పందించింది. ఇది వినడానికి కాస్త ఇబ్బందిగా అనిపించినా.. అందులో సిగ్గుపడాల్సింది ఏముందని అభిప్రాయపడింది. చదవండి: రాజమౌళి నన్ను అవమానించారు: నటి కాంచన సంచలన వ్యాఖ్యలు ఈ సందర్భంగా ఆమె మాట్లాడుతూ.. ‘మా అమ్మ ప్రెగ్నెన్సీ విషయం మా నాన్న ద్వారా తెలిసింది. అప్పటికే ఆమె 8నెలల గర్భవతి. ఆ సమయంలో ఎలా స్పందించాలో నాకు అర్థం కాలేదు. అవును.. 23 ఏళ్ల వయసులో తల్లిదండ్రుల నుంచి ఇలాంటి వార్త వినాల్సి రావడంతో.. నాకు ఎలా రియాక్ట్‌ అవ్వాలో అర్థం కాలేదు. షాక్‌ అయ్యాను అనేకంటే ఆశ్చర్యపోయాను అని చెప్పాలి. 47 ఏళ్ల వయసులో తల్లి గర్భవతి అయ్యిందంటే అది ఇబ్బంది పెట్టే విషయమే అని తెలుసు. కానీ, నాకు తెలిసే సమయానికి అమ్మ 8 నెలల గర్భవతిగా ఉంది. తనకే ఈ విషయం 7వ నెలలో తెలిసింది’ అంటూ ఆర్య ఆసక్తికర వ్యాఖ్యలు చేసింది.  చదవండి: టాలీవుడ్‌లో మరో విషాదం, పాపులర్‌ నటుడు కన్నుమూత ‘అయితే నాతో ఈ విషయం చెప్పేందుకు అమ్మ-నాన్న ఇబ్బంది పడ్డారట. ఇది చెప్పగానే నేను ఎలా రియాక్ట్‌ అవుతానోనని భయపడ్డారట. అందుకే కొంతకాలం ఈ విషయాన్ని నా దగ్గర దాచారు’ అని పేర్కొంది. అనంతరం ఆమె మాట్లాడుతూ.. నాన్న ఈ విషయం చెప్పిన తర్వాత తాను వెళ్లి తన అమ్మ ఒడిలో పడుకుని ఏడ్చానని చెప్పింది. ‘నిజానికి నేను ఎంతోకాలం దీనికోసమే ఎదురు చూశాను. నేనెందుకు సిగ్గుపడతాను’ అని అమ్మతో చెప్పానని ఆర్య పార్వతి చెప్పుకొచ్చింది. కాగా సోషల్‌ మీడియాలో ఆమె ఈ గుడ్‌న్యూస్‌ షేర్‌ చేయడంతో నెటిజన్లు, ఫ్యాన్స్‌ నుంచి శుభాకాంక్షలు వెల్లువెత్తాయి. 

ఇండస్ట్రీలో ఓ ఆసక్తికర సంఘటన చోటు చేసుకుంది. సినిమాలో ఓ కల్పిత కథ.. నిజ జీవితంలో చోటు చేసుకుంది. ప్రముఖ సీరియన్‌ నటి, బుల్లితెర హీరోయిన్‌ తల్లి 23 ఏళ్ల తర్వాత గర్భవతి అయి ఓ బిడ్డకు జన్మనిచ్చిన సంఘటన అందరిని ఆశ్చర్యానికి గురి చేస్తోంది. దీంతో ఈ వార్త ఇండస్ట్రలో, సోషల్‌ మీడియాలో హాట్‌టాపిక్‌గా నిలిచింది. వివరాలు.. కేరళకు చెందిన 23 ఏళ్ల ఆర్య పార్వతి మలయాళంలో పాపులర్‌ నటి. ఆమె పలు టీవీ సీరియల్స్‌లో లీడ్‌ రోల్స్‌ చేస్తూ బుల్లితెర హీరోయిన్‌గా ఎంతో క్రేజ్‌ను సంపాదించుకుంది. చదవండి: కృష్ణవంశీకి పిచ్చా.. ఈమె హీరోయిన్‌ ఏంటీ? అని హేళన చేశారు: నటి సంగీత ‘చెంబట్టు’ ‘ఇలయవళ్ గాయత్రి’ వంటి సీరియల్స్‌ ఆమె గుర్తింపు పొందింది. ఆమె నటి మాత్రమే కాదు క్లాసికల్‌ డ్యాన్సర్‌ కూడా. నటిగా, డ్యాన్సర్‌గా ఆమె ఎంత బిజీగా ఉన్న సోషల్‌ మీడియాలో సైతం యాక్టివ్‌గా ఉంటుంది. తరచూ తన వ్యక్తిగత విషయాలను, లేటెస్ట్‌ ఫొటోలను అభిమానులతో పంచుకుంటుంది. ఈ నేపథ్యంలో గతంలో తన తల్లి గర్భవతి అయినట్లు ప్రకటించి షాకిచ్చింది. 47 ఏ‍ళ్ల ఆమె తల్లి 23 ఏళ్ల తర్వాత మళ్లీ ప్రెగ్నెంట్‌ అయ్యిందని తెలిసి అంతా అవాక్కాయ్యారు. ఈ నేపథ్యంలో తాజాగా ఆమె తల్లి పండంటి ఆడబిడ్డకు జన్మననిచ్చింది. చదవండి: అప్పుడే ఓటీటీకి వచ్చేస్తోన్న ‘బుట్టబొమ్మ’! స్ట్రీమింగ్‌ ఎప్పుడు, ఎక్కడంటే.. ఈ విషయాన్ని నటి ఆర్య పార్వతి సోషల్‌ మీడియాలో షేర్‌ చేస్తూ ఆనందం వ్యక్తం చేస్తోంది. అంతేకాదు తన బుల్లి చెల్లి ఫొటోలను, వీడియోలను ఇన్‌స్టాగ్రామ్‌లో షేర్‌ చేస్తూ మురిసిపోతుంది. కాగా అచ్చం ఇలాంటి సంఘటన ఆధారంగా ఇటీవల తమిళంలో ఓ సినిమా తెరకెక్కింది. ఆర్‌జే బాలాజీ లీడ్‌ రోల్లో ‘వీట్ల విశేషం’ అనే సినిమా వచ్చింది. ఇందులో సత్యరాజ్‌, ఊర్వశీలు ప్రధాన పాత్రలు పోషించారు. ఇందులో హీరో తల్లిగా కనిపించిన ఊర్వశీ మధ్య వయసులో తల్లవుతుంది. ఇప్పుడు అలాంటి సంఘటనే నిజ జీవితంలో జరగడం గమనార్హం.  View this post on Instagram A post shared by 𝗔𝗿𝘆𝗮 𝗣𝗮𝗿𝘃𝗮𝘁𝗵𝗶 (@arya_parvathi) View this post on Instagram A post shared by 𝗔𝗿𝘆𝗮 𝗣𝗮𝗿𝘃𝗮𝘁𝗵𝗶 (@arya_parvathi)

ప్రముఖ నటుడు, డైరెక్టర్‌ బాసిల్‌ జోసెఫ్‌ తండ్రి అయ్యాడు. నేడు(బుధవారం) ఆయన భార్య పండంటి ఆడబిడ్డకు జన్మనిచ్చింది. తండ్రయిన ఆనంద క్షణాలను సోషల్‌ మీడియా వేదికగా ఆయన స్వయంగా పంచుకున్నాడు. ఈ సందర్భంగా కూతురికి హోప్‌ ఎలిజబెత్‌ బాసిల్‌ అనే పేరు పెట్టినట్లు తెలిపాడు. బిడ్డను ఎత్తుకున్న ఫొటోను షేర్‌ చేస్తూ తాను తండ్రి అయినట్లు ట్విటర్‌ ద్వారా పంచుకున్నాడు. చదవండి: వాలంటైన్స్‌ డే: తమన్నా-విజయ్‌ వర్మ రిలేషన్‌పై క్లారిటీ వచ్చేసింది? దీంతో ఆయనకు మలయాళ సినీ ప్రముఖులు, నటీనటుల నుంచి శుభాకాంక్షలు వెల్లువెత్తున్నాయి. దుల్కర్ సల్మన్​, నజ్రియా ఫాహద్, టోనివో థామస్​, ఐశ్వర్యా లక్ష్మీ, సంయుక్త, రాజీషా విజయన్ లాంటి స్టార్లు జోసెఫ్‌​ దంపతులకు విషెష్ తెలిపారు. కాగా బాసిల్‌ జోసెఫ్‌ తెలుగు సినీ ప్రియులకు సైతం సుపరిచితమే. ఇటీవల ఆయన నటించిన జయ జయ జయ హే చిత్రం తెలుగులోనూ డబ్‌ అయ్యింది. ఓటీటీలో విడుదలైన ఈ సినిమాకు తెలుగు ప్రేక్షకుల నుంచి విశేష ఆదరణ లభించింది. చదవండి: వరుస ఫ్లాప్‌లు.. అలా చేస్తేనే పూజాకు ఆఫర్స్‌ ఇస్తామంటున్నారట? ఇందులో ఆయన భార్యను వేధించే భర్తగా కనిపించాడు. అంతేకాదు మలయాళంలో ఆయన వినూత్న కథా చిత్రాలతో మంచి గుర్తింపు పొందాడు. కుంజీరమాయనమ్‌, గోధా వంటి చిత్రాలతో ఆయన మాలీవుడ్‌లో పాపులర్‌ అయ్యాడు. మిన్నల్‌ మెరళి చిత్రం ద్వారా డైరెక్టర్‌గా మారి తొలి చిత్రానికే దర్శకుడిగా పలు ప్రతిష్టాత్మక అవార్డులకు ఎంపికయ్యాడు. దీంతో ఆయన పేరు జాతీయ వ్యాప్తంగా మారుమోగింది. ఈ చిత్రం తెలుగులోనూ డబ్‌ అయిన సంగతి తెలిసిందే.  Thrilled to announce the arrival of our little bundle of joy, HOPE ELIZABETH BASIL ! She has already stolen our hearts and we are over the moon with love for our precious daughter.We can't wait to watch her grow and learn from her every day pic.twitter.com/RpQoLaCdm0 — basil joseph (@basiljoseph25) February 15, 2023

బాలీవుడ్ స్టార్ నటి బిపాసా బసు పండంటి ఆడబిడ్డకు జన్మనిచ్చింది. ఎన్నో హిట్‌ సినిమాల్లో నటించిన ఆమె 2016లో కరణ్ సింగ్ గ్రోవర్‌ను వివాహం చేసుకుంది. ఈ విషయాన్ని ఆమె తన ఇన్‌స్టాలో పంచుకున్నారు. పాప పాదాలు ఉన్న ఫోటోను షేర్ చేస్తూ ' దేవి బసు సింగ్ గ్రోవర్' అంటూ రాశారు. గతంలోనే ప్రెగ్నెన్సీ ప్రకటించిన బిపాసా బసు ఆ తర్వాత సోషల్ మీడియాలో ఎప్పటికప్పుడు ఫోటోలు షేర్ చేసింది. తాజాగా నవంబర్ 12న బిపాసా బేబీకి జన్మనివ్వడంతో ఫ్యాన్స్ ఆనందం వ్యక్తం చేస్తున్నారు. ప్రముఖ బాలీవుడ్ నటీనటులు ఈ జంటకు శుభాకాంక్షలు చెబుతున్నారు.   (చదవండి: తల్లి కాబోతున్న బిపాషా బసు?!)   బిపాసా, కరణ్ తాము మొదటి బిడ్డ కోసం ఎదురుచూస్తున్నట్లు ఆగస్టులోనే ప్రకటించారు. కాగా ఈ జంట 2015లో భూషణ్ పటేల్ తెరకెక్కించిన 'ఎలోన్‌' సినిమాలో మొదటిసారి కనిపించారు. ఈ సినిమా షూటింగ్‌ సమయంలోనే వీరి మధ్య ప్రేమ చిగురించడంతో డేటింగ్‌ కొనసాగించారు. ఆ తర్వాత ఈ జంట సుయాష్ రాయ్, నటాషా సూరి, సోనాలి రౌత్, నితిన్ అరోరా నటించిన థ్రిల్లర్ వెబ్ సిరీస్ 'డేంజరస్'లోనూ కూడా కలిసి నటించారు. గతవారమే ఆలియా భట్‌కు పాప పుట్టిన విషయం తెలిసిందే.  View this post on Instagram A post shared by Bipasha Basu (@bipashabasu)

బాలీవుడ్‌ స్టార్‌ హీరోయిన్‌ అలియా భట్‌, రణ్‌బీర్ కపూర్ దంపతులకు పాప జన్మించిన విషయం తెలిసిందే. ఆదివారం ఉదయం ముంబైలోని ఓ ప్రైవేట్‌ ఆస్పత్రిలో చేరిన ఆలియా ఆడ బిడ్డకి జన్మనిచ్చింది. కొన్నాళ్లుగా డేటింగ్‌లో ఉన్న రణ్‌బీర్  కపూర్-అలియా 2022 ఏప్రిల్ 14న వివాహం చేసుకున్నారు.పెళ్లైన రెండు నెలలకే ప్రెగ్నెన్సీని కన్‌ఫార్మ్‌ చేశారు. పాపకు జన్మనివ్వడంతో కపూర్‌ కుటుంబంలో సంతోషంలో మునిగిపోయింది. మరోవైపు పలువురు బాలీవుడ్, టాలీవుడ్ సినీ ప్రముఖులు సోషల్‌ మీడియా వేదికగా తెలిపారు. (చదవండి: పండంటి బిడ్డకు జన్మనిచ్చిన ఆలియా)  కానీ వివాదస్పద రివ్యూలతో ఎప్పుడు వార్తల్లో నిలిచే బాలీవుడ్ క్రిటిక్, ట్రేడ్ అనలిస్ట్ కేఆర్కే అలియా భట్-రణ్‌బీర్‌ కపూర్‌కు శుభాకాంక్షలు చెప్పారు. కానీ ఎప్పటిలాగే వివాదస్పద రీతిలో ట్వీట్ చేశారు. పెళ్లయిన ఏడు నెలలకే తల్లిదండ్రులైనందుకు అలియా భట్-రణ్‌బీర్‌ కపూర్‌కు అభినందనలు అంటూ ట్వీట్ చేశారు. దీనిపై నెటిజన్లు తీవ్రస్థాయిలో మండిపడుతున్నారు. నీకు కూడ కూతురు ఉంది కదా.. వ్యక్తిగతంగా అలా ఎలా మాట్లాడుతారని ప్రశ్నిస్తున్నారు. మరికొందరు మీకు నెగెటివ్ కామెంట్స్ చేయడం తప్ప.. పాజిటివ్‌గా మీరు ఆలోచించరా అని కౌంటరిస్తున్నారు. దీనిపై స్పందించిన కేఆర్కే.. 'ఎందుకు మీరంతా నాకు చెబుతున్నారు..దేశంలో లక్షల మంది ఏడు నెలలకే పుట్టినవాళ్లు ఉన్నారు. ఇలాంటి ప్రీ మెచ్యూర్ బర్త్ సర్వ సాధారణం అంటూ' తన వ్యాఖ్యలను సమర్థించుకున్నారు.   Congratulations to #RanbirKapoor and #AliaBhatt for becoming proud parents of a beautiful daughter within 7months.👏🎉💃 — KRK (@kamaalrkhan) November 6, 2022

సాక్షి, వనపర్తి: బస్సులో ప్రయాణిస్తున్న గర్భిణి మార్గమధ్యంలో బస్టాండ్‌ బాత్‌రూంలోనే ప్రసవించ గా.. పుట్టిన కొద్దిసేపటికే ఆడశిశువు చనిపోయింది. తల్లి ఆరోగ్యపరిస్థితి నిలకడగానే ఉంది. ఈ సంఘ టన వనపర్తి జిల్లా కొత్తకోటలో మంగళవారం చోటు చేసుకుంది. వనపర్తి జిల్లా నాగవరం గ్రామానికి చెందిన చంద్రకళ, చంద్రయ్యల కూతురు మంజుల వివాహం గతేడాది ఆత్మకూర్‌ మండలం తిపుడంపల్లికి చెందిన కృష్ణయ్యతో జరిగింది. హైదరాబాద్‌లో ఓ ప్రైవేట్‌ ఉద్యోగం చేస్తున్న కృష్ణయ్య తన భార్యతో కలిసి అక్కడే ఉంటున్నారు. మంజుల ప్రస్తుతం 8 నెలల గర్భవతి. ఆమె ప్రతినెలా వనపర్తి ఏరియా ఆస్పత్రికి వచ్చి వైద్య పరీక్షలు చేయించుకుంటోంది. మంగళవారం మంజుల వనపర్తి ఆస్పత్రికి వచ్చి తల్లిదండ్రులతో కలిసి తిరిగి హైదరాబాద్‌కు బస్సులో బయల్దేరింది. కొత్తకోటకు వచ్చే సరికి పురిటినొప్పులు రావడంతో అక్కడి బస్టాండ్‌లో దిగింది. స్థానికులు గమనించి 108 అంబులెన్స్‌కు సమాచారం ఇచ్చారు. బాత్‌రూంకు వెళ్లిన మంజుల అంబులెన్స్‌ వచ్చేసరికి అందులోనే ప్రసవించింది. ఆడశిశువు పురిటిలోనే కన్నుమూసింది. అంబులెన్స్‌ సిబ్బంది మంజులను కొత్తకోట పీహెచ్‌సీకి తీసుకెళ్లగా డాక్టర్లు పరీక్షించి ఆమె ఆరోగ్యంగానే ఉందని చెప్పారు.  

సాక్షి, బళ్లారి(కర్ణాటక): సాధారణ, మధ్య తరగతి మహిళలే ప్రసవాల కోసం ప్రైవేటు ఆస్పత్రులను ఆశ్రయిస్తున్న ఈ కాలంలో ఒక ఐఏఎస్‌ అధికారిణి ప్రభుత్వ ఆస్పత్రిలో ప్రసవం చేయించుకున్నారు. తద్వారా ప్రభుత్వ ఆస్పత్రుల్లో కూడా మెరుగైన వైద్యం అందుతుందనే విషయాన్ని చాటిచెప్పారు. కర్ణాటకలో బళ్లారి జిల్లా పరిషత్‌ సీఈవోగా విధులు నిర్వహిస్తున్న ఎ.నందిని గర్భం దాల్చినప్పటి నుంచి ప్రభుత్వ ఆస్పత్రిలోనే నెలవారీ చికిత్సలు పొందారు. చదవండి: ఏపీ మీదగా ప్రత్యేక రైళ్లు.. వివరాలివే ప్రసవ నొప్పులు రావడంతో జిల్లా ప్రభుత్వ ఆస్పత్రిలో చేరారు. బుధవారం అర్ధరాత్రి 12 గంటల సమయంలో సహజ ప్రసవం ద్వారా పండంటి ఆడపిల్లకు జన్మనిచ్చారు. ఐఏఎస్‌ అధికారులతో పాటు సామాన్యులకు కూడా ఇదే రకమైన వైద్యం అందిస్తున్నామని జిల్లా ప్రభుత్వ ఆస్పత్రి ఇన్‌చార్జి డా.బసిరెడ్డి తెలిపారు. గతంలో బళ్లారి కలెక్టర్‌ నకుల్‌ సతీమణికి, అలాగే జెడ్పీ సీఈవో రాజేంద్ర సతీమణికి కూడా ఇక్కడే ప్రసవాలు చేశామని చెప్పారు

Singer Aditya Narayan Reveals His Daughter Name And Meaning: ప్రముఖ గాయకుడు ఆదిత్య నారాయణ్​, నటి శ్వేతా అగర్వాల్ ఝా​ తల్లిదండ్రులుగా ప్రమోషన్​ పొందారు. వీరిద్దరూ డిసెంబర్‌ 2020లో వివాహం చేసుకున్నారు. ఈ బ్యూటిఫుల్​ జంటకు 2022, ఫిబ్రవరి 24న ఫస్ట్​ బేబీ గర్ల్​ జన్మించింది. ఈ విషయాన్ని సోషల్​ మీడియా వేదికగా ఆదిత్య నారాయణ్​ ప్రకటించిన సంగతి తెలిసిందే. తాజాగా తమ పాప పేరును రివీల్‌ చేశాడు ఆదిత్య. తన ఇన్‌స్టా గ్రామ్ హ్యాండిల్‌లో 'ఆస్క్‌ మి ఎనీథింగ్ (నన్ను ఏదైనా అడగండి)' అనే సెషన్‌ను నిర్వహించాడు సింగర్‌ ఆదిత్య నారాయణ్‌. ఈ సెషన్‌లో నెటిజన్స్‌, అభిమానులు వివిధ రకాల ప్రశ్నలు అడగ్గా వాటికి సమాధానాలు చెప్పాడు. ఈ క్రమంలోనే తమ బేబీ గర్ల్‌ పేరేంటీ అని అడిగిన ఒక అభిమానికి జవాబిచ్చాడు.  చదవండి: మగబిడ్డే పుడతాడని అందరూ అనుకున్నారు.. కానీ ఆదిత్య నారాయణ్‌ నిర్వహించిన ఈ సెషన్‌లో తన కుమార్తె పేరు 'ట్విష నారాయణ్‌ ఝా' అని వెల్లడించాడు. అలాగే మరొక అభిమాని ఆ పేరుకు అర్థమేంటీ అని అడిగారు. దీనికి 'వైభవం, మెరుపు, కాంతి, సూర్య కిరణాలు. ఈ పేరు చాలా బాగుంది. ఎందుకంటే మా నాన్న పేరులో కూడా ఉదయించే సూర్యుడి అని అర్థం వస్తుంది. ఇక నా పేరుకి అర్థం సూర్యుడు అని. పాప పేరుకు సూర్య కిరణాలు అని అర్థం వచ్చేలా పెట్టాం. అలాగే అందులో శ్వేతా పేరు, ఆమె పూజింజే దేవుడు శివుడు కూడా ఉన్నాడు.' అని ఆదిత్య నారాయణ్‌ తమ కుమార్తె పేరు వెనుక ఉన్న అర్థాన్ని వివరించాడు. 

ప్రముఖ టీవీ నటి చారు అసోపా- మోడల్‌ రాజీవ్‌ సేన్‌ దంపతులు తల్లిదండ్రులు అయ్యారు. ఈ రోజు(నవంబర్‌ 1)వారికి పండంటి బిడ్డ జన్మించింది. ఈ విషయాన్ని స్వయంగా బాలీవుడ్‌ హీరోయిన్‌, మాజీ మిస్‌ ఇండియా సుస్మితా సేన్‌ సోషల్‌ మీడియాలో ప్రకటిస్తూ మురిసిపోయారు. తన సొదరుడు, మోడల్‌ రాజీవ్‌ సేన్‌- మరదలు చారు అసోపాలకు సోమవారం ఆడబిడ్డ జన్మించిందని ఆమె వెల్లడించారు. అంతేగాక తాను మేనత్తనయ్యానంటూ సుష్మితా పట్టరాని ఆనందం వ్యక్తం చేస్తున్నారు.  ‘దీపావళికి ముందే మా ఇంటికి మహాలక్ష్మి వచ్చింది. ఆడపిల్ల పుట్టుంది’ అంటూ బేబీ ఫొటోలను షేర్‌ చేశారు. అలాగే రాజీవ్‌, అసోపాలకు ఈ సందర్భంగా శుభాకాంక్షలు తెలిపారు. అయితే ఈ ఫొటోల్లో బేబీ ముఖం కనిపించకుండా సుస్మితా జాగ్రత్త పడ్డారు. సుస్మితా పోస్ట్‌కు అసోపా-రాజీవ్‌లు స్పందిస్తూ.. ‘లవ్‌ యూ దీదీ. ఎట్టకేలకు మేనత్తా ఫేవరేట్‌ వచ్చేసింది’ అంటూ అసోపా కామెంట్‌ చేయగా.. ‘నిజంగా ఇది శుభదినం, తొందరగా రండి అక్క(సుస్మితా) మేం ముగ్గురం వేయిట్‌ చేస్తున్నాం’ అంటూ రాజీవ్‌ స్పందించాడు. చదవండి: Urmila Matondkar: నటి ఊర్మిళకు కరోనా..జాగ్రత్తగా ఉండాలని ట్వీట్‌ View this post on Instagram A post shared by Rajeev Sen (@rajeevsen9) కాగా త్వరలోనే తాము తల్లిదండ్రులం కాబోతున్నామంటూ అసోపా-రాజీవ్‌లు ఇటీవల ప్రకటించిన సంగతి తెలిసిందే. ఈ నేపథ్యంలో అసోపా బేబీ బంప్‌తో ఉన్న ఫొటోలను షేర్‌ చేసి అభిమానులకు సర్‌ప్రైజ్‌ ఇచ్చారు. 2019 జూన్‌లో రాజీవ్‌-అసోపాలు పెళ్లి చేసుకున్న సంగతి తెలిసిందే. అయితే గతేడాది జూలైలో వీరిద్దరూ విడాకులు తీసుకుని విడిపోతున్నట్లు ప్రకటించగా.. ఆ తర్వాత మనస్పర్థలు తొలగడంతో వీరిద్దరూ మళ్లీ ఒక్కటయ్యారు. ఇక బుల్లితెర నటిగా గుర్తింపు పొందిన చారు అసోపా పలు హిందీ సీరియళ్లలో నటించారు. తర్వాత బాలీవుడ్‌లో కూడా ప్రవేశించి క్యారెక్టర్‌ ఆర్టిస్టుగా తనకంటూ ప్రత్యేక గుర్తింపు తెచ్చుకున్నారు. ఇక రాజీవ్‌ మోడల్‌గా రాణిస్తున్నాడు.  చదవండి: ఐశ్వర్య రాయ్‌కు నవ్వు తెప్పించే సెంటిమెంట్‌ ఏంటంటే? View this post on Instagram A post shared by Sushmita Sen (@sushmitasen47)

సిడ్నీ: ఆస్ట్రేలియా మహిళా క్రికెటర్ మెగాన్‌ స్కాట్‌ తండ్రి అయ్యింది. తన భాగస్వామి జెస్ హోలియోక్‌ పండంటి ఆడ బిడ్డకు జన్మనిచ్చింది. ఈ విషయాన్ని ట్విట్టర్‌ వేదికగా మెగాన్‌ స్కాట్‌ పంచుకుంది. మా క్యూట్‌ బేబీ ఎమర్జెనీ సి సెక్షన్ ద్వారా ఈ భూమి మీదకు వచ్చిందిని ఆమె ట్విట్‌ చేసింది. ఆగస్టు 17న జన్మించిన చిన్నారికి ‘రిలీ లూయిస్ స్కాట్’ అని  పేరు కూడా పేట్టేశారు. 24 వారాల మా నిరీక్షణకు ఫలితం దక్కిందిని ఆమె ఆనందం వ్యక్తం చేసింది. ఇలాంటి ఇద్దరు అందమైన అమ్మాయిలు నా జీవితంలో ఉండడం నా అదృష్టం’ అంటూ మెగన్ స్కాట్  పేర్కొంది. కాగా 2018 ఆస్ట్రేలియాలో స్వలింగ సంపర్కుల మధ్య వివాహాలను చట్టబద్ధం చేశారు. దీంతో 2019లో తన చిరకాల భాగస్వామి అయిన  జెస్ హోలీయోక్‌ను మేగాన్‌ స్కాట్‌ వివాహం చేసుకుంది. ఈ ఏడాదిలో మేలో  జెస్ హోలియోక్‌  గర్బం దాల్చినట్లు స్కాట్‌ ప్రటించింది. ఆమె తన భార్య జెస్‌తో కలిసిఉన్న ఫోటోలను ఎప్పటికప్పుడు  సోషల్‌ మీడియాలో పంచుకుంటుంది. చదవండి: Jasprit Bumrah Wife Sanjana Ganesan: అదిరిపోయే ఫోటో షేర్‌ చేసిన బుమ్రా ~ Rylee Louise Schutt 💕 ~ 17/08/21 at 10:09pm ~ 28 Weeks 6 Days ~ 858gm pic.twitter.com/TfieNUNtDv — Megan Schutt (@megan_schutt) August 21, 2021

టీవీ నటి చైత్ర రాయ్ పండంటి బిడ్డకు జన్మనిచ్చారు. ఇటీవల తల్లి కాబోతున్నానంటూ అభిమానులకు తీపి కబురు చెప్పిన చైత్ర సోమవారం ఉదయం తనకు ఆడబిడ్డ పుట్టిందంటూ సోషల్‌ మీడియా వేదికగా వెల్లడించారు. కానీ బేబీ ఫొటోను మాత్రం ఆమె షేర్‌ చేయలేదు. ‘ఇట్స్‌ ఏ బేబీ గర్ల్‌.. ఇప్పటి వరకు ఎన్నడూ ఇలాంటి అనుభూతిని పొందలేదు. మా కుటుంబ సభ్యులంతా ఆనందంలో మునిగి తేలుతున్నారు’ అంటూ సంతోషం వ్యక్తం చేశారు. చైత్ర పోస్టుకు యాంకర్‌ విష్ణు ప్రియ, సుష్మ, మంజు ఇతర నటీనటులు శుభాకాంక్షలు తెలిపారు. కాగా తెలుగు, క‌న్న‌డ సీరియ‌ల్స్‌లో న‌టించిన చైత్ర ‘ఒకరికి ఒకరు’, ‘మనసున మనసై’, ‘దట్‌ ఈజ్‌ మహాలక్ష్మీ’  వంటి సీరియల్స్‌తో తెలుగు ప్రేక్షకులకు దగ్గరయ్యారు. ఇక ‘అత్తారింట్లో అక్కాచెల్లెళ్లు’ అనే సీరియల్‌లో నటిస్తుండగానే ఆమె సడెన్‌గా ఆ సీరియల్‌ నుంచి తప్పుకున్నారు. దీనికి కారణం మాత్రం ఆమె వెల్లడించలేదు. కానీ ఆ తర్వాత కొద్ది రోజులకు బేబీ బంప్‌ ఫొటోలను షేర్‌ చేసి అందరిని ఆశ్చర్యపరిచారు. అప్పటి నుంచి సోష‌ల్ మీడియాలో యాక్టివ్‌గా ఉంటూ తన బేబీ బంబ్ ఫొటోషూట్‌, సీమంతం వేడుకకు సంబంధించిన ఫొటోలను చైత్ర అభిమానులతో పంచుకున్న సంగతి తెలిసిందే.   View this post on Instagram A post shared by Chaithra Rai (@chaithrarai17)

సాక్షి, బరంపురం (ఒడిశా): నగరంలోని ఎంకేసీజీ మెడికల్‌ కళాశాల ఆస్పత్రిలో ఓ మహిళ వింత శిశువుకి గురువారం జన్మనిచ్చింది. బట్టకుమరా గ్రామానికి గర్భిణికి ఉదయం పురిటినొప్పులు రావడంతో ఆమెని హుటాహుటిన ఆస్పత్రికి తరలించారు. ఈ క్రమంలో 2.40 కిలోల బరువున్న శిశువుకి ఆమె జన్మనివ్వగా, శిశువు తల పంది తల ఆకారంలోనూ, చర్మంపై పొలుసులు ఉండి అవి ఊడిపోతున్నట్లుగానూ కనిపిస్తోంది. ప్రస్తుతం తల్లీ, బిడ్డ క్షేమంగానే ఉండగా, ఇటువంటి శిశువు ఇంతవరకు బతికి ఉండడం చాలా అరుదు అని వైద్యులు అంటున్నారు.  చదవండి: నీ ఒంట్లో ఏమైనా స్ప్రింగ్‌ ఉందా ఏంటి!

ఆడపిల్లలు పుట్టడమే దురదృష్టం అనుకుంటూ గర్భంలోనే శిశువులను చంపుతున్న రోజులివి. సమాజంలో లింగ వివక్ష వేళ్లూనుకుపోయింది. ఆడబిడ్డలని తెలిసి.. వారిని గర్భంలోనే చిదిమేసే వారు కొందరైతే.. పుట్టిన తర్వాత పెంట కుప్పల్లో.. నదుల్లో.. విసిరేసే వారు మరికొందరు. ఇక  పల్లెల్లో అయితే ఈ పరిస్థితి మరీ దారుణంగా తయారవుతోంది. ఆడపిల్ల అంటే మన ఇంటి పిల్ల కాదని.. మగ పిల్లవాడిని కంటే వాడు వృద్దాప్యంలో తోడుంటాడని చాలా మంది అనుకుంటారు. విద్య, అధునాతన సదుపాయాలు పెరిగినా.. ఆ వివక్ష పోవడం లేదు.  బేటి బచావో లాంటి కార్యక్రమాలు ఎన్ని వస్తున్నా.. ఆచరణలో అవి అంతంత మాత్రమే అమలవుతున్నాయి. ఆడపిల్లపై ఇంత వివక్షత ఎదురవుతున్న ఈ తరణంలో ఆడపిల్లలు పుడితే కంటి కద్దుకుంటున్నారు ఓ గ్రామస్తులు.  వారి పుట్టుకను ఒక పండుగల జరుపుతున్నారు. అదెక్కడో కాదు.. మన తెలంగాణలోనే. ఉమ్మడి మెదక్ జిల్లాలోని ప్రధాన నగరమైన సంగారెడ్డి (ప్రస్తుతం ఇది జిల్లా కేంద్రం) జిల్లా కొండాపూర్ మండలం హరిదాస్పుర్ గ్రామంలో ఆడపిల్ల పుడితే ఊరు ఊరంతా పండుగలా జరపుకుంటున్నారు. ఈ పద్దతి గతేడాది నుంచే ప్రారంభమైంది. 1 జనవరి 2020లో మొదలవ్వగా అప్పటి నుంచి ఊరిలో ఎవరి ఇంట్లోనైనా ఆడపిల్ల జన్మిస్తే.. ఊరంతా లైట్స్ ఏర్పాట్లు చేసి.. దుస్తులు, స్వీట్స్ పంచుకుంటారు. పుట్టిన పాప పేరు మీద రూ. 1,000 ల చెక్కు అందజేస్తారు ఆ గ్రామ పంచాయతీ సర్పంచ్. సుకన్య సమృద్ధి పథకం కింద వెయ్యి రూపాయల జమ చేస్తున్నారు గ్రామస్తులు.  10 ఏళ్లలోపు ఉన్న ఇద్దరు కూతుర్ల పేరుపై సుకన్య సమృద్ధి అంకౌంట్లను ప్రారంభించారు  ఆడపిల్లలను కడుపులోనే చంపేస్తున్న వారికి ఈ ఊరు ఆదర్శంగా నిలుస్తుందనడంలో ఏమాత్రం సందేహం లేదు.

ముంబై: విరుష్క అభిమానులకు టీమిండియా కెప్టెన్‌ విరాట్‌ కోహ్లి శుభవార్త చెప్పారు. తమకు కుమార్తె పుట్టిందని వెల్లడించారు. ఈ మేరకు కోహ్లి ట్వీట్‌ చేశారు. ‘ఈ వార్తను మీతో పంచుకుంటున్నందుకు ఎంతో సంతోషంగా ఉంది. ఈ రోజు మధ్యాహ్నం మాకు కుమార్తె జన్మించింది. మీ అందరి ప్రేమ, ప్రార్థనలు, శుభాకాంక్షలకు ధన్యవాదాలు. తల్లి, బిడ్డ ఇద్దరు క్షేమంగా ఉన్నారు. ఇక మా జీవితంలో నూతన అధ్యాయం ప్రారంభం కాబోతుంది. ఈ సమయంలో మా ప్రైవసీకి భంగం కలిగించరని ఆశిస్తూ ప్రేమతో మీ కోహ్లి’ అంటూ ట్వీట్‌ చేశారు. కాగా, ఆస్ట్రేలియాతో తొలి టెస్టు అనంతరం విరాట్‌ కోహ్లి పెటర్నిటీ సెలవులపై స్వదేశానికి వచ్చిన సంగతి తెలిసిందే.  ♥️ pic.twitter.com/js3SkZJTsH — Virat Kohli (@imVkohli) January 11, 2021

హైదరాబాద్‌ : చెన్నై సూపర్‌ కింగ్స్‌ ఆటగాడు అంబటి రాయుడు తండ్రి అయ్యాడు. ఆయన సతీమణి చెన్నుపల్లి విద్య ఆదివారం పండంటి పాపకు జన్మనిచ్చారు. ఈ విషయాన్ని సీఎస్‌కే ట్విటర్‌ వేదికగా అభిమానులకు తెలియజేసింది. చిన్నారి, విద్యలతో కలిసి రాయుడు దిగిన ఫొటోను కూడా షేర్‌ చేసింది. దీంతో పలువురు ప్రముఖులు, అభిమానులు రాయుడుకు శుభాకాంక్షలు తెలియజేస్తున్నారు. సీఎస్‌కే ఆటగాడు సురేష్‌ రైనా కూడా రాయుడుకు శుభాకాంక్షలు తెలియజేశారు. ‘పండంటి పాపకు జన్మనిచ్చిన రాయుడు, విద్య దంపతులకు హృదయపూర్వక శుభాకాంక్షలు. చిన్నారితో గడిపే ప్రతి ఒక్క క్షణాన్ని ఆనందించండి. మీరు ఎప్పుడూ ప్రేమ, ఆనందంతో ఉండాలని కోరుకుంటున్నాను’ అని తెలిపారు.(ఆసీస్‌ పర్యటనలో భారత క్రికెటర్లకు క్వారంటైన్‌ సమయం కుదించాలి) కాగా, రాయుడకు 2009 ఫిబ్రవరి 14న విద్యతో వివాహం అయింది. విద్య బయట ఎక్కువగా కనిపించరు. రాయుడు ఆడిన అంతర్జాతీయ, ఐపీఎల్‌ మ్యాచ్‌లకు హాజరవుతుండేవారు. ఇక, క్రికెట్‌ విషయానికి వస్తే.. గతేడాది వన్డే వరల్డ్‌కప్‌ జట్టులో చోటు లభించకపోవడంతో రాయుడు ఆటకు గుడ్‌బై చెబుతున్నట్టు ప్రకటించాడు. అయితే కొన్ని రోజుల తర్వాత ఆ నిర్ణయాన్ని వెనక్కి తీసుకున్నాడు. మరోవైపు గత కొన్ని సీజన్లుగా రాయుడు ఐపీఎల్‌లో సీఎస్‌కే తరఫున ఆడుతున్న సంగతి తెలిసిందే.(స్వదేశీ కోచ్‌లపై కేంద్రం చిన్నచూపు)

శుక్రవారం నటి స్నేహ ఇంట్లో ఆనందం రెండింతలయింది. ఆమె రెండోసారి తల్లి కావడమే అందుకు కారణం. శుక్రవారం ఓ పాపకు జన్మనిచ్చారు స్నేహ. ‘దేవత వచ్చింది’ అంటూ  ఈ విషయాన్ని తన ఇన్‌స్టాగ్రామ్‌ అకౌంట్‌ ద్వారా తెలియజేశారు స్నేహ భర్త ప్రసన్న. 2012లో తమిళ నటుడు ప్రసన్న, స్నేహ ప్రేమ వివాహం చేసుకున్నారు. 2015 ఆగస్ట్‌లో స్నేహ ఓ బాబుకి జన్మనిచ్చారు. కుమారుడికి విహాన్‌ అని పేరు పెట్టారు.  

నటి అమీ జాక్సన్‌ తల్లయ్యారు. సోమవారం ఆడపిల్లకు జన్మనిచ్చారు. ఈ విషయాన్ని తన ఇన్‌స్టాగ్రామ్‌ అకౌంట్‌లో షేర్‌ చేశారు. ‘యాండ్రియాస్‌ (పాప పేరు).. మా ఏంజెల్‌. ఈ ప్రపంచానికి స్వాగతం’ అని క్యాప్షన్‌ చేస్తూ పాపతో దిగిన ఫొటోను షేర్‌ చేశారు. జార్జి పనయొట్టుతో అమీ జాక్సన్‌ కొన్నేళ్లుగా ప్రేమలో ఉన్నారు. వీరి నిశ్చితార్థం కూడా అయింది. ఇంకా పెళ్లి కాలేదు. విశేషం ఏంటంటే ఇటీవలే మాకు బాబు పుడుతున్నాడంటూ ‘జెండర్‌ రివీలింగ్‌ పార్టీ’ కూడా ఏర్పాటు చేశారు అమీ. అయితే పాపకు జన్మనిచ్చారు. ‘ఎవడు, ఐ, 2.0’ సినిమాల్లో  అమీ జాక్సన్‌ హీరోయిన్‌గా నటించిన సంగతి గుర్తుండే ఉంటుంది.

ఆదివారంనాడు నేహా ధూపియా, అంగద్‌ బేడీ ఇంట్లో పండగ వాతావరణం నెలకొంది. వీరి ఫ్యామిలీ ఇద్దరి నుంచి ముగ్గురుగా మారింది. అవును.. నేహా ధూపియా ఆదివారం ఉదయం 11 గంటలకు ఓ పాపకు జన్మనిచ్చారు. ఈ ఏడాదే నేహా, అంగద్‌ ఒక్కటయిన సంగతి గుర్తుండే ఉంటుంది. కొన్ని సంవత్సరాలుగా రిలేషన్‌షిప్‌లో ఉన్న వీళ్లు మే నెలలో వివాహం చేసుకున్నారు.

పటాన్‌చెరు టౌన్‌: రెండోసారి ఆడపిల్ల పుట్టిందని భార్యను వదిలేసిన సంఘటన పటాన్‌చెరు మం డల పరిధిలోని ఇస్నాపూర్‌ గ్రామంలో చోటు చేసుకుంది. బాధితురాలి కథనం ప్రకారం వివరాలు ఇలా ఉన్నాయి.. పటాన్‌చెరు మండల పరిధిలోని ఇస్నాపూర్‌ గ్రామానికి చెందిన మల్లేశ్‌కు, ఇస్నాపూర్‌ చౌరస్తాకు చెందిన మాధవితో నాలుగేళ్ల క్రితం వివాహం జరిగింది. వీరికి మొదట కూతురు పుట్టింది. అనంతరం రెండోసారి కూడా పాప పుట్టడంతో మల్లేశ్‌తన భార్య మాధవిని వదిలేసి వెళ్లాడు. ఈ క్రమంలో పాప అనారోగ్యంగా ఉండటంతో మాధవి కుటుంబ సభ్యులు హైదరాబాద్‌లో ఓ ప్రైవేట్‌ ఆసుపత్రిలో చికిత్స చేయించగా మంగళవారం ఉదయం పాప మృతిచెందింది. దీంతో మాధవి, కుటుంబ సభ్యులు పాప మృతదేహంతో అత్తింటి ఎదుట ఆందోళనకు దిగారు. ఈ క్రమంలో మాధవి భర్త మల్లేశ్, అత్తమామలు పరారీలో ఉన్నట్లు సమాచారం. మాధవి తండ్రి పటాన్‌చెరు పోలీసులను ఆశ్రయించినట్లు తెలిసింది.

ఆక్లాండ్‌: న్యూజిలాండ్‌ ప్రధాని జెసిండా ఆర్డెర్న్ ఓ బిడ్డకు జన్మనిచ్చారు. కివీస్‌ కాలమాన ప్రకారం గురువారం సాయంత్రం 4గం.45ని. ఆమె ఆడబిడ్డకు జన్మనిచ్చారు. ఈ విషయాన్ని ఆర్డెర్న్‌ తన ఫేస్‌బుక్‌లో పంచుకున్నారు. ‘ఈ రోజు ఆక్లాండ్‌ సిటీ హాస్పటల్‌లో ఆడబిడ్డకు జన్మనిచ్చాం. చాలా సంతోషంగా ఉంది, 3.31 కేజీలతో శిశువు జన్మించింది. బిడ్డ ఆరోగ్యంగానే ఉంది. ఆసుపత్రి సిబ్బందికి ధన్యవాదాలు నన్ను చాలా జాగ్రత్తగా చూసుకున్నందుకు’ అంటూ భర్త క్లార్క్ గేఫోర్డ్‌తో కలిసి దిగిన ఫోటోను ఆర్డెర్న్‌ పోస్ట్‌ చేశారు. ప్రపంచ వ్యాప్తంగా ప్రముఖలు ఆమెకు శుభాకాంక్షలు తెలిపారు.  గతేడాది అక్టోబర్‌లో న్యూజిలాండ్‌ ప్రధాన మంత్రిగా జెసిండా ఆర్డెర్న్‌ పదవీ బాధ్యతలు చేపట్టారు. జనవరి నుంచి ఆమె ప్రసూతి సెలవులు తీసుకున్నారు. దీంతో ఉప ప్రధాని విన్‌స్టన్ పీటర్స్‌ తాత్కాలిక ప్రధానిగా వ్యవహరిస్తున్నారు. ఇదిలా ఉంటే గతంలో  ప్రధాన మంత్రి పదవిలో ఉండగానే బెనజీర్‌ భుట్టో(పాకిస్థాన్‌) బిడ్డకు జన్మనివ్వగా, ఇప్పుడు అర్డెర్న్‌ భుట్టో సరసన నిలిచారు.

రాజ్‌కోట్‌: భారత క్రికెటర్‌ చతేశ్వర్‌ పుజారా తండ్రయ్యాడు. గురువారం అతని భార్య పూజ పాపకు జన్మనిచ్చింది. 2013లో ఈ జంటకు పెళ్లయింది.  భారత టెస్టు జట్టులో రెగ్యులర్‌ సభ్యుడిగా ఉన్న పుజారా...ప్రస్తుతం విజయ్‌ హజారే వన్డే టోర్నీలో సౌరాష్ట్ర తరఫున ఆడుతున్నాడు.    

కోల్‌కతా: పశ్చిమ బెంగాల్‌లో ఓ మహిళ నాలుగో ఆడబిడ్డకు జన్మనివ్వడంతో  ఆమెకు అత్తింటివారే నిప్పంటించి కాల్చి చంపిన అమానుష ఘటన శనివారం చోటుచేసుకుంది. పోలీసులు భర్త సహా నలుగురిపై కేసు నమోదు చేశారు. మృతురాలి బంధువులు తెలిపిన వివరాల ప్రకారం...ఉత్తర 24 పరగణ జిల్లాకు చెందిన ఫాతిమాకు ముగ్గురు కూతుర్లు ఉన్నారు. ఇటీవలే నాలుగో కాన్పులోనూ అమ్మాయే పుట్టింది. మగబిడ్డ పుట్టనందున ఎక్కువ కట్నం తేవాలని ఫాతిమాను అత్తింటివారు మొదటినుంచీ వేధించేవారు. మళ్లీ ఆడపిల్ల పుట్టడంతో ఆమె కష్టాలు పెరిగాయి. అత్తింటివారే ఫాతిమా చేతులు వెనక్కు మడిచి కట్టేసి నిప్పంటించారని ఆమె బంధువులు చెప్పారు. 

సాక్షి, తిరువనంతపురం : కేరళలోని మలప్పురం జిల్లా కొట్టాక్కల్‌ మున్సిపాలిటి. ముస్లింలు అత్యధికంగా నివసించే ప్రాంతంగా పేరుంది. ఇక్కడ ఆడ పిల్లలకు జన్మినిచ్చే తల్లులకు ఓ బంపరాఫర్ ప్రకటించాడు స్థానిక కౌన్సిలర్ ఒకరు. ఒక గ్రాము గోల్డ్ అందజేస్తానని ప్రకటించారాయన.  ఆయన పేరు అబ్దుల్ రహీమ్‌. స్వతంత్ర్య అభ్యర్థిగా గెలుపొందిన ఆయన ఎక్కడైనా ఆడపిల్ల పుట్టిందంటే చాలూ వాలిపోయి ఆ తల్లిదండ్రులకు ఓ గ్రాము బంగారం అందిస్తారు. ఇందుకు గాను ఆయనకు అయ్యే ఖర్చు 2500 రూపాయిలు. ఆయన చేస్తున్న పనిని అభినందిస్తూ సాయం చేసేందుకు పలువురు ముందుకు వస్తుంటే.. ఆయన మాత్రం వద్దని తిరస్కరిస్తున్నారు. ‘‘నా జీతం 8000 వేలు. అందులో ఆ మాత్రం ఖర్చుపెట్టేందుకు నేను వెనకాడను. స్త్రీమూర్తులను దేవతలుగా కొలిచే మనం, కళ్ల ముందున్న వారిపై వివక్షత చూపుతూ నిర్లక్ష్యం చేస్తున్నాం. పరిస్థితులు మారాల్సిన అవసరం ఉంది’’ అని ఆయన చెబుతున్నారు.  లింగ‌ నిష్పత్తిలో కేరళ రాష్ట్రం మొద‌టిస్థానంలో ఉన్నప్పటికీ(స్త్రీ-పురుష నిష్పత్తి 1084 : 1000).. భ్రూణ హత్యల నివారణే ప్రధాన ధ్యేయంగా ఈ పని చేస్తున్నట్లు ఆయన చెబుతున్నారు. ఇప్పటిదాకా ఆయన అలా గత రెండేళ్లలో 16 మందికి బంగారు కాయిన్లు అందజేసినట్లు తెలుస్తోంది.