మహిమ గల రాగి పాత్ర.. రూ. వందల కోట్లు!

మహిమ గల రాగి పాత్ర.. రూ. వందల కోట్లు!

బనశంకరి: పారిశ్రామికవేత్తను మోసగించిన ఐదుమంది వంచకులను మంగళవారం సీసీబీ పోలీసులు అరెస్ట్‌చేశారని నగర పోలీస్‌ కమిషనర్‌ బీ.దయానంద్‌ తెలిపారు. కేసు గురించి ఆయన విలేకరులకు వివరించారు. సుకీర్తి, ఇనాయత్‌వుల్లా, జాకీర్‌, ప్రతీక్‌, ఉమేశ్‌ అనే ఐదుమంది ముఠాగా ఏర్పడి శేషాద్రిపురంలో ఓ కంపెనీ యజమానిని పరిచయం చేసుకున్నారు. పురాతనమైన మహిమాన్విత రాగి పాత్ర మా వద్ద ఉంటే అమ్మేశాము, దాని వల్ల వందల కోట్ల రూపాయలు వచ్చాయి, అయితే ఆ డబ్బు ఆర్‌బీఐలో ఉంది, పన్ను కట్టి డ్రా చేసి నీకు వాటా ఇస్తామని నమ్మించారు. అలా రూ.37.50 లక్షలు వసూలు చేశారు. చివరకు మొండిచేయి చూపడంతో బాధితుడు పోలీసులకు ఫిర్యాదు చేశాడు. గాలింపు జరిపి నిందితులను అరెస్టు చేసి 2 కార్లు, 5 మొబైల్స్‌, 2 నకిలీ ఆర్‌బీఐ ఫైల్స్‌, రూ. లక్ష నగదును స్వాధీనం చేసుకున్నామని తెలిపారు.

సైకో రౌడీ కోసం గాలింపు

యశవంతపుర: బెంగళూరు ఇందిరానగరలో ఐదు మందిపై దాడి చేసి పరారైన రౌడీ కదంబ కోసం పోలీసులు గాలింపు చేపట్టారు. తూర్పు విభాగం డీసీపీ నేతృత్వంలో వెతుకుతున్నట్లు కమిషనర్‌ దయానంద తెలిపారు. ఈ నెల 8న రౌడీ కదంబ రాత్రి 9 గంటల నుంచి తెల్లవారుజామున మూడు గంటల మధ్య ఐదు మందిపై దాడి చేసి గాయపరిచి పరారయ్యాడు. ఒక బైకిస్టు, ఇద్దరు పానీపూరి వ్యాపారులు, ర్యాపిడో బైకిస్టు, సెక్యూరిటీ గార్డు బాధితుల్లో ఉన్నారు.

మోసకారి ముఠా అరెస్టు