విజయవాడకు కొత్త విమాన సర్వీసులు

విజయవాడకు కొత్త విమాన సర్వీసులు

గోపాలపట్నం (విశాఖ): విశాఖ నుంచి విజయవాడకు, విజయవాడ నుంచి విశాఖకు ఎయిరిండియా ఎక్స్‌ప్రెస్‌ విమానయాన సంస్థ ఈ నెల 27 నుంచి రెండు కొత్త సర్వీస్‌లను ప్రారంభించనుంది. అలాగే 29న విజయవాడ నుంచి విశాఖకు ఇదే సంస్థ మరో సర్వీస్‌ ప్రారంభించనుంది. ఇందులో ఓ సర్వీస్‌ వారం రోజులూ అందుబాటులో ఉంటుంది. ఇది విజయవాడ నుంచి విశాఖ కు ఉదయం 10.35 గంటలకు వచ్చి తిరిగి మధ్యాహ్నం ఒంటి గంటకు బయలుదేరుతుంది. మరో సర్వీస్‌ విజయవాడ నుంచి రాత్రి 8.55 గంటలకు విశాఖ చేరుకుని.. రాత్రి ఒంటి గంటకు తిరిగి విజయవాడ బయలుదేరుతుంది. ఇది సోమ, బుధ, శుక్ర, ఆది వారాల్లో అందుబాటులో ఉంటుంది. ఇదే విమానం 29వ తేదీ నుంచి రాత్రి 9 గంటలకు విశాఖ చేరుకుని తిరిగి రాత్రి ఒంటి గంటకు విజయవాడ బయలుదేరుతుంది. మంగళ, గురు, శని వారాల్లో ఈ సర్వీస్‌ అందుబాటులో ఉంటుందని విమానయాన సంస్థ ప్రతినిధులు వెల్లడించారు.