ఈ రోజు పుట్టినరోజు జరుపుకొంటున్న బాలీవుడ్ బాద్‌షా షారుఖ్ ఖాన్. ఇండియన్‌ రిచ్చెస్ట్‌ సినీ నటుడు ఎవరని అడిగితే వెంటనే షారుఖ్‌ పేరే చెబుతారు. 1965లో ఢిల్లీలో తాజ్ మొహమ్మద్ ఖాన్‌, లతీఫ్ ఫాతిమా దంపతులకు ఆయన జన్మించారు. మొదట ఆయన సిరీయల్స్‌తోనే కెరియర్‌ ప్రారంభించి ఆపై వెండితెరపైన తన సత్తా ఏంటో చూపించాడు. ఒక సాదారణ మధ్యతరగతి కుటుంబంలో జన్మించిన షారుక్‌ బాలీవుడ్ బాద్‌షా అవడమే కాకుండా కోట్ల రూపాయలు సంపాదించారు. ఇండియాలోమ రిచ్చెస్ట్‌ హీరోగా షారుఖ్‌ ఉన్నారు.ఇండియాలోనే రిచ్చెస్ట్‌ హీరోషారుఖ్ ఖాన్ ఆస్తులు విలువ సుమారు రూ. 7300 కోట్లకు పైమాటే అని చెప్పవచ్చు. సినిమా,వ్యాపార ప్రకటనలు,ఐపీఎల్‌ వంటి వాటిపై ఆయన భారీగానే సంపాదిస్తున్నారు. అలా ఏడాదికి రూ 300 కోట్ల వరకు షారుఖ్‌ అర్జిస్తున్నట్లు సమాచారం. ఒక్కో సినిమా కోసం రూ 120 నుంచి 150 కోట్ల వరకు రెమ్యునరేషన్‌ తీసుకుంటున్నట్లు టాక్‌ ఉంది. తన సినిమాకు ప్రపంచవ్యాప్తంగా మార్కెట్‌ ఉండటంతో ఆయన అడిగినంత డబ్బు ఇచ్చేందుకు నిర్మాతలు రెడీగా ఉంటారు. కానీ ఆయన ఈ మధ్య ఎక్కువ సినిమాలు తన రెడ్‌ చిల్లీస్‌ సంస్థ ద్వారా తన భార్య గౌరీ ఖాన్‌ నిర్మిస్తుండటం విశేషం. తన సంపాదనలో ఎక్కువగా పేద పిల్లలకు విద్యను అందించడానికి అతని స్వచ్ఛంద సంస్థ ద్వారా సాయం అందిస్తున్నాడు.18 ఏళ్ల వయసులోనే ప్రేమ.. హిందూ సాంప్రదాయంలో పెళ్లిషారుక్‌ సినిమాల్లోకి రాకముందే గౌరీ ఖాన్‌ను ప్రేమ వివాహం చేసుకున్నారు. పంజాబీ హిందువు అయిన గౌరీ చిబ్బర్‌ను 1991లో సాంప్రదాయ హిందూ వివాహ పద్ధతిలో ఆయన పెళ్లి చేసుకున్నారు. పలు సందర్భాల్లో షారుక్‌ తమ ప్రేమకథను పంచుకున్నారు. షారుక్‌ 18 ఏళ్ల వయసులో ఓ పార్టీలో గౌరీని చూశారు. తొలిచూపులోనే ఆమెను ప్రేమించారు. అప్పుడు గౌరీ వయసు 14 ఏళ్లట. ఆపై షారుక్‌ గౌరీ ఫోన్‌ నెంబర్‌ తెలుసుకుని.. ఫోన్లు చేసేవారట. అలా వారి మనసులు కలిసి, ఆ పరిచయం ప్రేమగా మారింది. అలా 1991 అక్టోబరు 25న వీరు వివాహం చేసుకున్నారు. వారికి ఒక కుమారుడు ఆర్యన్ (జననం 1997), ఒక కుమార్తె సుహానా (జననం 2000) 2013లో వారు మూడవ బిడ్డకు తల్లిదండ్రులు అయ్యారు, అబ్రామ్ అనే కుమారుడు అద్దె తల్లి ద్వారా జన్మించాడు.

ఢిల్లీ అంటేనే ప్రత్యేకమైన ఆహారానికి, కేఫ్‌లుగా ప్రసిద్దిగాంచింది. దొరకని విభిన్న రకాల ఫుడ్‌ ఐటెమ్స్‌ ఉండవు. అలాంటి ఢిల్లీలో గౌరీ ఖాన్‌ తరుచుగా సందర్శించే కేప్‌ ఒకటి ఉంది. ఆ కేఫ్‌ అంటే ఆమెకు ఎంతో ఇష్టం. అక్కడకు ఎప్పుడు వచ్చినా..కాఫీ, పిజ్జా ఆస్వాదించే వెళ్తారు గౌరీ ఖాన్‌. ఆ కేఫ్‌ ఎక్కడుందంటే..ఆ కేఫ్‌ పేరు ది బ్రౌన్ బాక్స్. ఇది పంచశీల్‌ పార్క్‌లో ఉంది. పర్ఫెక్ట్‌ లంచ్‌ డేట్‌ కోసం లేదా భాగస్వామితో సరదాగా గడిపేందుకు అనువైన ప్రదేశం. సాయంత్రాల్లో సరదాగా కాసేపు గడపడానికి హాయినిచ్చే ఆహ్లాదకరమైన ప్రదేశం ఆ కేఫ్‌. అంతేగాదు ఏదైన కంపెనీ సమావేశాల గురించి చర్చించడానికి కూడా అత్యంత అనువైన ప్రదేశం. మంచి వుడ్‌తో కూడిన ఫర్నేచర్‌ ఆ కేఫ్‌కి ప్రధాన ఆకర్షణ. ఇక్కడ మంచి సలాడ్‌లు, పాస్తా, సైడ్‌లు, బర్గర్‌లు, కాఫీ, శాండ్‌విచ్‌లు, రిసోట్టో, కేక్‌లు వంటి రుచికరమైన ఆహారాన్ని ఆస్వాదించొచ్చు. అంతేగాదు బడ్జెట్‌కి అనుగుణంగా ఖర్చుపెట్టాలనుకున్నా ఈ కేఫ్‌ బెస్ట్‌ అని చెప్పొచ్చట. గౌరీఖాన్‌, ఆమె కుమారుడు ఆర్యన్‌ ఖాన్‌ ఇక్కడ ఎక్కువగా పిజ్జా, కాఫీని ఆస్వాదిస్తారట. ఈ బేకరీ కేఫ్‌ని పేస్ట్రీ చెఫ్ ప్రియాంక తివారీ నడుపుతున్నారు. ఆమె తన కేఫ్‌లో సాధారణ మెనుల​కు విభిన్నంగా ఆహారప్రియులు ఇష్టపడేలా సరికొత్త ఐటెమ్స్‌తో కూడిన మెనూని రూపొందించడం విశేషం. (చదవండి: 'వర్క్‌ లైఫ్‌ బ్యాలెన్స్‌'పై ప్రపంచ బ్యాంక్‌ అధ్యక్షుడి అమూల్యమైన సలహాలు.!)

ప్రముఖ ఇంటీరీయర్‌ డిజైనర్‌, బాలీవుడ్ సూపర్‌ స్టార్‌ షారుక్‌ ఖాన్‌  భార్య  గౌరీఖాన్‌ కొత్త బిజినెస్‌ షురూ చేశారు.  ముంబైలోని  తొలి రెస్టారెంట్ ‘టోరీ’ ని మంగళవారం రాత్రి ఘనంగా లాంచ్‌ చేశారు. ఈ సందర్భంగా  గౌరీ ఖాన్ స్నేహితులు, ఇండస్ట్రీ ప్రముఖులు, ఇంటీరియర్, ఫ్యాషన్ డిజైనర్లు ఈ వేడుకలో సందడి చేశారు.  నిర్మాత కరణ్ జోహార్, భావనా పాండే, నటులు సంజయ్ కపూర్, మహీప్ కపూర్, చుంకీ పాండే, నీలం కొఠారి,సీమా సజ్దేహ్  తదితరులు  మెరిసారు. ముఖ్యంగా సుస్సానే ఖాన్ తన ప్రియుడు, నటుడు అర్స్లాన్ గోనితో కలిసి లాంచ్‌కి హాజరై స్పెషల్‌ ఎట్రాక్షన్‌గా నిలిచింది.  కాగాఇంటీరీయర్‌ డిజైనర్‌గా వ్యాపార రంగంలో సక్సెస్‌ఫుల్‌గా రాణిస్తూ, అనేక మంది సెలబ్రిటీల ఫ్యావరెట్‌గా మారిపోయింది  గౌరీ ఖాన్‌. అలాగే రెడ్‌ చిల్లీస్‌ ఎంటర్‌టైన్మెంట్‌ బ్యానర్‌పై వరుసగా సినిమాలు, వెబ్‌ సిరీస్‌లు నిర్మిస్తూ తనకంటూ ఓ ప్రత్యేక గుర్తింపు తెచ్చుకుంది గౌరీఖాన్‌. ఇపుడికముంబైలోని విలాసవంతమైన ఏరియాలో లగ్జరీ హెటెల్‌తో హాస్పిటాలిటీ రంగంలో  కూడా ఎంట్రీ ఇచ్చి తన అదృష్టాన్ని పరీక్షించుకుంటోంది.

అత్యంత అందమైన, ఖరీదైన భవనం అంటే ముంబై నగరం నడిబొడ్డున అల్టామౌంట్ రోడ్‌లో కొలువుదీరిన ఆంటిలియా భవనం గుర్తొస్తుంది. మరి అంత గొప్ప భవనానికి మరింత సొబగులు అద్ది కొత్త కళను తీసుకొచ్చిన  ఇంటీరియర్‌ డిజైనర్‌ ఎవరో తెలుసా?  ఆ వివరాలు తెలియాలంటే ఈ కథనాన్ని చదవాల్సిందే. ప్రపంచ ధనవంతుల్లో ఒకరైన రిలయన్స్ ఇండస్ట్రీస్ అధినేత ముఖేష్ ముఖేష్‌ అంబానీ, ప్రముఖ వ్యాపారవేత్త నీతా అంబానీలకు  చెందినదే ఈ ఆంటిలియా భవనం, ప్రపంచంలోనే రెండో అత్యంత ఖరీదైన ఇల్లు ఈ ఐకానిక్ ఆంటిలియా. ఐశ్వర్యానికి, నిర్మాణ అద్భుతానికి,లగ్జరీ సదుపాయాలకు  నిదర్శనంగా నిలుస్తుందీ  భవనం.  దీని విలువ 15,000 కోట్ల రూపాయలు ఉంటుందని అంచనా. యూకేకు చెందిన బకింగ్ హామ్ ప్యాలస్ తర్వాతే ఇదే అత్యంత ఖరీదైన భవనంగా నిలిచింది.  దాదాపు 4,532 చదరపు మీటర్లు విస్తీర్ణంలో ఉన్న ఈ ఇంటిని చికాగోకు చెందిన ఆర్కిటెక్ట్ పెర్కిన్స్ డిజైన్ చేశారు. దీనిని ఆస్ట్రేలియాకు చెందిన నిర్మాణ రంగ సంస్థ లైయిటన్ హోల్డింగ్స్ నిర్మించింది. అయితే ఈలగ్జరీ భవనంలోని లాంజ్ ఏరియాను డిజైన్ చేసిన డిజైనర్‌ మరెవరో కాదు, ప్రముఖ ఇంటీరియర్ డిజైనర్ ,బాలీవుడ్ సూపర్ స్టార్ షారుఖ్ ఖాన్ భార్య గౌరీ ఖాన్.  తనదైన డిజైన్స్‌,  క్రియేటివ్‌ టచ్‌తో  ఆంటిలియాకు మరింత సొబగులను అద్దింది గౌరీ ఖాన్‌. ఇంటీరియర్ ఆర్కిటెక్చర్‌గా ప్రపంచంలోనే గుర్తింపు పొందిన  గౌరీ ఖాన్‌ 2019లో ఈ ప్రాజెక్ట్‌ను చేపట్టి తన మార్క్‌ నైపుణ్యం, డిజైన్స్‌తో  ఈ భవంనలోని బార్ లాంజ్ ప్రాంతానికి  కొత్త కళను తీసుకొచ్చింది. తన అనుభవాలను గతంలో ఇన్‌స్టాగ్రామ్‌లో షేర్‌ చేసిన గౌరీ ఖాన్‌ "అద్భుతమైన అనుభవం"గా అభివర్ణించింది. అంతేకాదు డిజైన్స్‌ పట్ల ఆసక్తి ఉన్న నీతాతో కలిసి పనిచేయడం నిజంగా స్ఫూర్తిదాయకం అంటూ ఆమె రాసుకొచ్చింది. గౌరీ ఖాన్ డిజైన్స్ ఫౌండర్‌గా,  రెడ్ చిల్లీస్ ఎంటర్‌టైన్‌మెంట్ సహ వ్యవస్థాపకులుగా గౌరీ ఖాన్ ఇంటిరీయర్‌ డిజైనర్‌గా  ఖ్యాతి గడించారు. ఈ క్రమంలోనే  రణ్‌బీర్ కపూర్, సిద్ధార్థ్ మల్హోత్రా, కరణ్ జోహార్, వరుణ్ ధావన్, అలియా భట్‌, అనన్య పాండే తదితర పలువురు బాలీవుడ్‌  ప్రముఖుల గృహాలను అద్భుతంగా తీర్చిదిద్దింది. 27 అంతస్తులున్న లగ్జరీ హౌస్  ఆంటిలియాలో  హెల్త్ స్పా, సెలూన్, మూడు స్విమ్మింగ్ పూల్స్, ఒక బాల్‌రూమ్ ఉన్నాయి. అలాగే యోగా, డ్యాన్స్ స్టూడియోల తోపాటు, 168 కార్లు పార్క్ చేసేందుకు కావాల్సినంత స్థలం ఉంటుంది. అంతేకాదు  ఈ ఆంటిలియా భవనం  8.0 తీవ్రతతో భూకంపాన్ని కూడా తట్టుకోగలదట.

ప్రేమకు, అట్రాక్షన్‌కు తేడా తెలియని వయసులో ప్రేమించుకున్నారు. కానీ వారికి తెలియకుండానే పీకల్లోతు ప్రేమలో పడిపోయారు. మరీ ముఖ్యంగా షారుక్‌ ఖాన్‌! ఇదంతా అయ్యే పని కాదనుకుందో.. మరేంటో కానీ గౌరీ సడన్‌గా అతడిని వదిలేసి వెళ్లిపోయింది. ఊపిరాడట్లనైంది షారుక్‌కు. తనకోసం ముంబై అంతా గాలించాడు. ప్రేయసి కళ్లముందుకు రాగానే పోయిన ప్రాణం తిరిగి వచ్చినట్లైంది. తనను హత్తుకున్నాడు. జీవితంలో చేయి వదలనన్నాడు. అదే మాట మీద నిలబడ్డాడు కూడా! త్వరలో (అక్టోబర్‌ 25న) షారుక్‌- గౌరీల పెళ్లి రోజు రాబోతోంది. ఈ సందర్భంగా వారి ప్రేమకహానీని ఓసారి గుర్తు చేసుకుందాం.. 18 ఏళ్లకే లవ్‌.. అది 1984.. అక్కడ పార్టీ జరుగుతోంది. మేం వయసుకు వచ్చాం అంటూ కుర్రాళ్లు హంగామా చేస్తున్నారు. అందులో షారుక్‌ కూడా ఉన్నాడు. అప్పుడతడి వయసు 18 ఏళ్లు. ఆ పార్టీలో అతడి కళ్లంతా ఒక అమ్మాయి మీదే ఉన్నాయి. ఎవరా అమ్మాయి? అని తన స్నేహితుడిని అడిగాడు. అతడు కనుక్కుని వస్తానని చెప్పి ఏకంగా ఆ అమ్మాయితో డ్యాన్స్‌ కూడా చేసి వచ్చాడు. ఆమె తన బాయ్‌ఫ్రెండ్‌ కోసం ఎదురుచూస్తోందని షారుక్‌ ఆశలపై నీళ్లు చల్లాడు. వేరే అబ్బాయిలతో మాట్లాడితే తట్టుకోలేని షారుక్‌ ఇంతకీ అక్కడున్న అమ్మాయి ఎవరో కాదు గౌరీ ఖాన్‌. తన వయసు 14 ఏళ్లు. తను ఎదురుచూస్తోంది బాయ్‌ఫ్రెండ్‌ కోసం కాదు, తన సోదరుడి కోసం.. కాకపోతే అప్పట్లో అందరితోనూ కలుపుగోలుగా మాట్లాడేది. ఎవరు పలకరించినా నవ్వుతూనే మాట్లాడేది. తొలి చూపులోనే షారుక్‌కు తెగ నచ్చేసింది. అక్కడ మొదలైంది వారి పరిచయం. షారుక్‌ మాటతీరు, నడవడిక గౌరీకి కూడా నచ్చేసింది. ఇద్దరూ ‍ప్రేమించుకున్నారు. కానీ షారుక్‌కు పొజెసివ్‌నెస్‌ ఎక్కువ. గౌరీ వేరే అబ్బాయిలతో చనువుగా మాట్లాడితే తట్టుకోలేకపోయేవాడు. వద్దని వారించేవాడు. పిచ్చోడిలా బీచ్‌ల వెంట తిరిగిన హీరో ఈ ప్రవర్తన తట్టుకోలేకపోయిన గౌరీ ఖాన్‌ ఈ రిలేషన్‌ నుంచి బ్రేక్‌ తీసుకోవాలనుకుంది. షారుక్‌కు చెప్పకుండా ముంబై వెళ్లిపోయింది. ప్రియురాలు కనిపించకపోయేసరికి పిచ్చోడయ్యాడు. తన కెమెరా అమ్మేసి ఆ డబ్బులతో ముంబై వెళ్లాడు. గౌరీకి బీచ్‌లంటే ఇష్టం కాబట్టి అక్కడే ఎక్కడో ఉండొచ్చని ఆలోచించాడు. ఆటో డ్రైవర్‌ చేతిలో రూ.400 పెట్టి ఈ డబ్బుతో ఎన్ని బీచ్‌లు తిరగొచ్చో అన్ని బీచ్‌ల దగ్గరకు తీసుకెళ్లమన్నాడు. అలా కొన్ని బీచ్‌లు తిరిగిన తర్వాత ఓ సముద్ర తీరంలో గౌరీ గౌంతు వినబడింది. తనలో తనకే తెలియని సంతోషం మొదలైంది. షారుక్‌ను చూడగానే షాకైన గౌరీ ఇక్కడేం చేస్తున్నావ్‌? అని అడిగింది. పెళ్లి చేసుకుంటే పనైపోతుంది.. తనకోసమే పిచ్చోడిలా తిరుగుతున్నాడని తెలిసిన గౌరీ మనసు కరిగిపోయింది. వారి ప్రేమ మరింత బలపడింది. అదే బీచ్‌లో పెళ్లి చేసుకుందాం అని అడిగాడు షారుక్‌. అయినా తను ఒప్పుకోలేదు. ఏడాది తర్వాత షారుక్‌ తల్లి మరణించింది. అప్పుడు ఎంతో బాధపడిన గౌరీ.. పెళ్లి చేసుకునే సమయం వచ్చిందని చెప్పింది. కానీ అప్పుడే హీరోగా ఒక్కో మెట్టు ఎక్కుతున్నాడు షారుక్‌. బ్యాచిలర్‌గా ఉంటేనే ఫాలోయింగ్‌ మెండుగా ఉంటుంది. పెళ్లి చేసుకుంటే నీ పనైపోతుంది అని నిర్మాతలు హెచ్చరించారు. షారుక్‌ వాటిని లెక్క చేయలేదు. ఇద్దరిదీ ఒకే మతం కాకపోవడంతో గౌరీ తల్లిదండ్రులూ పెళ్లికి ఒప్పుకోలేదు. షారుక్‌ ఫ్రెండ్‌ ఇంటిపై రాళ్లు.. మనసు మారితే ఇక్కడికి రండంటూ ఓ అడ్రస్‌ ఇచ్చాడు. తనకంటూ ఓ ఇల్లు లేకపోవడంతో స్నేహితుడి ఇంటి అడ్రస్‌ ఇచ్చాడు. ఇంకేముంది, అప్పటికే కోపం మీదున్న గౌరీ తల్లిదండ్రులు ఆ ఇంటిపై రాళ్లదాడి చేయించారు. ఇలా ఎన్నో గొడవలు, వివాదాలు దాటుకుని 1991 అక్టోబర్‌ 25న హిందూ సాంప్రదాయం ప్రకారం పెళ్లి చేసుకున్నారు. ఈ దంపతులకు ఆర్యన్‌, సుహానా, అభ్రమ్‌ అని ముగ్గురు పిల్లలు సంతానం. షారుక్‌ ఇప్పటికీ స్టార్‌ హీరోగా తన చరిష్మాను ఏమాత్రం తగ్గకుండా అలాగే కాపాడుకుంటూ వస్తుండగా గౌరీ ఇంటీరియర్‌ డిజైనర్‌గా రాణిస్తోంది. వీరిద్దరూ చిత్రసీమలో ఆదర్శ దంపతులుగా రాణిస్తున్నారు. చదవండి: ఆరోజు నా భార్య నా మీదకు చెప్పు విసిరింది.. శిల్పా శెట్టి భర్త ఎమోషనల్‌

బాలీవుడ్ బాద్‌షా, సూపర్ స్టార్ షారుఖ్ ఖాన్ కూతురిగా సుహానా ఖాన్ బీటౌన్‌లో సుపరిచితమైన పేరు. బాలీవుడ్‌లో ఇంకా అరంగేట్రం చేయకపోయినప్పటికీ సోషల్ మీడియాలో అభిమానులను సంపాదించుకుంది. బాలీవుడ్ సెలబ్రీటీల పిల్లలు తరచుగా పార్టీలకు, పబ్‌లకు వెళ్లడం సర్వసాధారణంగా జరిగేదే. అలా వెళ్లేవారిలో అయితే షారుక్ ఖాన్ కుమార్తె సుహానా ఖాన్ కూడా ఒకరు. తాజాగా తన తల్లి గౌరీ ఖాన్‌తో కలిసి ఓ ఈవెంట్‌కు హాజరైన సుహానా కెమెరాల కంటికి చిక్కింది. ఆ ఈవెంట్‌ నుంచి బయటకు వస్తూ కారులో వెళ్తుండగా.. సుహానా ఖాన్‌ను ఓ మహిళ సాయం చేయమని అడిగింది.  (ఇది చదవండి:  మొన్న ఏజెంట్‌.. ఇప్పుడు భోళా.. పాపం సుంకర!) దీంతో వెంటనే తన బ్యాగ్‌లోని ఐదువందల రూపాయల నోట్లను ఇచ్చేసింది సుహానా. ఇది చూసిన నెటిజన్స్ ఆమెపై ప్రశంసల వర్షం కురిపిస్తున్నారు. బంగారం లాంటి మనసు ఉన్న అమ్మాయి అంటూ కొనియాడారు. కష్టాల్లో ఉన్న మహిళలకు సాయం చేయడాన్ని అభినందిస్తున్నారు. దీనికి సంబంధించిన వీడియో సోషల్ మీడియాలో తెగ వైరలవుతోంది. ముంబయిలో ఓ పుస్తకావిష్కరణ కార్యక్రమానికి సుహానా తన తల్లితో పాటు హాజరయ్యారు. సుహానా త్వరలోనే జోయా అక్తర్ తెరకెక్కిస్తోన్న ది ఆర్చీస్‌తో ఎంట్రీ ఇస్తోంది. ఈ ఏడాది చివర్లో నేరుగా నెట్‌ఫ్లిక్స్‌లో విడుదల కానుంది.  అయితే మేకర్స్ ఇంకా ఎలాంటి అధికారిక తేదీని ప్రకటించలేదు. ఆర్చీస్‌లో శ్రీదేవి, బోనీ కపూర్‌ల చిన్న కుమార్తె ఖుషీ కపూర్, అమితాబ్ బచ్చన్ మనవడు అగస్త్య నందా కూడా నటించారు.  (ఇది చదవండి: నా జీవితంలో అది ఎప్పటికీ ప్రత్యేకమే: నిహారిక ) View this post on Instagram A post shared by Viral Bhayani (@viralbhayani)  

సాక్షి, ముంబై:  రిలయన్స్‌ అధినేత ముఖేశ్‌ అంబానీ నీతా అంబానీ  డ్రీమ్‌ ప్రాజెక్ట్‌ నీతా ముఖేశ్‌  అంబానీ కల్చరల్ సెంటర్ (NMACC) లాంచ్ ఈవెంట్ అంగరంగ వైభవంగా  ముగిసింది.  మూడు రోజుల పాటు జరిగిన  ఈ వేడుకల్లో  పలువురు రాజకీయ, క్రీడా రంగ  ప్రముఖులు, సినీరంగ సెలబ్రిటీలు చేసిన సందడి అంతా ఇంతా కాదు.  బాలీవుడ్‌ ఖాన్‌ త్రయంతోపాటు, దీపికా,  రణవీర్‌,  కరీనా కపూర్-సైఫ్ అలీ ఖాన్ ,ఫ్యాషన్‌స్టార్ సోనమ్ కపూర్, వరుణ్‌ధావన్‌,  రణ్‌వీర్ సింగ్‌, సీనియర్‌ నటులు రేఖ , వహీద తదితర  స్టార్‌డస్ట్ అంతా  గ్లామరస్‌గా కనిపించారు. ముఖ్యంగా  బాలీవుడ్‌ బాద్‌షా షారూఖ్‌ ఖాన్‌ భార్య గౌరీ ఖాన్‌తో కలిసి డ్యాన్స్  ఇరగ దీశారు. షారుఖ్ ఖాన్ హిట్ ట్రాక్ ఝూమ్ జో పఠాన్‌కి స్టెప్పులేశారు.  ఇండో కెనడియన్‌ సింగర్‌ అమృత్‌ పాల్‌ సింగ్‌ ధిల్లాన్‌ (ఏపీ సింగ్‌) పాటకు   అద్భుతంగా డ్యాన్స్‌ చేశారు.  గౌరీ బెస్ట్‌ ఫఫ్రెండ్‌ మహీప్‌ కపూర్‌,  పఠాన్‌ డైరెక్టర్‌ సిద్ధార్థ్‌ ఆనంద్‌ని  కూడా ఈ వీడియోలో చూడొచ్చు. View this post on Instagram A post shared by JODI (@thejodilife) అంతముందు వరుణ్ ధావన్, సూపర్‌ మోడల్‌ జిగి హడిద్  స్టేజ్‌పై సందడి చేశారు. మరోవైపు బ్యాక్‌గ్రౌండ్‌లో ప్లే అవుతుండగా స్టేజ్‌పై షారూఖ్‌ ఖాన్‌ఎంట్రీ  ఇచ్చారు. దీంతో  ఒక్కసారిగా ఉత్సాహం నెలకొంది.  తనతోపాటు స్టెప్ప్‌లేయాల్సిందిగా   వరుణ్‌ధావన్‌,  రణ్‌వీర్ సింగ్‌ను కోరడంతో మరింత జోష్‌ నెలకొంది View this post on Instagram A post shared by @varindertchawla మరోవైపు బాలీవుడ్‌పై సంచలన వ్యాఖ్యలు చేసిన హీరోయిన్‌ ప్రియాంక చోప్రా, హీరో  రణవీర్ సింగ్‌తో  కలిసి డ్యాన్స్‌ చేసింది.దీనికి షారూఖ్‌ ఖాన్‌ భార్య గౌరీ ఎంజాయ్‌ చేయడం విశేషంగా నిలిచింది.  GAURI KHAN ??? DANCING AND VIBING TO PRIYANKA’S PERFORMANCE??? NOW THIS IS MY MULTIVERSE OF MADNESS 😭😭😭😭 *screamingggg*#PriyankaChopra pic.twitter.com/0y3Ku7Vvt9 — k. (@karishmaokay) April 2, 2023

సాక్షి, ముంబై:  బాలీవుడ్‌  స్టార్‌ హీరో షారూఖ్ ఖాన్ భార్య, ఇంటీరియర్  డిజైనర్ గౌరీ ఖాన్‌పై లక్నోలో ఎఫ్ఐఆర్ నమోదైంది. గౌరీపై భారతీయ శిక్షాస్మృతిలోని సెక్షన్ 409 (నేరపూరిత విశ్వాస ఉల్లంఘన) కింద కేసు నమోదు చేశారు.ముంబైకి చెందిన వ్యక్తి మేరకు ఈ పరిణామం చోటు చేసుకుంది. ఉత్తరప్రదేశ్‌లోని లక్నోలో ఎఫ్‌ఐఆర్ దాఖలైంది. గౌరీబ్రాండ్ అంబాసిడర్‌గా ఉన్న కంపెనీ డబ్బలు తీసుకుని కూడా ఫ్లాట్‌ అప్పగించకుండా మోసం చేశారని ఆరోపిస్తూ ముంబైకి చెందిన జస్వంత్ షా  ఫిర్యాదు చేశారు. లక్నోలోని సుశాంత్ గోల్ఫ్ సిటీ ప్రాంతంలోని తులసియాని గోల్ఫ్ వ్యూలో ఉన్న ఫ్లాట్‌ నిమిత్తం రూ. 86 లక్షలు చెల్లించినప్పటికీ తనను కాదని ఆ ఫ్లాట్‌ను  వేరొకరికి ఇచ్చారని ఫిర్యాదుదారు ఆరోపించారు. బ్రాండ్ అంబాసిడర్ గౌరీ ఖాన్ ప్రభావంతో తాను  సదరు ఫ్లాట్ కొన్నానని ఫిర్యాదుదారు తెలిపారు. దీంతో గౌరీతో పాటు తులసియాని కన్‌స్ట్రక్షన్ అండ్ డెవలప్‌మెంట్ లిమిటెడ్ చీఫ్ మేనేజింగ్ డైరెక్టర్ అనిల్ కుమార్ తులసియాని,  డైరెక్టర్ మహేష్ తులసియానిపై కూడా ఫిర్యాదు నమోదైంది.

సాక్షి, ముంబై: ప్రపంచంలోనే అత్యంత ధనవంతులైన నటుల్లో ఒకరు బాలీవుడ్‌ స్టార్‌ హీరో షారూఖ్ ఖాన్.  షారూఖ్‌  భార్య గౌరీ ఖాన్ ముంబైలో ప్రముఖ ఇంటీరియర్ డిజైనర్. ఇంటీరియర్‌ డిజైనర్‌గా సెలబ్రిటీల ఇళ్లకు మేక్ఓవర్లు చేసి భారీగానే ఆర్జిస్తోంది. ఫలితంగా ఆమె కూడా ముంబైలోని టాప్‌ ధనవంతుల్లో ఒకరు. అయితే షారూఖ్‌ఖాన్‌ మేనేజర్‌ పూజా దద్లానీ గౌరీఖాన్‌పై ప్రశంసలు కురిపించి  ఇటీవల వార్తల్లో నిలిచారు. అసలింతకీ పూజా దద్లానీ ఎవరు? గౌరీ ఖాన్‌ ఏం చేశారు? షారుఖ్ ఖాన్ మేనేజర్‌గా 2012 నుంచి పనిచేస్తున్న పూజా దద్లానీకి ఫ్యామిలీతో మంచి అనుబంధమే ఉంది. మంచి సన్నిహితురాలు కూడా. ఖాన్‌ దీంతో చాలా సెలబ్రిటీ పార్టీలకు ఆహ్వానిస్తారు.  తాజాగా పూజా  కొత్త ఇంటిని గౌరీ ఖాన్‌ డిజైన్‌ చేయడం సోషల్‌ మీడియాలో హాట్‌ టాపిక్‌గా నిలిచింది. దీంతో ఆమె సంపాదన, నికర విలువ తదితర అంశాలపై ఆసక్తి నెలకొంది.  పూజా దద్లానీ తన కొత్త ఇంటి గురించి ఇటీవల ఇన్‌స్టాగ్రామ్‌లో షేర్‌ చేసింది. కొత్త ఇంట్లోకి అడుగు పెడుతున్నా.. ఆనందంతో  కొత్త కలల వైపు అడుగులు వేస్తున్నా.. ఈ కొత్త ప్రయాణంలో తన ఇంటిని అందంగా డిజైన్‌ చేయడానికి గౌరీ ఖాన్‌ను మించిన గొప్పవాళ్లు ఎవరుంటారు. ఇంటిని అందమైన కలల సౌధంగా మార్చేశారు అంటూ ఇన్‌స్టా స్టోరీలో ఆమెపై ప్రశంసలు కురిపించింది. దీంతో పూజా ఇంటి ఖరీదైన ఇంటీరియర్ డెకరేషన్ నెటిజనులను ఆకట్టుకుంటోంది.  View this post on Instagram A post shared by Pooja Dadlani Gurnani (@poojadadlani02) బాలీవుడ్‌  టాప్‌ హీరో  షారూక్‌కు చెందిన  కేకేఆర్‌, రీ చిల్లీస్ ఎంటర్‌టైన్‌మెంట్ వంటి వ్యాపారాలను కూడా పూజా దద్లానీ  నిర్వహిస్తుంది. దీంతో పూజా దద్లానీ సంపాదన చాలామంది సీఈవోల వేతనం కంటే చాలా ఎక్కువట. దద్లానీ  సంపద నికర విలువ రూ. 45 కోట్ల నుంచి రూ. 50 కోట్ల మధ్య ఉంది.  నెలకు 7 కోట్ల నుండి 9 కోట్ల వరకు సంపాదిస్తున్నట్లు సమాచారం.  ముంబైలోని లిస్టా జ్యువెల్స్ డైరెక్టర్ హితేష్ గుర్నానీని పూజా  వివాహం చేసుకోగా, వీరికి రేనా దద్లానీ అనే కూతురు ఉంది.

గతేడాది క్రూయిజ్‌ డ్రగ్స్‌ కేసులో బాలీవుడ్ స్టార్ హీరో షారుఖ్ ఖాన్ కొడుకు ఆర్యన్ ఖాన్ అరెస్టు కావడంపై గౌరీఖాన్‌ తొలిసారి స్పందించింది. ప్రముఖ పాపులర్‌ టీవీ షో కాఫీ విత్‌ కరణ్‌ షోకి మహిప్ కపూర్, భావనా పాండేతో కలిసి హాజరైన ఆమె తొలిసారి కొడుకు అరెస్ట్‌పై మాట్లాడింది. డ్రగ్స్‌ కేసులో ఆర్యన్‌ అరెస్ట్‌ అయినప్పుడు మీ కుటుంబం మొత్తం ఎంతో బాధపడ్డార. ఆ పరిస్థితిని ఎదుర్కోవడం అంత సులభం కాదు. అయినప్పటికీ అన్నింటిని తట్టుకొని నిలబడ్డారు. ఆ కష్టసమయం గురించి ఏమని చెబుతారు అని కరణ్‌ ప్రశ్నించాడు. దీనికి గౌరీఖాన్‌ బదులిస్తూ.. అవును. 'మా కుటుంబం మొత్తం ఎంతో బాధపడ్డాం. తల్లిగా అంతకంటే భయంకరమైన అనుభవం ఇంకోటి ఉండదు. కానీ ఆ సమయంలో అందరూ మాకు కుటుంబంలా నిలబడ్డారు. ఏమాత్రం పరిచయం లేని వాళ్లు కూడా మెసేజ్‌లు, కాల్స్‌ ద్వారా నన్ను ఓదార్చారు.  ఆ సమయంలో మాకు ఎంతో ప్రేమ లభించింది. మాకు అండగా ప్రతి ఒక్కరికి ధన్యవాదాలు' అని చెబుతూ గౌరీఖాన్‌ ఎమోషనల్‌ అయ్యింది.  View this post on Instagram A post shared by Karan Johar (@karanjohar)

సూపర్‌స్టార్‌ మహేశ్‌ బాబు భార్య నమ్రత శిరోద్కర్‌ పెళ్లి తర్వాత సినిమాలకు దూరమైనా సోషల్‌ మీడియాలో మాత్రం యాక్టివ్‌గా ఉంటుంది. కుటుంబం సహా పలు విషయాలను షేర్‌ చేస్తూ అభిమానులతో నిత్యం టచ్‌లో ఉంటుంది. తాజాగా బాలీవుడ్‌ బాద్‌షా షారుక్‌ ఖాన్‌ భార్య గౌరీ ఖాన్‌తో ఓ ఫోటోను నమ్రత షేర్‌ చేసింది. అనుకోని లంచ్‌ డేట్‌ ఇది. చాలా సంవత్సరాల తర్వాత ఇలా కలిశాం. ఎన్నోఫ్లాష్‌బ్యాక్‌లు, గొప్ప జ్ఞాపకాలు, చాలా నవ్వులు మిగిల్చాయి అంటూ నమ్రత పోస్ట్‌ చేసింది. ఈ ఫోటోలో ఇద్దరూ బ్లాక్‌ అండ్‌ వైట్‌ దుస్తుల్లో తళుక్కుమన్నారు. కాగా మహేశ్‌, షారుక్‌ కుటుంబాల మధ్య ఎన్నో ఏళ్లుగా మంచి అనుబంధం ఉంది. గతంలో  'బ్రహ్మోత్సవం' సెట్స్‌లో కూడా మహేష్ దంపతులను షారుక్ కలిసిన సంగతి తెలిసిందే.  View this post on Instagram A post shared by Namrata Shirodkar (@namratashirodkar)

బాలీవుడ్‌ స్టార్‌ హీరో షారుక్‌ ఖాన్‌ అంటే పడిచచ్చే అమ్మాయిలు ఎందరో! కండలు తిరిగిన దేహంతోనే కాదు కట్టిపడేసే నటనతో ఎంతోమంది అభిమానాన్ని చూరగొన్నాడీ హీరో. గౌరీఖాన్‌ను వివాహం చేసుకున్న ఇతడికి ముగ్గురు పిల్లలున్నారు. అందులో ఒకరైన ఆర్యన్‌ నటుడిగా కాకుండా అసిస్టెంట్‌ డైరెక్టర్‌గా త్వరలోనే ఇండస్ట్రీలో ఎంట్రీ ఇవ్వనున్నట్లు గుసగుసలు వినిపిస్తున్నాయి. ఇదిలా ఉంటే భర్తను ఎంతగానో ప్రేమించే గౌరీ ఖాన్‌ ఒకానొక సమయంలో మాత్రం అతడిని వదిలేద్దామనుకుందట! ఈ విషయాన్ని స్వయంగా ఆవిడే వెల్లడించింది. ఆ మధ్య కాఫీ విత్‌ కరణ్‌ ప్రోగ్రామ్‌కు హాజరైన గౌరీ.. 'పెళ్లి చేసుకుందామనుకున్నప్పుడు నాకోసం కొంత సమయం తీసుకుంటానని చెప్పాను. కానీ షారుక్‌ మాట వింటేగా.. అతడికి పొజెసివ్‌నెస్‌ ఎక్కువ. దాన్ని నేను భరించలేకపోయాను. నాకంటూ పర్సనల్‌ స్పేస్‌ కావాలని చెప్పి తనకు దూరంగా వెళ్లిపోయాను. కానీ మళ్లీ ఆలోచించుకుని తన దగ్గరకు తిరిగి వెళ్లాను' అని చెప్పుకొచ్చింది. ప్రస్తుతం ఈ వార్త సోషల్‌ మీడియాలో వైరల్‌గా మారింది, కాగా షారుక్‌, గౌరీ ఖాన్‌లు 1991 అక్టోబర్‌ 25న పెళ్లి చేసుకున్నారు. షారుక్‌ సినిమాల విషయానికి వస్తే అతడు చివరిసారిగా 2018లో జీరో సినిమాలో నటించాడు. అతడు నటించిన లేటెస్ట్‌ మూవీ పఠాన్‌ వచ్చే ఏడాది జనవరి 25న రిలీజ్‌ కానుంది. చదవండి: స్పైడర్‌ మ్యాన్‌ నో వే హోమ్‌ ఓటీటీ రిలీజ్‌ డేట్‌ వచ్చేసింది!

నటుడు, కమెడియన్‌ కపిల్‌ శర్మ ఓసారి పిలవని పార్టీకి వెళ్లాడట. అది కూడా బాలీవుడ్‌ హీరో షారుక్‌ ఖాన్‌ ఇంట్లో జరుగుతున్న పార్టీకి! తాజాగా ఈ విషయాన్ని ఆయన నెట్‌ఫ్లిక్స్‌లో ప్రసారమవుతున్న 'కపిల్‌ శర్మ: ఐయామ్‌ నాట్‌ డన్‌ ఎట్‌' అనే షోలో వెల్లడించాడు. 'కపిల్‌ శర్మ షోతో నాకు మంచి పాపులారిటీ వచ్చింది. కానీ ఇది నాలో కొన్ని తప్పుడు ఆలోచనలకు సైతం బీజం పోసింది. నా కజిన్‌ మన్నాత్‌లోని షారుక్‌ ఖాన్‌ ఇంటిని చూడాలని ఉందని చెప్పింది. అప్పుడు నేను తాగి ఉన్నాను. అయినా సరే అదేం పట్టించుకోకుండా చలో అంటూ కారు తీసుకుని వెళ్లాం. అక్కడ పార్టీ జరుగుతోంది. సెక్యూరిటీ గార్డులు నన్ను చూసి పార్టీకి ఆహ్వానించారేమోననుకుని గేట్లు తెరిచారు. లోపలకు ఎంటర్‌ అయ్యాం కానీ మేము చేస్తోంది తప్పనిపించింది. ఉన్నపళంగా బయటకు వెళ్లిపోదాం అనుకున్నాం. అంతలోనే షారుక్‌ మేనేజర్‌ మమ్మల్ని చూసి లోనికి ఆహ్వానించాడు. అప్పుడు సమయం తెల్లవారుజామున 3 అవుతోంది. నేను నిక్కర్‌ వేసుకుని ఉన్నాను. అలాగే ఇంట్లో అడుగు పెట్టగా ఎదురుగా షారుక్‌ భార్య గౌరీ మేడమ్‌ తన ఫ్రెండ్స్‌తో ఉన్నారు. ఆమె కూడా నాకు ఇన్విటేషన్‌ అందిందేమోననుకుని పలకరించింది. షారుక్‌ లోపల ఉన్నాడంటూ ఓ గదివైపు వెళ్లమని సూచించింది. అలా గదిలోకి వెళ్లగానే ఆయన ఎప్పటిలాగే డ్యాన్స్‌ చేస్తున్నారు. కొంత కంగారుపడుతూనే తన దగ్గరకు వెళ్లి.. భాయ్‌ సారీ.. నా కజిన్‌ మీ ఇల్లు చూడాలనుందంటే తీసుకువచ్చాను అని చెప్పాను. అప్పుడతను నువ్వు ఇంట్లోకేంటి.. నా బెడ్‌రూమ్‌లోకి కూడా రావచ్చన్నాడు. ఆ తర్వాత ఇద్దరం డ్యాన్స్‌ చేశాం. తిరిగి వెళ్లేటప్పుడు అక్కడి స్టాఫ్‌ నాతో ఫొటోలు తీసుకున్నారు. వాటిని షారుక్‌ స్వయంగా తీశాడు' అని చెప్పుకొచ్చాడు.

Shah Rukh Khan Birthday Mannat Decorated With Lights: బాలీవుడ్‌ బాద్‌షా షారుక్‌ ఖాన్‌ పుట్టినరోజు సందర్భంగా ఆయన ఇల్లు మన్నత్‌ దీపాల కాంతులతో వెలిగిపోతుంది. ఇప్పటికే పలువురు ప్రముఖులు మన్నత్‌కు బహుమతులు పంపారు. ప్రతీ ఏటా దీపావళి సహా పండగలు, బర్త్‌డే వంటి స్పెషల్‌ అకేషన్స్‌ నాడు మన్నత్‌ను మరింత సుందరంగా ముస్తాబు చేస్తారు. అయితే కొడుకు ఆర్యన్‌ ఖాన్‌ జైళ్లో ఉండటంతోషారుక్‌ భార్య గౌరీ ఖాన్‌ పుట్టినరోజు సహా దసరా వేడుకలు కూడా జరుపుకోలేదు. అయితే ఇటీవల ఆర్యన్‌కు బెయిల్‌ రావడంతో బాద్‌షా కుటుంబంలో సంతోషం రెట్టింపయ్యింది. దీంతో షారుక్‌ 56వ బర్త్‌డేతో పాటు దీపావళి కూడా వస్తున్న నేపథ్యంలో మన్నత్‌ను అందంగా అలంకరించారు.  అయితే ఈసారి తన పుట్టినరోజును కేవలం కుటుంబసభ్యులతోనే జరుపుకోవాలని షారుక్‌ ఖాన్‌ నిర్ణయించుకున్నారట. దీంతో సెలబ్రిటీలు ఎవరూ ఇప్పుడప్పుడే ఇంటికి రావొద్దని, ఆర్యన్‌ కోలుకోవడానికి కాస్త సమయం పడుతుందని షారుక్ వారితో చెప్పినట్లు సమాచారం.  View this post on Instagram A post shared by Viral Bhayani (@viralbhayani)  

Aryan Khan Released from Arthur Road Jail: డ్రగ్స్‌ కేసులో అరెస్ట్‌ అయిన ఆర్యన్‌ ఖాన్‌ జైలు నుంచి విడుదలయ్యారు. ఇప్పటికే ఆర్థర్‌ రోడ్‌ జైలు వద్దకు చేరుకున్న షారుక్‌ ఖాన్‌ కొడుకును ఇంటికి తీసుకురానున్నారు. దీంతో మన్నత్‌లో సందడి వాతావరణం నెలకొంది. 28రోజుల జైలు జీవితం అనంతరం ఆర్యన్‌ బయటకు వచ్చారు. దీంతో ఆయనకు స్వాగతం పలికేందుకు షారుక్‌ అభిమానులు భారీగా మన్నత్‌కు చేరుకున్నారు. 'వెల్‌కం ఆర్యన్‌' అంటూ పోస్టర్లు పట్టుకొని బాణసంచా కాల్చుతూ ఫ్యాన్స్‌ సంబరాల్లో మునిగిపోయారు.  కాగా ఈ నెల అక్టోబర్‌ 2వ తేదీన క్రూయిజ్‌ ఓడరేవులో జరుగుతున్న డ్రగ్స్‌ పార్టీలో పోలీసులు ఆకస్మిక దాడి జరపగా, అందులో ఆర్యన్‌తో పాటు మరో 8మందిని అరెస్టు చేసిన సంగతి తెలిసిందే. అప్పటి నుంచి దాదాపు 23 రోజుల అనంతరం ఆర్యన్‌కు షరతులతో కూడిన బెయిల్‌ను కోర్టు మంజూరు చేసింది. దీని ప్రకారం ప్రతి శుక్రవారం ఎన్సీబీ ముందు ఆర్యన్‌ హాజరుకావాల్సి ఉంటుంది. ఈ క్రమంలో ఆర్యన్‌ దేశం వదిలి వెళ్లకూడదని కూడా బాంబే హైకోర్టు స్పష్టం చేసింది. ఇప్పటివరకు ఏం జరిగిందంటే..   ► అక్టోబర్‌ 2: ముంబై తీరంలోని గోవాకు చెందిన కొర్‌డెలియా క్రూయిజ్‌లో రేవ్‌పార్టీపై ఎన్‌సీబీ దాడులు చేసి షారూక్‌ఖాన్‌ కుమారుడు ఆర్యన్‌తో సహా 14 మందిని అదుపులోనికి తీసుకుంది.   ► అక్టోబర్‌ 4: ఆ 14 మందిలో ఆర్యన్‌ సహా ఎనిమిది మందిని అరెస్ట్‌ చేసినట్టు ఎన్‌సీబీ ప్రకటించింది.  అక్టోబర్‌ 7 వరకు నిందితులు ఎన్‌సీబీ కస్టడీలోనే ఉన్నారు ►  అక్టోబర్‌ 7: ఎన్‌సీబీ ఇక కస్టడీ అవసరం లేదని చెప్పడంతో కోర్టు వారికి 14 రోజుల జ్యుడీషియల్‌ రిమాండ్‌ విధించింది.   ► అక్టోబర్‌ 8: ముంబైలోని ఆర్థర్‌ రోడ్డు జైలుకి ఆర్యన్‌ని తరలించారు. మెట్రోపాలిటన్‌ మెజిస్ట్రేట్‌ కోర్టు బెయిల్‌ పిటిషన్‌ను తిరస్కరించింది ► అక్టోబర్‌ 11: ఎన్‌డీపీఎస్‌ యాక్ట్‌ కింద ఏర్పాటైన ముంబై ప్రత్యేక కోర్టులో బెయిల్‌ పిటిషన్‌ సమర్పించారు ► అక్టోబర్‌ 13–20: ఆ కోర్టులోనూ బెయిల్‌ వాయిదాల మీద  వాయిదాలు పడుతూ వచ్చింది. చివరికి 20వ తేదీన ఆర్యన్‌కు బెయిల్‌ తిరస్కరించింది.   ► అక్టోబర్‌ 21: ఆర్థర్‌ రోడ్డు జైలులో ఉన్న ఆర్యన్‌ను షారూక్‌ఖాన్‌ కలుసుకున్నారు. ఆర్యన్‌ జ్యుడీషియల్‌ కస్టడీని అక్టోబరు 30 వరకు పొడిగించారు ►అక్టోబర్‌ 26–28: బాంబే హైకోర్టులో బెయిల్‌ పిటిషన్‌పై వాదనలు ► అక్టోబర్‌ 28: ఆర్యన్‌ఖాన్, ఇద్దరు సహ నిందితులకు బెయిల్‌ మంజూరు చదవండి: ఆర్యన్‌ బెయిల్‌ కోసం చట్టపరమైన బాధ్యత తీసుకున్న ప్రముఖ నటి

Gauri Khan Says No kheer in Mannat till Aryan Gets Bail : డ్రగ్స్ కేసులో కుమారుడు ఆర్యన్‌ ఖాన్‌ అరెస్ట్‌ అవడంతో బాలీవుడ్‌ బాద్‌షా షారుక్‌, గౌరీ ఖాన్‌ తీవ్ర మనోవేధనకు గురవతున్నట్లు తెలుస్తుంది. తిండి, నిద్ర లేకుండా ఆర్యన్‌ కోసమే ఎదురుచూస్తున్నట్లు సన్నిహిత వర్గాల సమాచారం. షారుక్‌ భార్య గౌరీ ఖాన్‌ అయితే ప్రతిరోజూ దేవుడికి ప్రత్యేకంగా పూజలు చేయడంతో పాటు తన స్నేహితులను కూడా భగవంతుడ్ని ప్రార్థించాలంటూ వేడుకుంటుందట. నవరాత్రి సందర్భంగా ఉపవాసం ఉండి కొడుకు బెయిల్‌ కోసం  గౌరీ ప్రత్యేక పూజలు చేసినట్లు సమాచారం. మప్రతీ పండుగకి షారుక్‌ నివాసం ఎంతో అందంగా ముస్తాబయ్యేది. కానీ ప్రస్తుతం ఆర్యన్‌ జైలులో ఉండటంతో పండుగ సెలబ్రేట్‌ చేసుకునే ఆసక్తి లేదని, ఆర్యన్‌ ఇంటికి వచ్చేవరకు మన్నత్‌లో ఖీర్‌, స్వీట్లు ఏవీ చేయకూడదని గౌరీ ఖాన్‌ సిబ్బందికి ఆదేశాలు ఇచ్చినట్లు టాక్‌. ఆర్యన్‌ బెయిల్‌ నుంచి వచ్చేవరకు ఎలాంటి స్వీట్లు వండొద్దని స్టాఫ్‌కు తెలిపింది. కాగా ఇప్పటికే ఆర్యన్‌కు ముంబై కోర్టు మూడుసార్లు బెయిల్‌ నిరాకరించిన కోర్టు బుధ‌వారం మరోసారి విచారణ చేపట్టనుంది. చదవండి: ఇకపై నిరుపేదల కోసం పని చేస్తా: ఆర్యన్‌ ఖాన్‌ 

కాజోల్‌ అండ్‌ షారుఖ్‌ ఖాన్‌.. బాలీవుడ్‌ మోడర్న్‌ డేస్‌లో.. బాగా ఫేమస్‌ అయిన జంట. ఆ ప్రేమను తెర వరకే ప్రదర్శించి జీవితంలో విడిపోని స్నేహాన్ని మిగుల్చుకున్నారు. ప్రియాంక చోప్రా అండ్‌ షారుఖ్‌ ఖాన్‌.. తెర మీద రెండు సినిమాల్లోనే (డాన్‌ సిరీస్‌) కనిపించిన జంట.. జీవితంలో ప్రేమను పంచుకుని.. కలకాలం నిలుపుకోవాలనుకున్నారు.. ఆ కల నెరవేరేదేనేమో.. షారుఖ్‌ ఖాన్‌ జిందగీలో గౌరీ ఖాన్‌ భాగస్వామ్యం లేకుండా ఉండుంటే! అదివరకే అయిపోయిన ఈ పెళ్లివల్లే తర్వాత పుట్టిన ఆ ప్రేమ బ్రేక్‌ అయింది! ఆ స్టోరీ... షారుఖ్‌ ఖాన్, ప్రియాంక చోప్రా కలిసి నటించకముందు నుంచే ఇద్దరూ స్నేహితులు. బాలీవుడ్‌లోని పార్టీల్లో ఆ స్నేహం కుదిరింది. ఆమె నవ్వు, లౌక్యంలేని ప్రవర్తన షారూఖ్‌ను ఆకర్షించింది.. ఇష్టపడేలా చేసింది. ఆమెతో సమయం గడపడానికి ఏ చిన్న అవకాశం వచ్చినా వదులుకునే వాడు కాదు. తను హాజరయ్యే ఫంక్షన్లు, ఈవెంట్స్‌కు ప్రియాంకనూ పిలవమనీ హోస్ట్‌లను, నిర్వాహకులను కోరేవాడు. సూపర్‌ స్టార్‌ మాటను కాదనలేక ప్రియాంకతో పరిచయం లేకపోయినా ఆమెను పార్టీలకు పిలిచిన సందర్భాలెన్నోనట. అలాగే ఒకసారి కరణ్‌ జోహార్‌ బర్త్‌డేకూ ప్రియాంకని ఆహ్వానించమని కరణ్‌ను బలవంతపెట్టాడు షారుఖ్‌. స్నేహితుడిని చిన్నబుచ్చడం ఇష్టంలేక ప్రియాంకను పార్టీకి పిలిచాడు కరణ్‌. పార్టీకి వచ్చిన ప్రియాంక బుగ్గ మీద ముద్దుపెట్టుకొని మరీ రిసీవ్‌ చేసుకున్నాడు షారుఖ్‌. అతని వ్యవహారం కరణ్‌కు నచ్చలేదు. గౌరీకి మింగుడు పడలే. డాన్‌ డాన్‌ (అమితాబ్‌ బచ్చన్‌ ‘డాన్‌’కి రీమేక్‌) సినిమాతో ప్రియాంక చోప్రాతో నటించే అవకాశం వచ్చిందని పొంగిపోయాడు షారుఖ్‌. ఆ సినిమా సెట్స్‌లోనే వాళ్ల మధ్య ప్రేమ మొదలైంది. అవుట్‌డోర్‌లో తెల్లవారు జాము మూడింటిదాకా కబుర్లు చెప్పుకుంటూ ఈ జంట యూనిట్‌ సభ్యుల కంట పడింది. ప్రశ్నార్థకంగా చూసిన వాళ్లకు ‘రిహార్సల్స్‌’ అని బదులిచ్చారు.  డాన్‌ సిరీస్‌ వీళ్ల ఆన్‌ స్క్రీన్‌ కెమిస్ట్రీనీ సూపర్‌ హిట్‌ చేసింది. ప్రియాంక మీద షారుఖ్‌ ప్రేమా స్థిరపడింది. తనకే సినిమా ఆఫర్స్‌ వచ్చినా అందులో హీరోయిన్‌గా ప్రియాంకను తీసుకోమ్మని నిర్మాత, దర్శకులను అడిగేవాడట షారుఖ్‌. కమర్షియల్‌ యాడ్స్‌లోనూ తన పక్కన ప్రియాంకను సైన్‌ చేయమని డిమాండ్‌ చేసేవాడని చెప్తాయి బాలీవుడ్‌ వర్గాలు. తన ఐపీఎల్‌ టీమ్‌ మ్యాచెస్‌కూ ప్రియాంకను వెంట తీసుకెళ్లేవాడు. షారుఖ్‌ కనిపించే ప్రతి పబ్లిక్‌ ఈవెంట్‌లో పక్కన ప్రియాంక ఉండాల్సిందే. ఈ దృశ్యాలను ఫొటో జర్నలిస్ట్‌లు బాగా క్యాచ్‌ చేశారు. వార్నింగ్‌ షారుఖ్‌ తీరుతో గౌరీ అభద్రతకు లోనైంది. సీరియస్‌గానే వార్నింగ్‌ ఇచ్చింది.. ‘ప్రియాంక చోప్రాతో తిరగడమే కాదు కలిసి సినిమాలు  చేయడమూ బంద్‌. వినకపోతే విడాకులు ఖాయం’ అని. బాధపడ్డాడు.. కుమిలిపోయాడు. చివరకు కుటుంబమే ముఖ్యమని గౌరీ మాటను గౌరవించాడు. అటు నుంచీ నరుక్కొచ్చింది గౌరీ సినీరంగంలోని తన స్నేహితులు కరణ్‌ జోహార్, సుసాన్నే ఖాన్‌ వంటివాళ్ల సహాయంతో. ప్రియాంకను తమ సినిమాల్లోకి తీసుకోవద్దని కరణ్‌ జోహార్‌ ద్వారా నిర్మాతలకు, తమ భర్తల పక్కన హీరోయిన్‌గా అవకాశాలు ఇవ్వద్దని సుసాన్నే ద్వారా ఇతర హీరోల భార్యలకూ చెప్పించింది. సదరు నిర్మాతలు, హీరోల సినిమాల్లో చాన్స్‌లు రాలేదు ప్రియాంకకు. ఇటు లవ్‌ లైఫ్‌ బ్రేక్‌ అయింది. తట్టుకోలేకపోయింది. అది అలాగే కొనసాగితే డిప్రెషన్‌లోకి వెళ్లిపోయి పర్సనల్‌ లైఫ్‌నూ కోల్పోతానని అర్థమైంది ప్రియాంకకు. దృష్టి మ్యూజిక్‌ మీదకు మళ్లించింది. ఆ బ్యాలెన్స్‌ ఆమెను నిలబెట్టింది. సినిమాలతోపాటు పాశ్చాత్యా సంగీత ప్రపంచానికీ ఆమె సంతకాన్ని చూపించింది. నిశ్శబ్దంగా ఆ ఇద్దరి దారులు వేరయ్యాయి. ఆ ప్రేమ మూగబోయింది. రాకేశ్‌ శర్మ బయోపిక్‌ ‘సెల్యూట్‌’లో ప్రియాంకకు అవకాశం వచ్చింది. దాంట్లో షారుఖ్‌ హీరో అని తెలిసి ఆ ఆఫర్‌ను తిరస్కరించింది ఆమె.  చానాళ్ల తర్వాత డర్టీ లాండ్రీ అనే అంతర్జాతీయ టాక్‌ షోకి ప్రియాంక చోప్రా ఇంటర్వ్యూ ఇచ్చింది. అందులో ఆమె వేసుకున్న జాకెట్‌నుద్దేశించి ‘చాలా  బాగుంది’ అని హోస్ట్‌ ఇచ్చిన కాంప్లిమెంట్‌ లాంటి ప్రశ్నకు ‘ఇది నా ఎక్స్‌ బాయ్‌ ఫ్రెండ్‌ది. ఇందులోనే నా లైఫ్‌ ఉంది’ అని ప్రియాంక ఇచ్చిన సమాధానం సెన్సేషన్‌ అయింది. అంతకుముందు అదే జాకెట్‌ వేసుకొని షారుఖ్‌ చాలా సార్లు కనిపించాడని, ఆ ఎక్స్‌ బాయ్‌ఫ్రెండ్‌ అతనే అనే కామెంట్స్‌తో ఆ రెండు ఫొటోలూ సోషల్‌ మీడియాలో వైరల్‌ అయ్యాయి.  నిజం చెప్పాలంటే మిగతా యాక్టర్స్‌ కంటే ప్రియాంకతో నటించేప్పుడే చాలా కంఫర్ట్‌గా ఫీలవుతాను. మిగతా వాళ్లంతా నన్ను స్టార్‌గా చూస్తే తను మాత్రం నన్ను కోస్టార్‌లా.. ఫ్రెండ్‌లా చూస్తుంది. కెమెరా ముందు నా జుట్టు చెదిరినా వెంటనే సరి చేస్తుంది. ఎన్విరాన్‌మెంట్‌ను ఈజ్‌ చేస్తుంది. ఆమెతో ఉంటే కాలం తెలియదు. తను నాకత్యంత ఆప్తురాలు. – షారుఖ్‌ ఖాన్, ఒక ఇంటర్వ్యూలో - ఎస్సార్‌ చదవండి: బిపాసా బసు - జాన్‌ అబ్రహం విఫల ప్రేమ కథ మేకప్‌ లేకుండా ఈ స్టార్‌ హీరోయిన్లను ఎప్పుడైనా చూశారా?

బాలీవుడ్ భామ అలియాభ‌ట్ త‌న ప్రియుడు, న‌టుడు ర‌ణ్‌బీర్ క‌పూర్‌కు మ‌రింత చేరువ కానుంది. పెళ్లి వార్తేమైనా మోసుకొచ్చారేమో? అనుకోకండి. అలాంటిదేమీ లేదు కానీ అలియా త‌న‌ ప్రియుడు నివ‌సిస్తున్న అపార్ట్‌మెంట్‌లోనే ఓ ఫ్లాట్‌ కొనుగోలు చేశార‌ట‌. ముంబైలోని పాలి హిల్‌లో 2460 చ‌ద‌ర‌పు అడుగుల విస్తీర్ణం ఉన్న ఇంటిని త‌న సొంతం చేసుకున్నార‌ని ఆంగ్ల మీడియా క‌థ‌నాలు వెలువ‌రించింది. స‌ద‌రు అపార్ట్‌మెంట్‌లో ర‌ణ్‌బీర్‌ది ఏడో అంత‌స్థు కాగా ఆమెది ఐదో అంత‌స్థు. ఈ ఇంటికి గ‌త‌ నెల‌లోనే పూజ కూడా నిర్వ‌హించారు. ఈ కార్య‌క్ర‌మానికి అలియా కుటుంబంతో పాటు ర‌ణ్‌బీర్ ఫ్యామిలీ కూడా హాజ‌రయ్యారు. (చ‌ద‌వండి: వాళ్ల గురించి పట్టించుకున్నారా.. సరేగానీ) అలియా కొత్తిల్లు ర‌ణ్‌బీర్ ఫ్యామిలీ నివ‌సించే కృష్ణ రాజ్ బంగ్లాకు అత్యంత స‌మీపంలో ఉంది. మొత్తానికి కాబోయే అత్తారింటికి, భ‌ర్త‌కు ద‌గ్గ‌ర‌లోనే ఇల్లు సెట్ చేసుకుంద‌ని బీటౌన్ గుస‌గుస‌లు పెడుతోంది. ఇక‌ అలియా కొత్తింటి కోసం ఏకంగా రూ. 32 కోట్లు ఖ‌ర్చు చేసిన‌ట్లు స‌మాచారం. ఈ ఇంటిని అందంగా తీర్చిదిద్దే బాధ్య‌త‌ను ఆమె గౌరీఖాన్‌కు అప్ప‌గించారు. అప్ప‌టివ‌ర‌కు ఆమె త‌న సోద‌రి షాహీన్ భ‌ట్‌తో క‌లిసి జుహులోనే ఉండ‌నున్నారు. ఇదిలా వుంటే.. ఈ క్రేజ్ ల‌వ్‌బ‌ర్డ్స్ వారు క‌లిసి న‌టించిన బ్ర‌హ్మాస్త్ర చిత్రం విడుద‌ల కోసం ఆస‌క్తిగా ఎదురు చూస్తున్నారు. అయాన్ ద‌ర్శ‌క‌త్వం వ‌హిస్తున్న ఈ సినిమాను కేజో నిర్మిస్తున్నారు. (చ‌ద‌వండి: రణ్‌బీర్‌, అలియా వివాహంపై వివరణ)

బాలీవుడ్ బాద్‌షా షారుఖ్‌ ఖాన్‌, అతని సతీమణి గౌరీ ఖాన్‌లు సోషల్‌ మీడియాలో ఎంత యాక్టివ్‌గా ఉంటారో అందరికీ తెలిసిందే. షారుఖ్‌కు ఈ మధ్య సినిమాలు కలిసి రావడం లేదు. సరైన హిట్‌ను చూసి చాలా కాలమైంది. షారుఖ్‌.. సినిమాలకు కాస్త విరామం ఇచ్చినట్లు కూడా కనిపిస్తోంది. షారుఖ్‌, తన పిల్లల గురించి సంబంధించిన ప్రతీ అప్‌డేట్‌ను గౌరీ ఖాన్‌ సోషల్‌ మీడియాలో షేర్‌ చేస్తుంటారు. నేడు ఆమె తల్లి పుట్టిన రోజు సందర్భంగా సోషల్‌ మీడియా వేదికగా శుభాకాంక్షలు తెలియజేశారు. షారుఖ్‌.. తన అత్తగారు సవిత చిబ్బర్‌కు పుట్టిన రోజు శుభాకాంక్షలు తెలిపారు. అత్తగారికి షారుఖ్‌ స్వీట్‌ విషెస్‌ అందజేశారు. చెరగని చిరునవ్వుతో సంతోషంగా జీవించాలని ఆకాంక్షించారు. ఈ సందర్భంగా సవిత చిబ్బర్‌, షారుఖ్‌, అబ్రమ్‌ కలిసి ఉన్న ఫొటోను గౌరీ ఖాన్‌ పోస్ట్‌ చేశారు. ఆదివారం తల్లి  పుట్టినరోజును పురస్కరించుకుని ఆమె కుమార్తె గౌరీ ఖాన్‌ తనకు గ్రీటింగ్స్‌ అందజేశారు. తన పిల్లలు సినిమాల్లోకి వస్తారా లేదా అనేదానిపై షారుఖ్‌ క్లారిటీ ఇచ్చేశారు. కుమారుడు ఆర్యన్‌ నటుడు కావాలనుకోవట్లేదు అని, దర్శకుడిగా మారాలనుకుంటున్నాడని తెలిపారు. అందుకోసం అమెరికాలో తర్ఫీదు పొందుతున్నాడని వెల్లడించారు. ఇక మిగతా ఇద్దరికీ నటనపై ఆసక్తి ఉంటే చదువు పూర్తయ్యాక వారికి తర్ఫీదు ఇచ్చి నటనారంగానికి పరిచయం చేస్తామని ప్రకటించారు. అంతేకాకుండా వారి పిల్లలకు మార్షల్‌ ఆర్ట్స్‌లో ట్రైనింగ్‌ కూడా ఇప్పిస్తున్నారు. దానికి సంబంధించిన ఫొటోను కూడా షారుఖ్‌ నెటిజన్లతో పంచుకున్నారు.  May you always be as funny and full of life as you are. https://t.co/7NvKkDxuJ6 — Shah Rukh Khan (@iamsrk) September 8, 2019 Keeping up the tradition of Tae ‘Khan’ Doh in the family, the latest entrant to the Kiran Teacher ( @care141 )Fight Club. Yellow belt it is... pic.twitter.com/o8Ie7T2Hso — Shah Rukh Khan (@iamsrk) August 26, 2019

వాణిజ్య రాజధాని ముంబైతో సహా దేశవ్యాప్తంగా 71 నియోజకవర్గాల్లో సోమవారం నాలుగో విడత సార్వత్రిక ఎన్నికల పోలింగ్‌ జరిగిన సంగతి తెలిసిందే. ముంబైలో సినీ, వ్యాపార ప్రముఖులు తమ ఓటు హక్కును వినియోగించుకున్నారు. వీరిలో బాద్‌షా షారుక్‌ ఖాన్‌ దంపతులు కూడా ఉన్నారు. అయితే ఓటు వేయడానికి వచ్చేటప్పుడు తమతో పాటు ఐదేళ్ల తన కుమారుడు అబ్రాంను కూడా పోలింగ్‌ కేంద్రానికి తీసుకువచ్చారు షారుక్‌. ఈ విషయంపై స్పందిస్తూ ‘మా చిన్నారికి ఓటింగ్‌కు.. బోటింగ్‌కు తేడా తెలీక ఇబ్బంది పడుతున్నాడు. ఈ విషయం గురించి తనకు పూర్తిగా అర్థం కావడం కోసమే ఇలా తీసుకొచ్చాం’ అంటూ ట్వీట్‌ చేశారు షారుక్‌. దాంతో పాటు భార్య, కొడుకు అబ్రాంతో కలిసి ఉన్న ఫోటోను కూడా షేర్‌ చేశారు. షారుక్‌ ఖాన్‌ తన కుటుంబంతో కలిసి ముంబైలోని బాంద్రాలో ఓటు హక్కు వినియోగించుకున్నారు. Little one was a bit confused between ‘Boating’ and Voting, so took him along to experience the difference. pic.twitter.com/8X6DsTP8bc — Shah Rukh Khan (@iamsrk) April 29, 2019

బాలీవుడ్‌లో బెస్ట్‌ కపుల్‌గా పేరు తెచ్చుకున్నారు షారుఖ్‌ దంపతులు. పెళ్లై పాతికేళ్లు దాటినప్పటికి నేటికి కూడా కొత్తగా పైళ్లైన జంటలా అన్యోన్యంగా ఉంటారు. సోషల్‌ మీడియాలో త్రోబ్యాక్‌ ఫోటోలను షేర్‌ చేస్తూ కపుల్‌ గోల్స్‌ని సెట్‌ చేస్తుంటారు. ఈ క్రమంలో కొన్ని రోజుల క్రితం ముంబైలో జరిగిన ఓ అవార్డుల కార్యక్రమంలో షారుఖ్‌ - గౌరీ జంట మోస్ట్‌ స్టైలీష్‌ కపుల్‌ అవార్డ్‌ అందుకున్నారు. ఈ సందర్భంగా విలేకరులు అడిగిన ఓ ప్రశ్నకు సమాధానంగా గౌరీ ఖాన్‌ తన భర్తకు సంబంధించిన ఓ రహస్యాన్ని వెల్లడించారు. ప్రస్తుతం ఇందుకు సంబంధించిన వీడియో తెగ వైరలవుతోంది. ఈ వీడియోలో విలేకరి మీ ఇద్దరిలో తయారవ్వడానికి ఎవరు ఎక్కువ సమయం తీసుకుంటారని ప్రశ్నించారు. అందుకు సమాధానంగా గౌరీ.. ‘షారుఖ్‌ ఖాన్‌ డ్రెస్సింగ్‌కు చాలా మంది అభిమానులున్నారు. అందంగా కనిపించడం కోసం షారుఖ్‌ ప్రత్యేకంగా ఎలాంటి శ్రద్ధ తీసుకోడని మీలో చాలామంది అనుకుంటారు. కానీ మీకో రహస్యం చెప్తున్నా. షారుక్‌ గంటల తరబడి అలంకరించుకుంటాడు. మేమిద్దరం కలిసి బయటకు వెళ్లాలనుకున్నా.. లేదా ఏదైనా ఫంక్షన్‌కు వెళ్లాల్సి ఉన్నా నేను ఎగ్జాట్‌గా 20 నిమిషాల్లో రెడీ అవుతాను. కానీ మా ఆయన సింగారం పూర్తవ్వడానికి మాత్రం 2, 3 గంటల సమయం పడుతుంద’ని తెలిపారు. ప్రస్తుతం ఈ వీడియో సోషల్‌ మీడియాలో తెగ వైరలవుతోంది. View this post on Instagram An enjoyable evening... celebrated in style! Thanks @hindustantimes ... @iamsrk A post shared by Gauri Khan (@gaurikhan) on Mar 30, 2019 at 1:28am PDT

బాలీవుడ్ బాద్‌షా షారూఖ్‌ ఖాన్‌ కుటుంబంతో కలిసి యూరప్‌ టూర్‌లో ఉన్నారు. టూర్‌కు సంబంధించిన అప్‌డేట్స్‌ ఎప్పటికప్పుడు తన సోషల్‌ మీడియా ద్వారా అభిమానులతో షేర్‌ చేసుకుంటున్నారు షారూఖ్‌. ఇటీవలలో ఆర్యన్‌, అబ్‌రామ్‌లు దిగిన ఫోటో, స్పెయిన్‌లో సుహానా దిగిన ఫోటోలు సోషల్‌ మీడియాలో వైరల్‌ అయ్యాయి. తాజాగా మరో ఆసక్తికర ఫోటోను ట్వీట్‌ చేశాడు షారూఖ్‌. తన భార్య గౌరీఖాన్‌తో కలిసి దిగిన ఫోటోను ట్వీట్ చేసిన షారూఖ్‌ ‘ఇన్నేళ్ల తరువాత నేను తీసిన ఫోటోను పోస్ట్‌ చేసేందుకు ఒప్పుకుంది’ అంటూ కామెంట్‌ చేశారు. జీరో షూటింగ్ పూర్తి చేసిన షారూఖ్ ప్రస్తుతం ఫ్యామిలీతో కలిసి హాలీడేస్‌ ఎంజాయ్‌ చేస్తున్నారు. After years the wife has allowed me to post a pic I have taken...she’s @gaurikhan all heart! pic.twitter.com/QfAJajRlim — Shah Rukh Khan (@iamsrk) 7 July 2018

బాలీవుడ్‌ బాద్‌షా షారూక్‌ ఖాన్‌ అంటే అభిమానులు పడి చస్తారు. సంవత్సరాలుగా సూపర్‌స్టార్‌డమ్‌ను ఎంజాయ్‌ చేస్తోన్న ఆయన కొత్తతరం సినిమాకు, ఇండియన్‌ సినిమా బాక్సాఫీస్‌కు ఒక కొత్త కళను తీసుకొచ్చారు. ఇప్పటికీ షారూక్‌ హవా అలా కొనసాగుతూనే ఉంటే, ఆయన వారసులు కూడా త్వరలోనే కెమెరా ముందుకు వచ్చేందుకు రెడీ అయిపోతున్నారు. షారూక్‌ తనయుడు ఆర్యన్‌ ఖాన్‌ ఇప్పటికే సోషల్‌ మీడియాలో పాపులర్‌. రేపో, మాపో హీరోగా ఎంట్రీ ఇచ్చేస్తాడని కూడా అంటున్నారు. ఆర్యన్‌తో పాటు షారూక్‌ కూతురు సుహానా ఖాన్‌ కూడా తెరంగేట్రం చేసేందుకు రెడీ అవుతోంది. కొద్దికాలంగా సుహానా ఫోటోషూట్స్‌ కూడా సోషల్‌ మీడియాలో కనిపిస్తూ ఆమెకూ క్రేజ్‌ తెచ్చిపెడుతున్నాయి. తాజాగా షారూక్‌ భార్య గౌరీఖాన్‌.. సుహానా ఫొటోను సోషల్‌ మీడియాలో పోస్ట్‌ చేశారు. ‘‘పిల్లలు పెద్దవాళ్లు అయ్యారు..’’ అంటూ ఒక పార్టీకి హాజరైన కూతురు ఫొటోను పోస్ట్‌  చేసింది గౌరి. ఈ ఫొటోలో ట్రెండీ లుక్‌లో, స్టైలిష్‌గా, బాలీవుడ్‌ హీరోయిన్‌ లెవెల్లో పోజులిచ్చింది సుహానా! పక్కాగా ఫ్యూచర్‌లో హీరోయిన్‌ అయ్యే క్వాలిటీస్‌ సుహానాకు ఉన్నాయని అభిమానులు ఆమెకు ఫిదా అయిపోయారు. షారూక్‌ ఖాన్‌ మాత్రం పిల్లల చదువంతా అయ్యాకే సినిమాలు అన్నారట. అదే విధంగా ఆయన పిల్లలు షారూక్‌ బ్రాండ్‌కు దూరంగా తమదైన మార్క్‌ చూపించాలన్న ఆలోచనతో యాక్టింగ్‌ షారూక్‌ దగ్గర కాకుండా బయటే నేర్చుకుంటున్నారట! మరి ఈ సూపర్‌స్టార్‌ కిడ్స్‌ ఎంట్రీ ఇచ్చే టైమ్‌కి బాలీవుడ్‌ ఎలా ఉంటుందో కానీ అభిమానులైతే ఇప్పట్నుంచే ఎదురుచూడడం మొదలుపెట్టేశారు!!


 ముంబై: బాలీవుడ్ బాద్‌షా షారుఖ్ ఖాన్ ఈసారి తన పుట్టినరోజు వేడుకలను సాదాసీదాగా జరుపుకున్నారు. 50వ వసంతంలోకి అడుగుపెట్టిన ఈ సూపర్ స్టార్ తన కుటుంబసభ్యుల నడుమ అర్ధరాత్రి దాటక కేక్ కట్ చేశారు. భార్య గౌరీఖాన్, పిల్లలు ఆర్యన్, సుహానా, ఆబ్‌రామ్ ఆయనకు పుట్టినరోజు శుభాకాంక్షలు తెలిపారు. జన్మదినం సందర్భంగా ఆయన నివాసం మన్నత్ వద్ద ఆదివారం రాత్రి పెద్దసంఖ్యలో అభిమానులు గుమిగూడారు. తనపై అంతులేని అభిమానాన్ని, ప్రేమను ప్రకటిస్తున్న అభిమానులకు, కుటుంబసభ్యులకు షారుఖ్ ట్విట్టర్‌లో కృతజ్ఞతలు తెలిపారు.
 
 'హ్యాపీ బర్త్ డే షారుఖ్.. ఇంట్లోనే అర్ధరాత్రి వేడుకలు నిర్వహించాం' అంటూ  గౌరీఖాన్.. షారుఖ్ కేక్ కట్ చేస్తున్న ఫొటోను ఇన్‌స్టాగ్రామ్‌లో షేర్ చేశారు. సాధారణంగా షారుఖ్ తన పుట్టినరోజు వేడుకల్ని ఘనంగా నిర్వహిస్తుంటారు. కానీ ఈసారి ఆయన పూర్తిగా కుటుంబసభ్యుల మధ్యే ఆనందంగా గడిపారు. 'నా పుట్టినరోజు సందర్భంగా మీరందరూ చూపిస్తున్న అభిమానానికి ధన్యవాదాలు. జీవించడం ఇంత అందంగా ఉంటుందని ఎప్పుడూ అనుకోలేదు' అని షారుఖ్ ట్వీట్ చేశారు. ఆయన ప్రస్తుతం నటిస్తున్న 'దిల్‌వాలే' సినిమా షూటింగ్ పూర్తయింది. త్వరలోనే షారుఖ్ 'ఫ్యాన్' సినిమా షూటింగ్ పట్టాలెక్కనుంది.