అభివృద్ధి ప్రణాళికలపై శిక్షణ

అభివృద్ధి ప్రణాళికలపై శిక్షణ

కాకినాడ సిటీ: పంచాయతీ అభివృద్ధి ప్రణాళిక తయారీ ప్రక్రియకు సంబంధించి జిల్లా స్థాయి శిక్షణ మంగళవారం జిల్లా పరిషత్‌ సమావేశ మందిరంలో నిర్వహించారు. ఈ శిక్షణకు జిల్లా స్థాయి అధికారులు, ఎంపీడీవోలు, ఈవోపీఆర్‌డీలు తదితరులు హాజరయ్యారు. ఈ శిక్షణ పొందిన అధికారులు ఈ నెల 12వ తేదీ నుంచి 16వ తేదీ వరకు మండలాల్లోని అధికారులకు, లైన్‌ డిపార్టుమెంట్‌ ఉద్యోగులకు శిక్షణ ఇస్తారని జిల్లా పంచాయతీ వనరుల కేంద్రం ప్రిన్సిపాల్‌ వీవీవీఎస్‌ లక్ష్మణరావు తెలిపారు. ఈ శిక్షణ ద్వారా సరైన అవగాహన లభిస్తేనే వచ్చే ఏడాదికి ప్రణాళిక సక్రమంగా తయారు చేసి అమలు చేయనున్నారు. లేకుంటే కేంద్ర ఆర్థిక సంఘం నుంచి రావల్సిన నిధుల విషయంలో వెనుకబడే ప్రమాదం ఉందన్నారు. ఈ శిక్షణ ప్రణాళిక తయారీ, అమలు, ఆడిట్‌ల ప్రాధాన్యం పరంగా ఇవ్వటం జరుగుతుందని ప్రిన్సిపల్‌ లక్ష్మణరావు వివరించారు. శిక్షణ పర్యవేక్షణకుకు రాష్ట్ర గ్రామీణాభివృద్ధి, పంచాయతీరాజ్‌ శిక్షణ సంస్థకు చెందిన అధికారులు, ప్రిన్సిపాల్‌, సామర్లకోట విస్తరణ కేంద్రం పరిశీలకుడు హాజరై పర్యవేక్షిస్తారన్నారు. ఈ శిక్షణలు ముఖ్యంగా గ్రామ, మండల, జిల్లా పరిషత్‌ స్థాయిలోని పంచాయతీలు 2025–26 సంవత్సరానికి తయారు చేయాల్సిన ప్రణాళికలను సమర్థవంతంగా తయారు చేసి, పంచాయతీల అభివృద్ధికి కావలసిన నిధుల విడుదలలో సమస్యలు రాకుండా చూసుకునేలా అవగాహన కల్పిస్తున్నట్లు తెలిపారు.