లక్ష్మమ్మ అమ్మవారి దర్శనానికి పోటెత్తిన భక్తులు

లక్ష్మమ్మ అమ్మవారి దర్శనానికి పోటెత్తిన భక్తులు

చోడవరం: మార్గశిర మాసం గురువారం చోడవరం శ్రీ లక్ష్మమ్మ అమ్మవారి ఆలయం భక్తులతో కిటకిటలాడింది. ఉదయం నుంచి కనకమహాలక్ష్మి అమ్మవారికి ప్రత్యేక పూజలు నిర్వహించారు. వందలాదిగా భక్తులు తరలిరావడంతో ప్రత్యేక క్యూలైన్ల ఏర్పాటు చేసి అమ్మవారి దర్శనం కల్పించారు. అమ్మవారిని వైఎస్సార్‌సీపీ రాష్ట్ర కార్యదర్శి ఏడువాక సత్యారావు దర్శించుకున్నారు. ఆలయ కమిటీ చైర్మన్‌ నున్న గోపాలం ఆధ్వర్యంలో కమిటీసభ్యులు భక్తులకు ఎటువంటి ఇబ్బందులు కలగకుండా ఏర్పాట్లు చేశారు. అమ్మవారికి ప్రత్యేక కుంకుమ పూజలు, క్షీరాభిషేకాలు చేశారు.