25,26 తేదీల్లో బాల్‌ రంగ్‌ ఉత్సవాలు

కర్నూలు సిటీ: విద్యార్థినీ విద్యార్థుల్లో జాతీయ సమగ్రతను పెంపొందించడానికి ఈ నెల 25, 26 తేదీల్లో బాల్‌ రంగ్‌ ఉత్సవాలు నిర్వహిస్తున్నట్లు ప్రభుత్వ డైట్‌ కాలేజీ ఇన్‌చార్జ్‌ ప్రిన్సిపాల్‌ షంషుద్దీన్‌ గురువారం ఒక ప్రకటనలో తెలిపారు. ఇందులో జిల్లాలోని ప్రభుత్వ, జిల్లా పరిషత్‌, మండల పరిషత్‌, రెసిడెన్షియల్‌, ఏపీ మోడల్‌ స్కూల్‌, మున్సిపాలిటీ, కేజీబీవీ స్కూళ్లల్లో చదువుతూ 13 నుంచి 15 ఏళ్ల వయస్సు కలిగిన విద్యార్థులు పాల్గొనవచ్చునన్నారు. తప్పెటగుళ్లు, కర్రసాము, చెంచులపేట, థింసా, జాలరి, బంజారి వంటి జానపద కళారూపాల్లో పోటీలు జరుగుతాయన్నారు. గెలుపొందిన విద్యార్థులను రాష్ట్ర స్థాయి పోటీలకు ఎంపిక చేస్తామన్నారు. ఆసక్తి ఉన్న వారు రిజిస్ట్రేషన్‌, పూర్తి వివరాలకు డైట్‌ లెక్చరర్‌ సి.ప్రభాకర్‌ బాబు 8985126758ను సంప్రదించాలన్నారు.