ఆర్టీసీ బస్సు– సిలిండర్ల లారీ ఢీ

ఆర్టీసీ బస్సు– సిలిండర్ల లారీ ఢీ

చింతామణి: కడప నుంచి బెంగళూరుకు వస్తున్న ఏపీఎస్‌ ఆర్టీసీ బస్సు– వంట గ్యాస్‌ సిలిండర్ల లారీ ఢీకొన్న ప్రమాదంలో 15 మంది గాయపడ్డారు. ఈ సంఘటన చింతామణి రూరల్‌ పోలీసు స్టేషన్‌ పరిధిలోని సంతకల్లహళ్లి క్రాస్‌ దగ్గర జరిగింది. వివరాలు, ఆదివారం మధ్యాహ్నం కడప నుంచి మదనపల్లి మీదుగా బెంగళూరుకు వెళుతున్న ఆర్టీసీ సూపర్‌ లగ్జరీ బస్సు, సంతకల్లహళ్లి క్రాస్‌ దగ్గర ఎదురుగా వస్తున్న సిలిండర్ల లారీ అదుపుతప్పి ఢీకొన్నాయి. తరువాత బస్సు రోడ్డు పక్కన ఉన్న తోటలోకి దూసుకెళ్లింది. లారీ ఓ వైపు బాగా ధ్వంసం కాగా, సిలిండర్లు ఎగిరి రోడ్డుపై చిందరవందరగా పడిపోయాయి. అదృష్టవశాత్తు పేలకపోవడంతో మరో ప్రమాదం తప్పినట్లయిందని ఆ ప్రాంతవాసులు ఊపిరిపీల్చుకొన్నారు. బస్సు డ్రైవర్‌కు తీవ్రగాయాలయ్యాయి. వెంకటేష్‌, నిత్య పూజ, అరుణమ్మ సహా బస్సులో 15 మంది ప్రయాణికులు గాయపడ్డారు. బాధితులు కడప, అన్నమయ్య జిల్లాలకు చెందినవారు. క్షతగాత్రులు చింతామణి ఆస్పత్రిలో చికిత్స పొందుతున్నారు. వారిలో ఇద్దరి పరిస్థితి ఆందోళనకరంగా ఉంది. లారీ డ్రైవర్‌ స్వల్పంగా గాయపడ్డాడు. ఘటనాస్థలాన్ని మంత్రి సుధాకర్‌, డీఎస్పీ మురళీదర్‌, సీఐ శివరాజ్‌ పోలీసులు పరిశీలించారు.

15 మందికి గాయాలు

చింతామణి వద్ద దుర్ఘటన

1/3

ఆర్టీసీ బస్సు– సిలిండర్ల లారీ ఢీ

2/3

ఆర్టీసీ బస్సు– సిలిండర్ల లారీ ఢీ

3/3

ఆర్టీసీ బస్సు– సిలిండర్ల లారీ ఢీ