రాష్ట్రస్థాయి పోటీలకు ఎంపిక

రాష్ట్రస్థాయి పోటీలకు ఎంపిక

అశ్వారావుపేటరూరల్‌: రాష్ట్రస్థాయి అథ్లెటిక్స్‌ పోటీలకు అశ్వారావుపేటలోని మహాత్మా జ్యోతిబాపూలే బీసీ గురుకుల పాఠశాలకు చెందిన ఐదుగురు విద్యార్థులు ఎంపికై నట్లు పీఈటీ వసంత్‌ శుక్రవారం తెలిపారు. ఈ నెల తొలి వారంలో ఉమ్మడి జిల్లాలోని ఎంజేపీటీ గురుకులాల విద్యార్థులకు బోనకల్లు మండలంలో అథ్లెటిక్స్‌, ఖో–ఖో, కబడ్డీ, వాలీబాల్‌ పోటీలు నిర్వహించగా, అశ్వారావుపేట గురుకుల పాఠశాలకు చెందిన విద్యార్థులు అండర్‌–17 విభాగంలో అశోక్‌, చరణ్‌తేజ్‌, హర్షానాయక్‌, రోహిత్‌, అండర్‌–14 విభాగంలో నాగచైతన్య విజేతలుగా నిలిచి రాష్ట్రస్థాయి పోటీలకు అర్హత పొందారని చెప్పారు. డిసెంబర్‌ 3వ తేదీ నుంచి 6వ తేదీ వరకు హైదరాబాద్‌లోని తురకపల్లి జ్యోతిస్మతి ఇంజనీరింగ్‌ కళాశాల క్రీడా మైదానంలో జరిగే రాష్ట్రస్థాయి పోటీల్లో పాల్గొంటారని పేర్కొన్నారు. విద్యార్థులను ప్రిన్సిపాల్‌తోపాటు సిబ్బంది, తోటి విద్యార్థులు అభినందించారు.