ఆగ్రహించిన పత్తి రైతులు

ఆగ్రహించిన పత్తి రైతులు

పెద్దఅడిశర్లపల్లి : సీసీఐ కేంద్రాల వద్ద తేమ పేరుతో పత్తి కొనుగోళ్లలో జాప్యం చేస్తున్నారని ఆగ్రహించిన రైతులు మంగళవారం కోదాడ–జడ్చర్ల జాతీయ రహదారిపై చిలకమర్రి స్టేజీ సమీపంలోని రాస్తారోకో చేశారు. ఈ సందర్భంగా పలువురు రైతులు మాట్లాడుతూ వ్యయ ప్రయాసలకోర్చి పత్తిని సీసీఐ కేంద్రాలకు తీసుకొస్తే రోజుల తరబడి నిరీక్షణ తప్పడం లేదన్నారు. పత్తి అమ్మేందుకయ్యే ఖర్యులు తడిసి మోపెడవుతున్నాయని ఆవేదన వ్యక్తం చేస్తున్నారు. విషయం తెలుసుకున్న పోలీసులు సంఘటనా స్థలానికి చేరుకుని సీసీఐ అధికారులు, మిల్లు యజమానులతో మాట్లాడి పత్తి కొనుగోలు చేయిస్తామని చెప్పడంతో రాస్తారోకో విరమించారు.

కోదాడ–జడ్చర్ల హైవేపై రాస్తారోకో