యోగాలో ట్రిపుల్‌ ఐటీ విద్యార్థి ప్రతిభ

యోగాలో ట్రిపుల్‌ ఐటీ విద్యార్థి ప్రతిభ

నూజివీడు: భువనేశ్వర్‌లోని కిట్‌ యూనివర్సిటీలో ఇటీవల జరిగిన జాతీయ స్థాయి అంతర్‌ విశ్వవిద్యాలయాల యోగాసన పోటీల్లో నూజివీడు ట్రిపుల్‌ ఐటీ విద్యార్థి ప్రతిభ కనబరిచాడు. రిథమిక్‌ యోగాలో ఇంజనీరింగ్‌ ఫస్టియర్‌ విద్యార్థి టి.దుర్గాప్రసాద్‌ తృతీయస్థానం సాధించి కాంస్య పతకాన్ని గెలుచుకున్నాడు. విద్యార్థిని డైరెక్టర్‌ ఆచార్య సండ్ర అమరేంద్రకుమార్‌, ఏఓ బి.లక్ష్మణరావు తదితరులు అభినందించారు.

ఐఆర్‌సీటీసీ మహా కుంభ పుణ్యక్షేత్ర యాత్ర

ఏలూరు (టూటౌన్‌): ఐఆర్‌సీటీసీ ఆధ్వర్యంలో జనవరి 19 నుంచి మహా కుంభ పుణ్యక్షేత్ర యాత్ర ప్రారంభించనున్నట్టు రైల్వే విజయవాడ ఏరియా మేనేజర్‌ ఎం.రాజా ప్రకటనలో తెలిపారు. సికింద్రాబాద్‌లో జనవరి 19న రైలు బయలుదేరి విజయవాడ, ఏలూరు, రాజమండ్రి, సామర్లకోట, తుని మీదుగా ప్రయాణిస్తుందని పేర్కొన్నారు. యాత్రలో భాగంగా వారణాశి, అయోధ్య, హనుమాన్‌ గర్హి, ఆరతి, ప్రయాగ్‌ రాజ్‌ వంటి క్షేత్రాలు సందర్శించవచ్చన్నారు. యాత్ర ఏడు రాత్రులు, ఎనిమిది పగళ్లు ఉంటుందని తెలిపారు. స్లీపర్‌ క్లాస్‌లో పెద్దలకు రూ.22,635, పిల్లలకు రూ.21,740 స్టాండర్ట్‌ క్లాస్‌ టికెట్‌ ధర పెద్దలకు రూ.31,145, పిల్లలకు రూ.30,095, కంఫర్ట్‌ క్లాస్‌ టికెట్‌ ధర పెద్దలకు రూ.38,195, పిల్లలకు రూ.36,935గా నిర్ణయించామని తెలి పారు. మరిన్ని వివరాలకు సెల్‌ 92814 95848, 8977314121 నంబర్లలో సంప్రదించాలని ఆయన కోరారు.