దుబాయ్‌లో మాదాపూర్‌ వాసి మృతి

దుబాయ్‌లో మాదాపూర్‌ వాసి మృతి

మాక్లూర్‌: బతుకుదెరువు కోసం దుబాయికి వెళ్లిన మండలంలోని మాదాపూర్‌కు చెందిన ఖాజామియా (55) అక్కడే గుండెపోటుతో మృతి చెందినట్లు కుటుంబ సభ్యులు మంగళవారం తెలిపారు. దుబాయిలో పనిచేస్తుండగా ఈనెల 17న ఖాజామియాకు గుండెపోటు వచ్చినట్లు తమకు ఫోన్‌ ద్వారా సమాచారం అందిందన్నారు. అధికారులు, ప్రజాప్రతినిధులు చొరవతీసుకుని ఖాజామియా మృతదేహాన్ని స్వగ్రామానికి రప్పించాలని కోరారు. మృతుడికి భార్య, ముగ్గురు కుమార్తెలు ఉన్నారు.

చేపలవేటకు వెళ్లి ..

మోర్తాడ్‌(బాల్కొండ): భీమ్‌గల్‌ మండలం బాబాపూర్‌ గ్రామానికి చెందిన మహ్మద్‌ ఇస్మాయిల్‌(33) అనే వ్యక్తి మంగళవారం గ్రామ సమీపంలోని కుంటలో చేపలు పట్టేందుకు వెళ్లి అందులో పడి మృతి చెందాడు. మృతుడి భార్య రుక్సానా బేగం ఫిర్యాదు మేరకు కేసు నమోదు చేసుకుని దర్యాప్తు చేస్తున్నట్లు పోలీసులు తెలిపారు. మృతుడికి భార్య, మూడేళ్ల కొడుకు ఉన్నారు.