మారథాన్‌ పోటీల్లో తహసీల్దార్‌ ప్రతిభ

మారథాన్‌ పోటీల్లో తహసీల్దార్‌ ప్రతిభ

సూపర్‌బజార్‌(కొత్తగూడెం): కలెక్టరేట్‌లో ఎన్నికల విభాగం తహసీల్దార్‌ దారా ప్రసాద్‌ ఆదివారం ముంబైలో నిర్వహించిన మారథాన్‌ పోటీల్లో ప్రతిభ చాటారు. 42.195 కి.మీ. దూరాన్ని 5 గంటల 13 నిమిషాల 35 సెకన్లలో పూర్తిచేశారు. ఈ సందర్భంగా సోమవారం కలెక్టర్‌ జితేష్‌ వి పాటిల్‌ ప్రసాద్‌ను శాలువాతో సత్కరించి అభినందించారు. అనంతరం కలెక్టర్‌ మాట్లాడుతూ రెవెన్యూ ఉద్యోగులు శారీరకంగా, మానసికంగా దృఢంగా ఉండడం అవసరమని అన్నారు. ప్రసాద్‌ను స్ఫూర్తిగా తీసుకుని ఉద్యోగులు ఆ దిశగా ప్రయత్నం చేయాలని సూచించారు. అదనపు కలెక్టర్‌ డి.వేణుగోపాల్‌ కూడా ప్రసాద్‌ను అభినందించారు. కార్యక్రమంలో కలెక్టరేట్‌ ఏఓ రమాదేవి, ఎలక్షన్‌ సెల్‌ అధికారులు, ఉద్యోగులు రంగాప్రసాద్‌, శ్రీనివాసయాదవ్‌, సాయికృష్ణ, రామకృష్ణ, నవీన్‌, నజీర్‌, సంపత్‌ పాల్గొన్నారు.

అభినందించిన కలెక్టర్‌ పాటిల్‌