కోలీవుడ్‌లో కథానాయకిగా ఎదుగుతున్న నటి అమ్ము అభిరామి. ఈమె తమిళం, తెలుగు భాషల్లో నటిస్తూ బహుభాషా నటిగా రాణిస్తున్నారు. భైరవ, ఎన్‌ ఆవిడ చెరుప్పు కానోమ్‌, ధీరన్‌ అధికారం ఒండ్రు వంటి చిత్రాల్లో సపోర్టింగ్‌ క్యారెక్టర్స్‌ చేసిన అమ్ము అభిరామి రాక్షసన్‌ చిత్రంలో పాఠశాల విద్యార్థినిగా నటించి గుర్తింపు పొందారు. ఇదే సినిమా తెలుగులో బెల్లంకొండ శ్రీనివాస్‌ రాక్షసుడు పేరుతో హిట్‌ కొట్టారు.  ఆ తరువాత ధనుష్‌ కథానాయకుడిగా నటించిన అసురన్‌ చిత్రంలో ఆయన మరదలుగా నటించారు. తెలుగులో వెంకటేశ్‌ నారప్ప చిత్రంలో కన్నమ్మ పాత్రలో మెప్పించారు. సినిమాలోని ఫ్లాష్‌బ్యాక్‌లో వెంకటేశ్‌ ప్రేయసిగా అభిరామి మంచి గుర్తింపు పొందింది.  అదేవిధంగా కుక్‌ విత్‌ కోమాలి టీవీ కార్యక్రమంలో పాల్గొని పాపులర్‌ అయిన అమ్ము అభిరామి పలు చిత్రాలలో నటిస్తూ బిజీగా ఉన్నారు. ఈమె తాజాగా నలుగురు కథానాయికల్లో ఒకరిగా నటించిన కన్నగి చిత్రం ఇటీవల విడుదలై విమర్శకుల ప్రశంసలతో ప్రదర్శింపబడుతోంది. కాగా ఈమె ఇటీవల ఒక భేటీలో ప్రేమ గురించి పేర్కొంటూ తాను స్కూల్లో 10వ తరగతి చదువుతున్నప్పుడే సహ విద్యార్థి ప్రేమలో పడ్డానని, ఆ విషయం ఇంటిలో తెలిసి దొరికి పోయానని చెప్పారు. అది వన్‌ సైడ్‌ లవ్వే అయినా దాచుకోలేక ఇంటిలో దొరికిపోయి దెబ్బలు తిన్నానని చెప్పారు. ఆ సంఘటనను ఎప్పటికీ మరచిపోలేనన్నారు. ఎలాంటి భర్త రావాలని కోరుకుంటున్నారనే ప్రశ్నకు తనను అర్థం చేసుకునే వాడు అయితే చాలు అని బదులిచ్చారు. అది ప్రేమ వివాహం అయినా సరే పెద్దలు నిశ్చయించిన వివాహం అయినా సరే అని అమ్ము అభిరామి పేర్కొన్నారు. కాగా ప్రస్తుతం ఈమె చేతినిండా చిత్రాలతో బిజీగా ఉన్నారు. గోలీ సోడా 1.5 అనే వెబ్‌సిరీస్‌లోనూ నటించారు. View this post on Instagram A post shared by Ammu_Abhirami (@abhirami_official)

సాక్షి, హైదరాబాద్‌: సికింద్రాబాద్‌లో పుట్టి పెరిగిన నేను చిన్నప్పటి నుంచీ ఎన్నికల సందడిని ఆసక్తిగానే గమనించేవాణ్ని. నాకు గత ఎన్నికల్లోనే తొలిసారి ఓటుహక్కు వచ్చింది. ఓటేయడం అద్భుతంగా అనిపించింది. రాష్ట్రం తలరాతను మనమే నిర్ణయిస్తున్నంత ఫీల్‌. ఎన్నికల్లో ఓటు వేయడం మనకు అందివచ్చే ఒక గొప్ప అవకాశం. మొదటి నుంచీ రాజకీయాలను, నేతలను దగ్గర నుంచీ పరిశీలిస్తూ ఒక అభిప్రాయానికి వచ్చి ఉంటే చాలా చాలా గుడ్‌. కానీ అంత తీరిక అందరికీ ఉంటుందా అనేది సందేహమే. ఐదేళ్లూ మన చుట్టూ ఏం జరుగుతుందో మనం అంతగా పట్టించుకున్నా పట్టించుకోకపోయినా.. పోలింగ్‌కు కొన్ని రోజుల ముందైనా సరే ఒక్కసారి మన చుట్టూ జరిగిన మంచీ చెడూ బేరీజు వేసుకుని మేనిఫెస్టోల్ని విశ్లేషించుకుని ఓటు తప్పకుండా వేయడం అవసరం. గెలుపోటముల గురించి పక్కన పెట్టేద్దాం. పోలింగ్‌ రోజున ఓటు మాత్రం తప్పకుండా వేద్దాం. – కార్తీక్‌, సినీనటుడు, కేరాఫ్‌ కంచరపాలెం ఫేం

శ్రీకాంత్ అడ్డాల ద‌ర్శ‌క‌త్వం వ‌హిస్తోన్న పెద‌కాపు ట్రైల‌ర్ తాజాగా రిలీజైంది. విలేజ్ బ్యాక్‌డ్రాప్‌లో ర‌స్టిక్‌గాకంప్లీట్‌ యాక్ష‌న్ సీక్వెన్స్‌ల‌తో ట్రైల‌ర్ సాగింది. కొత్త బంగారులోకం, సీతమ్మ వాకిట్లో సిరిమల్లె చెట్టు,నారప్ప లాంటి చిత్రాలతో మెప్పించిన దర్శకుడు శ్రీకాంత్‌ అడ్డాల.. చాలా రోజుల తర్వాత పెదకాపు 1 సినిమాతో వస్తున్నాడు. కొత్త హీరో విరాట్‌ కర్ణ,  ప్రగతి శ్రీవాత్సవ జంటగా నటించిన ఈ సినిమా ఈ నెల 29న ప్రేక్షకుల ముందుకు రానుంది. తాజాగా ఈ సినిమా ట్రైలర్‌ ఈవెంట్‌ కార్య​క్రమాన్ని హైదరాబాద్‌లో నిర్వహించారు. పెదకాపు సినిమా ట్రైలర్‌ చూస్తున్నంత సేపు ఎంతో ఆసక్తిని పెంచుతుంది. గ్రామీణ ప్రాంతాల్లో ఉండే రాజ‌కీయాలు, పార్టీగొడ‌వ‌ల్ని ట్రైల‌ర్‌లో చూపించారు. ఊరి పెద్ద‌ల్ని ఎదురించి హీరో విరాట్ క‌ర్ణ‌ పోరాడే సీన్స్‌ మెప్పిస్తాయి. ఇందులో డైరెక్ట‌ర్ శ్రీకాంత్ అడ్డాల కూడా న‌టుడిగా విలన్‌ పాత్రలో క‌నిపించి తెలుగు ఆడియెన్స్‌ను స‌ర్‌ప్రైజ్ చేశారు. ఈ సినిమా కోసం దర్శకుడిగా కొత్త ప్రయత్నం చేస్తున్న శ్రీకాంత్ మరో వైపు నటుడిగా కూడా ఓ టర్నింగ్ తీసుకోబోతున్నాడు.  ఈ సినిమాకు నటుడుగా ఎందుకు చేయాల్సి వచ్చిందో ఆయన ఇలా చెప్పాడు. నేను ఆ పాత్ర కోసం ముందుగా మలయాళ నటుడు శౌబిన్ షహిర్‌ను ఫైనల్ చేశాను. ఆయన కూడా ఆ రోల్‌లో నటించేందుకు అంగీకరించారు. తీరా షూటింగ్‌ స్పాట్‌కు వచ్చి చూస్తే ఏమైందో తెలియదు కానీ ఆయన షూట్‌కు రాలేదు. అప్పటికప్పుడు ఆర్టిస్టులను తీసుకొచ్చి ఏర్పాటు చేయడం కష్టం. మరోవైపు చాలా మంది ఆర్టిస్టులతో పాటు అన్నీ ఏర్పాట్లు చేశారు. అప్పుడు నా అసోసియేట్ కిషోరే ఆ కేరెక్టర్‌చేయమని నన్ను ఒప్పించాడు.' అని శ్రీకాంత్‌ చెప్పుకొచ్చాడు.  ఆ టైమ్‌లో ఆర్టిస్ట్ లేకపోవడంతో బలవంతంగా చేసినవే.. అందులో తన ప్రమేయం లేదని ఆయన వివరణ ఇచ్చాడు. 

విక్టరీ వెంకటేశ్‌ హీరోగా, సురేష్ ప్రొడక్షన్స్, వి క్రియేషన్స్ నిర్మాణంలో రూపొందిన చిత్రం 'నారప్ప'. శ్రీకాంత్ అడ్డాల దర్శకత్వం వహించిన ఈ మూవీ కరోనా పరిస్థితుల నేపథ్యంలో ఓటీటీలో విడుదలై బిగ్గెస్ట్ హిట్ ని అందుకుంది. అయితే 'నారప్ప' ని బిగ్ స్క్రీన్ పై చూడాలని ఆశపడ్డారు అభిమానులు. అందుకే విక్టరీ వెంకటేశ్‌ బర్త్ డే కానుకగా డిసెంబర్13న 'నారప్ప' చిత్రాన్ని రెండు తెలుగు రాష్ట్రాల థియేటర్స్ లో విడుదల చేస్తున్నారు. ఈ నేపథ్యంలో తాజాగా నిర్మాత సురేష్ బాబు విలేఖరుల సమావేశంలో మాట్లాడుతూ.. రీరిలీజ్‌ ద్వారా వచ్చే కలెక్షన్లలో ఒక్క పైసా కూడా తాము తీసుకోబోమని, అదంతా  చారిటీకి అందచేస్తామని చెప్పారు.  ‘డిసెంబర్13 వెంకటేష్ బర్త్ డే. ప్రస్తుతం బర్త్ డే రోజుల్లో అభిమానులు, ప్రేక్షకుల కోసం సినిమాలు రీరిలీజ్ ని ఒక ఈవెంట్ లా చేసి విడుదల చేయడం మంచి పరిణామం. ఈ నేపధ్యంలో ఏ సినిమా వేద్దామని ఆలోచిస్తుంటే అభిమానులు నారప్పని థియేటర్ లో  చూడాలని ఉందని కోరారు. దీంతో బర్త్ డే సందర్భంగా ఒక రోజు థియేటర్ లో వేస్తామని అమెజాన్ కి రిక్వెస్ట్ చేశాం. దానికి వారు అంగీకరించారు. ఒక్క రోజు మాత్రమే నారప్ప థియేటర్స్‌లో ప్రదర్శితమవుతుంది.  రెవెన్యూ గురించి ప్రస్తావన వచ్చినపుడు.. ఇందులో వచ్చే రెవెన్యూ మేము తీసుకోమని చెప్పాం. ఇందులోఎంత రెవెన్యూ వచ్చినా ఆ మొత్తాన్ని చారిటీకే ఇచ్చేస్తాం’ అన్నారు.

ప్రస్తుతం ఇండస్ట్రీలో రి రిలీజ్ ట్రెండ్ నడుస్తోంది. గతంలో సూపర్ హిట్‌గా నిలిచిన ఎంతో ప్రేక్షకాదరణ దక్కించుకున్న చిత్రాలను మరోసారి ప్రక్షకుల ముందుకు తీసుకువస్తున్నారు. స్టార్ హీరోస్ పుట్టినరోజు సందర్భంగా వారికి సంబంధించిన సినిమాలను ఫ్యాన్స్‌ కోసం రి రిలీజ్‌ చేస్తున్నారు. ఇప్పటికే మెగాస్టార్ చిరంజీవి, బాలకృష్ణ, మహేశ్‌ బాబు, ఎన్టీఆర్, ప్రభాస్ స్టార్స్ పుట్టినరోజు సందర్భంగా వారి హిట్ సినిమాలను రి రిలీజ్ చేశారు మేకర్స్. ఇప్పుడు తాజాగా విక్టరీ వెంకటేశ్‌ మూవీ కూడా థియేటర్లో సందడి చేయబోతోంది. ఆయన బర్త్‌డే సందర్భంగా దగ్గుబాటి ఫ్యాన్స్‌కు గుడ్‌న్యూస్‌ అందించింది సురేశ్‌ ప్రొడక్షన్స్‌. అయితే ఇటీవల వెంకటేశ్‌ నటించిన నారప్ప సినిమాను వెండితెరపై ఆవిష్కరించబోతున్నారు.  కరోనా, లాక్‌డౌన్‌ కారణంగా ఈ మూవీని ఓటీటీలో విడుదల చేశారు. స్టార్‌ హీరో అయిన వెంకటేశ్‌ మూవీ ఓటీటీలో రిలీజ్‌ కావడంతో ఫ్యాన్స్‌ అసహనం వ్యక్తం చేశారు. అంతేకాదే ఈ సినిమాను బిగ్‌స్క్రీన్‌పై చూడలేకపోయామనే నిరాశలో ఉండిపోయారు అభిమానులు. ఇప్పుడు వారి కోసం నారప్పు మూవీకి వెంకి బర్త్‌డే సందర్భంగా డిసెంబర్‌ 13న థియేటర్లోకి తీసుకువస్తున్నట్లు తాజాగా సురేశ్‌ ప్రొడక్షన్స్‌ ప్రకటించింది. అయితే ఒక్క రోజు మాత్రమే నారప్ప మూవీ థియేటర్లో సందడి చేయనుంది. కాగా నారప్ప మూవీకి ఓటీటీలో మంచి స్పందన వచ్చిన సంగతి తెలిసిందే. కాగా యాక్షన్ థ్రిల్లర్‌ జోనర్‌లో తెరకెక్కిన నారప్ప చిత్రంలో ప్రియమణి, కార్తీక్ ర‌త్నం, రాజీవ్ క‌న‌కాల, రావు రమేశ్‌, నాజర్‌, రాఖీ (నారప్ప చిన్న కుమారుడు)కీ రోల్స్ పోషించారు. నారప్ప చిత్రాన్ని కలైపులి యస్ థాను సమర్పణలో సురేశ్‌ ప్రొడక్షన్స్ – వీ క్రియేషన్స్ సంయుక్తంగా నిర్మించాయి. VICTORY @VenkyMama's Raging Blockbuster #Narappa is all set to release on Dec 13th (for only one day) across theatres in AP & Telangana!! 🔥🔥#NarappaInTheatres#Priyamani@KarthikRathnam3 #SrikanthAddala #ManiSharma @sureshprodns @theVcreations @PrimeVideoIN pic.twitter.com/Q4u4VeLQXs — Suresh Productions (@SureshProdns) December 6, 2022 చదవండి:  హీరోయిన్‌ అయితే అలాంటి పాత్రలు చేయొద్దా?: ట్రోలర్స్‌కు మృణాల్‌ ఘాటు రిప్లై అలా నేను సినిమాల్లోకి వచ్చాను: అక్కినేని అమల

నారప్ప నటుడు కార్తీక్‌ రత్నం త్వరలోనే ఓ ఇంటివాడు కాబోతున్నాడు. శనివారం ఆయన నిశ్వితార్ధం వైభవంగా జరిగింది. ఈ వేడుకకు ఇరు కుటుంబాలతో పాటు, సన్నిహితుల, సినీ ఇండస్ట్రీకి చెందిన పలువురు హాజరయ్యారు. ఈ సందర్భంగా కార్తీక్‌ రత్నం ఎంగేజ్‌మెంట్‌ ఫోటోలు సోషల్‌ మీడియాలో వైరల్‌గా మారాయి. అయితే ఆయన కాబోయే భార్య గురించి మరిన్ని వివరాలు తెలియాల్సి ఉంది. కాగా కేరాఫ్ కంచరపాలెం సినిమాతో ఇండస్ట్రీలోకి ఎంట్రీ ఇచ్చిని కార్తీక్‌ రత్నం నారప్ప సినిమాతో పాపులర్‌ అయ్యాడు. ఈ చిత్రంలో మునికన్నగా నటించి ప్రశంసలు అందుకున్నాడు. కనిపించే కాసేపు అయినా తన స్క్రీన్‌ ప్రెజన్స్‌తో ఆకట్టుకున్నాడు. రీసెంట్‌గా అర్థశతాబ్ధం సినిమాలో నటించాడు. 

భాష వేరు. కాని భావం ఒక్కటే. హీరో వేరు. కాని హీరోయిజం ఒక్కటే. అక్కడ హిట్‌ అయితే ఇక్కడ ఎందుకు కాదు. చలో... రీమేక్‌ చేద్దాం. కాని రీమేక్‌ అంత వీజీ కాదు. అది లైఫ్‌ ఇవ్వగలదు. ఫ్లాప్‌ చేయగలదు. కనెక్ట్‌ అయినవీ కానివీ వచ్చినవీ రాబోతున్నవీ ఈ సండే రోజున రీ విజిట్‌... బాలీవుడ్‌లో సూపర్‌ హిట్‌ అయిన ‘అంధాధున్‌’ తాజాగా అమేజాన్‌లో రిలీజ్‌ అయ్యింది. ఇది ఒక థ్రిల్లర్‌. అనూహ్యమైన మలుపులతో కథ సాగుతుంది. అందుకే దీనిని చాలామంది రీమేక్‌ చేయడానికి ఉత్సాహపడ్డారు. తెలుగులో నితిన్‌ హీరోగా మేర్లపాక గాంధీ రిమేక్‌ చేశారు. ఇక్కడే జటిలమైన సమస్య వస్తుంది. యథాతథం తీయాలా? ఏమైనా మార్పులు చేయాలా? చేస్తే నచ్చుతుందా... చేయకపోతే నచ్చుతుందా... యథాతథంగా తీస్తే కొత్తగా ఏం చేశారని అంటారు. మార్పులు చేస్తే సోల్‌ చెడగొట్టారని అంటారు. అందువల్ల కొందరు దర్శకులు రీమేక్‌ల జోలికి రారు. కొందరు సక్సెస్‌ఫుల్‌గా తీస్తారు. ‘అంధాధున్‌’ కథ హిందీలో గోవాలో నడుస్తుంది. రీమేక్‌లో ప్రారంభంలోనే గోవా అని వేస్తారు. గోవాలో తెలుగు కథ ఎందుకు జరుగుతుంది? వైజాగ్‌లో తీసి ఉంటే ఎలా ఉంటుంది? ప్రేక్షకులకు వచ్చే సందేహం. కథ కనెక్ట్‌ కావచ్చు. కాని ఈ రీమేక్‌లో నేటివిటి కనెక్ట్‌ అయ్యిందా అనేది సమస్య. ఇద్దరు దర్శకులు గతంలో రీమేక్‌ సినిమాల్లో ఇద్దరు దర్శకులు పేరు పొందారు. వారు కోడి రామకృష్ణ, రవిరాజా పినిశెట్టి. తమిళంలో భారతీరాజా తీసిన ఒక సినిమా బాగానే ఆడింది. దాని రైట్స్‌ నిర్మాత ఎస్‌.గోపాల్‌రెడ్డి కొన్నారు. కాని దర్శకుడు కోడి రామకృష్ణ దానిని యథాతథంగా తీస్తే ఫ్లాప్‌ అవుతుందని భావించి కథలో మార్పులు, యాస, స్థానికత మార్చారు. అదే ‘మంగమ్మ గారి మనవడు’. సూపర్‌హిట్‌ అయ్యింది. మరో హిట్‌ ‘ముద్దుల మావయ్య’ కూడా రీమేక్‌. కాని తమిళ సినిమా ‘అరువదై నాల్‌’ ఆధారంగా తీసిన ‘మువ్వ గోపాలుడు’ పూర్తిగా కనెక్ట్‌ కాలేదు. రీమేక్‌లలో కొన్ని ఎందుకు కనెక్ట్‌ అవుతాయో కొన్ని ఎందుకు కావో చెప్పలేము. తమిళంలో విసు తీసిన ‘అవళ్‌ సుమంళిదాన్‌’ సినిమాను రవిరాజా పినిశెట్టి ‘పుణ్యస్త్రీ’ పేరుతో మార్పుచేర్పులు చేసి సూపర్‌హిట్‌ చేశారు. రవిరాజా పినిశెట్టి ఇచ్చిన భారీ రీమేక్‌లలో ‘చంటి’, ‘పెదరాయుడు’ ఉన్నాయి. ఆ తర్వాతి కాలంలో భీమినేని శ్రీనివాసరావు ఈ పల్స్‌ పట్టుకున్న డైరెక్టర్‌గా పేరు పొందారు. గ్యారంటీ కథలు సినిమా కోట్ల రూపాయల వ్యవహారం. కథ విన్నప్పుడు అది తెర మీద ఎలా వస్తుందో ఎలా హిట్‌ అవుతుందో ఎవరూ ఊహించలేరు. విన్నప్పటి కథ చూసినప్పుడు తేలిపోయి భారీ ఫ్లాప్‌ కావచ్చు. అందుకే హీరోలు రీమేక్‌ల వైపు అప్పుడప్పుడు చూస్తుంటారు. ఎందుకంటే ఒక భాషలో హిట్‌ అయిన కథ మరో భాషలో హిట్‌ అవుతుందన్న ఒక గ్యారంటీతో. పైగా ఆ కథకు ఎంత ఖర్చు అవుతుందో, ఎన్ని రోజులు పడుతుందో కూడా తెలిసిపోతుంది. నాగార్జున ‘విక్రమ్‌’ (హిందీ ‘హీరో’) తో తెరంగేట్రం చేసినా వెంకటేశ్‌ కాలక్రమంలో రీమేక్‌ల మీదే పూర్తిగా దృష్టి పెట్టినా ఇదే కారణం. ఒక్కోసారి టాప్‌ హీరోలకు కూడా రీమేక్‌ల అవసరం ఏర్పడుతుంది. చిరంజీవికి ‘పసివాడి ప్రాణం’, ‘హిట్లర్‌’, ‘ఠాగూర్‌’, ‘ఖైదీ నంబర్‌ 150’ పెద్ద సక్సెస్‌ ఇచ్చాయి. ఇవి నాలుగూ రీమేకులే. ఇప్పుడు ఆయన మలయాళం హిట్‌ ‘లూసిఫర్‌’లో నటిస్తున్నారు. మోహన్‌బాబుకు మలయాళం నుంచి రీమేక్‌ చేసిన ‘అల్లుడు గారు’ బిగ్గెస్ట్‌ టర్నింగ్‌ పాయింట్‌ అయ్యింది. బి.గోపాల్‌ దర్శకుడిగా తీసిన ‘అసెంబ్లీ రౌడీ’ రీమేక్‌ ఆయనను కలెక్షన్‌ కింగ్‌ను చేసింది. కాని అదే బి.గోపాల్‌ వెంకటేశ్‌ హీరోగా చేసిన ‘చినరాయుడు’ రీమేక్‌ విఫలం అయ్యింది. ఆ సినిమాలోని తమిళదనం తెలుగుకు పడలేదు. తర్వాతి కాలంలో రాజశేఖర్‌ రీమేక్‌లకు కేరాఫ్‌గా మారాడు. అనూహ్య ఫలితాలు కచ్చితంగా హిట్‌ అవుతుందని రీమేక్‌ చేస్తే అనూహ్య ఫలితాలు వచ్చిన సందర్భాలు ఉన్నాయి. తమిళంలో సూపర్‌డూపర్‌ హిట్‌ అయిన ‘వాల్టర్‌ వెట్రివల్‌’ను చిరంజీవి, శ్రీదేవితో ‘ఎస్‌పి పరశురామ్‌’గా రీమేక్‌ చేస్తే భారీ పరాజయం నమోదు చేసింది. అలాగే హిందీలో భారీ హిట్‌ అయిన ‘లగేరహో మున్నాభాయ్‌’ తెలుగు రీమేక్‌ ‘శంకర్‌దాదా జిందాబాద్‌’ కనెక్ట్‌ కాలేదు. వెంకటేశ్‌ ‘జెమిని’ నిరాశ పరిచింది. నాగార్జున ‘చంద్రలేఖ’ అంతే. ‘బాజీగర్‌’ రీమేక్‌గా తీసిన రాజశేఖర్‌ ‘వేటగాడు’ పరాజయం పొందింది. తమిళంలో భారీ హిట్‌ అయిన ‘ఆటోగ్రాఫ్‌’ను రవితేజాతో ‘నా ఆటోగ్రాఫ్‌’ తీస్తే ప్రేక్షకులు తిరస్కరించారు. ఈ మధ్యకాలంలో తమిళం నుంచి రీమేక్‌ చేసిన వరుణ్‌ సందేశ్‌ ‘కుర్రాడు’, మనోజ్‌ మంచు ‘రాజూ భాయ్‌’, బెల్లంకొండ శ్రీనివాస్‌ ‘స్పీడున్నోడు’, సందీప్‌కిషన్‌ ‘రన్‌’, పవన్‌ కల్యాణ్‌ ‘కాటమరాయుడు’, విష్ణు మంచు ‘డైనమైట్‌’, అల్లరి నరేశ్‌ ‘సిల్లీ ఫెలోస్‌’ అంతగా మెచ్చుకోలు పొందలేదు. తమిళ ‘96’ తెలుగులో ‘జాను’గా వస్తే బాగుందని పేరు వచ్చినా జనం చూడలేదు. అందుకే రీమేక్‌లో తెలియని రిస్క్‌ ఉంటుందని అంటారు. కొనసాగుతున్న రీమేక్స్‌ అయినా సరే రీమేక్స్‌ కొనసాగుతూనే ఉన్నాయి. మొన్నటికి మొన్న ‘నారప్ప’ వచ్చింది. తాజాగా ‘మాస్ట్రో’ వచ్చింది. ‘ఉమామహ్వేర ఉగ్రరూపస్య’, ‘కపటధారి’, ‘తిమ్మరుసు’, ‘రాక్షసుడు’, ‘గద్దలకొండ గణేశ్‌’, ‘వకీల్‌సాబ్‌’... ఇవన్నీ రీమేక్స్‌ పట్ల ఆసక్తిని నిలిపి ఉంచాయి. మలయాళంలో హిట్‌ అయిన ‘లూసిఫర్‌’, ‘అయ్యప్పనమ్‌ కోషియం’ రీమేక్‌ అవుతున్నాయి. మరాఠిలో నానా పటేకర్‌ నటించగా పెద్ద హిట్‌ అయిన ‘నటసామ్రాట్‌’ తెలుగులో ప్రకాష్‌రాజ్‌ హీరోగా కృష్ణవంశీ దర్శకత్వంలో తయారవుతోంది. ‘దృశ్యం 2’ రానుంది. గోడకు బంగారు చేర్పు అవసరం. ఇక్కడ గోడ కథ. గోడ గట్టిగా ఉంటే బంగారానికి దాని మీద వాలే శక్తి పెరుగుతుంది. కథను బాగా రాయడం తెలిస్తే రీమేక్‌ల అవసరం ఉండదు. తెలుగులో గట్టి సినీ కథకులు ఉన్నారు. తెలుగు సినిమాలు పరాయి భాషలో రీమేక్‌ అవుతున్నాయి. మన రంగంలో ఇతరులకు కథలిచ్చేలా ఎక్కువగా, కథలు తీసుకునేలా తక్కువగా ఉండాలని కోరుకుందాం.   ‘

Suresh Productions Music: "నారప్ప" మూవీతో తొలిసారి మ్యూజిక్ ఇండస్ట్రీలోకి అడుగుపెట్టింది సురేష్ ప్రొడక్షన్స్. పారిస్‌కు చెందిన 'బిలీవ్' కంపెనీతో ఎస్‌పీ మ్యూజిక్ జత కట్టింది. వీరి భాగస్వామ్యంలో నారప్ప సినిమాలోని సంగీతాన్ని వరల్డ్ మ్యూజిక్ డయాస్‌పై బిలీవ్ ప్రమోట్  చేయనుంది. ప్రపంచంలో అతిపెద్ద డిజిటల్ మ్యూజిక్ కంపెనీ అయిన బిలీవ్‌కు దేశంలో పలు చోట్ల కార్యాలయాలు ఉన్నాయి. గతంలో 'బిలీవ్ ఇండియా' రానా దగ్గుబాటి సోషల్ మీడియా ప్లాట్‌ఫామ్‌ 'సౌత్ బే'తోనూ జట్టు కట్టింది. ఇప్పుడు తాజాగా బిలీవ్, ఎస్‌పీ మ్యూజిక్ భాగస్వామ్యంతో టాలీవుడ్ సంగీత ప్రపంచానికి కొత్త శకం మొదలైందని చెప్పొచ్చు. ఈ సందర్భంగా ఎస్‌పీ మ్యూజిక్ ఎండీ, నిర్మాత సురేష్ బాబు మాట్లాడుతూ.. 'బిలీవ్‌తో భాగస్వామి అవడం ఎస్‌పీ మ్యూజిక్‌కు ప్రారంభంలోనే దక్కిన గొప్ప అవకాశం. బిలీవ్‌కు ఉన్న ప్రపంచస్థాయి నెట్ వర్క్‌తో ఎస్‌పీ మ్యూజిక్ లేబుల్ ప్రపంచవ్యాప్తంగా ఉన్న సంగీతప్రియులకు చేరువవుతుందని ఆశిస్తున్నాం. నారప్పతో మొదలైన మా పార్టనర్ షిప్ మరెన్నో చిత్రాలతో కొనసాగాలని కోరుకుంటున్నా' అన్నారు. బిలీవ్ ఇండియా ఎండీ వివేక్ రైనా మాట్లాడుతూ సౌతిండియాలో దిగ్గజ ఫిల్మ్ ప్రొడక్షన్ కంపెనీ సురేష్ ప్రొడక్షన్‌గా భాగస్వామి అవడం ఎగ్జైటింగ్‌గా ఉందన్నాడు.

వెంకటేష్‌ నటించిన నారప్ప చిత్రం జూలై 20న అమెజాన్ ప్రైమ్ వీడియో లో విడుదల అయి, సర్వత్రా  పాజిటివ్‌ టాక్‌తో దూసుకుపోతోంది. తమిళంలో అఖండ విజయం సొంతం చేసుకున్న అసురన్‌కి రీమేక్‌ ఇది. ఇందులో వెంకీ నటన ఓ రేంజ్‌లో ఉందని అభిమానులు పండగ చేసుకుంటుండగా, మరోవైపు విమర్శకుల నుంచి సైతం నుంచి నారప్పకు ప్రశంసలు అందుతున్నాయి. ఈ నేపథ‍్యంలో ఇటీవల ఓటీటీలో విడుదలైన చిత్రాల జాబితాలో బిగ్గస్ట్‌ బ్లాక్‌ బస్టర్‌ దిశగా ఈ చిత్రం దూసుకుపోతోంది. తాజాగా ఈ చిత్రం చూసిన అనంతరం మెగాస్టార్ చిరంజీవి దీనిపై స్పందించారు. తమిళ రీమేక్‌ చిత్రాలు తెలుగులో విజయం సాధించడం అరుదనే చెప్పాలి. అందుకు ఇటీవల విడుదలైన ‘జాను’ సినిమానే ఉదాహరణ. అక్కడ అఖండ విజయం సొం‍త చేసుకున్న ‘96’ రీమేక్‌గా టాలీవుడ్‌ ప్రేక్షకుల ముందుకు వచ్చినా, అంతగా ఆకట్టుకోలేకపోయిందనే చెప్పాలి. కానీ వెంకీ ‘నారప్ప’ మాత్రం ఇందుకు భిన్నంగా తమిళంలో ఎంతటి విజయం సాధించిందో తెలుగులోను అదే రేంజ్‌ విజయం దిశగా దూసుకుపోతుంది. ఇప్పటికే సోషల్‌ మీడియాలో నారప్పలో వెంకీ నటనకు నెటిజన్లు కామెంట్లు, మీమ్స్‌తో ప్రశంసలు కురిపిస్తున్నారు. తాజాగా మెగాస్టార్‌ చిరంజీవి వెంకీ నటనను అభినందిస్తూ ఓ ఆడియోను సోషల్‌ మీడియాలో పోస్ట్‌ చేశారు.  ఆ పోస్ట్‌లో.. కంగ్రాట్స్, నారప్ప చిత్రాన్ని ఇప్పుడే చూశా. నటన పరంగా ఆ పాత్రలో పరకాయ ప్రవేశం చేసినట్టుంది. సినిమా చూస్తున్నంత సేపు ఎక్కడా వెంకటేష్ కనబడలేదు, నారప్పే కనిపించాడు. మొత్తానికి ఈ చిత్రంలో కొత్త వెంకటేష్ను చూపించావు. పాత్రను ఎంతగానో అర్థం చేసుకొన్నావ్‌, అందుకే అంతగా ఆ రోల్‌లో లీనమై నటించావు. నీలో ఉండే నటుడు ఎప్పుడూ ఒక తపన తో, తాపత్రయం తో ఉంటాడు. అలాంటి వాటికి ఈ చిత్రం మంచి ఉదాహరణ అని మెగాస్టార్‌ తెలిపారు. Its a moment of happiness listening to every word of your appreciation @KChiruTweets. Overwhelmed and humbled for your feedback on Narappa. Thank you Chiranjeevi 🤗 pic.twitter.com/mS18fzEgfD — Venkatesh Daggubati (@VenkyMama) July 23, 2021

ట్రాఫిక్‌ రూల్స్‌ సహా కరోనాపై ప్రజలకు అవగాహన కల్పించే కార్యక్రమాలు చేయడంలో సైబరాబాద్‌ పోలీసులు ఎప్పుడూ ముందుంటారు. ఇందుకోసం స్టార్‌ హీరో, హీరోయిన్ల సినిమా పోస్టర్‌, ఫేమస్‌ డైలాగులను వాడేస్తారు. ట్రెండ్‌ని ఫాలో అవుతూ తమదైన శైలీలో ప్రజలకు అవగాహన కల్పిస్తుంటారు. ముఖ్యంగా కరోనాపై అవగాహన కల్పించేందుకు సైబరాబాద్‌ పోలీసులు తీవ్రంగా కృషి​ చేస్తున్నారు. హైదరాబాద్‌లో  కరోనా పూర్తిగా తొలగి పోలేదని.. ఇంకా ఉందని.. అందరూ జాగ్రత్తగా కోవిడ్ నిబంధనలు పాటించాలని గుర్తు చేస్తున్నారు. మాస్కులు కచ్చితంగా ధరించాలని గుర్తు చేస్తున్నారు.  కరోనాపై అవగాహన కోసం తాజాగా  ‘నారప్ప’సినిమా డైలాగ్‌ని వాడేసుకున్నారు సైబరాబాద్‌ పోలీసులు. నారప్ప సినిమా పోస్టర్‌లోని వెంకటేష్ ముఖానికి మాస్క్ తగిలించి‘ఒక్క విషయం చెబుతాను బాగా గుర్తుపెట్టుకో సిన్నప్ప.. మాస్క్‌ పెట్టుకో సిన్నప్పా, కరోనా ఇంకా ముగిసిపోలేదు’అంటూ మీమ్‌ క్రియేట్‌ చేసి సోషల్‌ మీడియాలో వదిలారు. ప్రస్తుతం ఈ మీమ్‌ సోషల్‌ మీడియాలో తెగ వైరల్‌ అవుతోంది. విషయం ఏదైనా సరికొత్తగా చెప్పేందుకు ప్రయత్నిస్తారంటూ నెటిజన్లు సైబరాబాద్‌ పోలీసులపై ప్రశంసలు కురిపిస్తున్నారు.  కాగా, గతంలోనూ ఆర్ఆర్ఆర్ పోస్టర్ విడుద‌ల కాగా, బైక్‌పై ఎన్టీఆర్, రామ్ చ‌ర‌ణ్‌లు హెల్మెట్ లేకుండా ప్రయాణిస్తున్నారని.. వారి పోస్టర్‏కు హెల్మెట్ అమర్చి, ట్రాఫిక్‌ రూల్స్‌పై అవగాహన కల్పించారు.  Don't forget your mask. COVID-19 is still awake. #Narappa Always #WearAMask when stepping out. #StaySafe #covid19 #MaskUpIndia pic.twitter.com/S3eEoquPCn — Cyberabad Police (@cyberabadpolice) July 22, 2021

ఒరిజినల్‌ కథ అయినా, రీమేక్‌ కంటెంట్‌ అయినా హీరో వెంకటేశ్‌ విజృంభిస్తాడు. ఎలాంటి పాత్ర అయినా సరే అందులో ఒదిగిపోయి తన నటనతో, డైలాగులతో ప్రేక్షకులకు కనులవిందు చేస్తాడు. ఇటీవలే వచ్చిన నారప్పలోనూ అమోఘంగా నటించి అందరిచేత ప్రశంసలు అందుకున్నాడు వెంకీ మామ. అయితే ఓటీటీ వద్దు థియేటరే ముద్దు అంటూ టాలీవుడ్‌లో చర్చ జరుగుతున్న సమయంలో పెద్ద సినిమా నారప్ప ఓటీటీలో రిలీజై అందరికీ షాకిచ్చింది. అయితే ఇది కావాలని తీసుకున్న నిర్ణయం కాదని, కొన్ని అనుకోని పరిస్థితుల వల్ల నారప్ప ఓటీటీలో రిలీజ్‌ చేశామని దర్శకుడు శ్రీకాంత్‌ అడ్డాల, నిర్మాతలు సురేశ్‌బాబు, కలైపులి థాను మీడియాకు వెల్లడించారు. ఇదలా వుంచితే ఇంతకీ అమెజాన్‌ ప్రైమ్‌ నారప్ప సినిమాను ఎన్ని కోట్లకు సొంతం చేసుకుంది? నిర్మాతలకు ఎంత లాభం దక్కిందన్నది టాలీవుడ్‌లో ఆసక్తికరంగా మారింది. తమిళ అసురన్‌కు రీమేక్‌గా వచ్చిన నారప్ప సినిమాను ప్రముఖ ఓటీటీ ప్లాట్‌ఫామ్‌ అమెజాన్‌ ప్రైమ్‌ దక్కించుకున్న విషయం తెలిసిందే. ఇది సుమారు రూ.40 కోట్లు ముట్టజెప్పి ఈ సినిమాను సొంతం చేసుకుందట. దీని ప్రకారం ఈ డీల్‌ ద్వారా నిర్మాతలకు సుమారు రూ.17 కోట్ల మేర లాభం వచ్చినట్లు తెలుస్తోంది. మరోవైపు సురేశ్‌బాబు వెంకటేశ్‌ నటించిన మరో రీమేక్‌ దృశ్యం 2ను వీలైనంత త్వరగా రిలీజ్‌ చేయాలని చూస్తున్నాడు. మరి ఇది కూడా ఓటీటీలోనే వస్తుందా? లేదా థియేటర్లలో రిలీజ్‌ అవుతుందా? చూడాలి.

Narappa Movie Actress Ammu Abhirami: తెలుగులో పెద్ద సినిమా రిలీజై నెలలు గడుస్తోంది. అడపాదడపా చిన్న, మధ్య తరహా సినిమాలు ఓటీటీలోనే రిలీజ్‌ అవుతుండగా తాజాగా ఓ భారీ చిత్రం కూడా డిజిటల్‌ ప్లాట్‌ఫామ్‌లో విడుదలైంది. విక్టరీ వెంకటేశ్‌ ప్రధాన పాత్రల్లో నటించిన నారప్ప సినిమా నేటి(జూలై 20) నుంచి అమెజాన్‌ ప్రైమ్‌లో స్ట్రీమింగ్‌ కానుంది. ఇది తమిళ హీరో ధనుష్ నటించిన అసురన్‌కు రీమేక్‌ అన్న విషయం మనందరికీ తెలిసిందే. అయితే అసురన్‌లో మరియమ్మలా, నారప్పలో కన్నమ్మలా ఇద్దరు హీరోలతో ఆడిపాడిన ఈ నటి అందరినీ తెగ అట్రాక్ట్‌ చేస్తోంది. దీంతో ప్రేక్షకులు ఈ నటి ఎవరంటూ గూగుల్‌లో తెగ సెర్చ్‌ చేస్తున్నారు. 'నారప్ప' సినిమాలోని ఫ్లాష్‌బ్యాక్‌లో వెంకటేశ్‌ ప్రేయసిగా కనిపించే ఈమె పేరు అమ్ము అభిరామి. చెన్నైలో పుట్టి పెరిగిన ఆమె చదువుకునే రోజుల్లో నుంచే సినిమాల్లో నటించింది. 2017లో వచ్చిన విజయ్‌ 'భైరవ' సినిమాలో మెడికల్‌ కాలేజీ స్టూడెంట్‌గా కనిపించింది. ఆ మరుసటి ఏడాది తమిళ 'రాచ్చసన్‌', తెలుగు 'రాక్షసుడు' చిత్రాల్లో హీరో మేనకోడలి పాత్ర పోషించి గుర్తింపు తెచ్చుకుంది. ఈ ఏడాది ప్రారంభంలో వచ్చిన ఎఫ్‌సీయూకే(ఫాదర్‌ ఆఫ్‌ చిట్టి ఉమా కార్తీక్‌)లోనూ ఉమ పాత్రలో అలరించింది. చూస్తుంటే అమ్మూకు టాలీవుడ్‌, కోలీవుడ్‌లో అవకాశాలు బాగానే వస్తున్నట్లు కనిపిస్తోంది. ప్రస్తుతం ఈ ముద్దుగుమ్మ మణిరత్నం తెరకెక్కిస్తున్న నవరస సినిమాలో ప్రాధాన్యం ఉన్న పాత్రలో నటిస్తోంది.

టైటిల్‌ : నారప్ప జానర్ : యాక్షన్‌ డ్రామా నటీనటులు : వెంకటేశ్‌, ప్రియమణి, కార్తీక్‌ రత్నం, రావు రమేశ్‌, నాజర్‌, రాజీవ్‌ కనకాల తదితరులు నిర్మాణ సంస్థ :  సురేశ్‌ ప్రొడక్షన్స్‌, వీ క్రియేషన్స్ నిర్మాతలు :  సురేశ్‌ బాబు, కలైపులి ఎస్‌. థాను కథ: వెట్రిమారన్‌ దర్శకత్వం : శ్రీకాంత్‌ అడ్డాల సంగీతం :  మణిశర్మ సినిమాటోగ్రఫీ : శ్యామ్ కె నాయుడు ఎడిటర్‌ : మార్తాండ్ కె. వెంకటేష్‌ విడుదల తేది : జూలై(20), 2021(అమెజాన్‌ ప్రైమ్‌ వీడియో) టాలీవుడ్‌లో రీమేక్‌ సినిమాలు అంటే అందరికీ గుర్తొచ్చే హీరో విక్టరీ వెంకటేశ్‌. ఒక విధంగా చెప్పాలంటే ఇతర భాషల్లో ఒక సినిమా హిట్‌ అయిందంటే.. ఆ మూవీని వెంకీమామ తెలుగులో రీమేక్‌ చేస్తారా? అనే చర్చలు మొదలవుతాయి. వెంకటేశ్‌ నేరుగా చేసిన సినిమాలకు సమానంగా రీమేక్‌ మూవీలు చేశాడని చెప్పొచ్చు. అపజయాలతో కెరీర్‌ ఒడిదుడుకుల్లో ఉన్నప్పుడు ఆయన్ని నిలబెట్టింది కూడా రీమేక్‌లే కావడం విశేషం. అయితే.. ఇతర భాషల్లో హిట్టైన ప్రతి సినిమాను వెంకీ రీమేక్‌ చేయడు. తనకు సూట్‌ అయ్యే కథలనే ఎంచుకుంటాడు. ఆ పాత్రలో పరకాయ ప్రవేశం చేసి మాతృక సినిమాను మర్చిపోయేలా చేస్తాడు. అదే వెంకీ మామ స్టైల్‌. ఆయన తాజాగా రీమేక్‌ చేసిన చిత్రం ‘నారప్ప’. తమిళంలో ఘనవిజయం సాధించి హీరో ధనుష్‌కు జాతీయ పురస్కారం కూడా తెచ్చి పెట్టిన ‘అసురన్‌’కి రీమేక్‌ ఇది. శ్రీకాంత్‌ అడ్డాల దర్శకత్వం వహించిన ‘నారప్ప’ఈ ఏడాది మే 14న థియేటర్లలో విడుదల కావాల్సింది. కానీ కరోనా కారణంగా వాయిదా పడింది. ప్రస్తుతం పరిస్థితులు అనుకూలించకపోవడంతో మంగళవారం(జూలై 20) ప్రముఖ ఓటీటీ ‘అమెజాన్ ప్రైమ్ వీడియో’లో విడుదలైంది. టీజర్‌, ట్రైలర్‌కు పాజిటివ్‌ రెస్పాన్స్‌ రావడంతో పాటు మూవీ ప్రమోషన్స్‌ గ్రాండ్‌గా చేయడంతో ఈ సినిమాపై భారీ అంచనాలు ఏర్పడ్డాయి. మరి ఆ అంచనాలు ‘నారప్ప’ ఏ మేరకు అందుకున్నాడు? ధనుష్ కెరీర్‌లో బెస్ట్ మూవీగా నిలిచిన ‘అసురన్‌’ రీమేక్‌ వెంకీకి  ప్లస్సా.. మైనస్సా? రివ్యూలో చూద్దాం. కథ అనంతపురం జిల్లా రామసాగరం గ్రామానికి చెందిన నారప్ప(వెంకటేశ్‌) కుటుంబానికి, పక్కగ్రామం సిరిపికి చెందిన భూస్వామి పండుస్వామికి భూ తగాదా చోటుచేసుకుంటుంది. నారప్పకు చెందిన మూడు ఎకరాల భూమిని బలవంతంగా కొనేందుకు ప్రయత్నిస్తాడు పండుస్వామి. అతని ప్రయత్నాలను తిప్పికొడతాడు నారప్ప పెద్దకొడుకు మునిఖన్నా(కార్తీక్‌ రత్నం). పండుస్వామి మనుషులతో బహిరంగంగానే గొడవకు దిగుతాడు. అంతేకాదు ఒక సందర్భంలో పండుస్వామిని చెప్పుతో కొట్టి అవమానిస్తాడు. దీంతో పగ పెంచుకున్న పండుస్వామి.. తన మనుషులతో మునిఖన్నాని హత్య చేయిస్తాడు. అయినా కూడా నారప్ప ఎదురుతిరగడు. పెళ్లి వయసుకు వచ్చిన కొడుకు చనిపోవడాన్ని నారప్ప భార్య సుందరమ్మ (ప్రియమణి) జీర్ణించుకోలేకపోతుంది. నిత్యం కొడుకుని తలుచుకుంటూ బాధ పడుతుంది. తల్లి బాధ చూడలేక నారప్ప రెండో కుమారుడు సిన్నప్ప(రాఖీ) పండుస్వామిని చంపేస్తాడు. దీంతో సిన్నప్ప ప్రాణాలను కాపాడేందుకు నారప్ప కుటుంబం గ్రామాన్ని వదిలివెళ్తుంది. ఈ క్రమంలో వారికి ఎదురైన సమస్యలేంటి? తన చిన్న కుమారుడి ప్రాణాలను దక్కించుకోవడానికి నారప్ప ఏం చేశాడు? పెద్ద కొడుకు హత్యకు గురైనా నారప్ప ఎందుకు సహనంగా ఉన్నాడు? అసలు నారప్ప గతం ఏంటి? చివరకు నారప్ప తన రెండో కొడుకును కాపాడుకున్నాడా? లేదా? అనేదే మిగతా కథ.  నటీనటులు ఎలాంటి పాత్రలోనైనా అవలీలగా పరకాయ ప్రవేశం చేసి మెప్పించగలిగే వెంకీ.. ‘నారప్ప’గా అదరగొట్టేశాడు. ఇద్దరు పిల్లల తండ్రిగా, మధ్య వయస్కుడిగా అద్భుతంగా నటించాడు. వెంకీ డైలాగులు, స్టైల్‌, మేన‌రిజ‌మ్‌, లుక్స్ అన్నీఈ చిత్రానికి మేజర్‌ హైలైట్‌ అని చెప్పొచ్చు. ఎమోషనల్ సీన్స్‌లో వెంకటేశ్‌ కంటతడి పెట్టించాడు. ముఖ్యంగా కుమారుడు చనిపోయిన సీన్‌, గ్రామ ప్రజల కాళ్లు మొక్కిన సీన్లలో జీవించేశాడు.  నారప్ప భార్య సుందరమ్మ పాత్రలో ప్రియమణి ఒదిగిపోయింది.  తమిళంలో మంజు వారియర్‌ చేసిన పాత్ర ఆమెది. నారప్ప పెద్ద కొడుకు పాత్రలో కార్తీక్‌ రత్నం మెప్పించాడు. తెరపై కనిపించేది కొద్ది నిమిషాలే అయినా తనదైన ముద్ర వేశాడు. లాయర్‌ పాత్రలో రావు రమేశ్‌, బసవయ్య పాత్రలో రాజీవ్‌ కనకాల ఎప్పటిమాదిరే జీవించేశారు. అమ్ము అభిరామి, నాజర్‌ తదితరులు తమ పాత్రల పరిధి మేర నటించారు.  విశ్లేషణ వెట్రిమారన్ దర్శకత్వంలో వచ్చిన ‘అసురన్’ మూవీ ఎంత సూపర్ హిట్ అయిందో తెలిసిందే. చాలా తక్కువ బడ్జెట్‌తో వచ్చిన ఈ సినిమా ధనుష్ కెరీర్‌లో బెస్ట్ మూవీగా నిలిచింది. ఈ మూవీ తెలుగు రీమేకే ‘నారప్ప’. అయితే ఒక భాషలో హిట్‌ అయిన చిత్రం.. ఇతర భాషల్లో రీమేక్ అవ్వడం సర్వసాధారణం. మూలకథని తీసుకొని మన నేటివిటీకి తగ్గట్లు మార్చి రీమేక్ చేస్తారు. నారప్ప విషయంలో అలాంటి ప్రయోగాల వైపు వెళ్లలేదు. కాస్టింగ్ మినహా యాక్షన్ ఎపిసోడ్స్, డైలాగ్స్‌తో సహా అసురన్ సినిమా నుంచి అంతా కాపీ పేస్ట్ చేసినవే. కథలోని పాత్రలను ఏమాత్రం మార్చకుండా ఎమోషన్స్‌ పండించడంలో దర్శకుడు శ్రీకాంత్‌ అడ్డాల కొంతమేర సఫలం అయ్యాడు. ఒకప్పుడు నిమ్న-అగ్ర వర్ణాల మధ్య ఉన్న భేదాలను కళ్లకు కట్టినట్టు చూపించాడు. ‘వాళ్లను ఎదిరించడానికి అది ఒక్కటే దారి కాదు. మన దగ్గర భూమి ఉంటే తీసేసుకుంటారు. డబ్బు ఉంటే లాగేసుకుంటారు. కానీ చదువును మాత్రం మన దగ్గర నుంచి ఎవ్వరూ తీసుకోలేరు చిన్నప్ప’ లాంటి డైలాగ్‌తో సమాజానికి మంచి సందేశాన్ని కూడా ఇచ్చాడు. ఇక మణిశర్మ అందించిన నేపథ్య సంగీతం, శ్యామ్ కె నాయుడు సినిమాటోగ్రఫీ బాగుంది.  అసలు అసురన్‌తో పోల్చకుండా ఒక కొత్త కథగా చూస్తే మాత్రం నారప్ప తప్పకుండా తెలుగు ఆడియన్స్‌ను మెప్పించే సినిమానే.  అయితే ఓటీటీల పుణ్యమాని అసురన్ మూవీని చాలా మందే చూశారు. సో నారప్పని అసురన్‌తో తప్పకుండా పోల్చి చూస్తారు. మొదటిసారి చూసే ప్రేక్షకులను మాత్రం ‘నారప్ప’ పక్కా థ్రిల్‌ చేస్తాడు.  - అంజి శెట్టె, సాక్షి వెబ్‌డెస్క్‌

ఇప్పుడు ఎక్కడ చూసినా ఓటీటీ పేరే వినిపిస్తోంది. థియేటర్లు ఇంకా తెర తీయకపోడంతో జనాలు ఎంటర్‌టైన్‌మెంట్‌ కోసం దీన్నే నమ్ముకుంటున్నారు. ఇక బుల్లితెర మీద ప్రసారమయ్యే సీరియళ్లు కూడా కొన్ని గంటల ముందే ఓటీటీలో రెడీగా ఉండటంతో టీవీ ఆడియన్స్‌ కూడా ఈ డిజిటల్‌ స్ట్రీమింగ్‌ ప్లాట్‌ఫామ్స్‌కు జై కొడుతున్నారు. అటు సినిమాలు కూడా దీంట్లోనే రిలీజ్‌ అవుతుండటంతో సినీ ప్రియులు కూడా ఓటీటీనే ఆదరిస్తున్నారు. ఈ క్రమంలో ప్రతివారం కొత్త సరుకును దింపుతూ ప్రేక్షకులను అలరిస్తున్నాయి. మరి ఈ వారం ఏయే సినిమాలు, వెబ్‌ సిరీస్‌లు స్ట్రీమింగ్‌కు రెడీ అయ్యాయో చూసేద్దాం.. నారప్ప శ్రీకాంత్‌ అడ్డాల దర్శకత్వం వహించిన ఈ చిత్రంలో విక్టరీ వెంకటేశ్‌ హీరోగా నటించాడు. వెంకటేశ్‌, ప్రియమమణి, కార్తీకర్‌ రత్నం, వశిష్ట సింహ ముఖ్య పాత్రల్లో నటించారు. తమిళంలో ధనుష్‌ నటించిన అసురన్‌కు రీమేక్‌గా వచ్చిందీ చిత్రం. ఇది జూలై 20న అమెజాన్‌ ప్రైమ్‌లో విడుదలవుతోంది. సార్‌పట్ట యంగ్‌ హీరో ఆర్య ప్రధాన పాత్రలో నటించిన సినిమా సార్‌పట్ట. పా రంజిత్‌ దర్శకత్వం వహించిన ఈ పీరియాడికల్‌ చిత్రం కరోనా కారణంగా ఓటీటీ బాట పట్టింది. ఇది ఈ నెల 22న తెలుగు, తమిళ భాషల్లో అమెజాన్‌ ప్రైమ్‌లో రిలీజ్‌ ​కానుంది. సంతోష్‌ నారాయణన్‌ సంగీతం అందించాడు. ఇక్కత్‌ నాగభూషణ్‌, భూమి శెట్టి, సుందర్‌ ముఖ్య పాత్రలు పోషించిన సినిమా ఇక్కత్‌. విడాకులు తీసుకోవాల్సిన జంట అనుకోని కారణాల వల్ల ఒకే ఇంట్లో ఉండాల్సి వస్తుంది. మరి ఆ సమయంలో వీరిద్దరి మధ్య ఏం జరిగింది? అనేదే ఇక్కత్‌. ఈ కన్నడ చిత్రం ఈ నెల 21 నుంచి అమెజాన్‌ ప్రైమ్‌లో ప్రసారం కానుంది. 14 ఫెరే విక్రాంత్‌ మాస్సే, కృతి కర్బందా జంటగా నటించిన సినిమా 14 ఫెరే. దేవన్షు సింగ్‌ డైరెక్టర్‌.  ఇంట్లో వాళ్లను ఒప్పించి పెళ్లి చేసుకోవాలనుకుంటుంది ఓ ప్రేమజంట. ఈ క్రమంలో వారు పడే పాట్లు కామెడీగా ఉంటాయట. ఈ చిత్రం జూలై 23 నుంచి జీ 5లో అందుబాటులోకి రానుంది. ఫీల్స్‌ లైక్‌ ఇష్క్‌ ఆరుగురు డైరెక్టర్లు ఆరు కథలను అందించిన వెబ్‌ సిరీస్‌ ఫీల్స్‌ లైక్‌ ఇష్క్‌. ఇది జూలై 23 నుంచి నెట్‌ఫ్లిక్స్‌లో స్ట్రీమింగ్‌ కానుంది. హంగామా 2 2003లో వచ్చిన హిట్‌ చిత్రం హంగామాకు సీక్వెల్‌గా వస్తోంది "హంగామా 2".  13 ఏళ్ల తర్వాత శిల్పాశెట్టి ఈ సినిమా ద్వారా రీఎంట్రీ ఇస్తోంది. ఇది హాట్‌స్టార్‌లో జూలై 23న రిలీజ్‌ అవుతోంది. వీటితోపాటు కింది సినిమాలు, వెబ్‌సిరీస్‌లు కూడా ప్రసారం కానున్నాయి.. ♦ ద లాస్ట్‌ లెటర్‌ ఫ్రమ్‌ యువర్‌ లవర్‌ (జూలై 23, నెట్‌ఫ్లిక్స్‌) ♦ హాస్టల్‌ డేస్‌ సీజన్‌ 2 (జూలై 23, అమెజాన్‌ ప్రైమ్‌) ♦ కింగ్‌డమ్‌: అషైన్‌ ఆఫ్‌ ద నార్త్‌ (జూలై 24, నెట్‌ఫ్లిక్స్‌) ♦ స్కై రోజో సీజన్‌ 2( జూలై 24, నెట్‌ఫ్లిక్స్‌)

Srikanth Addala About Narappa: నారప్ప.. మే 14న థియేటర్లలో రిలీజ్‌ కావాల్సిన ఈ చిత్రం కరోనా పరిస్థితుల వల్ల వాయిదా పడింది. అయితే ఇప్పుడప్పుడే పరిస్థితులు చక్కబడేలా కనిపించకపోవడంతో నారప్ప ఓటీటీ బాట పట్టింది. రేపటి (జూలై 20) నుంచి అమెజాన్‌ ప్రైమ్‌లో ప్రసారం కానుంది. ఈ సందర్భంగా శ్రీకాంత్‌ అడ్డాల మీడియాతో ముచ్చటించాడు. ఈ సినిమా విశేషాలను, డిజిటల్‌ స్ట్రీమింగ్‌కు గల కారణాలను వెల్లడించాడు. 'అసురన్‌ రీమేక్‌ తీయాలని సురేశ్‌ బాబు ఫిక్సయ్యారు, రీమేక్‌ రైట్స్‌ కూడా కొనుక్కున్నారు. అప్పుడే నేను కూడా ఈ సినిమా చేస్తానని చెప్పడంతో డైరెక్టర్‌గా నాకీ అవకాశమిచ్చారు. ఈ జానర్‌ను టచ్‌ చేయడం నాకు చాలా ఎగ్జైటింగ్‌గా అనిపించింది. ఈ సినిమా కోసం వెంకటేశ్‌ చాలా కష్టపడ్డాడు. పాత్రలో పరకాయ ప్రవేశం చేశాడు. కొన్ని సీన్లలో ఆయన జీవించడాన్ని చూసి సెట్‌లో నాకు నోట మాటలు రాలేవు. ఆయనకు జోడీగా ప్రియమణి అయితే బాగుండనిపించి ఆమెను సెలక్ట్‌ చేశాం. ఈ సినిమా కోసం సుమారు 58 రోజులు నాన్‌స్టాప్‌గా షూటింగ్‌ జరిపాం, చివరి ఐదు రోజులైతే బ్రేక్‌ ఇవ్వమని యూనిట్‌ అంతా అడిగింది, కానీ కుదరదన్నాం. అంత కష్టపడి తీసిన సినిమా ఓటీటీలో రిలీజ్‌ అవడం మాకూ బాధగానే అనిపించింది. పైగా పెద్ద సినిమా కావడంతో మొదటి నుంచీ థియేటర్లలోనే రిలీజ్‌ చేద్దామనుకున్నాం. కానీ అనుకోని పరిస్థితుల వల్ల ఓటీటీకి వెళ్లక తప్పలేదు. దీనివల్ల హీరో వెంకటేశ్‌ కూడా నిరాశ చెందాడు' అని శ్రీకాంత్‌ అడ్డాల చెప్పుకొచ్చాడు. కాగా తమిళ బ్లాక్‌బస్టర్‌ మూవీ 'అసురన్‌'కు రీమేక్‌గా నారప్ప తెరకెక్కిన విషయం తెలిసిందే. ఇందులో వెంకటేశ్‌, ప్రియమమణి, కార్తీకర్‌ రత్నం, వశిష్ట సింహ ముఖ్య పాత్రల్లో నటించారు. సురేశ్‌ బాబు, కలైపులి థాను నిర్మించారు.

విక్టరీ వెంకటేశ్‌ హీరోగా నటించిన తాజా చిత్రం ‘నారప్ప’. తమిళ సినిమా అసురన్‌కి రీమేక్‌ ఇది.  శ్రీకాంత్‌ అడ్డాల దర్శకత్వం వహించిన ఈ చిత్రాన్ని సురేశ్‌ బాబు, కలైపులి ఎస్‌. థాను సంయుక్తంగా నిర్మించారు. ప్రియమణి హీరోయిన్‌గా నటిస్తోంది. జూలై 20న ఈ చిత్రం ప్రముఖ ఓటీటీ అమెజాన్‌ ప్రైమ్‌ వీడియోలో స్రీమింగ్‌ కానుంది. ఈ సందర్భంగా చిత్ర నిర్మాత సురేశ్‌ బాబు మీడియాతో మాట్లాడుతూ.. ‘నారప్ప’షూటింగ్‌ అనుభవాలను పంచుకున్నాడు.  ‘కరోనా కారణంగా భయం, భయంగానే ‘నారప్ప’షూటింగ్‌ చేశాం. మొదట తమిళనాడు షూటింగ్ చేస్తున్న సమయంలో 6 కిలో మీటర్ల దూరంలో రెండు పాజిటివ్ కేసులు నమోదైనట్లు న్యూస్ రాగానే భయంతో అక్కడి నుంచి షూటింగ్ క్యాన్సిల్ చేసుకొని పారిపోయాం. ఫస్ట్‌ వేవ్‌లో రెండు మూడు కేసులు వస్తేనే చాలా భయపడిపోయి షూటింగ్‌ని రద్దు చేసుకున్నాం. కానీ సెకండ్‌ వేవ్‌లో వేల సంఖ్యలో కోవిడ్‌ పాజిటివ్‌ కేసులు వచ్చినా పెద్దగా కంగారు పడలేదు. కానీ చాలా జాగ్రత్తలు తీసుకొని షూటింగ్‌ని పూర్తి చేశాం.‘నారప్ప’నాన్‌ షూటింగ్‌ టైమ్‌లో ఈ సినిమాకు సంబంధించిన నలుగురు చనిపోయారు. జాగ్రత్తలు తీసుకోకపోవడం వల్లే ప్రాణాలు పొగొట్టుకోవాల్సివస్తుంది’అని సురేశ్‌ బాబు ఆవేదన వ్యక్తం చేశారు.  వెంకటేశ్‌ సిన్సియర్‌గా వర్క్‌ చేశాడు ‘నారప్ప’ లాంటి కథలను ఎవరూ వెంకటేశ్‌ కోసం రాయరు. ఈ సినిమాలో వెట్రిమారన్‌ స్టైల్‌ నాకు నచ్చింది. మాస్‌ ఎలిమెంట్స్‌తో పాటు భారీ ఫ్యామిలీఎమోషన్స్, సామాజిక అంశాలు ఉన్నాయి. సో.. ఈ సినిమా వర్కౌట్‌ అవుతుందని అనిపించింది. యాక్టర్‌గా వెంకటేశ్‌ చాలా బాగా చేశాడు. ఇంట్రవెల్‌కు ముందు ఇసకలో ఓ యాక్షన్‌ సీక్వెన్స్‌తీశాం. అది చాలా కష్టం. వెంకటేశ్‌ అయితే చాలా సిన్సియర్‌గా వర్క్‌ చేశాడు. ఎప్పుడు నారప్ప గెటప్‌లోనే కనిపించారు. బ్యాలెన్స్‌ షూట్‌ కోసం మెంటల్‌గా ప్రిపేర్‌ అయ్యాడు. నారప్ప సినిమా రైట్స్‌ తీసుకున్న తర్వాత శ్రీకాంత్‌ అడ్డాల ఓ సారి వచ్చి ఓ కథ చెప్పారు. ఆ తర్వాత నారప్ప సినిమా గురించి మాట్లాడుకున్నాం. శ్రీకాంత్‌ అడ్డాల డైరెక్ట్‌ చేస్తానన్నారు. చాలా బాగా తెరకెక్కించారు’అని సురేశ్‌ బాబు అన్నారు.

‘నారప్ప’ఓటీటీలో విడుదల చేయడం పట్ల వెంకటేశ్‌ చాలా ఫీలయ్యారని, కానీ తప్పనిసరి పరిస్థితుల్లో అలా చేయాల్సివచ్చిందని నిర్మాత సురేశ్‌ బాబు అన్నారు.  విక్టరీ వెంకటేశ్‌ ప్రధాన పాత్రలో నటించిన చిత్రం ‘నారప్ప’.శ్రీకాంత్‌ అడ్డాల దర్శకత్వం వహించిన ఈ చిత్రాన్ని సురేశ్‌ బాబు, కలైపులి ఎస్‌. థాను సంయుక్తంగా నిర్మించారు. ప్రియమణి హీరోయిన్‌గా నటిస్తోంది. జూలై 20న ఈ చిత్రం ప్రముఖ ఓటీటీ అమెజాన్‌ ప్రైమ్‌ వీడియోలో స్రీమింగ్‌ కానుంది.  ప్రస్తుతం ‘నారప్ప’ యూనిట్‌ ప్రమోషన్‌లో బిజీగా ఉన్నారు. ఆదివారం సురేశ్‌ బాబు మీడియాతో మాట్లాడుతూ.. ‘మా సొంత బ్యానర్ సురేష్ ప్రొడక్షన్‏లో సినిమాలు నా నిర్ణయం మేరకే విడుదలవుతాయి. కానీ నారప్ప మేము మాత్రమే నిర్మించలేదు. నాతోపాటు.. ఎస్.థామస్ కూడా ఈ సినిమాకు నిర్మాత. గత అనుభవాలను దృష్టిలో పెట్టుకుని నిర్మాత ఎస్.థామస్ నారప్ప సినిమాను అమెజాన్ ప్రైమ్ వేదికగా ప్రేక్షకులకు చేరువ చేయాలని భావించారు. కరోనా థార్డ్ వేవ్ దృష్ట్యా ఎవరూ నష్టపోకూడదనే ఈ నిర్ణయానికి వచ్చాం. ఎగ్జిబిటర్లకు నాపై అసంతృప్తి ఉండడంలో న్యాయం ఉంది. కానీ, ప్రస్తుతం ఉన్న పరిస్థితుల్లో మన కుటుంబసభ్యుల్నే థియేటర్‌కు పంపించడం లేదు. అలాంటిది ప్రేక్షకుల్ని థియేటర్లకు రమ్మని అడగడం న్యాయమా? తన సినిమాని ఎలాగైనా ప్రజలకు చేరువ చేసేందుకు నిర్మాత కష్టపడతాడు. భవిష్యత్తు ఓటీటీదే కావొచ్చు కానీ థియేటర్లు కూడా ఉంటాయి’అని సురేశ్‌ బాబు అన్నారు. 

చెన్నై: అగ్రకథానాయకుడు వెంకటేష్‌ తాజా చిత్రం నారప్ప. సురేష్‌బాబు, కలైపులి ఎస్‌.థాను సంయుక్తంగా ఈ చిత్రాన్ని నిర్మిస్తున్నారు. మే 14వ తేదీ థియేటర్లలో విడుదల చేయాలని భావించినా కరోనా పరిస్థితుల్లో సాధ్యపడలేదు. సినిమాను ఈ నెల 20వ తేదీ అమెజాన్‌ ప్రైమ్‌లో విడుదల చేయనున్నారు. ఈ సందర్భంగా చిత్ర నిర్మాతల్లో ఒకరైన కలైపులి ఎస్‌.థానుతో సాక్షితో శనివారం ముచ్చటించారు. తమిళంలో తాను నిర్మించిన అసురన్‌ చిత్రం ఘన విజయం సాధించిందన్నారు. తెలుగులో వెంకటేష్‌ హీరోగా నారప్ప పేరుతో రీమేక్‌ చేయడం సంతోషంగా ఉందన్నారు. ‘ఈ చిత్రాన్ని ఓటీటీలో విడుదల చేయడానికి కారణం ఏంటని చాలామంది అడుగుతున్నారు. నిజానికి నా చిత్రాలను థియేటర్లలో విడుదల చేయడానికే ఇష్టపడుతుంటాను. నారప్ప చిత్రాన్ని కూడా మే 14న థియేటర్లలో విడుదల చేయాలని భావించాం. అయితే ప్రస్తుత కరోనా పరిస్థితుల్లో ఈ చిత్రాన్ని థియేటర్లలో విడుదల చేస్తే సేఫ్‌ అవుతామన్న గ్యారెంటీ లేదు. నేను ఇంతకు ముందు తమిళంలో నిర్మించిన కర్నన్‌ ఆ చిత్రానికి సుమారు రూ.10 నుంచి రూ.12 కోట్ల వరకు నష్టపోయాను. ఇవన్నీ దృష్టిలో పెట్టుకునే నారప్ప చిత్రాన్ని ఓటీటీలో విడుదల చేయాలని నిర్ణయించుకున్నా’నని కలైపులి ఎస్‌.థాను వివరించారు.

Narappa: విక్టరీ వెంకటేశ్‌ ప్రధాన పాత్రలో నటించిన చిత్రం ‘నారప్ప’. తమిళ మూవీ ‘అసురన్‌’కి తెలుగు రీమేక్‌ ఇది. శ్రీకాంత్‌ అడ్డాల దర్శకత్వం వహించిన ఈ చిత్రాన్ని సురేశ్‌ బాబు, కలైపులి ఎస్‌. థాను సంయుక్తంగా నిర్మించారు. ప్రియమణి హీరోయిన్‌గా నటిస్తోంది.మణి శర్మ సంగీతం అందించారు. జూలై 20న ఈ చిత్రం ప్రముఖ ఓటీటీ అమెజాన్‌ ప్రైమ్‌ వీడియోలో స్రీమింగ్‌ కానుంది. ప్రస్తుతం వెంకటేశ్‌ ‘నారప్ప’ ప్రమోషన్‌లో బిజీగా ఉన్నారు.  శనివారం ఆయన మీడియాతో మాట్లాడుతూ ‘నారప్ప’గురించి పలు ఆసక్తికర విషయాలను పంచుకున్నారు. అవేంటో చదివేయండి. మీ కెరీర్‌లోనే ఓటీటీలో రిలీజ్‌ అవుతున్న ఫస్ట్‌ సినిమా ‘నారప్ప’. దీనిపై మీ స్పందన ఏంటి? అవును ఎవరికైనా కొన్ని ఫస్ట్‌ థింగ్స్‌ ఉంటాయి. అలాగే ఇది కూడా నా లైఫ్‌లో మొదటి అనుకుంటాను. ‘నార్పప్ప’ఓటీటీలో విడదలఅవ్వడంపై మీ ఫ్యాన్స్‌ బాగా డిజప్పాయింట్‌ అయినట్టున్నారు? అవును. కానీ ప్రస్తుతం ఉన్న టైం వల్ల అలా జరిగింది. ఓటీటీలో విడుదల అవడం వల్ల కొంతమంది ఫాన్స్‌ హ్యాపీగా ఫీలైతే, మరికొంతమంది బాధపడుతున్నారు. కానీ టైం వల్ల ఇలా జరిగింది. అప్పటి నుంచి నన్ను కానీ, నా సినిమాలని కానీ ఆదరిస్తున్నవారందరికీ నారప్ప సినిమా రిలీజ్ పై చాలా సిన్సియర్ గా సారీ చెప్తున్నాను. ఈ ఒక్క విషయంలో అభిమానులు అర్ధం చేసుకుంటారని అనుకుంటున్నాను. అలాంటి ఫ్యాన్స్‌  నాకు దక్కడం నిజంగా అదృష్టంగా భావిస్తాను. అసురన్‌ రీమేక్‌ చేయడానికి మిమ్మల్ని కనెక్ట్‌ చేసిన అంశం ఏంటి? మొదటగా నేను ధనుష్‌కి కంగ్రాట్స్‌ చెప్పాలి. ఎందుకంటే ఇలాంటి అద్భుతమైన స్క్రిప్ట్ ని హార్డ్ హిట్టింగ్ ఎమోషన్స్ ఉన్న సినిమా ఇచ్చినందుకు. ఇది చూసిన వెంటనే నాకు చాలా నచ్చేసింది. నాకే ఛాలెంజింగ్ గా ఉంటుంది అనిపించింది.  అందుకే నా కెరీర్ రీమేక్ సినిమాలు ఎక్కువ కనిపిస్తాయి. అందరూ అదే అడుగుతారు ఎందుకు రీమేక్ సినిమాలు ఎక్కువ అని. నేనేమి కావాలని చెయ్యను అలా జరుగుతుంది అంతే. చంటి, సుందరకాండ లాంటి సూపర్‌ హిట్‌ సినిమాలు అన్ని రీమేక్‌ చిత్రాలే. అలా అని రీమేక్స్ చెయ్యడం అనేది చిన్న విషయం కూడా కాదు ఆల్రెడీ హిట్టయిన సినిమాని వారి బాడీ లాంగ్వేజ్ కి తగ్గట్టుగా మళ్ళీ హిట్టయ్యేలా చెయ్యడం అనేది చాలా రిస్క్ తో కూడుకుంది.  ‘నారప్ప’ మీకెంత ఛాలెంజింగ్ గా అనిపించింది? నిజంగా నారప్ప నాకు చాలా ఛాలెంజింగ్ క్యారెక్టర్‌. లుక్‌ కానీ, ఎమోషన్స్‌ కానీ, యాక్షన్‌ సీక్వెన్స్‌ కానీ అని ఛాలెంజింగ్‌గానే అనిపించాయి.  నేను అలాంటి యాక్టర్ ని కాదు కానీ ఈ సినిమాకి ఎందుకో అలా చేయాలనిపించింది. ఒక 50 రోజులు అదే ఓ కాస్ట్యూమ్ తో హోటల్ రూమ్ లో ఉన్నాను. చాలా కాలం తర్వాత ఇలాంటి సినిమా తీశాను.  ‘అసురన్’ లో ధనుష్ కి నారప్ప లో మీకు చాలా డిఫరెన్స్ ఉంటుంది దాన్ని ఎలా చూపించగలరు? ఏదైనా సరే ఫైనల్గా అతను ధనుష్, నేను వెంకటేష్. అతను కూడా అవుట్ స్టాండింగ్ జాబ్ ఇచ్చాడు. ఇక్కడ నారప్ప ఎమోషన్స్ ఏంటి అన్నది ముఖ్యం అది నేను చూపించాను అందుకే కదా అన్నా చాలా కష్టంగా ఈ రోల్ అనిపించింది అని. ఒరిజినల్ కి ‘నారప్ప’ కి కంపేరిజన్స్ ఏమన్నా ఉన్నాయా? ఖచ్చితంగా.. ఏ రీమేక్ సినిమాకి అయినా కంపేరిజన్ అనేది ఉంటుంది. నా సినిమాలు సుందరాకాండ, చంటి సినిమాల నుంచే చాలానే మార్పులు ఉంటాయి. అలాగే నారప్ప కి కూడా కావాల్సిన చేంజెస్ చాలానే చేశాం. అలాగే సినిమాలో అందరు యాక్టర్స్ కూడా చాలా బాగా చేసారు అది రేపు మీకు కనిపిస్తుంది. ముందు మీ యంగ్ రోల్ కి చాలా మంది యాక్టర్స్ పేర్లు వినిపించాయి, రానా చేస్తున్నాడని కూడా పుకార్లు వచ్చాయి? ఎలా చేస్తాడమ్మా ఇలాంటి వాటిలో? అలా ఏమి లేదు అవన్నీ జస్ట్ టాక్స్ మాత్రమే అవన్నీ ఎవరో అనడం మళ్ళీ మీరు నన్ను అడగడం. అలా ఏమి మేము అనుకోలేదు. మణిశర్మ గారి సంగీతం కోసం ఏమన్నా చెప్పండి? మణిశర్మతో నా మొదటి సినిమా నుంచి కూడా మంచి మ్యూజిక్ ఇస్తూనే ఉన్నాడు, అలాగే ఈ సినిమాకి కూడా మంచి స్కోర్ ఇచ్చాడు. గడిచిన కొన్నేళ్లలో కొత్త కథలు వస్తున్నాయి రీమేక్స్ అవసరం లేదు అన్నది కొందరి మాట.. ఎవరన్నారు? నా వరకు అయితే రాలేదు. మనం చేసేది ఏదైనా సరే కరెక్ట్ గా సిన్సియర్ గా చేసుకెళ్లిపోవాలని నేను అనుకుంటా. ఇప్పుడు నడుస్తున్న ఓటిటి డామినెన్స్ పై మీ అభిప్రాయం? టైం చాలా త్వరగా మారిపోయింది, సో ఇప్పుడు ఓటిటి హవా నడుస్తుంది. ఒకవేళ కరోనా కానీ తగ్గిపోతే మళ్ళీ ఖచ్చితంగా థియేటర్స్ అన్నీ తెరుచుకుని మొదటిలా మారుతుంది. ఇక ఈ సినిమా చూశాక మీకేం అనిపించింది? నాకు అయితే చాలా బాగా అనిపించింది. నా కెరీర్ లో ది బెస్ట్ ఈ సినిమాకి ఇచ్చా అనిపించింది. కొన్ని ఎమోషన్స్ అవన్నీ మీరు చూస్తారు. ఒక ఛాన్స్ వచ్చినప్పుడు దాన్ని ఖచ్చితంగా తీసుకోవాలి అలా తీసుకొనే నారప్ప ఫస్ట్ లుక్ రిలీజ్ చేసాక ఫ్యాన్స్ నుంచి ఫ్రెండ్స్ నుంచి అందరి నుంచి మంచి రెస్పాన్స్ వచ్చింది. అలాగే సినిమా కూడా ప్రతీ ఒక్కరికీ నచ్చుతుంది. వెంకటేశ్‌ బాబు స్క్రీన్‌ మీద కంటతడి పెడితే  ఆ సినిమా సూపర్‌ హిట్‌. నారప్పలో అలాంటి సీన్స్‌ ఉన్నాయా? ఎలా చేశారు? నాకు ఎమోషన్‌ సీన్స్‌ అలా వచ్చాయి. నా కెరీర్‌ బిగినింగ్‌లో ఏడిసే సీన్స్‌ వస్తే.. ఆపురా బాబూ అన్నారు. ధైర్యం ఉంటే కెమెరా ముందు ఏడవమన్నారు. తర్వాత ధర్మచక్రం సినిమాల్లో అమ్మాయి చనిపోయే సీన్‌లో నిజంగానే కెమెరా ముందు ఏడ్చేశాను. ఆ సీన్‌ బాగా పండింది. అప్పటి నుంచి అలా అలా.. వచ్చేశాయి. నారప్పలో కూడా ఏడిపించేశాను. సినిమా చూడండి.  వంద సినిమాలు చేస్తారా సర్‌? మన చేతుల్లో ఏమీ లేదు. నెంబర్లు ఆలోచించకూడదు. (నవ్వుతూ) కోవిడ్‌ వచ్చినప్పుడు అందరూ ఏం వద్దు అన్నారు. కట్‌ చేస్తే.. మళ్లీ అంత మాములే. మన పని మనం చేసుకుంటూ పోవాలి అంతే.  మూవీ ఆర్టిస్ట్స్‌ అసోసియేషన్‌(మా) అధ్యక్ష ఎన్నికల వివాదం గురించి? ఏదీ మన చేతుల్లో లేదు. ఏదైనా జరగొచ్చు. అందరికీ మంచి జరగాలని కోరుకుంటున్నా. ఎలక్షన్ల నేపథ్యంలో జరిగే విమర్శలు, మాటల తూటాలు శాశ్వతం కాదు

విక్టరీ వెంకటేశ్‌ ప్రధాన పాత్రలో నటిస్తున్న చిత్రం నారప్ప. తమిళ సూపర్‌ హిట్‌ మూవీ అసురన్‌కి రీమేక్‌గా తెరకెక్కిన ఈ చిత్రానికి  శ్రీకాంత్ అడ్డాల దర్శకత్వం వహించారు. సురేశ్‌ బాబు, కలైపులి ఎస్‌. థాను సంయుక్తంగా నిర్మించిన ఈ చిత్రం జులై 20న అమెజాన్‌ ప్రైమ్‌ ఓటీటీలో రిలీజ్‌ కానుంది. ఇప్పటికే విడదులైన నారప్ప ట్రైలర్‌ సినిమాపై భారీ అంచనాలను పెంచేసింది. తాజాగా ఈ చిత్రం నుంచి ‘ఓ నార‌ప్ప నువ్వంటే ఎంతో ఇట్టంగుంది నారప్ప..నిను సూడంగానే విప్పారిందోయ్ నారెప్ప’ అంటూ సాగే ఓ పాటను రిలీజ్‌ చేశారు.ఇందులో వెంకటేశ్‌ యువకుడిలా కనిపిస్తున్నారు. ఈ పాటకు అనంత శ్రీరామ్‌ లిరిక్స్‌ అందించగా, మణిశర్మ సంగీతం అందించారు. ఈ చిత్రంలో వెంకటేశ్‌ సరసన ప్రియమణి నటించారు. ప్రకాశ్‌రాజ్, మురళీశర్మ, కార్తిక్‌ రత్నం కీలకపాత్రలు పోషించారు.