తొర్రూరును ఆదర్శంగా తీర్చిదిద్దుతాం

తొర్రూరును ఆదర్శంగా తీర్చిదిద్దుతాం

తొర్రూరు: తొర్రూరు మున్సిపాలిటీని ఆదర్శంగా తీర్చిదిద్దుతామని పాలకుర్తి ఎమ్మెల్యే మామిడాల యశస్విని రెడ్డి అన్నారు. బుధవారం డివిజన్‌ కేంద్రంలోని ఆరో వార్డులో రూ.కోటి టీయూఎఫ్‌ఐడీసీ నిధులతో ఎస్సీ కమ్యూనిటీ హాల్‌ భవన నిర్మాణ పనులకు ఎమ్మెల్యే శంకుస్థాపన చేశారు. మున్సిపల్‌ చైర్మన్‌ మంగళపల్లి రామచంద్రయ్య అధ్యక్షతన నిర్వహించిన సమావేశంలో ఆమె మాట్లాడారు. తొర్రూరు మున్సిపాలిటీలో సందరీకరణ పనులు పూర్తి చేసి అందమైన పట్టణంగా తీర్చిదిద్దుతామని తెలిపారు. మినీ ట్యాంక్‌బండ్‌ పనుల పూర్తి చేస్తామని, మంచి నీటి సమస్య పరిష్కారానికి ఓవర్‌హెడ్‌ ట్యాంకు ఏర్పాటు చేస్తామన్నారు. రాష్ట్రంలోనే ఉత్తమ మున్సిపాలిటీగా తొర్రూరును తీర్చిదిద్దుతామన్నారు. నియోజకవర్గంలో పర్యటించి అన్ని సమస్యలు గుర్తిస్తున్నట్లు చెప్పారు. అవసరమైన పనులు గుర్తించేందుకు అధికారులతో సమావేశాలు ఏర్పాటు చేసి ప్రతిపాదనలు రూపొందిస్తున్నట్లు నియోజకవర్గానికి నిధుల కేటాయింపులో ప్రాధాన్యం ఇస్తామని సీఎం హామీ ఇచ్చారని తెలిపారు. కార్యక్రమంలో ఏఎంసీ చైర్మన్‌ హనుమాండ్ల తిరుపతి రెడ్డి, మున్సిపల్‌ వైస్‌ చైర్మన్‌ సురేందర్‌రెడ్డి, నాయకులు కేతిరెడ్డి నిరంజన్‌ రెడ్డి, విజయ్‌పాల్‌ రెడ్డి, మండల అధ్యక్షుడు సుంచు సంతోష్‌, సోమరాజశేఖర్‌, నర్సయ్య, నరేందర్‌రెడ్డి, బాపురెడ్డి, కౌన్సిలర్లు తదితరులు పాల్గొన్నారు.

పాలకుర్తి ఎమ్మెల్యే యశస్విని రెడ్డి