హమాలీ బిడ్డకు మూడు ప్రభుత్వ ఉద్యోగాలు..

హమాలీ బిడ్డకు మూడు ప్రభుత్వ ఉద్యోగాలు..

దమ్మపేట: దమ్మపేట గ్రామానికి చెందిన భోగి సమ్మక్క వరుసగా మూడు ప్రభుత్వ ఉద్యోగాలను సాధించి పలువురి మన్ననలు అందుకుంటోంది. ఆమె తండ్రి భోగి సత్యం దమ్మపేట గిరిజన సహకార సంస్థలో హమాలీగా పనిచేస్తుండగా, తల్లి రమణ దమ్మపేటలో అంగన్‌వాడీ టీచర్‌గా విధులు నిర్వర్తిస్తోంది. ఉస్మానియా యూనివర్సిటీలో ఎంఏ(ఇంగ్లీష్‌) పూర్తి చేసిన సమ్మక్క గతంలోనే సివిల్‌ కానిస్టేబుల్‌గా ఉద్యోగం సాధించింది. ఇటీవల ప్రకటించిన గ్రూప్‌–4 ఫలితాల్లో జూనియర్‌ అసిస్టెంట్‌గా ఎంపికవడమే కాక గురువారం విడుదలైన జూనియర్‌ లెక్చరర్‌ ఫలితాల్లో ఇంగ్లిషు లెక్చరర్‌ ఉద్యోగం సాధించింది. అయితే, సివిల్స్‌ సాధించడమే లక్ష్యంగా తాను ముందుకెళ్తానని ఆమె తెలిపారు. వరుసగా మూడు ప్రభుత్వ ఉద్యోగాలను సాధించి ఆదర్శంగా నిలిచిన సమ్మక్కను పలువురు అభినందిస్తున్నారు.