దేహదారుఢ్య పరీక్షల్లో 280 మంది ఉత్తీర్ణత

దేహదారుఢ్య పరీక్షల్లో 280 మంది ఉత్తీర్ణత

కర్నూలు: కర్నూలు ఏపీఎస్పీ రెండవ పటాలం మైదానంలో పోలీసు అభ్యర్థుల దేహదారుఢ్య పరీక్షలు కొనసాగుతున్నాయి. పోలీసు నియామక ప్రక్రియలో భాగంగా ఉమ్మడి కర్నూలు జిల్లాకు సంబంధించి కానిస్టేబుల్‌ ఉద్యోగాల ప్రాథమిక రాత పరీక్షలో అర్హత సాధించిన అభ్యర్థులకు గురువారం 13వ రోజు 600 మంది అభ్యర్థులను ఆహ్వానించగా 411 మంది బయోమెట్రిక్‌ పరీక్షకు హాజరయ్యారు. వారి సర్టిఫికెట్‌ వెరిఫికేషన్‌ తర్వాత ఎత్తు, ఛాతీ చుట్టు కొలతలు వంటి ఫిజికల్‌ మెజర్‌మెంట్‌ టెస్టులు నిర్వహించారు. అందులో అర్హత సాధించిన వారికి ఫిజికల్‌ ఎఫీషియన్సీ టెస్టులు 1600 మీటర్ల పరుగు, 100 మీటర్ల పరుగు, లాంగ్‌జంప్‌ పరీక్షలు నిర్వహించారు. వాటిలో ప్రతిభ కనపరచి 280 మంది అభ్యర్థులు ప్రధాన పరీక్ష (మెయిన్స్‌)కు అర్హత సాధించారు. కార్యక్రమంలో జిల్లా ఇన్‌చార్జి ఎస్పీ ఆదిరాజ్‌ సింగ్‌ రాణాతో పాటు సదరన్‌ రీజియన్‌ హోంగార్డ్స్‌ కమాండెంట్‌ మహేష్‌ కుమార్‌, అడ్మిన్‌ అడిషనల్‌ ఎస్పీ హుసేన్‌ పీరా తదితరులు పాల్గొన్నారు.