ఫిజికల్‌ పరీక్షల్లో 211 మంది ఎంపిక

ఫిజికల్‌ పరీక్షల్లో 211 మంది ఎంపిక

ఏలూరు టౌన్‌: ఏపీ పోలీస్‌ రిక్రూట్‌మెంట్‌ బోర్డు చేపట్టిన కానిస్టేబుళ్ల నియామక ప్రక్రియ మూడవ రోజు కొనసాగింది. గురువారం ఏలూరు పోలీస్‌ పరేడ్‌ గ్రౌండ్స్‌లో మూడవరోజు దేహదారుఢ్య పరీక్షలకు భారీ సంఖ్యలో అభ్యర్థులు హాజరయ్యారు. ఎస్పీ కొమ్మి ప్రతాప్‌ శివకిషోర్‌ ఉదయం నుంచీ గ్రౌండ్స్‌లోనే ఉంటూ పోటీలను పర్యవేక్షించారు. అభ్యర్థుల సర్టిఫికెట్లను పరిశీలించి వివరాలు ఆరా తీశారు. ఎంపికలకు ఉమ్మడి పశ్చిమగోదావరి జిల్లాల పరిధిలో 600 మంది పురుష అభ్యర్థులకు హాల్‌ టిక్కెట్లు జారీ చేయగా 346 మంది మాత్రమే హాజరయ్యారని, వారిలో 211 మంది ఎంపికై నట్లు ఎస్పీ శివకిషోర్‌ చెప్పారు. అభ్యర్థులు ఎంపిక పోటీలకు హాజరయ్యే సమయంలో తమ ఒరిజినల్‌, జిరాక్స్‌ సర్టిఫికెట్లతో రావాలని ఆయన తెలిపారు. ఏలూరు జిల్లా అదనపు ఎస్పీ నక్కా సూర్యచంద్రరావు, డీఎస్పీలు, సీఐలు, ఎస్సైలు పోటీ పరీక్షల నిర్వహణలో ఉన్నారు.

1/1

ఫిజికల్‌ పరీక్షల్లో 211 మంది ఎంపిక