‘పాలమూరు’తోనే శాశ్వత పరిష్కారం..

మిషన్‌ భగీరథ పథకానికి నీటిని అందించే ఎల్లూరు రిజర్వాయర్‌లో నీటినిల్వ సామర్థ్యం కేవలం 0.36 టీఎంసీ మాత్రమే. మిషన్‌ భగీరథ ద్వారా రోజూ 0.02 టీఎంసీని తాగునీటి అవసరాల కోసం సరఫరా చేస్తున్నారు. ఎల్లూరు రిజర్వాయర్‌లో అధికంగా నీటినిల్వ చేసుకునే అవకాశం లేదు. గత ప్రభుత్వం పాలమూరు ఎత్తిపోతల పరిధిలోకి మిషన్‌ భగీరథను చేర్చింది. తాగునీటి అవసరాలకు 6 టీఎంసీల నీటిని నిల్వ ఉంచుకునేలా ప్రణాళికలు రూపొందించింది. అందులో భాగంగా 2023 డిసెంబర్‌లో నార్లాపూర్‌ రిజర్వాయర్‌లోని 2 టీఎంసీల నీటిని ఎత్తిపోశారు. 2024లోనూ మరో రెండు టీఎంసీల నీటిని ఎత్తిపోయాల్సి ఉంది. కానీ ఇప్పటివరకు ఎత్తిపోతలు జరగలేదు. పాలమూరు ఎత్తిపోతల పథకం వినియోగంలోకి వస్తే తాగునీటి సమస్యకు శాశ్వత పరిష్కారం లభిస్తుంది.