ఉప్పల శ్రీనివాస్‌కు ‘యోగియోగ’ అవార్డు

అవార్డు అందుకుంటున్న ఉప్పల శ్రీనివాస్‌

సిరిసిల్ల కల్చరల్‌: పట్టణానికి చెందిన ప్రముఖ యోగాచార్యుడు ఉప్పల శ్రీనివాస్‌కు తమిళనాడుకు చెందిన సంస్థ ప్రత్యేక అవార్డు అందజేసింది. దశాబ్ద కాలంలో సుమారు 6 వేల మందికి యోగా సాధనలో శిక్షణనిస్తూ సేవలందిస్తున్నందున శ్రీయోగి యోగశ్రీ బిరుదును బహూకరిస్తున్నట్లు ఆ సంస్థ తరఫున అవార్డు అందించిన జిల్లా న్యాయమూరి ఎన్‌ ప్రేమలత తెలిపారు. బార్‌ అసోసియేషన్‌ ఆధ్వర్యంలో శుక్రవారం జరిగిన ప్రత్యేక కార్యక్రమంలో ఈ పురస్కారాన్ని అందుకున్నారు. వేసవి సెలవులను సద్వినియోగం చేస్తూ విద్యార్థుల్లో యోగాపై ఆసక్తిని పెంచడంతో పాటు జిల్లా, రాష్ట్ర, జాతీయస్థాయిలో ఆయా విద్యార్థులు రాణించేలా కృషి చేస్తున్నారు. ఈ సందర్భంగా శ్రీనివాస్‌ను ప్రేమలత అభినందించారు. కార్యక్రమంలో బార్‌ అసోసియేషన్‌ అధ్యక్షుడు కోడి లక్ష్మణ్‌, ప్రతినిధులు ఎస్‌.అనిల్‌కుమార్‌, ఏజీపీ రవీందర్‌, జక్కని వెంకట్రాజం, గంగాధర్‌, అల్లాడి శ్రీనివాస్‌, యాద రమేశ్‌, బిల్ల శ్రీకాంత్‌, శ్రీనివాస్‌, శ్రీదేవి, చంద్రకళ పాల్గొన్నారు.