తల్లులకు తనివితీరా మొక్కులు

తల్లులకు తనివితీరా మొక్కులు

సమ్మక్క గద్దె వద్ద భక్తుల రద్దీ

ఎస్‌ఎస్‌తాడ్వాయి/ వెంకటాపురం(ఎం): మేడారం సమ్మక్క, సారలమ్మను దర్శించుకునేందుకు ఆదివారం భక్తులు భారీగా తరలిచ్చారు. ఈ సందర్భంగా జంపన్నవాగు స్నానఘట్టాల వద్ద షెవర్‌ కింద స్నానాలు చేశారు. కల్యాణ కట్టలో పుట్టు వెంట్రుకలు సమర్పించారు. అమ్మవార్ల గద్దెల వద్ద కానుకలు సమర్పించి మొక్కులు చెల్లించుకున్నారు. అనంతరం పరిసరాల చెట్ల కింద వంటావార్పు చేసుకుని సహపంక్తి భోజనలు చేశారు. ఆదివారం సెలవు రోజు కావడంతో వివిధ ప్రైవేట్‌ పాఠశాలల విద్యార్థులు అమ్మవార్లను దర్శించుకున్నారు. కాగా, సుమారు ఐదు వేల మంది భక్తులు అమ్మవార్లను దర్శించుకున్నట్లు దేవాదాయశాఖ అధికారులు తెలిపారు. దేవాదాయశాఖ జూనియర్‌ అసిస్టెంట్లు జగదీశ్వర్‌, రఘుపతి పూజారులకు సేవలదించారు.

అమ్మవార్లను దర్శించుకున్న కలెక్టర్లు..

సమ్మక్క, సారలమ్మను భద్రాద్రి కొత్తగూడెం జిల్లా కలెక్టర్‌ జితేష్‌ వి. పాటిల్‌, ఆసిఫాబాద్‌ కలెక్టర్‌ వెంకటేశ్‌ దోత్రేలు కుటుంబ సతీసమేతంగా వేర్వేరుగా అమ్మవార్లను దర్శించుకున్నారు. కాగా, సంద్రాయ ప్రకారం పూజారుల సంఘం అధ్యక్షుడు సిద్ధబోయిన జగ్గారావు, పూజారులు డోలి వాయిద్యాలతో కలెక్టర్లను గద్దెలపైకి స్వాగతించారు. కార్యక్రమంలో పూజారులు కొక్కెర రమేశ్‌, కాక సారయ్య ఉన్నారు. అదే విధంగా ప్రపంచ ప్రసిద్ధి చెందిన రామప్ప దేవాలయాన్ని ఆసిఫాబాద్‌ కలెక్టర్‌ వెంకటేశ్‌ దోత్రే కుటుంబ సభ్యులతో కలిసి సందర్శించారు. రామప్ప రామలింగేశ్వరస్వామికి వారు పూజలు నిర్వహించారు. అనంతరం ఆలయ పూజారులు వారికి తీర్థప్రసాదాలు అందించి స్వామివారి శేషవస్త్రాలు బహుకరించారు. ఆలయ విశిష్టత గురించి గైడ్‌ విజయ్‌కుమార్‌ వివరించగా రామప్ప శిల్పకళ అద్భుతంగా ఉందని కొనియాడారు. అనంతరం సరస్సు కట్టకు చేరుకొని రామప్ప సరస్సులో బోటింగ్‌ చేశారు.

మేడారానికి భారీగా భక్తులు

సుమారు 5వేల మంది రాక

1/2

తల్లులకు తనివితీరా మొక్కులు

2/2

తల్లులకు తనివితీరా మొక్కులు