తగ్గిన కూరగాయల సాగు

రామాయంపేటలో టమాటా పంట సాగు

● ఎండ ఎఫెక్ట్‌తో రాలిన కాత, పూత ● భారీగా పడిపోయిన దిగుబడి ● ఆకాశాన్నంటుతున్న ధరలు

కూరగాయల ధరలు

కిలో.. (రూపాయలలో)

టమాటా 120

పచ్చిమిర్చి 120

బిర్నీస్‌ 160

బీరకాయ 100

చిక్కుడు 100

దొండకాయ 100

కాకర 60

క్యాబేజీ 40

కాలీఫ్లవర్‌ 80

చామగడ్డ 60

బీట్‌రూట్‌ 60

మెదక్‌జోన్‌: ఏప్రిల్‌, మే నెలల్లో ఉష్ణోగ్రతల ప్రభావం కూరగాయల పంటలపై తీవ్రంగా పడింది. ఎండవేడికి కాత, పూత రాలి దిగుబడి తగ్గిందని ఉద్యానవన శాఖ అధికారులు చెబుతున్నారు. జిల్లాలో రోజుకు సుమారు 35 నుంచి 40 టన్నుల కూరగాయలు అవసరం కాగా కేవలం 5 టన్నులు మాత్రమే లభిస్తుండడంతో దిగుమతి చేసుకోవాల్సి వస్తోంది. దీంతో ధరలు పెరిగాయని మార్కెట్‌ నిపుణులు అంటున్నారు.

● జిల్లాలోని ఆయా మండలాల్లో సుమారు వేయి ఎకరాల్లో టమాటా, పచ్చిమిర్చితో పాటు ఇతర కూరగాయలు సాగయ్యాయి.

● వేసవిలో 44 డిగ్రీల ఉష్ణోగ్రతలు నమోదు కావడంతో కాత, పూత రాలిపోయాయని ఉద్యానవనశాఖ అధికారులు తెలిపారు.

● మార్కెట్‌లో పెరిగిన కూరగాయల ధరలు చూసి సామాన్య, మధ్య తరగతి ప్రజలు బెంబేలెత్తుతున్నారు.

● నలుగురు కుటుంబ సభ్యులు ఉన్న ఇంటికి వారం రోజులకు సరిపడా కూరగాయలు కొనాలంటే రూ.1,000 వెచ్చించాల్సి వస్తోంది.

● సుమారు వేయి ఎకరాల్లో పంటలు దెబ్బతినడంతో కూరగాయల కొరత ఏర్పడి ఇతర చోట్ల నుంచి దిగుమతి చేసుకోవాల్సి వస్తోంది.

● కూరగాయల సాగు పెంచేందుకు ప్రభుత్వం 90శాతం సబ్సిడీపై రైతులకు విత్తనాలను

అందిస్తోంది.

● గతేడాది జిల్లాలో 125 ఎకరాలకు సరిపడా నారుమడులను రైతులకు అందించారు.

● ఈసారి పన్నెండున్నర ఎకరాలకు మాత్రమే సరఫరా చేశారు. దీంతో కూరగాయల సాగు తగ్గడానికి ఇది కూడా ఓ కారణమైంది.

● జిల్లాలో 7,67,248 మంది జనాభాకు ప్రతీ రోజు 35 నుంచి 40 టన్నుల కూరగాయలు అవసరం ఉంటాయి.

● కాగా ప్రభుత్వం కూరగాయల సాగుకు ప్రోత్సాహకం నిలిపివేయడం, పర్యావరణ పరిస్థితుల కారణంగా దిగుబడిపై ప్రభావం పడుతోంది.

● అన్ని మండలాల్లో కలిపి కేవలం ఐదు టన్నుల కూరగాయలు పండుతున్నట్టు అధికారులు చెబుతున్నారు. ఈ లెక్కన సుమారు 30 టన్నుల కూరగాయలు అవసరం ఉంటాయి.

● ఇదే అదునుగా భావించిన వ్యాపారులు, దళారులు ధరలను భారీగా పెంచి అందినకాడికి దండుకుంటున్నారు.

1/1

మెదక్‌ మార్కెట్‌లో కూరగాయల విక్రయం