ఇబ్బందులు లేకుండా చూడాలి

ఇబ్బందులు లేకుండా చూడాలి

● కలెక్టర్‌ ఆశిష్‌ సంగ్వాన్‌

దోమకొండ: రైతులకు ఎలాంటి ఇబ్బందులు లేకుండా కొనుగోలు కేంద్రాల వద్ద చర్యలు తీసుకోవాలని కలెక్టర్‌ ఆశిష్‌ సంగ్వాన్‌ సూచించారు. మంగళవారం అంచనూరులోని ధాన్యం కొనుగోలు కేంద్రాన్ని ఆయన పరిశీలించారు. ఈ సందర్భంగా ఆయన మాట్లాడుతూ ధాన్యం విక్రయించిన రైతుల వివరాలను ఎప్పటికప్పుడు ఆన్‌లైన్‌లో నమోదు చేయాలని సొసైటీ సీఈవో బాల్‌రెడ్డికి సూచించారు. అనంతరం గ్రామంలోని హెల్త్‌ సబ్‌సెంటర్‌ను సందర్శించారు. మెరుగైన సేవలు అందించాలని ఆరోగ్య సిబ్బందిని ఆదేశించారు. గ్రామంలో జరుగుతున్న సమగ్ర సర్వేను పరిశీలించారు. ప్రజలను ఇబ్బంది పెట్టకుండా సర్వే పూర్తి చేయాలని, కోడ్‌ల విషయంలో జాగ్రత్తలు తీసుకోవాలని సూచించారు. డాటా ఎంట్రీ సమయంలో ఎలాంటి పొరపాట్లు జరగకుండా చూడాలన్నారు. ఆయన వెంట తహసీల్దార్‌ సంజయ్‌రావ్‌, ఎంపీడీవో ప్రవీణ్‌కుమార్‌, మండల ప్రత్యేకాధికారి జ్యోతి, వివిధ శాఖల అధికారులున్నారు.

ప్రదర్శనలు ఇస్తున్న కళాకారులు

1/1

ఇబ్బందులు లేకుండా చూడాలి