బిగ్‌బాస్‌ ఫేం, హీరోయిన్‌ నందిని రాయ్‌ బర్త్‌డే సెలెబ్రేషన్స్‌ ఘనంగా జరిగాయి. నిన్న(సెప్టెంబర్‌ 18) ఆమె పుట్టిన రోజు. ఈ సందర్భంగా టాలీవుడ్‌ సినీ సెలబ్రెటీలు, బిగ్‌బాస్‌ మాజీ కంటెస్టెంట్స్‌ మధ్య ఆమె బర్త్‌డే వేడుక జరిగింది. ఆదివారం సాయంత్రం జరిగిన ఈ బర్త్‌డే సెలబ్రెషన్స్‌లో నటుడు సాయి కుమార్, వరుణ్ సందేశ్‌, రాజ్ తరుణ్, తనిష్‌, బిగ్‌బాస్‌ మాజీ కంటెస్టెంట్‌ సోహెల్, రాహుల్ సిప్లిగంజ్‌, లహరి శారి, యాంకర్‌, నటి భాను శ్రీ, వైవా హర్ష, పూజిత, చాందినీ చౌదరి, దర్శకులు సతీష్, కృష్ణ, రఘులు హాజరయ్యారు. ఇక వారందరి సమక్షంలో కేక్ కట్ చేసి తన కోసం వచ్చిన వారందరికీ ధన్యవాదాలు తెలుపుతూ సంతోషం వ్యక్తం చేసింది ఆమె. ఫొటో గ్యాలరీ కోసం ఇక్కడ క్లిక్ చేయండి కాగా నందిని రాయ్‌.. అతి చిన్న వయసులోనే మోడల్‌గా కెరీర్‌ ప్రారంభించింది. ఈ క్రమంలో పలు అందాల పోటీల్లో పాల్గొన్న ఆమె తక్కువ సమయంలోనే మోడల్‌గా మంచి గుర్తింపు పొందింది. 2011లో వచ్చిన 040 అనే చిత్రంలో సినీరంగ ప్రవేశం చేసిన ఆమె ఆ తర్వాతా మాయ, ఖుషి ఖుషిగా, మోసగాళ్లకు మోసగాడు, సిల్లీ ఫెలోస్‌, శివరంజని వంటి హిట్‌ చిత్రాల్లో నటించింది.ఈ క్రమంలో బిగ్‌బాస్‌ 2 సీజన్‌లో పాల్గొని ఆడియన్స్‌కు మరింత దగ్గరైంది. బిగ్‌బాస్‌ అనంతరం వరుస ఆఫర్లు కొట్టేసి బిజీగా మారింది నందిని. ఇటీవల ఆమె సాయికుమార్‌, సీనియర్‌ నటి రాధిక శరత్‌ కుమార్‌లు ప్రధాన పాత్రలో వచ్చిన గాలివాన వెబ్‌ సిరీస్‌లో నటించి తన నటనకు విమర్శకుల నుంచి ప్రశంసలు అందుకుంది. 

డిజైనర్‌ స్పెషల్‌, సమ్మర్‌ ఫ్యాషన్‌ స్పెషల్‌ సూత్ర ఫ్యాషన్‌ అండ్‌ లైఫ్‌ స్టైల్‌ ఎగ్జిబిషన్‌ గురువారం బంజారాహిల్స్‌లోని తాజ్‌కృష్ణా హోటల్‌లో ప్రారంభమైంది. బిగ్‌బాస్‌ కంటెస్టెంట్‌, నటి లహరి ప్రదర్శనను ప్రారంభించారు. అలాగే బిగ్‌బాస్‌ నాన్‌స్టాప్‌ కంటెస్టెంట్‌ స్రవంతి చొక్కారపు సైతం ఈ ఎగ్జిబిషన్‌లో మెరిశారు.  వెడ్డింగ్‌ వేర్‌, ఫ్యాషన్‌ వేర్‌, డిజైనరీ వేర్‌ ఈ ప్రదర్శనలో ప్రత్యేక ఆకర్షణగా నిలిచాయి. ఈ నెల 30 వరకు ప్రదర్శన కొనసాగుతుందని సూత్ర నిర్వాహకులు మౌనికా మాద్యన్‌, ఉమేశ్‌ మాద్యన్‌ వెల్లడించారు. View this post on Instagram A post shared by SUTRAA EXHIBITIONS (@sutraa_exhibitions) చదవండి: ఈ సంవత్సరం సీక్వెల్స్‌తో తగ్గేదే లే.. Allu Arjun: రేంజ్‌ పెరిగిందని పుష్ప 2కి రేటు పెంచేశాడా?

అర్జున్‌ రెడ్డి భామ, బిగ్‌బాస్‌ ఐదో సీజన్‌ కంటెస్టెంట్‌ లహరి షారి కొత్త కారు కొనుగోలు చేసింది. మహాశివరాత్రి పండగ సందర్భంగా లగ్జరీ కారు వోల్వో ఎక్స్‌సీ 60ని తనకు తాను బహుమతిగా ఇచ్చుకుంది. ఈ విషయాన్ని సోషల్‌ మీడియా వేదికగా అభిమానులతో పంచుకున్న భామ ఈ మేరకు కారు ముందు నిల్చుని దిగిన ఫొటోలను ఇన్‌స్టాగ్రామ్‌లో షేర్‌ చేసింది. దీంతో బిగ్‌బాస్‌ కంటెస్టెంట్లు సహా పలువురు నెటిజన్లు ఆమెకు శుభాకాంక్షలు తెలియజేస్తున్నారు. ఇదిలా ఉంటే ఈ కారు ధర ఎంతకాదన్నా 60 లక్షల రూపాయల దాకా ఉంటుందని తెలుస్తోంది. గత నెలలో ఈ బ్యూటీ ఖరీదైన బీఎమ్‌డబ్ల్యూ బైక్‌ కొనుగోలు చేసిన విషయం తెలిసిందే! కాగా బిగ్‌బాస్‌ తర్వాత పలు ఆల్బమ్‌ సాంగ్స్‌లో నటించిన లహరి కొన్ని సినిమాలకు సైతం సంతకం చేసినట్లు సమాచారం! View this post on Instagram A post shared by Lahari Shari (@lahari_shari) View this post on Instagram A post shared by Lahari Shari (@lahari_shari) View this post on Instagram A post shared by Lahari Shari (@lahari_shari)

Bigg Boss 5 Lahari Shari Buys Expensive BMW Bike, Video Goes Viral: బిగ్‌బాస్‌ సీజన్‌-5లో లేడీ అర్జున్‌రెడ్డిగా గుర్తింపు పొందిన బ్యూటీ  లహరి షారి. అప్పటివరకు కొన్ని సినిమాల్లో నటించినా ఈ అమ్మడికి అంతగా గుర్తింపు రాలేదు. కానీ బిగ్‌బాస్‌ షోతో బోలెడంత ఫాలోయింగ్‌ పెరిగిపోయింది. బిగ్‌బాస్‌ అనంతరం వస్తున్న ఆఫర్లను అందిపుచ్చుకుంటూ బిజీగా మారిపోయింది. సోషల్‌ మీడియాలోనూ యాక్టివ్‌గా ఉండే ఈ భామ తాజాగా ఓ లగ్జరీ బైక్‌ను కొనుగోలు చేసింది. దీనికి సంబంధించిన ఫోటోలను తన ఇన్‌స్టాగ్రామ్‌లో షేర్‌ చేసింది. మొత్తానికి ఈ బైక్‌ కొన్నాను. చాలా సంతోషంగా ఉంది. నా బైక్‌ సౌండ్‌ చాలా నచ్చింది అంటూ ఆనందం వ్యక్తం చేసింది. దీంతో ఆనీ మాస్టర్‌ సహా పలువురు లహరికి కంగ్రాట్స్‌ చెబుతూ కామెంట్స​ చేస్తున్నారు. ఇక ఈ లగ్జరీ BMW G 310 GS మోడల్‌కి చెందిన ఈ బైక్‌ సుమారు రూ.3-3.5లక్షలు ఉంటుంది.  View this post on Instagram A post shared by Lahari Shari (@lahari_shari)

Bigg Boss Fame Lahari Interview With Bangarraju Team: బిగ్‌బాస్‌ సీజన్‌-5లో లేడీ అర్జున్‌రెడ్డిగా సుపరిచితం అయిన బ్యూటీ లహరి షారి. అప్పటివరకు పెద్దగా గుర్తింపు లేని ఈ అమ్మడికి బిగ్‌బాస్‌ షోతో బోలెడంత ఫాలోయింగ్‌ పెరిగిపోయింది. బిగ్‌బాస్‌ అనంతరం వస్తున్న ఆఫర్లను అందిపుచ్చుకుంటూ బిజీగా మారిన ఈ బ్యూటీ తాజాగా కింగ్‌ నాగార్జున, నాగా చైతన్యలతో కలిసి ప్రైవేట్‌ జెట్‌లో ప్రయాణించింది. బంగార్రాజు సినిమా సంక్రాంతి కానుకగా విడుదల కానున్న నేపథ్యంలో మూవీ టీం ప్రమోషన్స్‌ జోరు పెంచింది. ఇందులో భాగంగా తమను ప్రైవేట్‌ జెట్‌లో ఇంటర్వ్యూ చేసే అద్భుత అవకాశం లహరి చేతికందింది. దీంతో యమ హుషారుతో బంగార్రాజులతో సరదాగా ముచ్చటించింది. ఈ సందర్భంగా చై, నాగార్జునలతో కలిసి దిగిన ఫోటోలను షేర్‌ చేస్తూ.. 'కలలు నిజమవుతాయి. నా కల నెరవేరింది. మీలాంటి గొప్ప వ్యక్తులతో ఒక రోజంతా గడిపేందుకు అవకాశం ఇచ్చిన నాగార్జున సర్‌, చై సార్‌లకు ధన్యవాదాలు. లవ్‌ అక్కినేనిస్‌' అంటూ ఇన్‌స్టాగ్రామ్‌లో రాసుకొచ్చింది.  View this post on Instagram A post shared by Lahari Shari (@lahari_shari)

Bigg Boss 5 Telugu Ravi Elimination Reason: బిగ్‌బాస్‌ తెలుగు సీజన్‌-5లో 12వ వారం ఎలిమినేషన్‌ ఇప్పుడు టాక్‌ ఆఫ్‌ ది టౌన్‌గా మారిపోయింది. నామినేషన్లలో ఉన్న మిగతా కంటెస్టంట్‌లతో పోలిస్తే రవికి భారీ ఫ్యాన్‌ ఫాలోయింగ్‌ ఉంది. అయినప్పటికీ వారికంటే రవి బయటకు రావడం ఇప్పుడు సోషల్‌ మీడియాలో చర్చనీయాంశమైంది. ఇది అన్‌ఫెయిర్‌ ఎలిమినేషన్‌ అంటూ రవి ఫ్యాన్స్‌ సహా నెటిజన్లు సైతం అభిప్రాయపడుతున్నారు. ఇంతకీ రవి ఎలిమినేట్‌ అవ్వడానికి కారణాలు ఏంటి? నిజంగానే మిగతా కంటెస్టెంట్లతో పోలిస్తే తక్కువ ఓట్లు వచ్చాయా? లేక మరేదైనా కారణాలు ఉన్నాయా అని ఓసారి పరిశీలిస్తే.. ఈ సీజన్‌లో మిగతా కంటెస్టెంట్లతో పోలిస్తే  యాంకర్‌ రవికే ఎక్కువ ఫ్యాన్‌ ఫాలోయింగ్‌ ఉందని చెప్పొచ్చు. ఎన్నో ఏళ్లుగా బుల్లితెరపై మాస్‌ మహారాజాగా ఎదిగిన రవి గ్రాఫ్‌ బిగ్‌బాస్‌ హౌస్‌లో  మొదట్లో బాగానే ఉండేది. అయితే లహరి-ప్రియ ఎపిసోడ్‌లో అమ్మ మీద ఒట్టు అంటూ అబద్దాలు చెప్పడం రవికి అతిపెద్ద మైనస్‌ అని చెప్పొచ్చు. అప్పటివరకు గుంటనక్క, ఇన్ఫులెన్స్ స్టార్ అని ట్యాగ్‌ లైన్స్‌ వచ్చినా ఈ ఒక్క ఎపిసోడ్‌తో రవి గ్రాఫ్‌ అమాంతం పడిపోయింది. ఇక శ్వేత ఎలిమినేషన్‌కి కూడా పరోక్షంగా రవి కారణం అవ్వడంతో మరింత నెగిటివ్‌ అయ్యాడు. అయినప్పటికీ అతనికి ఉన్న ఫ్యాన్‌ బేస్‌తో నామినేట్‌ అయిన ప్రతీసారి సేవ్‌ అవుతూ వచ్చాడు. ఈసారి కూడా  నామినేషన్స్‌ నుంచి ఈజీగా గట్టెక్కేస్తాడని అంతా భావించారు. టాప్‌-5కి రవి చాలా సులువుగా చేరుకుంటాడని అనుకున్నారంతా. దీంతో రవికి ఎలాగైనా భారీ ఓట్లు పడతాయని భావించి ఫ్యాన్‌ బేస్‌ తక్కువ ఉన్నవారిని సేవ్‌ చేయడం కోసం వారికి ఓట్లు వేశారు. ఇది రవికి చాలా పెద్ద మైనస్‌గా మారింది. ఎలాగో ఓట్లు పడతాయి అన్న ఉద్దేశంతో మిగతా వారికి ఓట్లు వేయడం కూడా రవి ఎలిమినేషన్‌కు ప్రధాన కారణం అయి ఉండొచ్చని టాక్‌ వినిపిస్తుంది. ఏది ఏమైనా టాప్‌-5లో ఉండాల్సిన కంటెస్టెంట్‌ ఇలా అనూహ్యంగా బయటకు రావడం రవి బ్యాడ్‌ లక్‌ అని చెప్పొచ్చు.  View this post on Instagram A post shared by Big Boss Telugu Season 5 (@bigbosstelugu5.adda)

►మండే మోటివేషన్‌ అంటున్న శిల్పాశెట్టి ► వెడ్డింగ్‌ యానివర్సిరీని జరుపుకుంటున్న నేహా కక్కర్‌ ► నాలుగోసారి జాతీయ అవార్డును అందుకున్న కంగనా రనౌత్‌ ► వెకేషన్‌లో దేత్తడి హారిక View this post on Instagram A post shared by Shilpa Shetty Kundra (@theshilpashetty) View this post on Instagram A post shared by Anupama Parameswaran (@anupamaparameswaran96) View this post on Instagram A post shared by Mahhi ❤️tara❤️khushi❤️rajveer (@mahhivij) View this post on Instagram A post shared by Neha Kakkar (Mrs. Singh) (@nehakakkar) View this post on Instagram A post shared by Kangana Thalaivii (@kanganaranaut) View this post on Instagram A post shared by Sanaya Irani (@sanayairani) View this post on Instagram A post shared by Alekhya Harika (@alekhyaharika_) View this post on Instagram A post shared by Kangana Thalaivii (@kanganaranaut) View this post on Instagram A post shared by Manish Malhotra (@manishmalhotra05) View this post on Instagram A post shared by Lahari Shari (@lahari_shari)

Bigg Boss 5 Telugu: బిగ్‌బాస్‌ సీజన్‌-5లో లేడీ అర్జున్‌రెడ్డిగా గుర్తింపు పొందిన కంటెస్టెంట్‌ లహరి షారి. మొదటి నుంచి దూకుడుగా వ్యవహరించిన ఈ అమ్మడు దురదృష్టం కొద్దీ మూడో వారమే హౌస్‌ నుంచి ఎలిమినేట్‌ అయ్యింది. అయిన షో నుంచి బయటకు వచ్చిన అనంతరం అటు వరుస ఆఫర్లతో బిజీగా మారింది. బిగ్‌బాస్‌ షోతో ఎంతోమంది అభిమానులను సైతం సొంతం చేసుకుంది. తాజాగా తన ఫాలోవర్స్‌తో ఇన్‌స్టాగ్రామ్‌ లైవ్‌లో ముచ్చటించిన ఈ భామ పలు ఇంట్రెస్టింగ్‌ విశేషాలను వెల్లడించింది. తన లైఫ్‌లో బిగ్‌బాస్‌ షోకు వెళ్లడమే అడ్వెంచర్‌ అని, మూడు వారాలకే బయటకు రావడం కాస్త బాధేసిందని తెలిపింది. హౌస్‌లో తనకు, రవికి ఉన్న బ్రదర్‌-సిస్టర్‌ రిలేషన్‌ గురించి చూపించలేదని చెప్పుకొచ్చింది. కాగా ఓ నెటిజన్‌ హగ్‌ ఇవ్వాల్సిందిగా కొంటెగా అడగ్గా ఒకే అంటూ హగ్‌ ఎమోజీని పంపి అతడికి షాకిచ్చింది. ఇక రీఎంట్రీ గురించి ప్రశ్నించగా..షో నిర్వాహకులు ఇంత వరకు తనను సంప్రదించలేదని, ఒకవేళ అవకాశం వస్తే ఆలోచిస్తానని బదులిచ్చింది. షో నుంచి  బయటకు వచ్చాక మూడు సినిమాలకు సైన్‌ చేశానని, త్వరలోనే అప్‌డేట్స్‌ ఇస్తానని పేర్కొంది. 

Bigg Boss 5 Telugu: బుల్లితెర రియాలిటీ షో బిగ్‌బాస్‌కున్న క్రేజ్‌ గురించి ప్రత్యకంగా చెప్పాల్సిన పనిలేదు. ఈ ఒక్క షోతో రాత్రికి రాత్రే స్టార్స్‌గా మారిన వాళ్లు ఎంతో మంది ఉన్నారు.  బిఫోర్‌ బిగ్‌బాస్‌, ఆఫ్టర్‌ బిగ్‌బాస్‌ ఎఫెక్ట్‌ అనేంతలా కొందరి జీవితాలనే మార్చేసింది ఈ షో. ఇక బిగ్‌బాస్‌ అనంతరం కంటెస్టెంట్లకు ఉన్న క్రేజ్‌ను బట్టి ఆఫర్స్‌ వెల్లువెత్తుతాయి. తాజాగా బిగ్‌బాస్‌ సీజన్‌-5 లేడీ అర్జున్‌ రెడ్డి పేరు సంపాదించిన లహరికి హౌస్‌ నుంచి బయటకు వచ్చాక బాగానే ఆఫర్లు వస్తున్నాయి. తాజాగా ఓ ఫోక్‌ సాంగ్‌ కోసం డీ గ్లామరస్‌ లుక్‌లో కనిపించి ఆశ్చర్యపరిచింది.  ఇప్పటికే ఈ సాంగ్‌కు సంబంధించిన ప్రోమో రిలీజ్‌ అయ్యింది. దీంతో పాటు సినిమాల్లో సైతం లహరికి మంచి ఆఫర్లు వస్తున్నట్లు టాక్‌. కాగా సారీ నాకు పెళ్లైంది, అర్జున్‌రెడ్డి, జాంబిరెడ్డి చిత్రాల్లో నటించిన ఈ భామకు ఇండస్ట్రీలో అనుకున్నంత గుర్తింపు రాలేదు. అయితే బిగ్‌బాస్‌ షోతో కాస్త గుర్తింపు వచ్చిందనుకున్న సమయంలో దురదృష్టం కొద్దీ ఆమె మూడో వారమే ఎలిమినేట్‌ అయ్యింది. అయితే సోషల్‌ మీడియాలో యాక్టివ్‌గా ఉంటూ అభిమానులతో టచ్‌లో ఉంటుంది.  View this post on Instagram A post shared by Lahari Shari (@lahari_shari)

బిగ్‌బాస్‌ తెలుగు ఐదో సీజన్‌ 19 మంది కంటెస్టెంట్లతో ప్రారంభమైంది. వీరిలో ఇప్పటికే ముగ్గురు కంటెస్టెంట్లు సరయు, ఉమాదేవి, లహరి షారి మూటాముల్లె సర్దుకుని హౌస్‌ నుంచి బయటకు వచ్చేశారు. అయితే వీరిలో లహరి ఎలిమినేషన్‌ సరి కాదంటున్నాడు బిగ్‌బాస్‌ రెండో సీజన్‌ విన్నర్‌ కౌశల్‌ మండా. ఆమెను అన్యాయంగా ఎలిమినేట్‌ చేశారని చెప్తున్నాడు. షోలోకి ఆమె రీఎంట్రీ ఇవ్వాల్సిందేనని అభిప్రాయపడుతున్నాడు. ఈమేరకు లహరితో కలిసి దిగిన ఫొటోను ఇన్‌స్టాగ్రామ్‌ స్టోరీస్‌లో షేర్‌ చేశాడు కౌశల్‌. 'బిగ్‌బాస్‌ హౌస్‌లో నీ వైఖరి నాకు చాలా బాగా నచ్చింది. ఈ సీజన్‌లో బోల్డ్‌ అండ్‌ బ్యూటీకి నువ్వో ట్రంప్‌ కార్డ్‌ లాంటిదానివి. నువ్వు ఇంత త్వరగా బయటకు వచ్చేయడం బాధగా ఉంది, నిన్ను మళ్లీ షోలో చూస్తానని ఆశిస్తున్నాను' అని పేర్కొంటూ 'లహరి కమ్‌ బ్యాక్‌' అనే హ్యాష్‌ట్యాగ్‌ను యాడ్‌ చేశాడు. దీంతో పలువురు నెటిజన్లు లహరి రీఎంట్రీ ఇవ్వాల్సిందేనని డిమాండ్‌ చేస్తున్నారు.

19 మంది కంటెస్టెంట్లతో ప్రారంభమైన బిగ్‌బాస్‌ తెలుగు ఐదో సీజన్‌లో ప్రస్తుతం 16 మంది ఉన్నారు. తొలివారం సరయు, రెండోవారం ఉమాదేవి, థర్డ్‌ వీక్‌లో లహరి షారి(అమ్ము) హౌస్‌ నుంచి బయటకొచ్చేశాడు. తాజాగా ఎలిమినేట్‌ అయిన లహరి బిగ్‌బాస్‌ బజ్‌లో అరియానా గ్లోరీకి ఇంటర్వ్యూ ఇచ్చింది. నిజానికి ఇది ఇంటర్వ్యూలా కాకుండా వీళ్లిద్దరికీ మధ్య చిన్నపాటి ఫైట్‌ జరిగినట్లే కనిపించింది. అరియానా ఏకధాటి ప్రశ్నలతో లహరికి ముచ్చెమటలు పట్టించింది. జెస్సీ ఏం చేయకుండానే కెప్టెన్‌ అయ్యారంటారా? అని సూటిగా ప్రశ్నించడంతో లహరి నీళ్లు నమిలింది. కాజల్‌ అస్తమానం ఏదో ఒక కంటెంట్‌ ఇవ్వడానికే ప్రయత్నిస్తుందని అమ్ము ఆరోపించగా.. కంటెంట్‌ కోసం మీరు కాజల్‌ దగ్గరకు వెళ్లినట్లు అనిపించిందని కౌంటరిచ్చింది అరియానా. అలా అనిపించిందీ అంటే మీరు సరిగా షో చూడలేదని రివర్స్‌ పంచ్‌ ఇచ్చింది లేడీ అర్జున్‌రెడ్డి. అలాగే బిగ్‌బాస్‌ షోలో ఫ్యాన్‌బేస్‌ అన్నది కూడా చాలా ముఖ్యమైన విషయం అని లహరి అభిప్రాయపడగా.. 'ఆడియన్స్‌ ఓటేయాలంటే ముందు మనం గేమ్‌ ఆడాలి' అని ఆమె పెద్దగా పర్ఫామ్‌ చేయలేదని చెప్పకనే చెప్పింది బోల్డ్‌ బ్యూటీ. ప్రస్తుతం ఈ బిగ్‌బాస్‌ బజ్‌ ప్రోమో యూట్యూబ్‌లో తెగ ట్రెండ్‌ అవుతోంది. 'వాళ్లు ఓటేయాలంటే ముందు మనం గేమ్‌ ఆడాలి' అని అరియానా ఇచ్చిన లాస్ట్‌ పంచ్‌ మాత్రం అదిరిపోయిందంటున్నారు అభిమానులు. మూడో ఇంటర్వ్యూకే ఆమె హోస్టింగ్‌ చాలా మెరుగుపడిందంటున్నారు. అయితే కొద్దిమంది మాత్రం ఆమె ఇంటర్వ్యూ చెత్తగా ఉందని కామెంట్లు చేస్తున్నారు. ఇప్పటికే ఎలిమినేట్‌ అయ్యానన్న బాధలో ఉన్న లహరిని టార్గెట్‌ చేస్తూ, తన ప్రశ్నలతో మానసికంగా మరింత బాధపెట్టిందని అంటున్నారు. బిగ్‌బాస్‌ షో నుంచి వెళ్లిపోయి ఏడాది దాటుతున్నా బిగ్‌బాస్‌ బజ్‌కు హోస్ట్‌గా మారి మరోసారి కంటెంట్‌ ఇవ్వాలని ట్రై చేస్తోందని విమర్శిస్తున్నారు.

Bigg Boss Telugu 5, Episode 22: బిగ్‌బాస్‌ హౌస్‌లో మూడోవారం కూడా పూర్తైంది. సండేను ఫండే చేసేందుకు నాగ్‌ కంటెస్టెంట్లతో అంత్యాక్షరి ఆడించాడు. దీనికి డ్యాన్స్‌ను జత చేయడంతో హౌస్‌మేట్స్‌ విజృంభించారు. ఇక ముందుగా ఊహించినట్లుగానే లహరి షారి ఎలిమినేట్‌ అయింది. దీంతో యాంకర్‌ రవి షాక్‌లోకి వెళ్లిపోయాడు. గత రెండువారాలుగా ఎలిమినేట్‌ అయిన ప్రతి కంటెస్టెంట్‌ చెప్పిన పాయింట్‌నే లహరి కూడా మరోసారి లేవనెత్తింది. సిరి దారిలోనే నడుస్తున్నావని షణ్ముక్‌ను హెచ్చరించింది. ఆసక్తికరంగా సాగిన నేటి(సెప్టెంబర్‌ 26) ఎపిసోడ్‌లో ఇంకా ఏమేం జరిగాయో తెలియాలంటే ఇది చదివేయండి.. నాగార్జునకే పంచ్‌ ఇచ్చిన హమీదా హమీదాను చూసి మైమరిచిపోయిన నాగ్‌ దేవతలా ఉన్నావంటూ మెచ్చుకోగా.. ఏదైనా కొత్తగా చెప్పు అని పంచ్‌ ఇచ్చిందీ బ్యూటీ. దీంతో షాకైన నాగ్‌.. చాలా హాట్‌గా ఉన్నావనడంతో హమీదా గాల్లో తేలిపోయింది. తర్వాత ఇంటిసభ్యులతో అంత్యాక్షరి గేమ్‌ ఆడించారు. ఇందులో ఇంటిసభ్యులను రెండు టీములుగా విడగొట్టారు. ఇరు టీమ్‌ల నుంచి ఒక్కొక్కరు వచ్చినప్పుడు పాట ప్లే చేస్తారు. వారిలో ముందుగా బజర్‌ నొక్కినవాళ్లు పాటలోని మిగతా చరణాలను పాడటంతోపాటు నచ్చినవాళ్లతో కలిసి డ్యాన్స్‌ చేయాల్సి ఉంటుంది. ఇందులో ఇంటిసభ్యులు జంటలు జంటలుగా డ్యాన్స్‌ చేస్తూ మెప్పించారు. తర్వాత మానస్‌ సేఫ్‌ అయినట్లు నాగ్‌ ప్రకటించాడు. ఆవాలు కూడా తెలీదు, రేషన్‌ మేనేజర్‌ అట! అనంతరం ఇంటిసభ్యులతో కళ్లకు గంతలు కట్టి మరో గేమ్‌ ఆడించారు. ఇది కూడా జంటలుగా ఆడాల్సి ఉంటుంది. ఒకరు అక్కడ బల్లపై ఉన్న వస్తువులను టచ్‌ చేసి దాని గురించి వివరిస్తే మిగతా వ్యక్తి అదేంటో చెప్పగలగాలి. ఈ క్రమంలో సిరి, షణ్ను జంటగా వచ్చారు. కానీ సిరి ఎంత క్లూ ఇచ్చిన షణ్ను అక్కడున్నది ఆవాలని చెప్పలేకపోయాడు. ఆవాలు కూడా తెలీదు, కానీ రేషన్‌ మేనేజర్‌ అంటూ అతడి పరువు తీసేశాడు రవి. తర్వాత ప్రియ, లహరి రాగా.. ప్రియ క్లూ ఇవ్వడంతోనే పల్లీలు అని టపీమని చెప్పేసింది లహరి. ఇట్టే కనిపెట్టేసిన రవి తర్వాత ప్రియాంక, శ్వేత వర్మ రాగా.. పింకీ సగ్గుబియ్యం గురించి హింట్‌ ఇవ్వగా శ్వేత కరెక్ట్‌గా గెస్‌ చేసింది. యానీ మాస్టర్‌, విశ్వ రాగా.. అక్కడున్న ఇంకును యానీ మాస్టరే గుర్తుకుపట్టలేకపోవడంతో విశ్వ ఏమీ గెస్‌ చేయలేకపోయాడు. గోరుచిక్కుడు కాయ గురించి నటరాజ్‌ మాస్టర్‌ క్లూ ఇచ్చినా మానస్‌ కనిపెట్టలేకపోయాడు. సీతాఫలం గురించి సన్నీ ఎన్ని హింట్లు ఇచ్చినా హమీదా గుర్తు పట్టలేకపోయింది. శ్రీరామచంద్ర టూత్‌పేస్ట్‌ను కనిపెట్టలేకపోయాడు. దాల్చిన చెక్క గురించి కాజల్‌ టచ్‌ చేసి క్లూ ఇవ్వడంతో రవి ఇట్టే కనిపెట్టాడు.  కెమెరాలున్నాయి, జాగ్రత్త: రవికి వార్నింగ్‌ అనంతరం నాగ్‌.. నామినేషన్‌లో ఉన్న ప్రియ సేఫ్‌ అవగా, లహరి ఎలిమినేట్‌ అయిందని ప్రకటించాడు. దీంతో రవి షాక్‌లోకి వెళ్లిపోయాడు. శ్వేత అయితే ఆమెను పట్టుకుని వెక్కివెక్కి ఏడ్చేసింది. అటు సిరి మాత్రం లహరి తన గురించి స్టేజీ మీద చెప్పను అనేసిందని ఫైర్‌ అయింది. దీంతో రవి.. ఒకరి కోసం మీరు మారొద్దు. మీ స్నేహాన్ని మార్చుకోవద్దు అని సలహా ఇచ్చాడు. ఇక స్టేజీ మీదకు వచ్చిన లహరి.. శ్రీరామ్‌ తనకోసం ఓ పాట పాడాలంది. తను నోరు తెరిచి అడిగాక శ్రీరామ్‌ కాదంటాడా? ఎటో వెళ్లిపోయింది మనసు పాట అందుకున్నాడు. తర్వాత లహరితో ఫేల్‌డ్‌ హౌస్‌మేట్స్‌ గేమ్‌ ఆడించాడు. సిరి.. వేరే అమ్మాయిలంటే ఇన్‌సెక్యురిటీస్‌ అని, యానీ మాస్టర్‌.. వెరీ స్వీట్‌ అని చెప్పింది. యాంకర్‌ రవికి.. కెమెరాలున్నాయి, బీకేర్‌ఫుల్‌ అని హెచ్చరించింది. ఏంట్రా ఇది? సిరి చేసిందని నన్ను నామినేట్‌ చేశావ్‌ మాట్లాడే ముందు ఒకటికి రెండుసార్లు ఆలోచించమని ప్రియకు సూచించింది లహరి. శ్రీరామ్‌కు తన కోసం తనకు టైం కేటాయించుకోమని చెప్పింది. విశ్వ.. స్ట్రాంగ్‌గా ఉండమని, లోబోతో నీ ఈక్వేషన్స్‌ మారిపోయానని, నటరాజ్‌ మాస్టర్‌.. భోళా శంకరుడని, శ్వేత.. స్ట్రాంగ్‌గా ఉండాలని, కాజల్‌.. కెమెరాలున్నాయి, కాబట్టి ఏం మాట్లాడుతున్నావో జాగ్రత్తగా చూసుకోమని సలహా ఇచ్చింది. సిరి నామినేట్‌ చేసిందని నామినేట్‌ చేశావ్‌, ఏంట్రా ఇది? అని షణ్నును క్వశ్చన్‌ చేసింది. మళ్లీ సిరితో ముడిపెట్టడంతో మండిపోయిన షణ్ను.. అందుకే నువ్వు అక్కడున్నావ్‌ అని కౌంటరిచ్చాడు. సిరి మాట్లాడినదానికే తలాడించకని సూచించింది. నువ్వు ఆలోచిస్తుంది రాంగ్‌ అని లహరిపై మండిపడ్డాడు షణ్ను. ఆమెను స్ఫూర్తిగా తీసుకుంటే లైఫంటా స్ట్రాంగ్‌గా ఉంటాను జెస్సీ.. చిన్నపిల్లోడని, ఎవరినో ఒకరిని ఫాలో అవ్వాలని చూస్తున్నాడంది. అయితే అతడు మాత్రం తనకు గేమ్‌ పరంగా ఫుల్‌ క్లారిటీ ఉందన్నాడు. సన్నీ.. ఇంట్లో ప్రతిఒక్కటీ తనే పట్టించుకుంటాడు. కానీ అతడు తను అనుకునేంత షార్ప్‌ కాదన్నాడు. మానస్‌.. పెద్దగా తెలుసుకునేలోపే బయటున్నాననేసింది. ప్రియాంక.. ఆమెను స్ఫూర్తిగా తీసుకుంటే నా జీవితమంతా స్ట్రాంగ్‌గా ఉండగలను అని పాజిటివ్‌ కామెంట్‌ ఇచ్చింది. హమీదా సూపర్‌ స్ట్రాంగ్‌ లేడీ అని మెచ్చుకుంది.

Bigg Boss Telugu 5, Lahari Shari Eliminated: లహరి షారి.. తన గురించి ఎవరేం అనుకుంటున్నా పట్టించుకోదు. కానీ తన ఎదురుగా నిలబడి మాట్లాడితే మాత్రం దానికి గట్టి సమాధానమే ఇస్తుంది. కాన్ఫిడెన్స్‌కు నిలువుటద్దంలా కనిపించే లహరికి కాస్త ఆవేశం ఎక్కువే. అందుకే బిగ్‌బాస్‌ ఇంట్లో చీటికీమాటికీ గొడవలు పెట్టుకుంటూ బ్యాడ్‌ నేమ్‌ తెచ్చుకుంది. తన కళ్లముందు ఏదైనా తేడాగా అనిపిస్తే చాలు ఆ అంశాన్ని లేవనెత్తి చీల్చి చెండాడేది. ముఖ్యంగా ఈ అర్జున్‌రెడ్డి భామకు, కాజల్‌కు పెద్దగా పడేది కాదు. మొదట్లో ఫైర్‌ బ్రాండ్‌గా కనిపించిన లహరి ఈ మధ్య కాస్త డల్‌ అయిపోయినట్లు తెలుస్తోంది. బిగ్‌బాస్‌ హౌస్‌లో మూడో కంటెస్టెంట్‌గా ఎంట్రీ ఇచ్చిన లహరి మూడో వారానికే తట్టాబుట్టా సర్దుకుని బయటకు వచ్చేసింది. మరి ఆమె ఎలిమినేషన్‌కు గల కారణాలేంటో చూసేద్దాం.. ► బిగ్‌బాస్‌ షో ప్రారంభమైన ఫస్ట్‌ వీక్‌లోనే గొడవలతోనే బాగా హైలైట్‌ అయింది లహరి. ముఖ్యంగా కాజల్‌ అత్యుత్సాహం ప్రదర్శించిన ప్రతిసారి ఆమె దూకుడుకు బ్రేక్‌ వేసింది. ఇలా హౌస్‌లో ఎవరికీ అదరకుండా బెదరకుండా వ్యవహరిస్తూ ముక్కుసూటిగా, కుండ బద్ధలు కొట్టి మాట్లాడే లహరిని మొదట్లో అంతా మెచ్చుకున్నారు. కానీ ప్రతి చిన్న విషయానికి కూడా ఆమె కయ్యానికి కాలు దువ్వడంతో ఆమెను మెచ్చుకున్నవాళ్లే విమర్శించక తప్పలేదు. ► ఇంట్లోని కంటెస్టెంట్లలో లహరికి దగ్గరైనవాళ్లలో మానస్‌ ఒకరు. అయితే ఇది గిట్టని ప్రియ, ప్రియాంక సింగ్‌, సిరి.. మానస్‌ దగ్గరకు వచ్చి ఆమె కన్నింగ్‌ అని, లహరితో జాగ్రత్త అని చెప్పారు. అంతేకాకుండా ఆమె డ్రెస్సింగ్‌ గురించి కూడా తప్పుగా మాట్లాడారు. ఈ విషయాన్ని మానస్‌ లహరితో కూడా చెప్పాడు. అంటే హౌస్‌లో లహరిని కొంత టార్గెట్‌ చేశారని అర్థమవుతోంది. ► హౌస్‌లో ఉన్నవాళ్లతో పాటు బయటకు వచ్చిన ఉమాదేవి కూడా లహరి షోలో కొనసాగడం వేస్ట్‌ అని అభిప్రాయపడ్డారు. దీంతో నిజంగానే హౌస్‌లో లహరి ఏం చేస్తుందన్న ప్రశ్న తలెత్తింది. ఇప్పటివరకు ఏదైనా టాస్కు గెలిచిందా? అంటే లేదు. ఏమైనా ఎంటర్‌టైన్‌ చేసిందా? అంటే అదీ లేదు. దీనికి తోడు నామినేషన్స్‌లో ఉన్న ఐదుగురిలో తక్కువ పాపులారిటీ, తక్కువ ఫ్యాన్‌ ఫాలోయింగ్‌ ఉంది లహరికి మాత్రమే. దీంతో ఆమెకు మొదటి నుంచే తక్కువ ఓట్లు నమోదైనట్లు తెలుస్తోంది. ► లహరి ఎలిమినేషన్‌కు ముఖ్య కారణం ప్రియ, రవి. వీళ్లిద్దరూ తెలిసో, తెలియకో ప్రేక్షకుల ముందు లహరిని బ్యాడ్‌ చేశారు. యాంకరింగ్‌ కోసం తన వెనకాల పడుతుందని రవి, ఇంట్లో మగాళ్లతో బిజీ అని ప్రియ కామెంట్లు చేయడంతో ఆమె మీద కొంత వ్యతిరేకత ఏర్పడింది. అదే సమయంలో ఆమె అన్యాయంగా బలవుతుందంటూ కొంత సానుభూతి ఏర్పడ్డప్పటికీ అది ఆమెను ఎలిమినేషన్‌ నుంచి గట్టెక్కించలేకపోయాయి. ► ఇవి కాకుండా బిగ్‌బాస్‌ త్వరలో ఓ వైల్డ్‌ కార్డ్‌ ఎంట్రీకి ప్లాన్‌ చేస్తున్నాడని, అందుకే లహరిని ఎలిమినేట్‌ చేసి ఆ స్థానాన్ని వైల్డ్‌ కార్డ్‌ కంటెస్టెంట్‌తో భర్తీ చేసే ప్లాన్‌లో ఉన్నాడని గుసగుసలు వినిపిస్తున్నాయి. మరి ఇదెంతవరకు నిజమన్నది రానున్న రోజుల్లో తెలియనుంది. ఏదేమైనా లహరి ఎలిమినేట్‌ కావడాన్ని ఆమె అభిమానులు తట్టుకోలేకపోతున్నారు. తనేంటో నిరూపించుకునేందుకు ఇంకొన్ని రోజులు హౌస్‌లో ఉండనివ్వాల్సిందని అభిప్రాయపడుతున్నారు.

Bigg Boss Lahari Shari: బిగ్‌బాస్‌ తెలుగు ఐదో సీజన్‌లో లేడీ అర్జున్‌రెడ్డి ఎవరు? అంటే చాలామంది లహరి షారి వైపు వేలు చూపిస్తారు. తనతో పెట్టుకున్నవాళ్లకు చుక్కలు చూపిస్తుందీ భామ. తన తప్పు లేనిది ఏమైనా అంటే అస్సలు ఊరుకోదు. ఏదున్నా ఫేస్‌ టు ఫేస్‌ తేల్చుకుందాం రమ్మని సవాలు విసురుతుంది. లహరి యాటిట్యూడ్‌ చూసి ఈమె అమ్మాయి కాదు ఆటంబాంబు అంటూ నెట్టింట కామెంట్లు కూడా వినిపించాయి. కాగా.. సారీ నాకు పెళ్లైంది, అర్జున్‌రెడ్డి, జాంబిరెడ్డి చిత్రాల్లో నటించిన ఈ భామకు ఇండస్ట్రీలో అనుకున్నంత గుర్తింపు రాలేదు. దీంతో బిగ్‌బాస్‌ షో ద్వారా ప్రేక్షకులకు మరింత దగ్గరవ్వాలనుకుంది. కానీ అదృష్టం అడ్డం తిరగడంతో ఆమె ఈ వారమే షో నుంచి ఎలిమినేట్‌ అవుతున్నట్లు వార్తలు వినిపిస్తున్నాయి. ఈ క్రమంలో ఆమెకు బిగ్‌బాస్‌ షో నుంచి ఎంత ముట్టిందనేది చర్చనీయాంశంగా మారింది. అయితే సోషల్‌ మీడియాలో చక్కర్లు కొడుతున్న సమాచారం ప్రకారం.. ఆమెకు వారానికి లక్ష నుంచి రెండు లక్షల రూపాయలు పారితోషికంగా ఇస్తున్నారట! ఈ లెక్కన ఇప్పటివరకు ఆమె బిగ్‌బాస్‌ ద్వారా ఐదారు లక్షల రూపాయలు వెనకేసినట్లు తెలుస్తోంది. అయితే ఆమె ప్రేక్షకులను ఎంటర్‌టైన్‌ చేసిన విధానాన్ని బట్టి ఈ రెమ్యునరేషన్‌ అంతకన్నా ఎక్కువ లేదా తక్కువ కూడా ఉండొచ్చు!

చేసిన తప్పుకు శిక్ష అనుభవించక తప్పదంటారు! కానీ ఇది అన్నిచోట్లా వర్తించదు. మరీ ముఖ్యంగా బిగ్‌బాస్‌ హౌస్‌లో! ఇక్కడ తప్పు చేసి తప్పించుకు తిరిగేవారుంటారు, తాము చేసిన తప్పులకు వేరొకరిని బలి చేసేవాళ్లూ ఉంటారు.. ఆ రకంగా చూస్తే ఈవారం యాంకర్‌ రవి, ప్రియ చేసిన తప్పిదాలకు లహరి శిక్ష అనుభవించేట్లు కనిపిస్తోంది. నేటి ఎపిసోడ్‌లో ఆమె ఎలిమినేట్‌ కానున్నట్లు తెలుస్తోంది. ఈ మేరకు లీకువీరులు సోషల్‌ మీడియాలో టముకేసి మరీ ప్రచారం చేస్తున్నారు. ఇదిలా వుంటే ఎలిమినేట్‌ అయ్యేది ఎవరంటూ తాజాగా ప్రోమో రిలీజైంది. ప్రియ, లహరి పేర్లు రాసి ఉన్న బల్బ్స్‌ పట్టుకున్న నాగ్‌ ఎవరికి గ్రీన్‌ లైట్‌ వస్తే వారు సేఫ్‌ అని పేర్కొన్నాడు. ఇలా చెప్పిన మరికాసేపటికే ప్రియ నమస్కరించడానికి అన్నట్లుగా చేతులు పైకెత్తినట్లు కనిపించడంతో ఆమె సేఫ్‌ అని తెలుస్తోంది. దీంతో లహరి ఎలిమినేట్‌ అయినట్లు స్పష్టమవుతోంది. ఇక లహరి ఎలిమినేషన్‌తో యాంకర్‌ రవి ఒక్కసారిగా షాక్‌ అయినట్లు చూపించారు. మరి హౌస్‌ను వీడేది లహరియేనా? కాదా? ఆమె ఎలిమినేషన్‌ హౌస్‌మేట్స్‌పై ఎలాంటి ప్రభావం చూపనున్నది అనేది తెలియాలంటే మరికొద్ది గంటలు వేచి చూడాల్సిందే!

Bigg Boss 5 Telugu, Episode 21: రవి-ప్రియ-లహరిల మధ్య జరిగిన వాదోపవాదాలకు తెర దించాడు నాగార్జున. ఒక్క వీడియోతో లహరి కళ్లు తెరిపించాడు. రవి చేతిలో నమ్మకద్రోహానికి గురైన లహరి తనకు నిజానిజాలేంటో తెలియచేసినందుకు నాగ్‌కు కృతజ్ఞతలు తెలిపింది. అలాగే ఇంటిసభ్యులు  ఎవరు హౌస్‌లో ఉండకూడదనుకుంటున్నారో వారిచేతే చెప్పించాడు. ఇక ఈ వారం నామినేషన్‌లో ఉన్న ఐదుగురిలో ఇద్దరిని సేవ్‌ చేశాడు. మరి నేటి(సెప్టెంబర్‌ 25) ఎపిసోడ్‌లో ఇంకా ఏమేం జరిగాయో తెలియాలంటే ఇది చదివేయండి.. బిగ్‌బాస్‌కు నేను కరెక్ట్‌ కాదు: షణ్ముఖ్‌ ఈవారం సిరితో ఎక్కువగా ఉండలేదని, అయినప్పటికీ వీకెండ్‌లో నాగార్జున సిరిని తనను కలిపి ఏమైనా అన్నారంటే టీవీలోంచి దూకేస్తా అన్నాడు షణ్ముఖ్‌. ఇక్కడ ఫ్రెండ్‌షిప్‌ చేయాలంటేనే భయమేస్తుందన్నాడు. అసలు బిగ్‌బాస్‌కు తాను కరెక్ట్‌ కాదని బాధపడ్డాడు. యాంకర్‌ రవి ఇచ్చే సలహాలు కూడా నచ్చడం లేదని జెస్సీ దగ్గర విసుక్కున్నాడు. మరోపక్క సిరి మాత్రం.. ఇప్పటికీ షణ్ను తనను ఎందుకు దూరం పెడుతున్నాడో అర్థం కావడం లేదని బాధపడింది. జెస్సీ మాటలకు షణ్ను ఇన్‌ఫ్లూయెన్స్‌ అవుతున్నాడని అభిప్రాయపడింది. పింకీ అందాన్ని చూసి మైమరచిపోయిన శ్రీరామ్‌ పాట పాడటంతో ఆమె ఆ పాటకు తగ్గట్టు స్టెప్పులేసింది. నిజం తెలుసుకున్న లహరి తర్వాత నాగార్జున ఇంటిసభ్యులను పలకరిస్తూనే రవి, ప్రియ పేర్లు రాసి ఉన్న టైల్స్‌ను సుత్తెతో పగలగొట్టాడు. దీంతో రవి, ప్రియ నామినేషన్స్‌లో జరిగిన రచ్చను మరోసారి ప్రస్తావించారు. అయితే వీరి గొడవలో బాధితురాలైన లహరికి అసలు నిజమేంటో తెలియాలని ఆమెను కన్ఫెషన్‌ రూమ్‌లోకి పిలిచి రవి మాట్లాడిన వీడియో చూపించారు. ఆ వీడియోలో లహరి యాంకరింగ్‌ కోసం ట్రై చేస్తుందని, ఇంట్లో పెళ్లికాని వాళ్లు (సింగిల్‌ మెన్‌) ఉన్నప్పటికీ ఆమె తన వెంటే పడుతుందని తప్పుగా మాట్లాడిన మాటల్ని చూసి షాకైంది లహరి. దీంతో నాగ్‌.. తప్పు చేసినవాళ్లను నిలదీసి, తప్పు చేయనివాళ్లకు హగ్గివ్వమని సూచించాడు. కవర్‌ చేయబోయిన రవి, ఫైర్‌ అయిన నాగ్‌ హాల్‌లోకి వచ్చిన లహరి.. 'యాంకర్‌ అవ్వాలనుకున్నా, ఇక్కడ సింగిల్‌ మెన్‌ను వదిలేసి నీ వెనకాలే పడుతున్నా అన్నారు. ఇది చాలా తప్పు. నేను వీడియో చూశాను' అని రవిపై ఫైర్‌ అవుతూ ప్రియకు హగ్గిచ్చింది. దీంతో ఇష్యూ క్లియర్‌ అయిందా అని నాగ్‌ రవిని అడగ్గా అతడు ఏదో కవర్‌ చేద్దామని ప్రయత్నించాడు. ఇంతలో నాగ్‌ మధ్యలో అడ్డుకుంటూ.. ఇదంతా కాదు, అమ్మ మీద ఒట్టు, నేను సింగిల్‌ మెన్‌ అనే పదమే అనలేదు అక్కా అని అన్నావా? లేదా? అని గట్టిగా నిలదీయడంతో రవి నిజం ఒప్పేసుకున్నాడు. కానీ ప్రియ, లహరి దగ్గర అప్పటిదాకా ఆ విషయం ఒప్పుకోలేదని వాళ్లు చెప్పుకొచ్చారు. ఈ ఇష్యూతో రవి పరువు మొత్తం పోయినట్లైంది. వాడికోసం నువ్వు బాధపడొద్దు: నాగ్‌ అనంతరం నాగ్‌.. మానస్‌ తనకు తానే వరస్ట్‌ పర్ఫామర్‌ అని చెప్పుకోవడాన్ని తప్పుపట్టాడు. జైలు జీవితం బాగుందనడాన్ని కూడా విమర్శించాడు. కాజల్‌.. విశ్వను వరస్ట్‌ కెప్టెన్‌ అందన్న నాగ్‌.. ఇంట్లోవాళ్ల అభిప్రాయం అడిగాడు. అయితే కాజల్‌కు దిమ్మతిరిగేలా మెజారిటీ జనాలు అతడిని బెస్ట్‌ కెప్టెన్‌ అని పేర్కొన్నారు. ఇక ఈ వారం కెప్టెన్‌ అయిన జెస్సీకి కెప్టెన్‌ బాండ్‌ ఒక్కటే ఉందని, నిర్ణయాలు మాత్రం షణ్ముఖ్‌ తీసుకుంటున్నాడని సెటైర్‌ వేశాడు నాగ్‌. అలాగే సిరితో ఫ్రెండ్‌షిప్‌ కట్‌ చేయడాన్ని వ్యతిరేకించాడు. ఎలిమినేట్‌ అయి ఇక్కడినుంచి వెళ్లిపోయినవాళ్లు ఏదో అన్నారని, అనుకుంటున్నారని సిరికి దూరమవద్దని సలహా ఇవ్వడంతో వాళ్లిద్దరూ మళ్లీ కలిసిపోయారు. ప్రియాంక లవ్‌స్టోరీ గుర్తు చేసిన నాగ్‌.. నిన్ను బాధపెట్టినవాడి కోసం చింతించొద్దని ధైర్యాన్ని నూరిపోశాడు. ఏంట్రా? ఈ నోటి దూలేంట్రా.. తర్వాత హౌస్‌లో ఉండేందుకు అర్హత లేనివాళ్లను డోర్‌ దగ్గర నిలబెట్టి ముఖం మీద తలుపేయమని కంటెస్టెంట్లతో గేమ్‌ ఆడించాడు. మొదటగా వచ్చిన ప్రియ.. లోబో ఇంట్లో ఉండటానికి వీల్లేదని చెప్పింది. తర్వాత లోబో.. అందంతో అందరినీ పరేషాన్‌ చేస్తోందంటూ లహరిని; లహరి.. రవి; రవి.. ప్రియ; జెస్సీ, ప్రియాంక సింగ్‌, విశ్వ, కాజల్‌.. లోబో; శ్వేత, యానీ మాస్టర్‌.. మానస్‌; మానస్‌.. యానీ మాస్టర్‌; నటరాజ్‌ మాస్టర్‌, హమీదా.. కాజల్‌; షణ్ముఖ్‌, సిరి.. సన్నీ; సన్నీ.. సిరి; శ్రీరామ్‌.. జెస్సీ పేర్లను ఇంటి నుంచి వెళ్లిపోయేందుకు సూచించారు. ఇక టాస్క్‌లో శ్వేతను, ఫ్రెండ్‌షిప్‌ కట్‌ చేసి సిరిని ఏడిపించిన షణ్ముఖ్‌ను బాగానే ఆడుకున్నాడు నాగ్‌. ఏంట్రా? ఈ నోటి దూలేంట్రా? అటు శ్వేతను, ఇటు సిరిని ఏడిపిస్తున్నావు? అని కౌంటరేశాడు. ఇక గుంటనక్క ఎవరని నాగ్‌ నటరాజ్‌ మాస్టర్‌ను నిలదీయగా నెక్స్ట్‌ టైమ్‌ చెప్తానని దాటవేశాడు. తర్వాత శ్రీరామ్‌ సేఫ్‌ అయినట్లు ప్రకటించాడు.

బిగ్‌బాస్‌ తెలుగు ఐదో సీజన్‌లో మరో కంటెస్టెంట్‌ను ఇంటికి పంపించే సమయం ఆసన్నమైంది. ఈ వారం శ్రీరామచంద్ర, మానస్‌, ప్రియ, ప్రియాంక, లహరి నామినేషన్‌లో ఉన్నారు. వీరిలో శ్రీరామ్‌, మానస్‌ భారీ ఓట్లతో ఓటింగ్‌లో ముందు వరుసలో ఉన్నట్లు సమాచారం. వీరి తర్వాత ప్రియాంక కూడా మంచి ఓట్లే సంపాదించుకుని సేఫ్‌ జోన్‌లో ఉన్నట్లు తెలుస్తోంది. వీరికి కావాల్సినంత స్క్రీన్‌ స్పేస్‌ దొరకడంతో పాటు ఎలాంటి నెగెటివిటీ కూడా లేకపోవడంతో ఈ ముగ్గురూ ఈవారం సేఫ్‌ అయినట్లే! మిగిలిందల్లా లహరి, ప్రియ. నిజానికి ప్రియ నామినేషన్స్‌లోకి వచ్చిన రోజే ఆమె ఎలిమినేట్‌ అవడం ఖాయం అనుకున్నారంతా! ఒక అమ్మాయి గురించి అందరి ముందు బ్యాడ్‌గా మాట్లాడటంతో ప్రియపై నెగెటివిటీ విపరీతంగా పెరిగిపోయింది. ఆమె కూడా ఒక మహిళే కదా, అలాంటిది ఇంకో అమ్మాయిని పట్టుకుని మగాళ్లతో బిజీ అని ఎలా మాట్లాడగలిగింది? రాత్రిపూట హగ్గులంటూ బూతుగా ఎలా చిత్రీకరించగలిగింది? అని ఆక్రోశించారు నెటిజన్లు. కానీ ఎప్పుడైతే రవి.. ఇంట్లో సింగిల్‌మెన్‌ (పెళ్లికానివాళ్లు) ఉన్నప్పటికీ ఆమె నా వెంట పడుతుంది అంటూ ప్రియతో లహరి గురించి బ్యాడ్‌గా మాట్లాడిన వీడియో బయటకు వచ్చిందో ఆ నెగెటివిటీ మొత్తం రవి మీదకు మళ్లింది. రవి వల్లే ప్రియ అలా మాట్లాడాల్సి వచ్చిందని పలువురూ అభిప్రాయపడ్డారు. ఏదేమైనా ఈ ఇద్దరు చేసిన తప్పులకు లహరి బలి కావాల్సిన దుస్థితి ఏర్పడింది. ఈ వారం లహరి ఎలిమినేట్‌ అయినట్లు సోషల్‌ మీడియాలో ఓ వార్త చక్కర్లు కొడుతోంది. ఒకవేళ ఇదే నిజమైతే ఈ లేడీ అర్జున్‌రెడ్డికి నేడు బిగ్‌బాస్‌ హౌస్‌లో ఆఖరి రోజు కానుంది.

బిగ్‌బాస్‌ హౌస్‌లో మూడోవారం జరిగిన నామినేషన్స్‌ వల్ల ఈసారి ఎలిమినేషనే తలకిందులయ్యేలా ఉంది. ప్రియ, యాంకర్‌ రవి వల్ల లహరి బ్యాడ్‌ అయింది. యాంకర్‌ రవి ఆడిన డబుల్‌ గేమ్‌ వల్ల అటు ప్రియ, ఇటు లహరి ఇద్దరూ సఫర్‌ అయ్యారు. ఎలాగంటే.. యాంకర్‌ రవి.. ప్రియతో నామినేషన్స్‌ కంటే ముందు లహరి గురించి మాట్లాడాడు. 'ఆమె యాంకరింగ్‌ కోసం ట్రై చేస్తుంది. కానీ 'సింగిల్‌ మెన్‌'(పెళ్లి కాని వాళ్లు)ను వదిలేసి నా వెంటే పడుతోంది. ఆమెకు ఎలా చెప్పాలో తెలియడం లేదు' అని వాపోయాడు. దీన్ని మనసులో పెట్టుకున్న ప్రియ లహరి మీద ఓ కన్నేసి ఉంచింది. ఈ క్రమంలో రవి, లహరి రాత్రిపూట వాష్‌రూమ్‌ దగ్గర హగ్‌ చేసుకోవడాన్ని చూసింది. నామినేషన్స్‌లో ఈ హగ్గు విషయాన్ని ప్రస్తావిస్తూ 'నువ్వు మగాళ్లతోనే బిజీ' అని లహరిని నానా మాటలు అంది. ఈ గొడవ పెద్దది కాగా అందులో యాంకర్‌ రవి కూడా ఇరుక్కున్నాడు. అయితే తాను సింగిల్‌ మెన్‌ అనే మాటే అనలేదని ప్లేటు ఫిరాయించాడు. నువ్వు అన్నావు కదా అని ప్రియ నిలదీసినప్పటికీ తను మాత్రం అనలేదని బుకాయించాడు. ప్రియ తనను బ్యాడ్‌ చేయడానికి అలా చేస్తుందని, తనకు ఫ్యామిలీ ఉంది, కూతురు ఉంది అని సెంటిమెంట్‌ డైలాగులు వల్లించడంతో లహరి రవి తప్పు లేదని నమ్మేసింది. ఇక వీకెండ్‌ ఎపిసోడ్‌లో నాగార్జున.. రవిని.. ప్రియతో లహరి గురించి సింగిల్‌ మెన్‌ అన్నావా లేదా? అని నిలదీయగా.. వెంటనే 'అన్నాను సర్‌' అని మరోసారి మాట మార్చాడు. దీంతో షాకైన ప్రియ.. ఇప్పటివరకూ ఆ మాట అన్నానని రవి ఒప్పుకోలేదు సర్‌ అని చెప్పింది. తర్వాత ఈ విషయం గురించి మరింత క్లారిటీ ఇవ్వడానికి నాగ్‌.. లహరికి ఆమె గురించి రవి బ్యాడ్‌గా మాట్లాడిన వీడియో చూపించడంతో అతడి నిజస్వరూపం బయటపడింది. ఇక ఈ ప్రోమో చూసిన నెటిజన్లు రవికి బుద్ధి చెప్పే సమయం ఆసన్నమైందని అంటున్నారు.

Bigg Boss 5 Telugu, 3rd Week Elimination: బిగ్‌బాస్‌ హౌస్‌లో మూడోవారం జరిగిన నామినేషన్స్‌ యుద్ధ వాతావరణాన్ని తలపించాయి. నామినేషన్స్‌లో ప్రియ చేసిన కామెంట్ల మీద ఇప్పటికీ సోషల్‌ మీడియాలో చర్చ జరుగుతూనే ఉంది. కేవలం లహరి తనతో ఉండట్లేదన్న బాధతో.. ఆమె అబ్బాయిలతో బిజీగా ఉందని, అలాంటప్పుడు అమ్మాయిలతో ఉండటానికి టైం ఎక్కడుంటుందని నోటికొచ్చినట్లు మాట్లాడింది. అదీకాకుండా రాత్రిపూట వాష్‌రూమ్‌ దగ్గర యాంకర్‌ రవికి హగ్గివ్వడం కళ్లారా చూశానంటూ దాన్నో పెద్ద బూతుగా చిత్రీకరించింది. అనాల్సిందంతా అన్నాక తాను చెప్పిన విధానం కరెక్ట్‌ కాదంటూ లహరికి సారీ చెప్పి చేతులు దులిపేసుకుంది. అయితే ఇక్కడ ప్రియ ఒక్కరిదే తప్పు కాదు, యాంకర్‌ రవిది కూడా ఉంది. నామినేషన్స్‌ కన్నా ముందు అతడు ప్రియ దగ్గర లహరి గురించి కొంత బ్యాడ్‌గా చెప్పాడు. లహరి యాంకర్‌ అవడానికి ప్రయత్నిస్తోందని, అందుకే తన పనులన్నీ చేసి పెడుతోందని, ఇంట్లో సింగిల్‌ మెన్‌ (పెళ్లికాని అబ్బాయిలు) ఉన్నా కూడా తన వెంటే తిరుగుతోందని, ఆమెకు ఎలా చెప్పాలో అర్థం కావడం లేదని ప్రియ దగ్గర వాపోయాడు. కానీ తర్వాత మాత్రం సింగిల్‌ మెన్‌ అనే మాటే తన నోటి నుంచి రాలేదంటూ ప్లేటు ఫిరాయించాడు. అటు ప్రియ కూడా.. వీరిద్దరి వ్యవహారాన్ని పెద్ద ఇష్యూ చేసి మిడ్‌నైట్‌ హగ్గు అంటూ ఓ అమ్మాయి గురించి దారుణంగా మాట్లాడి పెద్ద తప్పే చేసింది. అయితే రవి, ప్రియ చేసిన తప్పులకు లహరికి శిక్ష పడేలా కనిపిస్తోంది. ఈ వారం నామినేషన్స్‌లో మానస్‌, ప్రియాంక సింగ్‌, శ్రీరామచంద్రతో పాటు ప్రియ, లహరి నామినేషన్స్‌లో ఉన్నారు. ప్రతి సమస్యను ఎంతో కూల్‌గా డీల్‌ చేస్తున్న మానస్‌కు బాగానే ఓట్లు పడుతున్నాయి. అటు శ్రీరామ్‌కు సపోర్ట్‌ చేసే ఫ్యాన్స్‌ కూడా చాలామందే ఉన్నారు. తనంతట తానుగా ఏ గొడవలోనూ దూరకుండా ఉంటున్న ప్రియాంక సింగ్‌కు కూడా బాగానే ఓట్లు గుద్దుతున్నారు. మిగిలిందల్లా ప్రియ, లహరి. నామినేషన్స్‌ జరిగినరోజు ప్రియ మీద తీవ్రమైన ట్రోలింగ్‌ జరిగింది. కానీ రవి.. లహరి గురించి బ్యాడ్‌గా మాట్లాడిన వీడియో బయటకు రావడంతో ప్రియపై కాస్త నెగెటివిటీ తగ్గింది. ఎటొచ్చీ లహరికి అంతగా ఫ్యాన్‌ బేస్‌ లేకపోవడంతో ఆమె డేంజర్‌ జోన్‌లో ఉన్నట్లు కనిపిస్తోంది. ​కానీ లహరికి సానుభూతి ఓట్లు పడితే మాత్రం ఆమె కచ్చితంగా సేఫ్‌ అయ్యే అవకాశం ఉంది. మరి ఓటర్లు ప్రియకు సపోర్ట్‌ చేస్తారా? లేదా లహరిని హౌస్‌లో కొనసాగనిస్తారా? అన్నది ఇంట్రస్టింగ్‌గా మారింది.

Bigg Boss Telugu 5 Promo: నామినేషన్స్‌తో ఫైర్‌ మీదున్న కంటెస్టెంట్లను కూల్‌ చేసేందుకు బిగ్‌బాస్‌ ఫన్నీ టాస్క్‌ ఇచ్చాడు. బిగ్‌బాస్‌ ఇచ్చిన హైదరాబాద్‌ అమ్మాయి - అమెరికా అబ్బాయి టాస్క్‌ను అటు హౌస్‌మేట్స్‌ కూడా బాగానే ఎంజాయ్‌ చేస్తున్నారు. అమెరికా అబ్బాయి పాత్రలో జీవిస్తున్న శ్రీరామ్‌ అటు హమీదాతో, ఇటు సిరితో లవ్‌ ట్రాక్‌ నడుపుతూనే లహరితో పెళ్లికి రెడీ అయ్యాడు. అటు లహరి కూడా మానస్‌ను ప్రేమిస్తూనే ఇటు శ్రీరామ్‌తో పెళ్లికి సై అంది. దీంతో మ్యారేజ్‌ బ్రోకర్‌ షణ్ముఖ్‌ సహాయంతో ఎంతగానో కష్టపడి శ్రీరామ్‌, లహరికి పెళ్లి జరిపించినట్లు ప్రోమోలో చూపించారు. ఇద్దరూ ఉంగరాలతోపాటు దండలు కూడా మార్చుకున్నారు. ఈ పెళ్లికి కంటెస్టెంట్లే పెద్దలు, అతిథులు అన్నీనూ! మొత్తానికి ఈ టాస్క్‌ అంతా సవ్యంగా సాగుతోంది అనుకున్న సమయంలో బిగ్‌బాస్‌ హౌస్‌లో ఫోన్‌ రింగైంది. వెంటనే హడావుడిగా ఫోన్‌ లిఫ్ట్‌ చేసిన ప్రియకు.. మీకో బ్యాడ్‌ న్యూస్‌ చెప్పబోతున్నానంటూ అవతలి వ్యక్తి టెన్షన్‌ పెట్టేశాడు. మరి ఆ బ్యాడ్‌ న్యూస్‌ ఏంటి? అది హౌస్‌ మొత్తానికా? లేదా ప్రియకు మాత్రమే బ్యాడ్‌ న్యూసా? అనేది తెలియాలంటే నేటి ఎపిసోడ్‌ చూడాల్సిందే!