గంజాయి స్వాధీనం – ఒకరి అరెస్టు

గంజాయి స్వాధీనం – ఒకరి అరెస్టు

ఓబులవారిపల్లె : గంజాయి తరలిస్తున్న వ్యక్తిని అరెస్టు చేసినట్లు రైల్వేకోడూరు సీఐ వేంకటేశ్వర్లు తెలిపారు. పోలీసుల వివరాల మేరకు.. పక్కా సమాచారంతో మండలంలోని ఎల్లాయపల్లె ఎంపీడీఓ మల్‌రెడ్డి, రెవెన్యూ సిబ్బందితో కలిసి ఎస్‌ఐ మహేష్‌ ఎల్లాయపల్లె క్రాస్‌ రోడ్డు వద్ద బుధవారం తనిఖీలు నిర్వహించారు. ఎల్లాయపల్లె దళితవాడ సమీపంలోని మిరపతోటలో నరసయ్య గంజాయి పెంచి సంచిలో దాచి ఉంచారు. అతడిని అరెస్టు చేసి రూ.15 వేల విలువగల 750 గ్రాములు గంజాయి ప్యాకెట్లను స్వాధీనం చేసుకున్నారు. గ్రామాలలో ఎక్కడైనా గంజాయి విక్రయిస్తున్నట్లు సమాచారం ఉంటే తమకు సమాచారం ఇవ్వాలని సీఐ ప్రజలను కోరారు. ఈ కార్యక్రమంలో ఎస్‌ఐ మహేష్‌, ఉపేంద్ర, కార్తీక్‌, తదితరులు పాల్గొన్నారు.