భారీగా కర్ణాటక మద్యం స్వాధీనం

భారీగా కర్ణాటక మద్యం స్వాధీనం

● ముగ్గురు నిందితులు అరెస్ట్‌

ఎమ్మిగనూరు రూరల్‌: ఎకై ్సజ్‌ పోలీసులు గురువారం భారీగా కర్ణాటక మద్యాన్ని స్వాధీనం చేసుకున్నారు. వివరాలను స్థానిక ఎకై ్సజ్‌ స్టేషన్‌ ఆవరణలో ఎకై ్సజ్‌ సీఐ రమేష్‌రెడ్డి విలేకరులకు వెల్లడించారు. నందవరం మండలం జగ్గాపురం క్రాస్‌ రోడ్డు వద్ద తెల్లవారుజామున ఎకై ్సజ్‌ ఎస్‌ఐ ఇస్మాయిల్‌ ఆధ్వర్యంలో పోలీసులు వాహనాలు తనిఖీ చేపట్టారు. జగ్గాపురం గ్రామానికి చెందిన బోయ హరికృష్ణ, బోయ నాగర్జున, బోయ రంగన్న రెండు బైక్‌లపై 15 బాక్సుల్లో కర్ణాటక మద్యం తరలిస్తున్నట్లు గుర్తించారు. నిందితులను అరెస్ట్‌ చేసి రూ.57,600 విలువ చేసే 1440 కర్ణాటక ఒరిజినల్‌ ఛాయిస్‌ టెట్రా ప్యాకెట్స్‌, రెండు బైక్‌లు స్వాధీనం చేసుకున్నారు. కాగా ఎకై ్సజ్‌ పోలీస్‌స్టేషన్‌లో నాగార్జున స్పృహతప్పి పడిపోవటంతో వెంటనే ప్రభుత్వాసుపత్రికి తరలించి చికిత్స చేయించారు.