వైభవంగా స్వాతి వేడుకలు

వైభవంగా స్వాతి వేడుకలు

ఆళ్లగడ్డ: శ్రీమద్‌ అహోబిలం క్షేత్ర పరిధిలో వెలసిన నవనారసింహ ఆలయాలు బుధవారం భక్త జనసంద్రంగా మారాయి. స్వామి జన్మనక్షత్రమైన స్వాతి వేడుకలను పురస్కరించుకుని దర్శించుకునేందుకు పెద్ద సంఖ్యలో భక్తులు తరలివచ్చారు. వేడుకల్లో భాగంగా దిగువ అహోబిలంలో ఏర్పాటు చేసిన యాగశాలలో ఉత్సవమూర్తులైన పావన లక్ష్మీనృసింహస్వామిని, సుదర్శనమూర్తులను దేవాలయం ప్రధాన ద్వారం ఎదురుగా యాగశాలలో కొలువుంచి పంచామృతాలతో అభిషేకించారు. నవకలశాలతో తిరుమంజనం నిర్వహించిన అనంతరం ఉత్సవమూర్తులను అలంకరించి భక్తులకు దర్శన భాగ్యం కల్పించారు. వేద పండితుల వేదమంత్రోచ్ఛారణల మధ్య స్వాతి, సుదర్శన హో మాలు వైభవోపేతంగా సాగాయి. పూర్ణాహుతితో కార్యక్రమాన్ని ముగించి భక్తులకు తీర్థ ప్రసాదాలు అందజేశారు. ప్రధానార్చకులు వేణుగోపాలన్‌ ఆధ్వర్యంలో ఈ పూజా కార్యక్రమాలు జరిగాయి.