TV
ఉత్సాహంగా వన సమారాధన
మొగల్రాజపురం(విజయవాడ తూర్పు): నగరంలోని ఇందిరాగాంధీ మున్సిపల్‌ స్టేడియంలో ఆవరణలో ఉన్న అమరావతి యోగా అండ్‌ ఏరోబిక్స్‌ అసోసియేషన్‌ ఆధ్వర్యాన కార్తిక వనసమారాధన ఆదివారం కొత్తూరు తాడేపల్లిలోని మామిడితోటలో సందడిగా జరిగింది.
తోటలో ఉన్న ఉసిరి చెట్టుకు మహిళలు పూజ చేశారు. మహిళలు, చిన్నారులు, పురుషులు సినిమా పాటలకు నృత్యాలు చేసి రోజంతా ఉత్సాహంగా గడిపారు. ఇటీవల పదవీ విరమణ చేసిన డెప్యూటీ కమీషనర్‌ ఆఫ్‌ పోలీస్‌(అడ్మిన్‌) టి.హరికృష్ణ దంపతులు, అమరావతి యోగా అండ్‌ ఏరోబిక్స్‌ అసోసియేషన్‌ వ్యవస్థాపక కార్యదర్శి మహ్మద్‌ ఇక్బాల్‌ దంపతులు, రిటైర్డ్‌ సబ్‌ఇన్‌స్పెక్టర్‌ కె.శేషారెడ్డి దంపతులను అసోసియేషన్‌ సభ్యులు సత్కరించారు. మహిళలు ర్యాంప్‌ వాక్‌ చేయడమే కాకుండా పలు సినిమా పాటలకు నృత్యాలు చేశారు. అసోసియేషన్‌ అధ్యక్షుడు డీవీ నాగేశ్వరరావు, కార్యదర్శి పీవీ రమణ, కోశాధికారి లావణ్యకుమార్‌, ఆర్గనైజింగ్‌ సెక్రటరీ గాంధీ, కొల్లి కృష్ణప్రసాద్‌, పి.ప్రశాంత్‌ తదితరులు పాల్గొన్నారు.
ఉత్సాహంగా వన సమారాధన
Comments
Please login to add a commentAdd a comment