సాక్షి, ఇబ్రహీంపట్నం: రంగారెడ్డి జిల్లాలోని ఇబ్రహీంపట్నంలో విషాదకర ఘటన చోటుచేసుకుంది. ఇద్దరు పిల్లలతో కలిసి చెరువులో దూసి తల్లి ఆత్మహత్య చేసుకుంది. ఈ క్రమంలో తల్లి, కుమారుడి మృతదేహాలు లభించగా.. పాప డెడ్‌బాడీ కోసం గాలిస్తున్నారు.వివరాల ప్రకారం.. ఇబ్రహీంపట్నంలో తల్లి మంగ తన ఇద్దరు పిల్లలతో కలిసి ఈరోజు సాయంత్రం 7 గంటల సమయంలో ఆత్మహత్య చేసుకుంది. పిల్లలతో కలిసి సమీపంలో ఉన్న చెరువులో దూకింది. అది గమనించిన స్థానికులు కాపాడే ప్రయత్నం చేసినప్పటికీ సఫలం కాలేదు. ఈ క్రమంలో వారు ముగ్గురు చనిపోయారు. అనంతరం, వారి మృతదేహాల కోసం గాలించగా తల్లి మంగ, కుమారుడి మృతదేహాలు లభించాయి. పాప డెడ్‌బాడీ ఇంకా లభ్యం కాలేదు. పాప మృతదేహాం కోసం గాలింపు చర్యలు కొనసాగుతున్నాయి.ఇదిలా ఉండగా.. మంగ మరో కుమారుడిని ఆమె ఇంటి వద్దనే వదిలి వెళ్లింది. ఇక, ఆత్మహత్య సమాచారం అందుకున్న వెంటనే పోలీసులు ఘటనా స్థలానికి చేరుకున్నారు. ఈ ఘటనపై కేసు నమోదు చేసి దర్యాప్తు చేపట్టినట్టు తెలిపారు. ఆమె ఆత్మహత్యకు గల కారణాలను తెలుసుకుంటున్నారు.

సాక్షి,  హైదరాబాద్: మూడేళ్లు కూడా నిండని ఆ కొడుకును.. అల్లారుముద్దుగా పెంచుకోవాల్సిన అవసరం ఉంది. పైగా కడుపులో మరో బిడ్డ పెరుగుతోంది. అయితే కుటుంబ సమస్యలు.. క్షణికావేశం ఆ తల్లి ఆలోచనా శక్తిని చంపేసినట్లున్నాయ్‌. ఫలితంగా.. ఘోరానికి పాల్పడిందామె.   నగరంలోని ఫిలింనగర్‌ తల్లీకొడుకుల ఆత్మహత్య ఘటన స్థానికులను కంటతడి పెట్టిస్తోంది. అత్తింటి వేధింపులు భరించలేక ఆమె ఆత్మహత్యకు ప్రయత్నించింది. అయితే తాను చనిపోతే పిల్లాడి ఆలనా పాలనా చూసుకునేవారు ఎవరూ ఉండరనుకుందో ఏమో.. ఆ తల్లి ఘోరమైన నిర్ణయం తీసుకుంది.  ఆ చిన్నారికి సైతం ఉరేసింది. విశ్వనాథ్‌, శిరీషలు ఫిలింనగర్‌లోని వినాయక నగర్‌లో నివాసం ఉంటున్నారు. వీళ్లకు మనీష్‌ అనే కొడుకు ఉన్నాడు. విశ్వనాథ్‌ కుటుంబ సభ్యులు చాలాకాలంగా శిరీషను వేధిస్తున్నట్లు తెలుస్తోంది. ఈ క్రమంలో శిరీష మరోసారి గర్భం దాల్చింది. మూడు నెలల కడుపుతో ఉన్న ఆమె.. అత్తింటి వారి వేధింపుల్ని భరించలేకపోయింది. శుక్రవారం రాత్రి చిన్నారి మనీష్‌తో పాటు తాను ఉరేసుకుని బలవన్మరణానికి పాల్పడింది.  మృత దేహాలను ఉస్మానియా కి తరలించిన జూబ్లీహిల్స్‌ పోలీసులు.. కేసు నమోదు చేసి దర్యాప్తు చేపట్టారు. ఇదీ చదవండి: ఆమెపై మోజుతో భార్యకు నరకం.. ఫేస్‌బుక్‌ లైవ్‌లోనే.. 

సాక్షి, చెన్నై: ప్రేమించి పెళ్లిచేసుకున్న భర్తతో గొడవ పడ్డ ఓ భార్య తన ఇద్దరు పిల్లలను బావిలో పడేసి హతమార్చింది. ఆ పై తానూ ఆత్మహత్య చేసుకుంది. ఈ విషాదకర ఘటన తమిళనాడులో చోటుచేసుకుంది.  వివరాల ప్రకారం.. తెన్‌కాశి జిల్లా వాసుదేవ నల్లూరుకు చెందిన మురుగన్, మీనా దంపతులు గతంలో ప్రేమించి పెద్దలను ఎదిరించి మరీ వివాహం చేసుకున్నారు.  తర్వాత పెద్దల సహకారం లేకుండానే ఈ దంపతులు జీవనం సాగిస్తూ వచ్చారు. వీరికి త్యాగు మీనా(6), ముఖీషా(2) అనే కుమార్తెలున్నారు. ఇటీవల కాలంలో దంపతుల మధ్య తరచూ గొడవలు వస్తున్నాయి. ఇరుగు పొరుగు వారు సర్ది చెప్పే వారు. ఈ పరిస్థితుల్లో మంగళవారం రాత్రి భార్య, భర్తల మధ్య గొడవ జరిగింది. గొడవ అనంతరం మౌనంగా ఇంటి నుంచి మురుగన్‌ బయటకు వెళ్లి పోయాడు.  బావిలో మృతదేహాలు..  అర్ధరాత్రి ఇంటికి వచ్చిన మురుగన్‌.. భార్య, పిల్లలు కనిపించక పోవడంతో ఇరుగు పొరుగు వారి సాయంతో ఆ పరిసరాల్లో గాలించాడు. బుధవారం వేకువజామున గ్రామ శివార్లలో ఉన్న పాడు బడ్డ బావిలో త్యాగుమీనా, ముఖీషా మృతదేహం బయట పడింది. అగి్నమాపక సిబ్బంది మీనా మృతదేహాన్ని బావిలో గాలించి గుర్తించారు. పిల్లలను బావిలో తోసి మీన ఆత్మహత్య చేసుకుని ఉండవచ్చు అని నిర్ధారించారు. ఈమేరకు మురుగన్‌ను పోలీసులు ప్రశి్నస్తున్నారు. 

సాక్షి, ఆదిలాబాద్‌: కుటుంబ కలహాలకు మూడు నిండు ప్రాణాలు బలయ్యాయి. ఇద్దరు పిల్లలతో కలిసి ఒంటిపై కిరోసిన్‌ పోసుకుని తల్లీ నిప్పంటించుకుంది. తల్లి ఘటనా స్థలంలోనే మృతిచెందగా ఇద్దరు చిన్నారులు ఆస్పత్రిలో చికిత్స పొందుతూ ప్రాణాలు విడిచారు. ఈ సంఘటన ఇచ్చోడ మండలం రెడ్డి కాలనీలో చోటు చేసుకుంది. తల్లీ ఇద్దరు పిల్లల మరణంతో విషాదం నెలకొంది. స్థానికులు, పోలీసులు తెలిపిన వివరాల ప్రకారం.. బజార్‌హత్నూర్‌ మండలం పిప్రి గ్రామానికి చెందిన వేదశ్రీ (26)కి ఏడేళ్ల క్రితం ఇచ్చోడ మండల కేంద్రంలోని రెడ్డి కాలనీకి చెందిన బాబురెడ్డితో వివాహమైంది. వీరికి ఇద్దరు కూతుళ్లు ప్రజ్ఞ (5), వెన్నెల (3) ఉన్నారు. కొద్దిరోజులుగా వీరి కుటుంబంలో కలహాలు చోటు చేసుకుంటున్నాయి. దీంతో మనస్తాపానికి గురైన వేదశ్రీ గురువారం రాత్రి ఏడు గంటల ప్రాంతంలో ఇంట్లో ఎవరూ లేని సమయంలో వంట గదిలో ఇద్దరు చిన్నారులతో కలిసి ఒంటిపై కిరోసిన్‌ పోసుకుని నిప్పంటించుకుంది. ఇంటి నుంచి పొగలు రావడం గమనించిన ఇరుగు పొరుగువారు తలుపులు తెరిచి చూడగా వేదశ్రీ అప్పటికే మృతిచెందింది. తీవ్రంగా గాయపడిన ప్రజ్ఞ, వెన్నెలను వెంటనే ఆదిలాబాద్‌లోని రిమ్స్‌కు తరలించారు. చికిత్స పొందుతూ చిన్నారులిద్దరూ కొద్ది వ్యవధిలోనే మృతిచెందారు. ఘటనా స్థలాన్ని ఆదిలాబాద్‌ డీఎస్పీ ఉమేందర్, ఇచ్చోడ సీఐ నైలునాయక్, ఇచ్చోడ ఎస్సై ఉదయ్‌కుమార్‌ పరిశీలించారు. కేసు నమోదు చేసుకుని దర్యాప్తు చేస్తున్నారు. కాగా, వివాహమైన నుంచే వేదశ్రీని భర్త, అత్త, ఆడబిడ్డలు చిత్రహింసలకు గురి చేసి ఆత్మహత్యకు ప్రేరేపించారని మృతురాలి బంధువులు పోలీసులకు ఫిర్యాదు చేశారు. ఏదేమైనా కుటుంబ కలహాలకు తల్లితోపాటు ఇద్దరు ముక్కుపచ్చలారని చిన్నారులు బలవడంతో రెడ్డి కాలనీ, పిప్రిలో విషాదఛాయలు అలుముకున్నాయి.  చదవండి: ప్రియుడితో కలిసి భార్య వేధింపులు.. తట్టుకోలేక ఆర్మీ జవాన్‌!

‘‘అమ్మా.. మా చుట్టూ నీళ్లే.. మమ్మల్ని ఎక్కడ వదిలేసినవ్‌.. తమ్ముడు గుక్కపట్టి ఏడుస్తున్నడు.. నాకూ ఏడుపొస్తోంది.. నువ్వు దూరంగా మాకు కనిపిస్తున్నా దగ్గరకు తీసుకోవట్లేదు ఎందుకమ్మా... నేను ఏడిస్తే ఆకలేస్తుందా అని అన్నం పెట్టేదానివి.. తమ్ముడు ఏడిస్తే పాలు పట్టేదానివి.. అలాంటిది నువ్వు మమ్మల్ని దూరంగా చూస్తూనే ఉన్నా.. ఏమైంది బిడ్డా అని కూడా అడుగట్లేదు.. నీ గుండె ఎందుకింత కఠినంగా మారిందమ్మా.. అందరూ నువ్వే మమ్మల్ని బావిలో తోసేశావ్‌ అంటున్నరు.. ఇన్నాళ్లూ ప్రేమను పంచిన నువ్వే ఇలా చేశావా.. మేం ఏం తప్పు చేశాం.. ఎందుకిలా చేశావ్‌.. నాన్నకు, నీకు మధ్య గొడవతో ఎంత పని చేశావమ్మా.. నీ క్షణికావేశం మన కుటుంబాన్ని ఎలా విడదీసిందో చూశావా.. అమ్మా.. నువ్వు ఏడవకు.. నువ్వు ఏడుస్తుంటే మాకు ఇంకా ఏడుపొస్తుంది..’’ అంటూ ఆ పసి హృదయాల ఆత్మఘోషించే ఉంటుంది.! ఇద్దరు పిల్లలను బావిలో తోసి తల్లీ ఆత్మహత్యకు యత్నించగా.. పిల్లలిద్దరూ మృత్యువాతపడిన హృదయవిదారక ఘటన ఆదిలాబాద్‌ జిల్లా జైనథ్‌ మండలంలోని బాలాపూర్‌లో చోటు చేసుకుంది.   సాక్షి, ఆదిలాబాద్‌: కాపురంలో కలహాలు సహజం.. అయితే అవి చినికి చినికి గాలివానలా మారి అభం శుభం తెలియని ఇద్దరు చిన్నారులను బలిగొన్న ఘటన ఆదిలాబాద్‌ జిల్లా జైనథ్‌ మండలం బాలాపూర్‌ గ్రామంలో చోటు చేసుకుంది. పోలీసులు, స్థాని కుల కథనం ప్రకారం.. బేల మండలం సాంగిడి గ్రామానికి చెందిన సుష్మతో జైనథ్‌ మండలం బాలాపూర్‌ గ్రామానికి చెందిన వాన్‌ఖెడే గణేశ్‌కు ఆరేళ్ల క్రితం వివాహమైంది. వారికి ఆదిత్య(4), ఆర్యన్‌(18నెలలు) సంతానం. భార్యాభర్తలిద్దరూ కూలీనాలి చేసుకుంటూ జీవనం గడుపుతున్నారు. సాఫీగా సాగిపోతున్న వారి జీవితంలో చిన్న చిన్న కలహాలు పెను తుపాను రేపాయి. ఈ క్రమంలో కలహాలతో విసిగిపోయిన సుష్మ చనిపోవాలని నిర్ణయించుకుంది. బుధవారం భర్త కూలీ పనికి వెళ్లిన సమయంలో గ్రామానికి కొంచెం దూరంలో ఉన్న వ్యవసాయ బావి వద్దకు పిల్లలతో కలిసి వెళ్లింది. పిల్లలిద్దరినీ ముందుగా అందులో తోసేసి అనంతరం తానూ దూకింది. అయితే నీటిలో మునిగే సమయంలో భయభ్రాంతులకు గురై కేకలు వేయడంతో పక్కనే చేలో ఉన్న రైతు తాడు సాయంతో బావిలో దూకాడు. ముగ్గురిని బయటకు తీయగా సుష్మ ప్రాణాపాయం నుంచి బయటపడగా.. చిన్నారులు కొన ఊపిరితో ఉన్నారు. వారిని వెంటనే గ్రామానికి తీసుకెళ్లే క్రమంలో చనిపోయారు.   మిన్నంటిన రోదనలు.. పాల బుగ్గల చిన్నారులు విగతజీవులుగా పడి ఉండటంతో కుటుంబీకులు, బంధువుల రోదనలు మిన్నంటాయి. గ్రామస్తులు భారీగా తరలివచ్చి కడసారి చూపుకోసం గుమిగూడారు. తల్లే క్షణికా వేశంలో బిడ్డలను పొట్టన పెట్టుకుందని భర్త తరఫువారు ఆరోపించగా.. భర్త వేధింపులతోనే జీవితంపై విరక్తి చెంది ఇద్దరు పిల్లలతో సుష్మ ఆత్మహత్యాయత్నానికి పాల్పడిందని ఆమె తల్లిదండ్రులు వాపోయారు. ఏదేమైనా భార్యాభర్తల మధ్య కలహాలు రెండు పసిప్రాణాలను బలి గొనడంతో ఆ గ్రామం శోకసంద్రంలో మునిగిపోయింది. భార్యాభర్తలపై కేసు .. చిన్నారులు మృతిచెందిన ఈ సంఘటనలో భార్యాభర్తలిద్దరిపై కేసు నమోదు చేసినట్లు పోలీసులు తెలిపారు. అయితే చిన్న చిన్న గొడవలతో సుష్మ అనవసరంగా పిల్లలతో కలిసి బావిలో దూకి వారి ప్రాణాలు తీసిందని, చి న్నారుల నానమ్మ నీలాబాయి ఇచ్చిన ఫిర్యా దు మేరకు పోలీసులు సుష్మపై కేసు నమోదు చేశారు. దీంతోపాటు తన అల్లుడు వాన్‌ఖెడే గణేష్‌ వేధింపులతోనే కూతురు సుష్మ ఆత్మహత్యాయత్నం చేసింద ని, చిన్నారుల అమ్మమ్మ జిజాబాయి ఇచ్చిన ఫిర్యాదు మేరకు వాన్‌ఖెడే గణేశ్‌పై కూడా కేసు నమోదు చేసి దర్యాప్తు ప్రారంభించినట్లు ఎస్సై పెర్సిస్‌ బిట్ల తెలిపారు.  

సాక్షి, నెల్లూరు(క్రైమ్‌): కొడుకు తనను విడిచి విదేశాలకు వెళ్తున్నాడని ఓ తల్లి ఆత్మహత్య చేసుకున్న ఘటన బుధవారం నెల్లూరులో జరిగింది. పోలీసుల కథనం మేరకు.. నెల్లూరులోని న్యూమిలటరీ కాలనీ 6వ క్రాస్‌రోడ్డులోని సాయిబాబా మందిరం వద్ద చల్లా పెంచల నరసింహారెడ్డి, విజయకుమారి (45) దంపతులు నివాసం ఉంటున్నారు. వారికి సదాశివారెడ్డి, భరత్‌రెడ్డి అనే ఇద్దరు కుమారులున్నారు. చిన్న కుమారుడైన భరత్‌రెడ్డి బెంగళూరులో సాఫ్ట్‌వేర్‌ ఉద్యోగం చేస్తుండగా, పెద్ద కుమారుడు సదాశివారెడ్డి బీటెక్‌ పూర్తి చేయగా, ఫారిన్‌ వెళ్లేందుకు నిర్ణయించుకున్నాడు. అతను వెళ్లడానికి తల్లిదండ్రులు ఒప్పుకోలేదు. ఈక్రమంలో పెంచల నరసింహారెడ్డి అయ్యప్పమాల వేసి ఈనెల 18వ తేదీన శబరిమలకు వెళ్లాడు. దీంతో సదాశివారెడ్డి తల్లి విజయకుమారితో తాను విదేశాలకు వెళ్తానని చెప్పాడు. ఇంటి బాధ్యతలు చూసుకోవాలని, అలా కాకుండా విదేశాలకు వెళ్తే ఆత్మహత్య చేసుకుంటానని ఆమె కొడుక్కి చెబుతూ ఉండేది. అయినా సదాశివారెడ్డి మాత్రం ఈనెల 25వ తేదీన విదేశాలకు వెళ్లాలని నిర్ణయించుకున్నాడు. దీంతో తీవ్ర మనస్తాపానికి గురైన విజయకుమారి బుధవారం ఇంట్లోని బెడ్‌రూంలోని ఫ్యాన్‌కు ఉరేసుకుంది. కుటుంబసభ్యులు గుర్తించి ఆమెను నగరంలోని ఓ ప్రైవేట్‌ ఆస్పత్రికి తరలించారు. అయితే అప్పటికే మృతిచెందినట్లు వైద్యులు నిర్ధారించారు. దీంతో వేదాయపాళెం పోలీసులకు భరత్‌రెడ్డి ఫిర్యాదు చేశాడు. వారు మృతదేహాన్ని పోస్టుమార్టం నిమిత్తం జీజీహెచ్‌కు తరలించారు. కేసు నమోదు చేసి దర్యాప్తు చేస్తున్నారు.  చదవండి: (దేశం కాని దేశంలో.. మన కుర్రాళ్ల ఇబ్బందులు)

తిరువొత్తియూరు: కన్యాకుమారి జిల్లాలో నీటి తొట్టెలో ముంచి ఇద్దరు పిల్లలను హత్య చేసి తల్లి.. ఆ తరువాత ఉరేసుకుని బలవన్మరణానికి పాల్పడింది. వివరాలు.. కన్యాకుమారి జిల్లా కుళితురై సమీపంలోని కలువన్‌ దిట్ట కాలనీ ప్రాంతానికి చెందిన జబషైన్‌ (35). కేరళలో కార్మికుడిగా పని చేస్తున్నాడు. అతని భార్య విజి (27). వీరికి ప్రియ (02), ఆరు నెలల వయసున్న ఇద్దరు ఆడబిడ్డలు ఉన్నారు. జబషైన్‌ కేరళలో పని చేస్తూ ఉండడంతో విజితో జబషైన్‌ తల్లి రాజమ్మాల్‌ నివాసం ఉంటున్నారు. ఈ క్రమంలో మంగళవారం రాజమ్మాల్‌ ఆలయంకు వెళ్లి తిరిగి ఇంటికి వచ్చారు. ఆ సమయంలో ఇంటిలో ఉన్న నీటి తొట్టెలో ఇద్దరు మనవరాళ్లు మృతి చెంది తేలుతుండడంతో స్థానికులకు తెలియజేసింది. ఇంటి లోపలికి వెళ్లి చూడగా అక్కడ విజి ఉరేసుకుని మృతి చెంది ఉండడంతో పోలీసులకు సమా చారం అందించారు. వారు బిడ్డలు, విజి మృతదేహాలను స్థానిక ప్రభుత్వాసుపత్రికి తరలించారు.  

సాక్షి, మెదక్‌: ఫుడ్‌ ఫాయిజన్‌తో రెండు వారాల వ్యవధిలో కన్న పిల్లలు కళ్ల ముందే చనిపోవడంతో జీర్ణించుకోలేని ఆ తల్లి.. అటు భర్త.. ఇటు పిల్లలు లేని జీవితం తనకు వద్దనుకుంది. మనోవ్యధతో ఆ తల్లి ఇంట్లో ఉరి వేసుకుని మృతి చెందిన విషాద ఘటన మనోహరాబాద్‌ మండల కేంద్రంలో గురువారం చోటు చేసుకుంది. వివరాల్లోకెళ్తే.. మనోహరాబాద్‌ మండల కేంద్రానికి చెందిన పోతరాజు అనిత(31) కూలిపని చేసుకుంటూ తన కూతురు లక్ష్మిప్రియ (11), కుమారుడు కిషోర్‌ (8)లతో కలిసి జీవిస్తోంది. ఇదిలా ఉండగా 18 నెలల క్రితం తన భర్త రాము అనారోగ్యంతో మృతి చెందాడు. కాగా గత నెల డిసెంబర్‌ 22న రాత్రి ఇంట్లో చికెన్‌ వండి ఇద్దరు పిల్లలు సహా తల్లి తిని పడుకున్నారు. మరుసటి రోజు పిల్లలిద్దరికి రక్తపు వాంతులు, విరేచనాలయ్యాయి. దీంతో వారిని తూప్రాన్‌ ప్రభుత్వ ఆసుపత్రికి తీసుకెళ్లగా హైదరాబాద్‌ నీలోఫర్‌ ఆసుపత్రికి తీసుకెళ్లమని సూచించారు. నీలోఫర్‌లో చికిత్స పొందుతూ ఆరోగ్యం విషమించి కుమారుడు డిసెంబర్‌ 27న మృతి చెందాడు. కూతరు జనవరి 10న మృతి చెందింది. అప్పటి నుంచి అనిత ఒంటరైంది. దీంతో మనోవేదనకు గురై గురువారం మధాహ్నం ఇంట్లో సీలింగ్‌ ఫ్యాన్‌కు చీరతో ఉరి వేసుకుని ఆత్మహత్యకు పాల్పడింది. దీంతో గ్రామంలో విషాదచాయలు అలుముకున్నాయి. పోలీసులు కేసు నమోదు చేసుకుని దర్యాప్తు చేస్తున్నారు.

రామవరప్పాడు (గన్నవరం): సంతోషాల పొదరిల్లు వారి కుటుంబం.. భార్య, భర్త ఇద్దరు పిల్లలతో ఆనందంగా సాగిపోతుంది వారి జీవితం.. అటువంటి సమయంలో కరోనా మహమ్మారి కాటేసింది. ఇంటి పెద్దయిన భర్తను దూరం చేసింది.. తనకు, తన బిడ్డలకు అండగా ఉంటారనుకున్న అత్తింటి వారు ఆమె ఆవేదనను మరింత ఎక్కువ చేశారు. ఆస్తి ఎక్కడ ఇవ్వాల్సి వస్తుందోనన్న ఆలోచనతో ఆ తల్లిని వేధింపులకు గురిచేశారు. తట్టుకోలేక, ఎవరికీ చెప్పుకోలేక ఇక లోకం నుంచి శాశ్వతంగా వెళ్లిపోవాలని నిర్ణయించుకుంది. ఎలా ఆత్మహత్య చేసుకోవాలో యూట్యూబ్‌లో సెర్చ్‌ చేసింది. ఓ కెమికల్‌ను ఆన్‌లోనే కొనుగోలు చేసింది. తన ఒక్కతే చనిపోతే.. ఇద్దరు బిడ్డలు అనాథలవుతారని ఆలోచించింది. ఆ కెమికల్‌ను తనతోపాటు, తన బిడ్డలకు పట్టించింది. కళ్లముందే బిడ్డలు చనిపోతుంటే చూడలేకపోయిందో.. లేక చివరిగా తన అక్కతో మాట్లాడాలనుకుందో గానీ విషయాన్ని ఆమె అక్కకు ఫోన్‌లో చెప్పింది. వెంటనే స్పందించిన అక్క హుటాహుటిన ఆమె ఇంటికి చేరుకుని వారిని ఆస్పత్రికి తరలించింది. ఆ ఘటన విజయవాడరూరల్‌ మండలం నిడమానూరులో శనివారం అర్ధరాత్రి చోటు చేసుకుంది.   వివరాలు ఇవి..  నిడమానూరు రామానగర్‌ రామాలయం సమీపంలో సూరెడ్డి బాలకృష్ణ, దివ్య (30) దంపతులు నివాసం ఉంటున్నారు. వీరికి భార్గవ్‌ (7), రోహిత్‌ (5) సంతానం. బాలకృష్ణ చందు కార్‌ ట్రావెల్స్‌లో మెనేజర్‌గా పని చేసేవాడు. మూడు నెలల క్రితం కరోనాతో బాలకృష్ణ మృతి చెందాడు. అప్పటి నుంచి దివ్య పిల్లలతో కలిసి జీవిస్తోంది. భర్త మృతితో తీవ్ర మనస్తాపానికి గురైన దివ్య ఎవరితోనూ మాట్లాడేది కాదు.        ఒంటరిగా తనలో తాను కుమిలిపోతుండేది.   అధికమైన అత్తింటి వేధింపులు  ఈ క్రమంలో దివ్యకు అత్తింటి వేధింపులు ఎక్కువయ్యాయి. రామానగర్‌లోని ఓ బహుళ అంతస్తు భవనంలో గ్రౌండ్‌ ఫ్లోర్‌లో దివ్య, ఫస్ట్‌ ఫ్లోర్‌లో అత్త, సెకండ్‌ ఫ్లోర్‌లో మరిది ఉంటున్నారు. బాలకృష్ణ మృతి చెందినప్పటి నుంచి అత్త సుజాత, మరిది శ్రీనివాసరావు, తోడికోడలు మల్లీశ్వరి కలిసి దివ్యను వేధింపులకు గురి చేస్తున్నారు. భర్త చనిపోయినా ఇక్కడెందుకు ఉన్నావు.. పుట్టింటికి వెళ్లిపో అంటూ చీటికీ మాటికీ గొడవ పడుతుండేవారు. భర్త మరణంతో ఆధారం కోల్పోయానని, ఉన్న ఆస్తిలో తనకు రావాల్సిన వాటా ఇవ్వాలని దివ్య అత్తింటివారిని కోరింది. దీనికి అత్త సుజాత, మరిది శ్రీనివాసరావు నిరాకరించడంతో పిల్లలను ఎలా చదివించాలి, పోషించాలన్న ఆలోచనతో మనోవేదనకు గురైంది.   హాస్పిటల్‌లో చికిత్స పొందుతున్న దివ్య, భార్గవ్, రోహిత్‌ అక్కకు విషయం చెప్పడంతో..  అర్ధరాత్రి దాటిన తర్వాత పెనమలూరులో నివాసం ఉంటున్న తన అక్కకు దివ్య ఫోన్‌ చేసి, తాము చనిపోతున్న విషయాన్ని చెప్పింది. ఆమె వెంటనే స్పందించి బంధువులతో కలిసి దివ్య ఇంటికి వచ్చింది. అప్పటికే అపస్మారకస్థితికి చేరుకున్న తల్లీపిల్లలను హుటాహుటిన ఆస్పత్రికి తరలించింది. పిల్లలు రెయిన్‌బో ఆస్పత్రిలో, దివ్య ఆయుష్‌ హాస్పిటల్‌లో చికిత్స పొందుతున్నారు. ప్రస్తుతం పిల్లలకు ప్రాణాపాయం నుంచి బయట పడగా.. దివ్య పరిస్థితి ఇంకా విషమంగానే ఉన్నట్లు సమాచారం. ఈ ఘటనపై సమాచారం అందుకున్న పటమట పోలీసులు కేసు నమోదు చేసి దర్యాప్తు చేస్తున్నారు. ఆన్‌లైన్‌లో సెర్చ్‌ చేసి..  ఒక పక్క భర్త మృతి చెందడం, మరో పక్క అత్తింటి వారి వేధింపులు ఎక్కువవడంతో జీవితంపై విరక్తి చెందిన దివ్య చనిపోవాలని నిర్ణయించుకుంది. యూట్యూబ్‌లో ఆత్మహత్య ఎలా చేసుకోవాలి అనే అంశంపై శోధించింది. సోడియం ఎజైడ్‌ కెమికల్‌ తాగితే వెంటనే ప్రాణాలు పోతాయని తెలుసుకుని ఆన్‌లైన్‌లో ఆర్డర్‌ చేసింది. తాను చనిపోతే పిల్లలు అనాథలు అవుతారన్న ఉద్దేశంతో శనివారం రాత్రి కెమికల్‌ను తాను తాగి, పిల్లలకూ తాగించింది. 

పిడుగురాళ్ల(గురజాల): క్షణికావేశం.. ముగ్గురి ప్రాణాలను బలి తీసుకుంది. ఓ తల్లి  తన కన్నబిడ్డలిద్దర్నీ కడతేర్చిన హృదయ విదారక ఘటన పిడుగురాళ్ల పట్టణంలోని పోలీస్‌స్టేషన్‌ సమీపంలోని మిలటరీ కాలనీలో చోటుచేసుకుంది. వివరాలిలా ఉన్నాయి. పట్టణానికి చెందిన మానస (27), బండారు శ్రావణ్‌కుమార్‌కు ఏడేళ్ల కిందట వివాహం జరిగింది. ఇటీవల మానస తిరుపతి పుణ్యక్షేత్రం వెళ్లాలని కోరడంతో కుటుంబ సభ్యులంతా సిద్ధమయ్యారు. అయితే మానస భర్త శ్రావణ్‌కుమార్‌ పని వత్తిడి వల్ల తిరుపతికి రాలేనని అత్తమామలతో కలసి పిల్లలను తీసుకెళ్లాలని సూచించాడు. ఈ విషయమై ఇద్దరు గొడవ పడ్డారు. అయితే రోజు మాదిరిగానే శనివారం రాత్రి శ్రావణ్‌ కుమార్‌ ఇంటి పైపోర్షన్‌లో పడుకున్నాడు. కింద పోర్షన్‌లో మానస, పిల్లలిద్దరూ పడుకున్నారు. అయితే ఆదివారం తెల్లవారుజామున 4.30 గంటలకు శ్రావణ్‌కుమార్‌ నిద్రలేచి కిందకు వచ్చి ఎంతసేపు తలుపు కొట్టినా తలుపు తీయకపోవడంతో, భార్యకు ఫోన్‌ చేశాడు. ఎంతకీ ఫోన్‌ తీయకపోవడంతో తలుపులు పగలగొట్టారు. అప్పటికే ఇద్దరు చిన్నారులు షర్మిల (3), జ్యోతి (2), మానస విగత జీవులయ్యారు. పోలీసులకు సమాచారం ఇవ్వడంతో పట్టణ ఎస్‌ఐ సమీర్‌ బాషా వివరాలను సేకరించారు. ఇద్దరు చిన్నారుల మెడకు కాటన్‌ క్లాత్‌ గట్టిగా బిగించి దివాన్‌కాట్‌కు కట్టేసి చంపేసిన అనంతరం మానస కూడా ఉరేసుకుని చనిపోయినట్లు పోలీసులు భావిస్తున్నారు. మానస తండ్రి గుంజా శ్రీనివాసరావు ఫిర్యాదు మేరకు పట్టణ ఎస్‌ఐ సమీర్‌ బాషా కేసు నమోదు చేసుకుని దర్యాప్తు చేస్తున్నారు. అయితే  తన కుమార్తెకు కోపం ఎక్కువని, గతంలో ఒకసారి ఆత్మహత్యాయత్నం చేసిందని మృతురాలి తండ్రి ఫిర్యాదులో పేర్కొన్నారని ఎస్‌ఐ తెలిపారు. ఈ కోణంలోనే మానస క్షణికావేశంతో ఇద్దరు చిన్నారులను చంపి తానూ ఆత్మహత్య చేసుకుని ఉంటుందని కూడా ఫిర్యాదులో మృతురాలి తండ్రి పేర్కొన్నారని ఎస్‌ఐ వివరించారు. 

అమ్మా.. నువ్వు జోలపాడి మమ్మల్ని నిద్ర పుచ్చుతుంటే మేమంటే నీకు ఎంత ప్రేమో అనుకున్నాం.. కమ్మని పాలు తాగిస్తుంటే మా కోసం నువ్వు తెచ్చిన అమృతం అనుకుని మధురంగా గేవాళ్లం.. అభం.. శుభం తెలియని మేము.. నువ్వు ఏం చేసినా మా కోసమే చేస్తావని నమ్మేవాళ్లం.. అవునమ్మా.. అమ్మంటే నమ్మకం కదమ్మా.. అందుకేనమ్మా.. నువ్వు విషం ఇచ్చినా నమ్మకంతో కమ్మగా తాగేశాం.. మేం ఆ దేవుడి వద్దకు వెళ్లాక గానీ తెలియలేదమ్మా.. నువ్వు మమ్మల్ని చంపేందుకే విషం తాగించావని.. అమ్మా.. ఇప్పుడైనా చెప్పమ్మా.. మమ్మల్నెందుకు చంపావమ్మా.. మేం.. ఏం పాపం చేశామమ్మా.. మేం ఎలాగూ దూరమయ్యాం.. నువ్వయినా.. నాన్నతో కలిసి క్షేమంగా ఉండమ్మా.. (ఇ‘ఇది తల్లి విషం తాగించడంతో మృతి చెందిన చిన్నారుల ఆత్మఘోష..)  సాక్షి, కడప: పెండ్లిమర్రి మండలం మిట్టమీదపల్లెకు చెందిన సుబ్బనరసమ్మ తన భర్త నిత్యపూజయ్యతో ఏర్పడిన మనస్పర్థల కారణంగా తాను పురుగుల మందు తాగి పిల్లలకు సైతం తాపించి ఆత్మహత్యా యత్నానికి పాల్పడింది. ఈ సంఘటనలో లోకం తెలియని ముగ్గురు చిన్నారులు తనువు చాలించారు. తీవ్ర విషాదం మిగిలి్చన ఈ సంఘటన వివరాలు ఇలా ఉన్నాయి.  పెండ్లిమర్రి మండలం మిట్టమీదపల్లెకు చెందిన నిత్యపూజయ్య పొలం పనులు, కూలి పనులు చేసుకుంటూ జీవనం సాగించేవాడు. ఇతనికి భార్య సుబ్బనరసమ్మ, సుబ్బరాయుడు (3), సుబ్బరత్న (2), బాబు (రెండు నెలలు) అనే పిల్లలు ఉన్నారు. భార్యాభర్తల మధ్య చిన్నచిన్న మనస్పర్థలు ఉండడంతో పెద్ద మనుషులు సర్దుబాటు చేసేవారు. ఇటీవల కొన్ని రోజులుగా ఆ మనస్పర్థలు మరింత పెరిగాయి. ఈ నేపథ్యంలో గురువారం భార్యతో గొడవపడి భర్త పొలం పనికి వెళ్లిపోయాడు. ఇంట్లో ఒంటరిగా ఉన్న సుబ్బనరసమ్మ తాను ఆత్మహత్యకు పాల్పడాలని అనుకుంది. తాను చనిపోతే పిల్లలను ఆదరించేది ఎవరని భావించిందో ఏమో వారికి కూడా తనతోపాటే పురుగుల మందు తాపించింది. నలుగురు ఇంటిలో నుంచి ఎంతసేపటికి బయటికి రాకపోవడంతో పిల్లల నానమ్మ అయ్యవారమ్మ ఇంటి తలుపు తీసి గమనించింది. నలుగురు నేలపై పడిపోయి ఉండటాన్ని గమనించి వెంటనే విలపిస్తూ స్థానికులను పిలిచింది. వారి సాయంతో నలుగురిని రిమ్స్‌కు తరలించారు.  కొద్దిసేపటికి ముగ్గురు చిన్నారుల ప్రాణాలు అనంతవాయువుల్లో కలిసిపోయాయి. సుబ్బనరసమ్మ పరిస్థితి విషమంగా ఉండడంతో మెడికల్‌ ఐసీయూలో ఉంచి వైద్య సేవలు అందిస్తున్నారు. చిన్నారుల మృతదేహాలను చూసిన ప్రతి ఒక్కరూ అయ్యో పాపం...అంటూ ఆవేదన వ్యక్తం చేశారు. ఈ సంఘటనపై కడప డీఎస్పీ బూడిద సునీల్, రిమ్స్‌ సీఐ పి.సత్యబాబు, పెండ్లిమర్రి ఎస్‌ఐ ఆర్వీ కొండారెడి సమగ్రంగా విచారిస్తున్నారు.    ఒక్కరినైనా బతికించండి సారూ...  నా మనవళ్లు, మనవరాలు ఎవరినో ఒకరినైనా బతికించండి సారూ.. అంటూ రిమ్స్‌ ఐపీ ప్రాంగణమంతా పిక్కటిల్లేలా చిన్నారుల నానమ్మ అయ్యవారమ్మ తీవ్ర స్థాయిలో రోదించింది. ఎమ్మెల్యే రవీంద్రనాథ్‌రెడ్డి, కడప డీఎస్పీ బూడిద సునీల్‌లు వచ్చి ఆమెను ఓదార్చే ప్రయత్నం చేయగా ఆమె నా మనవళ్లు, మనవరాళ్లలో ఒక్కరినైనా బతికించండి సారూ.. అంటూ వేడుకోవడంతో అందరి హృదయాలు బరువెక్కాయి.   చదవండి: మాల్యా, మోదీ, మెహుల్‌కు నిర్మలాజీ షాక్‌‌ దురదృష్టకర సంఘటన:  కమలాపురం ఎమ్మెల్యే రవీంద్రనాథ్‌రెడ్డి  ‘మిట్టమీదపల్లెలో సుబ్బనరసమ్మ అనే మహిళ తన భర్తతో గొడవపడి తాను పురుగుల మందుతాగి,  పిల్లలకు కూడా  తాపించడంతో వారు మరణించిన సంఘటన చాలా దురదృష్టకరం. ఏవైనా మనస్పర్థలుంటే క్షణికావేశంతో ఇలాంటి సంఘటనలకు పాల్పడకుండా పెద్దల సమక్షంలో మాట్లాడుకుని సమస్యలను పరిష్కరించుకోవాలి. ఇలాంటి విషాద సంఘటనలు భవిష్యత్తులో జరగకూడదు. ఏ కుటుంబం ఇలాంటి బాధను అనుభవించకూడదని దేవుడిని  వేడుకుంటున్నా’.. అని రిమ్స్‌లో మృతదేహాలను చూసిన కమలాపురం ఎమ్మెల్యే రవీంద్రనాథరెడ్డి అన్నారు. పెద్దల సమక్షంలోనే సమస్యకు పరిష్కారం: కడప డీఎస్పీ బూడిద సునీల్‌  ‘భార్యాభర్తల మధ్య సమస్యలుంటే పెద్దల సమక్షంలో లేక పోలీసుస్టేషన్‌లో ఫిర్యాదులు చేసి పరిష్కరించుకోవాలే తప్ప ఇలా బలవన్మరణాలకు పాల్పడటం బాధాకరం. పిల్లల మృతదేహాలను చూసి కళ్లు చమర్చాయి. కుటుంబంలో ఎవరూ కూడా ఇలాంటి  సంఘటనలకు పాల్పడకూడదు.  పోలీసులను ఆశ్రయిస్తే సమస్యలను సాధ్యమైనంత వరకు పూర్తి స్థాయిలో పరిష్కరిస్తాం. ’ అని కడప డీఎస్పీ బూడిద సునీల్‌ పేర్కొన్నారు.

అందరినీ కనే శక్తి అమ్మకే ఉంది.. అవతార పురుషుడైనా ఓ అమ్మకు కొడుకే అన్నాడో సినీ కవి. జన్మనిచ్చిన అమ్మను మించిన గురువు, దైవం మరొకరు లేరంటారు. సృష్టిలో అమ్మకే తొలి ప్రాధాన్యం. కడుపున పుట్టిన ఏడుగురు సంతానం ఆ తల్లిని భారంగా భావించారు. అందరూ ఉండి అనాథాశ్రమంలో చేర్పించారు. 90 ఏళ్ల ముదిమి వయసులో నిరాదరణ, ఒంటరితనాన్ని భరించలేని ఆ అమ్మ ఆత్మహత్యకు పాల్పడింది. చిత్తూరు జిల్లాలో చోటుచేసుకున్న ఈ ఘటన మానవత్వానికే మాయని మచ్చగా నిలుస్తోంది.  సాక్షి, చిత్తూరు‌: గుడిపాలకు చెందిన పాపమ్మ (90)కు ఇద్దరు కుమారులు, ఐదుగురు కుమార్తెలు ఉన్నారు. పిల్లలందరినీ ఆమె ప్రయోజకులను చేసి పెళ్లిళ్లు చేసింది. వారిలో కొందరు ప్రభుత్వ ఉద్యోగాలు చేస్తుండగా, మరికొందరు ఆర్థికంగా బాగా నే నిలదొక్కుకున్నారు. తల్లికి వయసు పెరగడంతో భారంగా భావించారు. దగ్గరుండి మరీ చిత్తూరు నగరంలోని తపోవనం అనాథాశ్రమంలో చేర్పించారు. అప్పుడ ప్పుడూ కనీసం పలకరించకుండా మొహం చాటేశారు. కాటికి కాళ్లు చాపే ఈ వయసు లో తన బిడ్డలెవరూ దగ్గరలేరనే ఆవేదన చెందింది. చదవండి: ఈ జనానికి ఏమైంది..?  ఈనెల 18న బాగా నీరశించడంతో ఆశ్రమ నిర్వాహకులు ఆమెకు గ్లూకోజ్‌ ద్రావణం ఇచ్చారు. జీవితంపై విరక్తి చెందిన ఆమె మరుగుదొడ్డిలో ఉన్న యాసిడ్‌ను గ్లూకోజ్‌లో కలుపుకుని తాగేసింది. గమనించిన నిర్వాహకులు ఆమెను చిత్తూరు ప్రభుత్వాస్పత్రికి తరలించారు. ఇక్కడ చికిత్స పొందుతూ శనివారం రాత్రి తుదిశ్వాస విడిచింది. సమాచారం అందుకున్న పోలీసులు వృద్ధురాలి మృతదేహానికి పోస్టుమార్టం నిర్వహించి కుటుంబసభ్యులకు అప్పగించారు. ఏడుగురు సంతానం ఉన్నా ఏ ఒక్కరూ పట్టించుకున్న పాపానపోలేదని స్థానికులు శోకసంద్రంలో మునిగిపోయారు.

కొత్తకోట రూరల్‌: బ్రెయిన్‌ స్ట్రోక్‌తో భర్త మరణం.. చుట్టిముట్టిన ఆర్థిక ఇబ్బందులు.. వెరసి ఓ తల్లి తన కూతురికి కూల్‌డ్రింక్‌లో విషమిచ్చి తాను ఆత్మహత్య చేసుకున్న విషాదకర సంఘటన మండలంలోని పాలెంలో ఆదివారం అర్ధరాత్రి చోటుచేసుకుంది. గ్రామస్తులు తెలిపిన వివరాల మేరకు.. ఆత్మకూర్‌ మండలం ఆరేపల్లి గ్రామానికి చెందిన జానకమ్మ, సవరయ్య దంపతుల కూతురు నిర్మల(30)ని పాలెం గ్రామానికి చెందిన నర్సింహకు ఇచ్చి పదేళ్ల క్రితం వివాహం చేశారు. వీరికి కూతురు సింధూ(8) ఉంది. అయితే, రెండేళ్ల కిందట భర్త నర్సింహ బ్రేన్‌ స్ట్రోక్‌తో చనిపోయాడు. అప్పటి నుంచి నిర్మల, ఆమె కూతురు ఇద్దరూ తల్లిగారి ఊరు ఆరేపల్లిలో ఉంటున్నారు. అయితే, ఉగాది పండుగ కావడంతో అత్తగారి ఊరైన పాలెంకు వచ్చారు. కూల్‌డ్రింక్‌లో పురుగు మందు కలిపి.. ఏమైందో తెలియదు కానీ, ఆదివారం రాత్రి పురుగుల మందును కూల్‌డ్రింక్‌లో కలిపి మొదట కూతురు సింధూకు ఇచ్చి, అనంతరం తల్లి నిర్మల తాగి ఇంట్లోనే నిద్రించారు. రాత్రి 10గంటల సమయంలో కూతురు సింధూ కడుపునొప్పిగా ఉందని చెప్పగా.. ఏంకాదులే ఉదయం ఆస్పత్రికి వెళ్దామని చెప్పి తల్లి నిద్రపుచ్చింది. అనంతరం గాడనిద్రలో ఉన్న పాప మృతిచెందిందో లేదోనన్న అనుమానంతో తల్లి కత్తితో రెండు సార్లు పొడిచినట్లు గాట్లు కూడా ఉన్నాయి. తెల్లవారుజామున 4గంటల సమయంలో నిర్మల అత్త సవరమ్మ లేచి చూసేసరికి మంచంపై సింధూ ఒక్కతే కనపడడంతో నిర్మల ఎక్కడ ఉందోనని బయటికి వచ్చి చూసింది. అప్పటికే నిర్మల అపస్మారక స్థితిలో పడి ఉండడాన్ని చూసి చుట్టుపక్కల వారికి సమాచారం ఇచ్చింది. గ్రామస్తులు మొదట నిర్మలను ఆటోలో ఎక్కించుకుంటుండగా.. నిద్రలో ఉన్న సింధూ లేస్తే తల్లికోసం ఏడుస్తదేమోనన్న ఉద్దేశంతో తనను లేపేందుకు వెళ్లి చూడగా సింధూ అప్పటికే మృతిచెంది ఉంది. వెంటనే తల్లి కూతుళ్లను ఆటోలో వనపర్తి ఆస్పత్రికి తరలిస్తుండగా తల్లి నిర్మల కూడా మార్గమధ్యంలోనే మృతిచెందిందని గ్రామస్తులు తెలిపారు. సంఘటన స్థలానికి చేరుకున్న సీఐ వెంకటేశ్వర్‌రావు, ఎస్‌ఐ రవికాంత్‌రావు గ్రామస్తులతో ఆత్మహత్యకు గల కారణాలు తెలుసుకొని క్లూస్‌ టీం ద్వారా వివరాలు సేకరించారు. ఇదిలాఉండగా, భర్త చనిపోయాక నిర్మలకు ఆర్థికపరమైన ఇబ్బందులు ఉండేవని గ్రామస్తులు పేర్కొన్నారు. బాధితురాలి తమ్ముడి ఫిర్యాదు మేరకు కేసు నమోదు చేసుకొని దర్యాప్తు చేస్తున్నట్టు సీఐ వెంకటేశ్వర్‌రావు తెలిపారు. 

చిక్కబళ్లాపురం : ఆ తల్లికి ఏమి కష్టమొచ్చిందో.. తన ఇద్దరు బిడ్డలకు విషమిచ్చి తానూ ఫ్యాన్‌కు ఉరి వేసుకుని ఆత్మహత్య చేసుకున్న ఘటన ఆదివారం నగరంలోని విశ్వశ్వరయ్య లేఔట్‌లో జరిగింది. వివరాలు... లేఔట్‌లో అశ్వత్థనారాయణ, ఉషా దంపతులు నివాసం ఉంటున్నారు. వీరికి శమంత్‌ (8), శాన్వి (6) కుమార్తెలు ఉన్నా రు. అశ్వత్థనారాయణ ఇక్కడి దిబ్బూరు ప్రభుత్వ పాఠశాలలో పీటీ మాస్టర్‌గా పనిచేస్తున్నాడు. శనివారం రాత్రి ఇంటిలో అందరూ సంతోషంగా భోజనాలు కూడా చేశారు. ఆదివారం ఉదయం భర్త అశ్వత్థ నారాయణ అబ్లోడులో ఉన్న పొలం పనులను పర్యవేక్షించడానికి వెళ్లాడు. భర్త వెళ్లిన తరువాత ఉషా (30) తన ఇద్దరు బిడ్డలకు విషమిచ్చి అనంతరం తానూ ఫ్యాన్‌కు ఉరి వేసుకుని ఆత్మహత్య చేసుకుంది. ఉదయం 9 గంటలకు అశ్వత్థ నారాయణ భార్య సెల్‌కు ఫోన్‌ చేశాడు. స్పందన లేకపోవడంతో ఇంటికి వచ్చి చూడగా అందరూ అచేతనంగా పడి ఉన్నారు. స్థానికులకు విషయం తెలిపి పోలీసులకు సమాచారం ఇచ్చాడు. పోలీసులు సంఘటన స్థలాన్ని పరిశీలించి డెత్‌నోట్‌ను స్వాధీనం చేసుకున్నారు. ఎస్‌పీ కార్తీక్‌ రెడ్డి, డీఎస్‌పీ ప్రభుశంకర్‌ సంఘటన  స్థలాన్ని పరిశీలించారు. అశ్వత్థ నారాయణను విచారణ చేస్తున్నామని పోలీసులు తెలిపారు.విషయం తెలుసుకున్న ఉషా బంధువులు అక్కడికి చేరుకుని కన్నీరు మున్నీరయ్యారు. ఉషా ఎందుకు ఇంత దారుణానికి పాల్పడిందో.. కుటుంబంలో ఏమైనా కలహాలు ఉన్నాయా అనే దానిపై కూడా  పోలీసులు  దర్యాప్తు చేపట్టారు.

కుంటాల (ముథోల్‌): ఆడపిల్లలు పుట్టారని అత్తింటి వేధింపులు భరించలేక ఇద్దరు పిల్లలను చంపి.. తానూ ఆత్మహత్యకు పాల్పడిందో తల్లి. ఈ ఘటన నిర్మల్‌ జిల్లా కుంటాల మండలంలో సోమవారం సాయంత్రం చోటుచేసుకుంది. మండల పరిధిలోని అంబుగామ గ్రామానికి సుశీల–సంతోష్‌ దంపతులకు స్వప్న (18నెలలు), చిన్న కూతురు (3 నెలలు) సంతానం. అయితే ఇద్దరూ ఆడపిల్లలు పుట్టారని భర్త సంతోష్, అత్త తారుబాయి వే«ధింపులకు గురిచేశారు. భర్త, అత్త సోమవారం కూలీ పనులకు వెళ్లిన సమయంలో ఆమె పిల్లలను తొలుత హతమార్చి తాను ఉరివేసుకుని ఆత్మహత్యకు పాల్పడింది. అయితే పండుగ రోజు వీలుకాకపోవడంతో రాఖీ కట్టేందుకు తన భర్తతో కలసి అంబుగాంకు సంతోష్‌ సోదరి సవిత వచ్చింది. బయట తలుపులు తెరిచి ఉండటంతో  లోపలికి వెళ్లి చూడగా మరో గదిలో తలుపు గడియ వేసి ఉంది. ఇరుగుపొరుగు వారి సాయంతో తలుపు తీయగా అప్పటికే సుశీల దూలానికి ఉరివేసుకుంది. ఇద్దరు చిన్నారులు ఊయల పక్కనున్న మంచంపై విగతజీవులుగా పడి ఉన్నారు. భైంసా డీఎస్పీ రాములు, గ్రామీణ సీఐ ప్రవీణ్‌కుమార్, ఎస్సై యూనిస్‌ అహ్మద్‌ ఘటనా స్థలాన్ని సందర్శించారు. తన కూతురు, మనుమరాళ్ల చావుకు కారణం అత్తింటి వేధింపులేనని సుశీల తల్లిదండ్రులు బోరున రోదించారు.  

మైసూరు: కుమార్తె పరీక్షల్లో ఫెయిలనందుకు తల్లి ఆత్మహత్యకు పాల్పడ్డ ఘటన బుధవారం నగరంలోని ఇలవాలలో చోటు చేసుకుంది. నగరంలోని ఇలవాలకు చెందిన లక్ష్మీ,రాజు దంపతుల కుమార్తె ఇటీవల ఎస్‌ఎస్‌ఎల్‌సీ పరీక్షలు రాసింది. రెండు రోజుల క్రితం విడుదలైన ఫలితాల్లో కుమార్తె ఫెయిలవడంతో మనస్థాపం చెందిన లక్ష్మీ బుధవారం ఇంట్లో ఎవరూ లేని సమయంలో ఫ్యాన్‌కు ఉరేసుకొని ఆత్మహత్యకు పాల్పడింది. ఇలవాల పోలీసులు కేసు దర్యాప్తు చేపట్టారు.

క్షణికావేశంలో ఓ మహిళ తీసుకున్న నిర్ణయం పిల్లల్ని అనాథల్ని చేసింది. కుంటుంబ వ్యవహారంలో భర్త మందలించాడని మనస్తాపంతో ఇద్దరు పిల్లలకు విషమిచ్చి..తాను సేవించి ఆత్మహత్య చేసుకుంది. ఈ ఘటనతో పళంగానత్తంలో విషాదం నెలకొంది. అన్నానగర్‌: కుటుంబకలహాలతో ఇద్దరు బిడ్డలను కడతేర్చి తల్లి ఆత్మహత్య చేసుకుంది. ఈ విషాదకర సంఘటన మదురైలో మంగళవారం మధ్యాహ్నం చోటుచేసుకుంది. వివరాలు.. మదురై పళంగానత్తం గణపతినగర్, ఉత్తర వీధికి చెందిన మూర్తి కార్మికుడు. ఇతని భార్య ప్రియ (25). వీరికి నలుగురు పిల్లలు. భర్త సంపాదనతో కుటుంబం నడవడం కష్టంగా ఉండేది. దంపతుల మధ్య తరచూ గొడవలు జరిగేవి. ఈ క్రమంలో ప్రియ తనకు తెలిసిన ఒకరికి వేరే వాళ్ల నుంచి అప్పు ఇప్పించింది. ఈ విషయం మూర్తికి తెలియడంతో భార్యని మంగళవారం మందలించాడు. అనంతరం పనికి వెళ్లాడు. ప్రియ పెద్ద కుమార్తెలు ఇద్దరు పాఠశాలకు వెళ్లారు. ఇంట్లో ప్రియ మూడో కుమార్తె మురుగేశ్వరి(04), కుమారుడు విజయగణేష్‌ (8నెలలు) ఉన్నారు. భర్త మందలించాడని.. భర్త మందలించాడని మనస్తాపంతో ఉంది. ఈ స్థితిలో ఆమె ఇంట్లో ఉన్న ఇద్దరి పిల్లలకు విషం ఇచ్చి.. తానూ విషం తాగింది. మూర్తి మధ్యాహ్నం భోజనానికి ఇంటికి వచ్చాడు. ఆ సమయంలో భార్య, ఇద్దరు పిల్లలు మృతిచెంది ఉండడం చూసి దిగ్భ్రాంతి చెందాడు. ఈ సమాచారంతో దిలకర్‌దిడల్‌ పోలీసు జాయింట్‌ కమిషనర్‌ వెట్రిసెల్వన్, సుబ్రమణ్యపురం సీఐ మలైస్వామి, పోలీసులు సంఘటన స్థలానికి వచ్చి విచారణ చేశారు.

పుల్లంపేట: తన తల్లి తనకు మోటారు బైకు కొనివ్వలేదని కుమారుడు ఆత్మహత్యాయత్నానికి పాల్ప డ్డాడు. కుమారుడు మృతి చెందితే తన బతుకు వృథా అని భావించి తల్లి పురుగుల మందు తాగి ఆత్మహత్య చేసుకుంది. కాగా కుమారుడు ప్రాణా పాయం నుంచి బయటపడ్డాడు. ఈ ఘటన పుల్లంపేట మండలంలో చోటు చేసుకుంది.  అనంతయ్యగారిపల్లె పంచాయతీలోని రాజుగారిపల్లె గ్రామానికి చెందిన గాడి రవికుమారి (50), కుమారుడు పవన్‌ చైతన్య కుమార్‌ రెడ్డి (18) జీవనం సాగిస్తున్నారు. పవన్‌కుమార్‌ రెడ్డి బీటెక్‌ మొదటిసంవత్సరం రాజంపేట అన్నమాచార్య ఇంజనీరింగ్‌ కళాశాలలో చదవుతున్నాడు. తనకు మోటారు బైక్‌ తీసివ్వాలని తల్లిని కోరాడు. తల్లి తమ దగ్గర అంత స్థోమత లేదని చెప్పగా పురుగుల మందు తాగి ఆత్మహత్యా ప్రయత్నం చేసుకున్నాడు. దీంతో తల్లి కుమారుడు మృతి చెందితే తాను ఎవరికోసం బతకాలని ఇంటిలో ఉన్న వాస్మోల్‌ తాగి అక్కడికక్కడే మృతి చెందింది. పవన్‌ చైతన్యకుమార్‌ రెడ్డిని హుటాహుటిన ఆస్పత్రికి తరలించగా ప్రాణపాయం నుంచి బయటపడ్డాడు.

ఓ తల్లి మానసిక రోగంతో బాధపడుతోంది..కూలీనాలి చేసుకునే భర్త ఆమెను ఆస్పత్రులకు తిప్పుతున్నా నయం కాలేదు. ఆదివారం తిరుపతి రుయాకు తీసుకురావాలని భావించాడు. అంతలోనే ఆమె మానసిక కల్లోలానికి లోనైంది. జీవితాన్నే అంతం చేసుకుంది... ముక్కు పచ్చలారని ఇద్దరు పసిబిడ్డలను తీసుకుని వ్యవసాయ చెరువులో దూకింది.. ముగ్గురూ విగతజీవులై తేలారు.. ఈ హృదయ విదారక ఘటన చౌడేపల్లి మండలం చెడుగుట్లపల్లెలో శనివారం చోటుచేసుకుంది. చౌడేపల్లె :  ఆ తల్లికి ఏం కష్టమో ... ఏమో కానీ రక్తం పంచుకుని పుట్టిన ఇద్దరు బిడ్డలను నీటిపాలుచేసి... ఆమె కూడా బలవన్మరణానికి పాల్పడింది. పేద కూలీ ఇంట పెనువిషాదం నింపిన ఈ సంఘటన చౌడేపల్లె మండలం పెద్దయల్లకుంట్ల పంచాయతీ చెడుగుట్లపల్లె వద్ద శనివారం సాయంత్రం చోటుచేసుకుంది. ఆ గ్రామానికి చెందిన  పి. వసంతకుమారి(27) బిడ్డలు అఖిల్‌(4), హర్షిత(2)ను గ్రామానికి సమీపంలోని జంగంవానికుంట వద్ద గల ఫాంపాండ్‌ గుంతలో పడేసి ఆత్మహత్యకు పాల్పడటం గ్రామస్తులను కలచివేసింది. ఆ గ్రామం శోకసముద్రమైంది. చెడుగుట్లపల్లెకు చెందిన ఓబులప్ప పెద్ద కుమార్తె  పి. వసంతకుమారి, నిమ్మనపల్లె మండలం అగ్రహారానికి చెందిన గంగాధర ఐదేళ్ల క్రితం పెళ్లాడారు. గంగాధర తల్లిదండ్రులు మృతిచెందడంతో అత్తగారింట్లోనే ఉంటూ కూలిపనులు చేసి జీవనం సాగిస్తున్నారు. కొన్ని నెలలుగా వసంతకుమారి మతిస్థిమితం లేకుండా బాధపడుతోంది. వైద్యసేవలందిస్తే కుదుటపడుతోందని గ్రామస్తులు చెబుతున్నారు. ఎప్పుడూ బిడ్డలను ప్రేమగా చూసుకునే ఆమె, వారితో కలిసి బలవన్మరణానికి పాల్ప డటమేంటని గ్రామస్తులు, బంధువులు భోరున విలపిస్తున్నారు. బిడ్డలు, భార్య మృతదేహాల వద్ద గంగాధర, అతని కుటుంబీకులు కన్నీరుమున్నీరుకావడం చూపరులను కలచివేసింది. అఖిల్, హర్షిత మృతదేహాలను చూసిన ప్రతి ఒక్కరూ కంటతడి పెట్టారు.

గుంటూరు ఈస్ట్,పొన్నూరు: ఇద్దరు బిడ్డలపై పెట్రోలు పోసి తానూ నిప్పంటించుకున్న సంఘటన పొన్నూరు రూరల్‌ మండలం పచ్చలతాడిపర్రులో శుక్రవారం సంచలనం రేపింది. వీరిలో చిన్న కుమార్తె ఆసియా (6) మృతి చెందగా తల్లి మౌలాబీ పరిస్థితి విషమంగా ఉంది. పెద్ద కుమార్తె పర్వీన్‌ ప్రాణపాయం నుంచి బయట పడింది. సంఘటన స్థలాన్ని బాపట్ల డీఎస్పీ డీ గంగాధరం పరిశీలించారు. స్థానికుల వివరాల ప్రకారం.. గుంటూరు జిల్లా పొన్నూరు మండలం పచ్చలతాడిపర్రు గ్రామానికి చెందిన షేక్‌ మహబూబ్‌ సుభానీ, మౌలాబీలకు ఎనిమిదేళ్ల క్రితం వివాహమైంది. వీరికి ఏడేళ్ల పర్వీన్, ఆరేళ్ల హాసియా అనే కుమార్తెలున్నారు. వివాహం తర్వాత ఏడేళ్లపాటు మౌలాబీ పుట్టినిల్లయిన యడ్లపాడులో కాపురమున్నారు. ఆరు నెలల క్రితం సుభాని కుటుంబ సభ్యులను వదిలి స్వగ్రామంలో ఉంటున్నాడు. 20 రోజుల క్రితం భార్య మౌలాబీ పచ్చలతాడిపర్రు వచ్చి మళ్లీ వెళ్లింది. శనివారం ఉదయం ఇద్దరు కుమార్తెలను తీసుకుని పచ్చలతాడిపర్రు వచ్చింది. ఇదే సమయంలో భార్యాభర్తలు మధ్య వివాదం చోటుచేసుకుంది. తల్లి పరిస్థితి విషమం వీరిని జీజీహెచ్‌ అత్యవసర విభాగానికి తీసుకురాగానే మౌలాబీ కొంత స్పృహలో ఉండి మాట్లాడుతూ తన భర్త ,అత్త, ఆడపడుచు, ఆడపడుచు కుమారుడు వేధింపుల కారణంగానే ఇంతటి ఘోరానికి పాల్పడినట్లు చెప్పింది. అనంతరం స్పృహ కోల్పోయింది. అయితే భర్త మాబుసుభాని మీడియాతో మాట్లాడుతూ ఏడేళ్ల నుంచి తాను యడ్లపాడులోని అత్తవారింటి వద్దే ఇల్లరికం ఉన్నానని భార్య, అత్త తనతో తరచూ గొడవలు పడుతుండటంతో ఆరు నెలల క్రితం పచ్చలతాడిపర్రు వచ్చేశానని చెప్పాడు. శనివారం తన భార్య ఇద్దరు పిల్లలను తీసుకుని ఇంటికి వచ్చిందని, రాగానే ఘర్షణ పడి కొద్దిసేపటికే ఈ అఘాయిత్యానికి పాల్పడిందని వివరించాడు.   ఎప్పుడూ గొడవలే.. భార్యాభర్తల మధ్య తరచూ గొడవలు జరుగుతుండేవని స్థానికులు చెబుతున్నారు. సుభాని వ్యవసాయ కూలీ. సుభాని స్వగ్రామానికి వచ్చాక కూడా మౌలాబీ కాపురం యడ్లపాడులో పెట్టాలని తరచూ భర్తతో గొడవ పడుతుండేదని తెలిసింది. ఈ నేపథ్యంలో సుభాని నాలుగు రోజుల క్రితం యడ్లపాడు వెళ్లి మౌలాబీ పుట్టింటికి సమీపంలో ఒక ఇల్లు అద్దెకు చూసి వచ్చినట్లు సమాచారం. అయితే ఆ ఇంట్లో సిమెంట్‌ బస్తాలు ఉండడంతో అవి ఖాళీ చేశాక కాపురం పెట్టాలని భార్యాభర్తలు నిర్ణయించుకున్నట్లు తెలిసింది. పెట్రోల్‌ బంకులో ఆయిల్‌ తెచ్చుకుని.. మౌలాబీ ఇంట్లో నుంచి ఒక బాటిల్‌ తీసుకుని òఆటోలో బంకుకు వెళ్లి పెట్రోలు తీసుకొచ్చింది. ఇద్దరు కుమార్తెలను ఇంట్లోకి పిలిచి తలుపులకు లోపల గడియ వేసి బిడ్డలపై పెట్రోలు పోసి నిప్పంటించింది. ఆ తర్వాత తనపై కూడా పెట్రోలు పోసుకుంది. ఇంట్లో నుంచి చిన్నారుల ఆర్తనాదాలు వినపడడంతో ఇరుగు పొరుగు వారు వచ్చి తలుపు పగలగొట్టారు. మంటలను ఆర్పివేసి ముగ్గురినీ ఆటోలో గుంటూరు ప్రభుత్వాసుపత్రికి చికిత్స నిమిత్తం తరలించారు.  28 కిలోమీటర్లు ఆటోలోనే..  తీవ్రంగా గాయపడిన మౌలాబీ, ఆమె ఇద్దరు కుమార్తెలను జీజీహెచ్‌కు తరలించేందుకు అంబులెన్సు అందుబాటులో లేకపోవడంతో స్థానికులు ముగ్గురిని గోనె పట్టాలో చుట్టి అప్పి ఆటోలో తీసుకెళ్లారు. తాడిపర్రు నుంచి గుంటూరు వరకు 28 కిలోమీటర్ల మేరు ముగ్గురు కాలిన గాయాలతో ఆర్తనాదాలు చేస్తూనే ప్రయాణించారు. ఆటో జీజీహెచ్‌కు చేరుకోగానే వారి దయనీయ స్థితికి స్థానికులు చలించిపోయారు. ఆస్పత్రి అత్యవసర విభాగంలో వార్డు బాయ్‌లు అందుబాటులో లేకపోవడంతో అవుట్‌ పోస్ట్‌ పోలీసులు, సెక్యూరిటీ సిబ్బంది ముగ్గురినీ ఆటోలో నుంచి అత్యవసర విభాగంలోకి తరలించి మానవత్వం చాటుకున్నారు. చిన్నారి షేక్‌ పర్వీన్‌ ‘అమ్మా మంటలు అంటూ పెట్టిన ఆర్తనాదాలకు అత్యవసర విభాగంలోని వైద్యులు, ఇతర సిబ్బంది తల్లడిల్లిపోయారు.

మర్లపాలెం(గన్నవరం): కుమార్తె ప్రేమ వ్యవహారం విషయమై మనస్తాపానికి గురైన తల్లి ఉరివేసుకుని ఆత్మహత్యకు పాల్పడింది. ఈ ఘటన గన్నవరం శివారు మర్లపాలెంలో బుధవారం చోటు చేసుకుంది. పోలీసులు తెలిపిన వివరాల ప్రకారం...మర్లపాలెం గ్రామానికి చెందిన చెరుకు జయబాబు ప్రైవేట్‌ బస్సు క్లీనర్‌గా పనిచేస్తున్నాడు. అతని భార్య శ్రీదేవి (35) ఇంటి వద్ద  టైలరింగ్‌ పనిచేస్తూ జీవనం సాగిస్తోంది. వీరి కుమారై లావణ్య ఇంటర్మీడియట్‌ చదువుతోంది. శ్రీదేవి మేనల్లుడైన తెనాలికి చెందిన ధర్మసాయికి, లావణ్యకు మధ్య కొంతకాలంగా ప్రేమ వ్యవహరం నడుస్తోంది. రెండు వారాల క్రితం జయబాబు డ్యూటీ నిమిత్తం వెళ్లగా ఇంటి వద్ద శ్రీదేవి, కుమారై మాత్రమే ఉన్నారు. ఈ నేపథ్యంలో బుధవారం లావణ్య పుట్టిన రోజు కావడంతో ఆమెను తెనాలి తీసుకువెళ్లేందుకు ధర్మసాయి ఇంటికి వచ్చాడు. దీనికి శ్రీదేవి నిరాకరించింది. ధర్మసాయి ఆమెతో గొడవపడి బలవంతంగా లావణ్యను తీసుకువెళ్లాడు. అయితే మేనల్లుడితో కుమారై ప్రేమ వ్యవహారాన్ని మొదటి నుంచి వ్యతిరేకిస్తున్న భర్త జయబాబుకు ఈ విషయం తెలిస్తే మందలిస్తాడనే భయాందోళనకు శ్రీదేవి గురైంది. దీనికితోడు కుమారైకు చెప్పినప్పటికి వినకుండా మేనల్లుడితో వెళ్లిపోవడంతో తీవ్ర మనస్తాపానికి గురై ఇంటిలో సీలింగ్‌ రాడ్‌కు ఉరివేసుకుని ఆత్మహత్య చేసుకుంది. కొద్దిసేపటికి మనుమరాలు జన్మదినం కోసం వీరపనేనిగూడెం వచ్చిన శ్రీదేవి తల్లి ఉరికి వేలాడుతున్న కుమార్తెను చూసి నిశ్చేష్టురాలైంది. స్థానికుల సమాచారం మేరకు అక్కడికి చేరుకున్న 108 సిబ్బంది ఆమెను పరీక్షించి అప్పటికే మృతిచెందినట్లు నిర్ధారించారు. సీఐ కె. శ్రీధర్‌కుమార్‌ నేతృత్వంలో సిబ్బంది విచారణ చేపట్టారు. మృతురాలు చేతిపై గాయాలు ఉన్నట్లు పోలీసులు గుర్తించారు. అనుమానాస్పద మృతిగా కేసు నమోదు చేసి మృతదేహాన్ని పోస్టుమార్టం నిమిత్తం ప్రభుత్వాస్పత్రికి తరలించారు.


 
 భర్త వేధింపులు భరించలేక బావిలో దూకి.. 
  
 
 మాక్లూర్‌: నిజామాబాద్‌ జిల్లా మాక్లూర్‌ మండలం మాదాపూర్‌ గ్రామంలో భర్త వేధింపులు భరించలేక రెండేళ్ల కొడుకుతో సహా బావిలో దూకి తల్లి ఆత్మహత్యకు పాల్పడింది. గుత్ప గ్రామానికి చెందిన అన్నపూర్ణ (28)కు మాదాపూర్‌ గ్రామానికి చెందిన రంజిత్‌తో 2009లో వివాహం జరిగింది. వీరికి కుమార్తె నందిని, కొడుకు లక్కీ(2) ఉన్నారు. అన్నపూర్ణ మానిక్‌భండార్‌ గ్రామ ఆరోగ్య ఉప కేంద్రంలో రెండో ఏఎన్‌ఎంగా కాంట్రాక్ట్‌ ఉద్యోగం చేస్తోంది. కొన్నేళ్ల నుంచి భర్త రంజిత్‌ తాగి వచ్చి భార్యతో గొడవ పడేవాడు. భర్త ప్రవర్తన నచ్చక అన్నపూర్ణ తల్లిగారింటికి ఇటీవలే వెళ్లిపోయింది. గ్రామ పెద్దలు నచ్చజెప్పి అన్నపూర్ణను తీసుకు వచ్చారు.
 
 శుక్రవారం రాత్రి తాగి వచ్చిన రంజిత్‌ భార్యతో గొడవ పడి కొట్టాడు. భార్య వద్ద ఉన్న బ్యాంకు బుక్, డబ్బులు ఇవ్వాలని తరచూ గొడవ పడేవాడు. భార్యకు ప్రతి నెల వేతనం రాగానే ఏటీఎం కార్డు తీసుకువెళ్లి డబ్బులు డ్రా చేసుకుని దుబారా ఖర్చు చేసేవాడు. ఎటో వెళ్లి ఆదివారం ఇంటికి వచ్చిన రంజిత్‌కు భార్య అన్నపూర్ణ, కొడుకు లక్కీ కనిపించకపోవడంతో అత్తామామలకు ఫోన్‌ చేసి చెప్పాడు. మాక్లూర్‌ పోలీసులకు ఫిర్యాదు చేశాడు. సోమవారం బావివైపు వెళ్లిన స్థానికులకు దుర్వాసన రావడంతో బావిలోకి చూడగా ఇద్దరి మృతదేహాలు కనిపించాయి. శనివారం ఘటన జరిగి ఉంటుందని పోలీసులు భావిస్తున్నారు. మృతురాలి భర్త రంజిత్, అత్త లక్ష్మిలను అదుపులోకి తీసుకుని కేసు నమోదు చేసినట్లు ఎస్సై రామునాయుడు తెలిపారు.  
 
  


 చెన్నై: దేవుడు ప్రతిచోటా ఉండలేడు కాబట్టే అమ్మను ఇచ్చాడని అంటారు. కానీ అలాంటి అమ్మే తొలికాన్పులో ఆడపిల్ల పుట్టిందని అఘాయిత్యానికి ఒడిగట్టింది. ఆడపిల్ల పుట్టిందనే ఆవేదనతో ఏకంగా ఆత్మహత్య చేసుకుంది. చెన్నైలో ఈ ఘటన జరిగింది.
 
 చెన్నై క్రోంపేట లక్ష్మీపురానికి చెందిన చరణ్‌రాజ్, శివరంజని (23) పెళ్లయి రెండున్నరేళ్లు అవుతోంది. గర్భవతి అయిన శివరంజని తొలికాన్పులో ఈ నెల మొదటివారంలో పండంటి ఆడబిడ్డకు జన్మనిచ్చింది. మగబిడ్డ కావాలని ఆశిస్తే తనకు ఆడపిల్ల పుట్టడంతో శివరంజనీ రోజూ కలత చెందేది. ఇదే ఆవేదనతో గురువారం రాత్రి ఆమె తన ఇంటి మూడో అంతస్తుపై నుంచి దూకి బలవన్మరణానికి పాల్పడింది. వివాహమై రెండున్నర ఏళ్లు అవుతోంది. ఇంతలోనే ఆడబిడ్డ పుట్టిందన్న కారణంతో ఆమె ఆత్మహత్య చేసుకోవడంతో పోలీసులు కేసు నమోదుచేసి దర్యాప్తు చేస్తున్నారు.


 అన్నానగర్‌: కుమారుడు ప్రేమ వివాహం చేసుకోవటం ఇష్టంలేని ఓ తల్లి బలవన్మరణానికి పాల్పడింది. చెన్నైలో జరిగిన ఈ ఘటన వివరాలివీ.. నగరంలోని తేని ప్రాంతానికి చెందిన జయభారతి(55) రిటైర్డు టీచర్‌. ఈమె భర్త సుబ్బురాజ్‌ కొన్నేళ‍్ల క్రితమే మృతి చెందారు. కుమార్తెకు వివాహం కాగా, కుమారుడు మనోజ్‌(28) ఓ సాఫ్ట్‌వేర్‌ సంస్థలో ఇంజినీర్‌గా పనిచేస్తున్నాడు. మనోజ్‌ తమ బంధువుల అమ్మాయిని ప్రేమిస్తున్నాడు. విషయం తెలిసిన జయభారతి అభ్యంతరం తెలిపింది. కానీ, తల్లి మాటను లెక్కచేయకుండా గత 12వ తేదీన మనోజ్‌ ప్రేమించిన అమ్మాయిని చెన్నైలో వివాహం చేసుకున్నాడు.
 
 వివాహం జరిగిన తర్వాత భార్య తీసుకుని మంగళవారం ఉదయం తేని ప్రాంతంలోని తల్లి వద్దకు వచ్చాడు. తలుపు లోపల గడియపెట్టి ఉండటంతో మనోజ్‌ ఎంత కొట్టినా తెరవలేదు. దీంతోపాటు ఇంటి లోపలి నుంచి దుర్వాసన వచ్చింది. పోలీసులకు మనోజ్‌ సమాచారం అందించటంతో వారు వచ్చి తలుపులు పగులగొట్టి లోపల చూడగా జయభారతి ఉరి వేసుకుని కనిపించింది. మృతదేహం కుళ్లిపోయిన స్థితిలో ఉండటంతో ఆమె పది రోజుల క్రితమే మృతి చెంది ఉంటుందని భావిస్తున్నారు. పోలీసులు కేసు నమోదు చేసి దర్యాప్తు చేపట్టారు.


 హైదరాబాద్‌: నగరంలోని అల్వాల్‌లో దారుణం చోటు చేసుకుంది. స్థానిక గంగపుత్ర కాలనీలో నివాసముంటున్న స్వప్న(40) తన ఇద్దరు పిల్లలు గాయత్రి(17), మనోజ్‌(14)లకు ఎలకల మందు కలిపిన పాలు ఇచ్చి అనంతరం తాను తాగి ఆత్మహత్యాయత్నం చేసుకుంది. ఇది గుర్తించిన స్థానికులు వారిని 108 సాయంతో గాంధీ ఆస్పత్రికి తరలించారు. ముగ్గురి పరిస్థితి విషమంగా ఉన్నట్లు సమాచారం. కుటుంబ కలహాల నేపథ్యంలోనే ఆత్మహత్యాయత్నం చేసుకున్నారని స్థానికులు భావిస్తున్నారు.