రాష్ట్రపతి భవన్‌కు జిల్లా విద్యార్థులు

మహబూబాబాద్‌ అర్బన్‌: ఇన్‌స్పైర్‌ మానక్‌ 9వ జాతీయస్థాయి అవార్డుకు ఎంపికై న జిల్లాకు చెందిన విద్యార్థులు ఏప్రిల్‌ 10నుంచి 13వ తేదీ వరకు ఢిల్లీలోని రాష్ట్రపతి భవన్‌లో జరగనున్న ఫెస్టివల్‌ ఆఫ్‌ ఇన్నోవేషన్‌ అండ్‌ ఎంటర్‌ప్రెన్యూర్‌షిప్‌–2023 కార్యక్రమంలో పాల్గొంటారు. జిల్లా నుంచి నక్క భవాని, ఎడ్ల నాని హాజరుకానున్నారు. జాతీయస్థాయిలో ఎంపికై న 60 ఎగ్జిబిట్లలో తెలంగాణ నుంచి 8ప్రదర్శనలు ఉన్నాయి. ఇందులో జిల్లా నుంచి రెండు ఎగిబిట్లు ఎంపికయ్యాయి. కాగా విద్యార్థులను, గైడ్‌ టీచర్లను, వారి తల్లిదండ్రులను కలెక్టర్‌ శశాంక బుధవారం అభినందించి శుభాకాంక్షలు తెలిపారు. జిల్లాకు అంతర్జాతీయస్థాయిలో గుర్తింపు తీసుకురావాలని సూచించారు.

1/1

అవార్డుకు ఎంపికై న భవాని, నాని