కబడ్డీ జిల్లా మహిళా జట్టు ఎంపిక పోటీలు

కబడ్డీ జిల్లా మహిళా జట్టు ఎంపిక పోటీలు

కాశిబుగ్గ: కబడ్డీ సీనియర్స్‌ వరంగల్‌ జిల్లా మహిళా జట్టు ఎంపిక పోటీలు శనివారం ఓసిటీ స్టేడియంలో శనివారం నిర్వహించారు. జిల్లాలోని 13 మండలాల నుంచి హాజరైన 75 మంది క్రీడాకారులకు పోటీలు నిర్వహించి 16 మందిని ఎంపిక చేశామని కబడ్డీ అసోసియేషన్‌ జిల్లా అధ్యక్షుడు రాంరెడ్డి తెలిపారు. సోమవారం నుంచి రంగశాయిపేటలో ప్రత్యేక శిక్షణ ఇవ్వనున్నట్లు పేర్కొన్నారు. వారిలో 12 మందిని ఎంపిక చేసి డిసెంబర్‌ 7 నుంచి 10 వరకు హైదరాబాద్‌లో జరిగే రాష్ట్రస్థాయి మహిళా కబడ్డీ పోటీలకు జిల్లా జట్టుగా పంపించనున్నట్లు వివరించారు. కబడ్డీ అసోసియేషన్‌ జిల్లా కార్యదర్శి, కబడ్డీ అసోసియేషన్‌ రాష్ట్ర ఉపాధక్షుడు మహమ్మద్‌ అబ్దుల్లా ఖాన్‌, డీవైఎస్‌ఓ సత్యవాణి, అసోసియేషన్‌ చైర్మన్‌ పుల్లూరు శ్రీనివాస్‌గౌడ్‌, సంయుక్త కార్యదర్శి మల్లికార్జున్‌గౌడ్‌, అక్తర్‌పాషా, ముఖర్జీ, 13 మండలాల కబడ్డీ అసోసియేషన్‌ సభ్యులు, పీఈటీలు, కోచ్‌లు పాల్గొన్నారు.