భగవాన్‌ బీర్సా ముండాజీ సేవలు మరువలేనివి

భగవాన్‌ బీర్సా ముండాజీ సేవలు మరువలేనివి

జగిత్యాలరూరల్‌: స్వాతంత్య్ర పోరాటంలో భగవాన్‌ బీర్సా ముండాజీ సేవలు మరువలేనివని చైల్డ్‌లైన్‌ జిల్లా కో ఆర్డినేటర్‌ శ్రవన్‌ అన్నారు. శుక్రవారం జగిత్యాల రూరల్‌ మండలం లక్ష్మీపూర్‌లోని జ్యోతిబాపూలే బాలికల కళాశాలలో నెహ్రూ యువ కేంద్రం ఆధ్వర్యంలో భగవాన్‌ బీర్సా ముండాజీ జయంతి నిర్వహించారు. ఈ సందర్భంగా శ్రవన్‌ మాట్లాడుతూ, పెత్తందారుల రాజకీయంపై ఉద్యమించడంతో పాటు, భూసమస్యల నివారణకు చట్టాలు తేవాలని పోరాడారని, వారు మనకు ఎంతో స్ఫూర్తిదాయకమన్నారు. అనంతరం విద్యార్థినులకు డ్రాయింగ్‌, ఉపన్యాస పోటీలు నిర్వహించారు. గెలుపొందిన వారికి బహుమతులు అందజేశారు. ఇన్‌చార్జి ప్రిన్సిపాల్‌ మమత, సఖీ సెంటర్‌ వర్కర్‌ శారద, కై లాస్‌, సత్యర్థి చిల్డ్రన్‌ ఫౌండేషన్‌ కౌన్సిలర్‌ లత, ఎంఈవో గాయత్రి వలంటీర్లు మారం గణేశ్‌, యూత్‌ క్లబ్‌ సభ్యులు హరీశ్‌, అరవింద్‌, రాహుల్‌, అభి, శ్రీనాథ్‌ పాల్గొన్నారు.