TV
పాలిటెక్నిక్‌ విద్యార్థుల అపూర్వ కలయిక
గాంధీనగర్‌(విజయవాడసెంట్రల్‌): ప్రభుత్వ పాలిటెక్నిక్‌ కళాశాల 1971–74 ఎలక్ట్రికల్‌ ఇంజినీరింగ్‌ బ్యాచ్‌ పూర్వ విద్యార్థుల గోల్డెన్‌ జూబ్లీ సెలబ్రేషన్స్‌ ఆదివారం నగరంలోని ఐలాపురం హోటల్‌లో ఘనంగా నిర్వహించారు. ఆ బ్యాచ్‌కు చెందిన నీలకంఠేశ్వరరావు, పిట్టల సత్యనారాయణ, సత్యనారాయణ, ఎన్‌ఎస్‌సీ బోసు కొల్లి శివప్రసాద్‌ల ఆధ్వర్యంలో గోల్డెన్‌ జూబ్లీ సెలబ్రేషన్స్‌ జరిగాయి. వేడుకల్లో ఆ బ్యాచ్‌కు చెందిన ఇంజినీర్లు కుటుంబ సభ్యులతో కలిసి పాల్గొన్నారు. కుటుంబ సభ్యులను పరిచయం చేసుకున్నారు. ఈ సందర్భంగా సావనీర్‌ విడుదల చేశారు. కళాశాల రోజుల్లో వారిలో ఉన్న కళను నేడు వేదికపై ప్రదర్శించారు. ఆరుపదుల వయసు పైబడినా నవ యువకుల్లా స్టెప్పులు వేశారు. సరదాగా గడిపారు. కొందరు రిటైర్డ్‌ ఇంజినీర్లు తమ మనువళ్లు, మనవరాళ్లతో సెలబ్రేషన్స్‌లో పాల్గొన్నారు. వేడుకల్లో పాలిటెక్నిక్‌ కళాశాల ప్రస్తుత ప్రిన్సిపాల్‌ మోటూరి విజయసారథితోపాటు ఆనాటి ఫ్యాకల్టీ సభ్యులు పాల్గొన్నారు. ఈ సందర్భంగా పర్యావరణాన్ని కాపాడండి అని ముద్రించిన జ్యూట్‌ బ్యాగుల్లో జ్ఞాపికలు అందజేశారు.
Comments
Please login to add a commentAdd a comment