లక్ష్యం వైపు పరుగు

లక్ష్యం వైపు పరుగు

● పోలీసు దేహదారుఢ్య పరీక్షలకు 248 మంది ఎంపిక

కర్నూలు: పోలీసు కానిస్టేబుల్‌ ఉద్యోగం సాధించడమే లక్ష్యంగా అభ్యర్థులు కష్టపడుతున్నారు. ఏపీఎస్పీ రెండో పటాలం మైదానంలో పోలీసు అభ్యర్థుల దేహదారుఢ్య పరీక్షలు కొనసాగుతున్నాయి. పోలీసు నియామక ప్రక్రియలో భాగంగా ఉమ్మడి కర్నూలు జిల్లాకు సంబంధించి కానిస్టేబుల్‌ ఉద్యోగాల ప్రాథమిక రాత పరీక్షలో అర్హత సాధించిన అభ్యర్థులకు సోమవారం పదో రోజు 600 మందిని ఆహ్వానించగా 362 మంది బయోమెట్రిక్‌ పరీక్షకు హాజరయ్యారు. వారి సర్టిఫికెట్‌ వెరిఫికేషన్‌ తర్వాత ఎత్తు, ఛాతీ చుట్టు కొలతలు వంటి ఫిజికల్‌ మెజర్‌మెంట్‌ టెస్టులు నిర్వహించారు. అందులో అర్హత సాధించిన వారికి ఫిజికల్‌ ఎఫీషియన్సీ టెస్టులు నిర్వహించారు. ఇందులో 248 మంది అభ్యర్థులు ప్రతిభ కనబర్చి ప్రధాన పరీక్ష కు అర్హత సాధించారు. ఏదైనా సమస్యలపై ఇతర కారణాలతో అప్పీల్‌ చేసుకున్న అభ్యర్థులు ఈనెల 28వ తేదీన హాజరుకావాలని పోలీసు అధికారులు సూచించారు. ఫిబ్రవరి 1వ తేదీ వరకు సెలవు దినాలు మినహా పోలీసు అభ్యర్థులకు దేహదారుఢ్య పరీక్షలు కొనసాగనున్నాయి. కార్యక్రమంలో ఎస్పీ బిందు మాధవ్‌, సదరన్‌ రీజియన్‌ హోంగార్డ్స్‌ కమాండెంట్‌ మహేష్‌ కుమార్‌ పాల్గొన్నారు.