ఒంటిమిట్ట రామయ్యను దర్శించుకున్న పీఠాధిపతి

ఒంటిమిట్ట రామయ్యను దర్శించుకున్న పీఠాధిపతి

ఒంటిమిట్ట : ఆంధ్రా భద్రాద్రిగా విరాజిల్లుతున్న ఒంటిమిట్ట శ్రీ కోదండరామస్వామి దేవాలయాన్ని బుధవారం బెంగళూరుకు చెందిన ఉత్తరాది మఠం పీఠాధిపతి సత్యాత్మ తీర్థ స్వామీజి దర్శించుకున్నారు. ఈ సందర్భంగా ఆయనకు ఆలయ మర్యాదలతో స్వాగతం పలికారు. ఆలయ అర్చకులు ఆయనను సత్కరించి స్వామివారి తీర్థప్రసాదాలను అందజేశారు.

కారు సహా రూ.5 లక్షల శ్రీగంధం స్వాధీనం

పీలేరు : కారుతోపాటు రూ. 5 లక్షల విలువైన శ్రీగంధం స్వాధీనం చేసుకున్నట్లు పీలేరు డీఎఫ్‌ఓ గురుప్రభాకర్‌ తెలిపారు. పులిచెర్ల మండలం కల్లూరు వద్ద మంగళవారం రాత్రి నుంచి ఫారెస్ట్‌ అధికారులు వాహనాల తనిఖీ చేపట్టారు. ఈ సందర్భంగా పీలేరు నుంచి చిత్తూరు వైపు వేగంగా వెళుతున్న కారును ఆపే ప్రయత్నం చేశారు. అయితే వాహనాన్ని వేగంగా తీసుకెళ్లి రోడ్డు పక్కన ఆపి డ్రైవర్‌ చీకటిలో పారిపోయాడు. వాహనాన్ని తనిఖీ చేయగా 43 కేజీల బరువుగల శ్రీగంధం ఉన్నట్లు గుర్తించి స్వాధీనం చేసుకున్నట్లు డీఎఫ్‌ఓ తెలిపారు. ఈ దాడిలో సిబ్బంది చంద్రశేఖర్‌, ప్రతాప్‌, నందీశ్వర్‌, సురేష్‌రాజు, సుబ్రమణ్యం, చరణ్‌, వంశీ తదితరులు పాల్గొన్నారు.

1/1

ఒంటిమిట్ట రామయ్యను దర్శించుకున్న పీఠాధిపతి