ఉత్సాహంగా దివ్యాంగుల క్రీడా పోటీలు

ఉత్సాహంగా దివ్యాంగుల క్రీడా పోటీలు

మహబూబ్‌నగర్‌ రూరల్‌: అంతర్జాతీయ దివ్యాంగుల దినోత్సవాన్ని పురస్కరించుకుని మహిళా, శిశు, దివ్యాంగులు, వయోవృద్ధుల సంక్షేమశాఖ ఆధ్వర్యంలో బుధవారం జిల్లా కేంద్రంలోని స్టేడియం గ్రౌండ్‌లో జిల్లా సంక్షేమశాఖ అధికారి జరీనాబేగం, డీఎంహెచ్‌ఓ డాక్టర్‌ కృష్ణ, జిల్లా స్పోర్ట్స్‌ అథారిటీ అధికారి శ్రీనివాస్‌, అదనపు జిల్లా రూరల్‌ అభివృద్ధి అధికారి జోజప్ప జెండా ఊపి దివ్యాంగుల క్రీడలను ప్రారంభించారు. పోటీల్లో అంధుల సీనియర్‌ విభాగంలో ఎండీ ఇలియాన షాట్‌పుట్‌, జూనియర్‌ విభాగంలో అంకిత, శివకుమార్‌, చెస్‌ విభాగంలో కార్తీక్‌, అజయ్‌కుమార్‌ విజేతలుగా నిలిచారు. శారీరక దివ్యాంగుల విభాగంలో సుగుణ, స్ఫూర్తి, షాట్‌పుట్‌లో నందు, క్యారమ్స్‌లో నందుకుమారి, రజియాబేగం, పారిజాత, చెస్‌ నందు విజేతలుగా నిలిచారు. పురుషుల విభాగంలో శేఖర్‌, ఎ.వెంకటేష్‌ గెలుపొందారు. బధిరుల విభాగంలో సి.సునీత, స్వరూప, లక్ష్మిప్రియ, సువర్ణ ప్రథమస్థానంలో నిలిచారు. క్రీడా పోటీలలో బ్రహ్మ మానసిక వికలాంగుల పాఠశాల విద్యార్థులు, సన్నిధి దివ్యాంగుల పాఠశాల విద్యార్థులు, అంధుల ఆశ్రమ పాఠశాల విద్యార్థులు ఉత్సాహంగా పాల్గొన్నారు.