కోతిరాంపూర్‌ రోడ్డును పరిశీలించిన కమిషనర్‌

కరీంనగర్‌ కార్పొరేషన్‌: పనులు సగంలోనే నిలిచి పోయిన కోతిరాంపూర్‌ నుంచి కట్టరాంపూర్‌ వెళ్లే రోడ్డును మంగళవారం నగరపాలకసంస్థ కమిషనర్‌ చాహత్‌ బాజ్‌పేయ్‌ పరిశీలించారు. గత సంవత్సరం రాష్ట్ర ముఖ్యమంత్రి హామీ పథకం నిధులతో చేపట్టిన ఈ రోడ్డు పనులను అర్ధాంతరంగా నిలిపివేయడం తెలిసిందే. దీనితో సంవత్సరకాలంగా ఈ ప్రాంతవాసులు పడుతున్న ఇబ్బందుల నేపథ్యంలో కమిషనర్‌ సందర్శించారు. త్వరలోనే పనులు పూర్తి చేస్తామని స్థానికులకు హామీ ఇచ్చారు. అనంతరం గిద్దెపెరుమాండ్ల స్వామి ఆలయం సమీపంలోని మైదానాన్ని, వాకింగ్‌ ట్రాక్‌ను పరిశీలించారు. కమిషనర్‌ వెంట డీఈ ఓం ప్రకాశ్‌ తదితరులు ఉన్నారు.