TV
కబడ్డీ అసోసియేషన్‌ నూతన కార్యవర్గం
ఆదిలాబాద్‌: జిల్లా కబడ్డీ అసోసియేషన్‌ నూతన కార్యవర్గాన్ని శనివారం ఏకగ్రీవంగా ఎన్నుకున్నారు. జిల్లా కేంద్రంలోని ఇందిరా ప్రియదర్శిని స్టేడియంలో నిర్వహించిన సర్వసభ్య సమావేశంలో ఎన్నికలు నిర్వహించారు. అనంతరం నూతన కార్యవర్గం ఆధ్వర్యంలో జిల్లాలోని 14 మండలాలకు అధ్యక్ష, కార్యదర్శులను ఏకగ్రీవంగా ఎన్నుకున్నారు. అసోసియేషన్‌ చీఫ్‌ పాటర్న్‌గా ఎంపీ గోడం నగేశ్‌, చైర్మన్‌గా ఎమ్మెల్యే పాయల్‌ శంకర్‌, అధ్యక్షుడిగా ఉష్కం రఘుపతి, ప్రధాన కార్యదర్శిగా జాబాడే రాష్ట్రపాల్‌, కోశాధికారిగా సాయికుమార్‌ ఎన్నికయ్యారు. పరిశీలకులుగా రామచందర్‌, రజీయోద్ధీన్‌ వ్యవహరించారు. ఈ సందర్భంగా రఘుపతి మాట్లాడుతూ.. ఎంపీ, ఎమ్మెల్యేల సహకారంతో క్రీడాకారులకు సౌకర్యాల కల్పనతో పాటు మెరుగైన శిక్షణ అందించేలా కృషి చేస్తామన్నారు. ఇందులో జిల్లా గిరిజన క్రీడల అధికారి పార్థసారథి, ఒలింపిక్‌ అసోసియేషన్‌ అధ్యక్షుడు గోవర్ధన్‌రెడ్డి తదితరులు హాజరయ్యారు.
Comments
Please login to add a commentAdd a comment