రాష్ట్ర స్థాయి కబడ్డీ పోటీల్లో విజేత చిత్తూరు

రాష్ట్ర స్థాయి కబడ్డీ పోటీల్లో విజేత చిత్తూరు

చౌడేపల్లె: అన్నమయ్య జిల్లా రాయచోటిలో స్కూల్‌ గేమ్స్‌ ఫెడరేషన్‌ నిర్వహించిన రాష్ట్ర స్థాయి అండర్‌–17 కబడ్డీ పోటీల్లో చిత్తూరు జిల్లా బాలికల జట్టు మొదటి స్థానం కై వసం చేసుకుని విజేతగా నిలిచింది. స్థానిక ఉన్నత పాఠశాల క్రీడామైదానంలో బుధవారం జిల్లా బాలికల కబడ్డీ జట్టుకు ప్రభుత్వం నుంచి రూ.25 వేల నగదు బహుమతితోపాటు మండల టీడీపీ అధ్యక్షుడు రమేష్‌రెడ్డి తనవంతుగా రూ.10 వేలను నగదు అందజేశారు. విజేత జట్టుతోపాటు 4వ స్థానంలో నిలిచిన జిల్లా బాలుర విభాగం జట్టు క్రీడాకారులను, ఉపాధ్యాయులను అభినందించారు. క్రీడల నిర్వహణకు, క్రీడాకారులకు తనవంతు సహకారం ఎప్పుడూ ఉంటుందని శిక్షణకు ఆర్థిక సాయం చేసిన చుక్కావారిపల్లె వాసి నవీన్‌బాబు తెలిపారు. కార్యక్రమంలో హెచ్‌ఎం నాగరాజరెడ్డి, ఫిజికల్‌ డైరెక్టర్‌ రాజేంద్ర పాల్గొన్నారు.