ప్రవచన సప్తాహ యజ్ఞం ప్రారంభం

ప్రవచన సప్తాహ యజ్ఞం ప్రారంభం

నగరంపాలెం(గుంటూరు వెస్ట్‌): స్థానిక బృందావన్‌గార్డెన్స్‌ వేంకటేశ్వరస్వామి ఆలయం అన్నమయ్య కళావేదికపై ముప్పవరపు కేశవరావు శత జయంత్యుత్సవం సందర్భంగా తొమ్మిది రోజులపాటు జరగనున్న శ్రీమద్రామాయణ ప్రవచన సప్తాహ యజ్ఞాన్ని గురువారం రాత్రి పండితుల వేదస్వస్తితో ప్రారంభించారు. ముప్పవరపు వెంకటసింహాచలశాస్త్రి ఆధ్వర్యంలో ఈ కార్యక్రమం నిర్వహించారు. తొలిరోజు రామాయణ నవాహ ప్రారంభకులు బాలకాండ మహాకవి డాక్టర్‌ మాడుగుల నాగఫణిశర్మ (హైదరాబాద్‌) ప్రవచించారు. కార్యక్రమంలో డైరెక్టర్‌ ఆఫ్‌ జ్యూడిషియల్‌ అకాడమి (అమరావతి) ఎ.హరిహరనాథశర్మ, ఆలయ కమిటీ అధ్యక్షులు సిహెచ్‌.మస్తానయ్య, ప్రధాన కార్యదర్శి బొర్రా ఉమామహేశ్వరరావు పాల్గొన్నారు.